25 საინტერესო და უცნაური ფაქტი იტალიაზე
25 საინტერესო და უცნაური ფაქტი იტალიაზე
16-03-2016
იტალია საოცარი ქვეყანაა, სადაც ერთხელ მოგზაურობის შემდეგ კვლავ დაბრუნების სურვილი მუდმივად გიჩნდება. აპენინის ნახევარკუნძულის მარგალიტი განთქმულია როგორც ულამაზესი ქალაქებით, ასევე მდიდარი ისტორიით, უგემრიელესი სამზარეულოთი, მოდური ტანსაცმელითა და უმაღლესი ხარისხის ღვინით. თუმცა, ცნობილი ფაქტების გარდა, იტალია აღსავსეა საოცარი და უცნაური სიურპრიზებით.









იტალიის შიდა მოხმარების პროდუქტის 7% მიღებულია მაფიის წყალობით. ამასთან, სიცილიის, კალაბრიისა და კამპანიის ბიზნესების 80% გადასახადებს უხდის მაფიას.
.

ამის მიუხედავად (ან შესაძლოა, წყალობითაც) იტალია მსოფლიოში ფინანსური და მრეწველობის განვითარებით მე-8 ადგილზეა.

იტალიაში ზოგიერთი პატრული Lamborghini Gallardo-თი გადაადგილდება.


ვენეციის მშენებლობის დროს სხვადასხვაგვარი ნაგებობის საძირკველის გასამყარებლად ჩაჭედებულ იქნა რუსული ლარიქსი, რომელიც წყალში თითქმის არ ლპება.


ნამდვილ იტალიურ პიცას შეშის ღუმელში აცხობენ. მსოფლიოში პირველი პიცერია Antica Pizzeria Port’Alba ნეაპოლში 1830 წელს გაიხსნა.


იტალიას ყოველწლიურად 40 მლნ ადამიანი სტუმრობს, მსოფლიოს ტურისტების რაოდენობით იგი მე-4 ადგილზეა.


პომიდვრის კულტურა წარმოშობით ამერიკიდანაა და იტალიაში მხოლოდ 1500-წლებში მოხვდა.


1088 წელს დაარსებული ბოლონიის უნივერსიტეტი უძველესია მსოფლიოში დღესდღეობით მოქმედ უნივერსიტეტებს შორის.


ტბა რეშენზეედან კოშკი აღიმართება – ერთადერთი, რაც ჩაძირული სოფლიდან დარჩა.


საუკეთესო რესტორნებზე ხშირად აბრა არ არის გამოკრული. ასეთ რესტორანში მოხვედრა მხოლოდ რეკომენდაციით შეიძლება. საერთოდ, იტალიაში რეკომენდაციას დიდ ყურადღებას აქცევენ, თუნდაც მხოლოდ და მხოლოდ თმის შეჭრა გსურდეთ. ”არავისგან” მისვლა ექიმთან ან პარიკმახერთან, უცნაურად მიიჩნევა.


იტალიაში ფეხბურთის ფანებს ”ტიფოზის” (სიტყვა ტიფისგან) უწოდებენ, რადგან თვლიან, რომ საფეხბურთო ფანატიზმი დაავადებაა.


იტალიაში იუნესკოს მსოფლიო მემკვიდრეობის ყველაზე მეტი – 50 ობიექტია.


იტალია ღვინის უმსხვილესი მწარმოებელი

ქვეყანაა.


ჩვენს წელთაღრიცხვამდე 301 წელს დაარსებული სახელმწიფო სან-მარინო მსოფლიოს უძველესი რესპუბლიკაა, ყველა მხრიდან იტალიით გარშემორტყმული. ამასთან, სან-მარინოს, უძველესი – 1600 წელს დაწერილი კონსტიტუცია აქვს.


რომში კატის მოკვლისთვის 10 000 ევროს ოდენობის ჯარიმა და 3-წლიანი პატიმრობაა დაწესებული. ქალაქის ქუჩებში დაახლოებით 300 000 უსახლ-კარო კატა ბინადრობს.


WhatsApp განქორწინების საქმეების თითქმის 50%-ში ფიგურირებს.


ორიგინალური ქანდაკება ”ქრისტე ფსკერიდან” სიცილიაში, პალერმო ადაურას სანაპიროზე, ზღვის ფსკერზეა აღმართული.


იტალიელების მიერ ჟესტების ენის აქტიური გამოყეება უკავშირდება იმას, რომ სხვადასხვა რეგიონების მაცხოვრებლებს განსხვავებული დიალექტების გამო ერთმანეთის ხშირად არ ესმით.


ფერარი იტალიური გვარია, რომელიც ქვეყანაში ისევე ხშირად გხვდება, როგორც, მაგალითად, ინგლისში სმიტი.


