ქუვეითი - ქვეყანა, სადაც მინიმალური პენსია - 3 000, ექიმისა და მასწავლებლის ხელფასი კი 15 000 დოლარია
ქუვეითი - ქვეყანა, სადაც მინიმალური პენსია - 3 000, ექიმისა და მასწავლებლის ხელფასი კი 15 000 დოლარია
ქუვეითი მსოფლიოს ერთ-ერთი უმდიდრესი ქვეყანაა. ეს პატარა ქვეყანა, ფაქტობრივად, ნავთობში ცურავს.
ქუვეითი უზარმაზარი სავაჭრო ცენტრია შუა უდაბნოში, სადაც მდიდარი ქუვეითელები სეირნობენ, თითოეულ მათგანს კი ორი ღარიბი ემიგრანტი ემსახურება.

 


ქუვეითელების 80% დასაქმებულია სახელმწიფო სამსახურში, დანარჩენები კი კომერციულ კომპანიებში, სადაც უზარმაზარი ხელფასები ენიშნებათ.
ყველა უცხოური კომპანია, რომელიც ქუვეითში მუშაობს, კანონის მიხედვით ვალდებულია, სამსახურში ადგილობრივი მიიღოს და მაღალი ხელფასი დაუნიშნოს.


მაგალითისთვის: ქუვეითელი ქარხანაში მუშად აიყვანეს, დაუნიშნეს ხელფასი 10 000 დოლარი, თუმცა, მის ნაცვლად ინდოელი ”მონა” დღე და ღამეს ასწორებს მინიმალური ანაზღაურების სანაცვლოდ. თავად ქუვეითელი სამსახურშიც არ ცხადდება, მისი დათხოვნა კი შეუძლებელია. მეტიც, როდესაც რაიმე დოკუმენტზეა ხელი მოსაწერი, ხელმძღვანელობა მოწიწებით ურეკავს, დაგვდეთ პატივი, იქნებ მობრძანდეთ და ხელი მოაწეროთო, რაზეც ქუვეითელი მშვიდად პასუხობს: ”ეს თქვენ გჭირდებათ და აქეთ მომაკითხეთ”.


კანონებიც ”გადასარევი” აქვთ. ქუვეითის სასამართლომ ადგილობრივს 5 წელი მიუსაჯა მიკრობლოგ Twitter-ში ქუვეითის ემირის გაკრიტიკებისთვის.

 

2


ქვეყანაში ალკოჰოლი აკრძალულია. თუ იგი საზღვარზე გიპოვეს, თავისუფლად გაგაბრუნებენ უკან.

ტურიზმი განვითარებული არ არის. ტურისტული ვიზის მიღება შეუძლებელია. ზამთარში ძლიერი ცივი ქარი ქრის, ზაფხულში კი ტეპმერატურა +50-ს აღწევს. ამას ემატება ალკოჰოლის აკრძალვა და დაბინძურებული ზღვა ცარიელი პლაჟებით.

 

3

.
თუმცა, მიუხედავად ამისა, ნავთობის უდიდესი მარაგი ქვეყნის მოქალაქეებს უდარდელად ცხოვრების

საშუალებას აძლევს. ქუვეითის მოსახლეობა 3,5 მილიონ ადამიანს შეადგენს, თუმცა აქედან მხოლოდ 1 მილიონია ქუვეითის მოქალაქე. სწორედ ამ მილიონ ადამიანზე ნაწილდება ქვეყანაში ნავთობიდან მიღებული შემოსავალი. მაგალითად:

 

4

.
1. ახალდაქორწინებული წყვილი ქორწილში სახელმწიფოსგან საჩუქრად 250 000 დოლარს (სხვა მონაცემებით, 15 000 დოლარს) იღებს.

2. ექიმისა და მასწავლებლის ხელფასი - 15 000 დოლარია. აქვე უნდა აღინიშნოს, რომ ადგილობრივები რიგით ექიმებად არ მუშაობენ, მხოლოდ ხელმძღვანელ თანამდებობებს იკავებენ.

3. ადგილობრივებისთვის მიწა კაპიკები ღირს, იპოთეკური კრედიტი 250 000 დოლარზე 0%-ია. 5-10 წლის შემდეგ კი დიდი შანსია, კრედიტის ნახევარი მოქალაქეს ჩამოაწერონ.4. მედიცინა და განათლება უფასოა.

5. საზღვარგარეთ სწავლის მსურველის გამგზავრებისა და სწავლის საფასურს მთავრობა იხდის. სტუდენტს ასევე ენიშნება სტიპენდია 2000 დოლარის ოდენობით.


6. თუ ქუვეითელი ავად გახდა და მისი მკურნალობა სამშობლოში შეუძლებელია, მთავრობა ავადმყოფს უნაზღაურებს მკურნალობის საფასურს საზღვარგარეთის ნებისმიერ ქვეყანაში, ასევე თანმხლები ნათესავების ხარჯებს.

 

6


7. ბავშვების დახმარება ყოველთვიურად 200 დოლარს შეადგენს, სანამ იგი 26 წლის არ გახდება.

 

5


8. უმუშევარ ქალებს სახელმწიფო ყოველთვიურად 1400 დოლარით ეხმარება, ვიდრე ქალი სამსახურს არ იშოვის.


9. მინიმალური პენსია 3 ათასი დოლარია.


10. 2007 წელს ხელისუფლებამ მოქალაქეებს 1 მილიარდი დოლარის კრედიტი ჩამოაწერა.

 

7


11. ზოგიერთი დღესასწაულის დროს მოსახლეობას ფულს ურიგებენ. მაგალითად, დამოუკიდებლობის 50 წლისთავის აღსანიშნავად ქუვეითის თითოეულ მოქალაქეს 3 500 დოლარი გადასცეს.


12. სამეცნიერო ხარისხის ყოველთვიური დანამატი: მაგისტრი - 700 დოლარი, დოქტორი - 1400 დოლარი.


13. მასწავლებლის ერთჯერადი პრემია სამუშაო გამოცდილების მიხედვით - 18 თვის ხელფასის ტოლია. მამაკაცებისთვის - 30 წელი უწყვეტი სტაჟი, ქალებისთვის - 25 წელი.


14. საშუალო ქუვეითელი ხელფასის გარდა, ბონუსის სახით 50%-ს იღებს.
ყველა ეს ბონუსი მხოლოდ ქუვეითის მოქალაქეებს ეხებათ. ქვეყნის მოსახლეობის 70% ემიგრანტები არიან - უუფლებო მომსახურე პერსონალი, რომელიც “ოქროს 30%”-ს ემსახურება. მოქალაქეობის მიღება, ფაქტობრივად, გამორიცხულია.

 

ბლოგში გამოთქმული მოსაზრებები ეკუთვნის ბლოგერს, რომელსაც შესაძლოა რედაქცია არ ეთნხმებოდეს
მკითხველის კომენტარი (5)
ana
23 მარტი 2017 02:17
იციან ტავისი მიწის ხალხის ფასი.ისე რა მაგრა გავს ცჰვენს ნტავრობას ,ინვესტორებმა ტანაც უცხოელებმა ქარტული ეკონომიკა რამის საკუტრებასჰი აიგეს სულ,მაგრამ ერტი ქარტველიც არ ყავტ მუშად აყვანილი,ისე დზაან ბანდზები არიან ეს ქუვეიტელები,ინვესტორებს რო ავალდებულებენ ადგილობრივის დასაქმებას .რა შუაშია კომუნიზმი და სოციალიზმი აქ,მტავარია არ დაიკარგოს ბურჟუაზიული გენი,ერტ პიროვნული გამდიდრების მანია და საკუტარი ხალხის სიდზულვილი ეს ჩვენი მტავრობის ლოზუნგია
maxo
22 მარტი 2017 23:44
როგორც თანამედროვენი ამბობენ ისევ ძველი ევროპა ჯობია.
ra gindat?
21 მარტი 2017 08:20
კომუნიზმში ცხოვრობენ
დავით 67
20 მარტი 2017 20:43
ერთს დავამატებ თქვენის ნებართვით 15 წლის ზემოთ თითქმის ყველას პრობლემაა ჭარბი წონა და რაც ყველაზე მთავარია ქალების ძალაინ დიდი პროცენტი უნაყოფოა .ფაქტიურად კუვეიტელები ვერ მრავლდებიან. სამჯერ ვარ ნამყოფი და ყველაფერი მაქვს ნანახი. წყალი არაა კიდევ.
ავტორს:გქონდეს ბუნებრივი სიმდიდრე არ ნიშნავს იმას რომ ყველაფერი კარგად არის
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
1 1
რუბრიკის სხვა სიახლეები
თვის კითხვადი სტატიები