ყველაზე ცნობილი იტალიური დესერტი ტირამისუ XVII საუკუნეში შეიქმნა. სიტყვები tira mi su პირდაპირი მნიშვნელობით ნიშნავს ”მაბედნიერებს”. მიზეზი – მატონიზირებელი ინგრედიენტები – ყავა და კაკაო.


ვატიკანი ერთადერთი სახელმწიფოა, რომელსაც ღამით თავისი კარების ჩაკეტვის უფლება აქვს.


რომის უნივერსიტეტში 150 000 სტუდენტი სწავლობს, ის ევროპის უმსხვილეს სასწავლებლად ითვლება.


დიდი იტალიური ოჯახი დღესდღეობით მხოლოდ და მხოლოდ მითია – ევროპის ქვეყნებს შორის იტალიაში შობადობის ყველაზე დაბალი მაჩვენებელია. ამასთან, ერთადერთი შვილი ხშირად მშობლებთან 30 წლამდე ცხოვრობს.


ქვეყნის ტერიტორიაზე სამი მოქმედი ვულკანია – ვეზუვი, ეტნა და სტრომბოლი.


საშუალოსტატისტიკური იტალიელი წელიწადში 30 კილოგრამ მაკარონის ნაწარმს მიირთმევს. იტალიაში პასტის 150-მდე სახეობა არსებობს.

nino
19 მარტი 2016 14:10
ძალიან მიყვარს თქვენი რუბრიკები. ყოველთვის სიყვარულით ვკითხულობ და გულში მადლობას გეუბნებით მიუხედავად, იმისა რომ კომენტარს პირველად ვწერ. მინდა რომ ასეთ მშვიდ და ლამაზ სამყაროში ვცხოვრობდეთ, რომელზეც თქვენ წერთ ხოლმე. აღარ მინდა დაძაბული ქვეყანა.
neli
18 მარტი 2016 18:58
კარგი ახლა, ნუ უტევთ სიტყვებზე ავტორს.
მასაც ეცოდინება "ტირამისუს" ისტორია და სახელის დარქმევის ეპიზოდი.
თუ "მაბედნიერებს" დაწერა, ნაწარმი ახლოსაა ბედნიერ ღიმილთან და იმიტომ.

დედოფალმა მედიჩიმ, რომელიც რაღაც მარცხის გამო უგუნებოდ იყო, გზად შეჩერებისას შეფ-მზარეულს მიმართა, "რაღაც ისეთი მომართვი, ამამაღლოსო(გუნება იგულისხმა).
ჰოდა, ჩანს მართლა აუმაღლა გუნება ნაწარმმა, რომელსაც დაერქვა ტირა(აწევა), მი (მე), სუ(მაღლა).
კაკაო, ყავა, კვერცხი, მასკარპონე,-აუმაღლდებოდა გუნება, აბა არა? :))
ზედაც კაკლეული თუ ახლდა, იფ იფ :)))

ნაყინი აქვთ უამრავი სახის. არჩევანი გაგიჭირდება. :)))

კარგი ქვეყანაა ნამდვილად. კოლორიტული.
დიდ მოედნებზე, სადაც ტურისტების სიმრავლეა, მხატვრები იმყოფებიან და სწრაფი პორტრეტის დახატვას გთავაზობენ.
იქნებ, ჩვენშიც შემოვიდეს ეს ტრადიცია, რომელიც უშემოსავლო მხატვრებს რაღაც შემოსავალს გაუჩენდა?!






სხვა სიახლეები
ლი იუჰონგმა 4 წლის ასაკში საშინელი ავტოავარიის შედეგად 2-ვე ფეხი დაკარგა. 8 წლისამ გადაადგილება ისწავლა ხის ტაბურეტის დახმარებით, რომელსაც ხელებით ეყრდნობოდა. ამჟამად ლი 37 წლისაა და აგერ უკვე 15 წელია, თანასოფლელების ჯანმრთელობაზე ზრუნავს.

 

დაწვრილებით...
ჩვენს საუკუნეში ენერგიის ალტერნატიული წყაროები სულ უფრო პოპულარული ხდება. ინოვაციური ტექნოლოგიების დანერგვის მხრივ სანიმუშო ქალაქად შეგვიძლია დავასახელოთ სევილია – სამხრეთ ესპანეთის ფინანსური და კულტურული ცენტრი. აქ მსოფლიოში პირველად აიგო კომერციული მზის ელექტროსადგური.
დაწვრილებით...

60-იანი წლები, სექსუალური რევოლუცია, შორეული სამხრეთ აფრიკა, აპარტეიდის რეჟიმი… ეს ფოტოები კეიპტაუნის  ღამის კლუბებშია გადაღებული.

მოქმედების მთავარი ადგილი – კლუბი ”კატაკომბები” – დღისით საპარიკმახერო შინაური ცხოველებისთვის, ღამით კი ერთ-ერთი ყველაზე პოპულარული და ხალხმრავალი გასართობი ადგილი.

დაწვრილებით...
სიტყვა ”პაპარაცი” ლექსიკაში მას შემდეგ დამკვიდრდა, როცა 1960 წელს ფედერიკო ფელინის Dolce Vita გამოვიდა ეკრანებზე. პაპარაცო -ასე ერქვა ფოტორეპორტიორს, მთავარი გმირის მეგობარს.
დაწვრილებით...
ფოტოგრაფი კურტ ჰატონი გერმანიაში 1893 წელს დაიბადა. მისი კარიერა სააგენტოში Dephot დაიწყო, 41 წლისა კი ინგლისში გადავიდა საცხოვრებლად და გამომცემლობაში Weekly Illustrated მოეწყო სამუშაოდ. სწორედ ინგლისში გახდა ჰატონი ყოველკვირეული ჟურნალის Picture Post ერთ-ერთი დამფუძნებელი. ჟურნალი ფოტოგრაფის ნამუშევრებს აქვეყნებდა, რომლებიც მოგვიანებით საკულტო გახდა.
დაწვრილებით...
71 წლის პენსიონერი ქვისმთლელი ჟოაო პერეირა, რომელიც ამჟამად თევზჭერით ირჩენს თავს, უკვე მეხუთე წელია, ივნისის დადგომას ელოდება, მიდის რიო-დე-ჟანეიროს მახლობლად მდებარე სანაპიროზე, ჯდება ქვიშაზე და ელოდება, როდის გამოჩნდება მისი პინგვინი დინ-დიმი.
დაწვრილებით...
მოლდოვის რესპუბლიკა ევროპის ერთ-ერთი უღარიბესი ქვეყანაა. მილიონამდე მოლდოველი საზღვარგარეთ სამუშაოდ არის წასული. ყოველწლიურად მიგრანტები სამშობლოში 1,6 მილიარდამდე დოლარს აგზავნიან. ფოტოგრაფი მირიამ მელონის პროექტი მოლდოვის ”სოციალურ ობლებს” მიეძღვნა – ბავშვებს, რომელთა მშობლები ლუკმა პურის საშოვნელად სხვა ქვეყნებში არიან გადახვეწილი.
დაწვრილებით...
თითოეულ ქვეყანას ორი მხარე აქვს: ღია ბარათებზე სარეკლამოდ აღბეჭდილი და ცოცხალი, რომლითაც იგებ, თუ როგორია ის სინამდვილეში.
დააკვირდე ქვეყნის ყოველდღიურ მრავალფეროვან ცხოვრებას, დააგემოვნო ის, რითაც ადგილობრივები იკვებებიან, უბრალოდ შეიგრძნო სურნელი და ეროვნული კოლორიტი – ეს ყველაფერი დღესდღეობით ძალზედ მოდური აგროტურიზმის საშუალებით არის შესაძლებელი.
დაწვრილებით...
იტალიელი მხატვრის ამადეო მოდილიანის ხსოვნა მის უცნაურ მეტსახელში მოდი (ფრ. maudit - “დაწყევლილი) შემოინახა, რომელიც ერთდროულიც კნინობით-მოფერებითიცაა და წინასწარმეტყველურიც. ყველაფერი, რაც მოდილიანის წილად ხვდა თავისი ტრაგიკული აღსასრულის შემდეგ, მას ცხოვრებაში აკლდა: წარმატება, დიდება, კრიტიკოსების ქება… ვეცდებით, მოვყვეთ მხატვრის ისტორია, რომლის ბიოგრაფიის ბოლო ფურცელი ნაადრევმა და ტრაგიკულმა გარდაცვალებამ დაასრულა.
დაწვრილებით...
”ბევრად ძლიერი გავხდი, შვილები გავზარდე და ცხოვრების უმძიმესი პერიოდები გავიარე. ახლა იმაზე ბედნიერი ვარ, ვიდრე ოდესმე წარმოვიდგენდი”, – ამბობს ტინა ტერნერი. 20 წელიწადზე მეტია, როკ-ნ-როლის დედოფალი შვეიცარიაში ცხოვრობს, ტკბება მეუღლესთან, ერვინ ბახთან თანაცხოვრებით და სცენაზე მხოლოდ საკუთარი სიამოვნებისთვის გამოდის. თუმცა ტინას ცხოვრება ყოველთვის ასეთი უდარდელი როდი იყო.
დაწვრილებით...
იყიდება უცხოვრებელი ბინა ახალაშენებულ კორპუსში
იყიდება 42 კვ.მ. ახალი გარემონტებული
ქირავდება 60 კვ.მ. 2
ქირავდება 1,5 ოთახიანი ბინა დღიურად,
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები