13 სექტემბერს "კარფურის" შვილობილი კომპანია "მაფ კარფური" საქართველოში პირველ ჰიპერმარკეტს გახსნის.

1400-ზე მეტი ჰიპერმარკეტით "კარფური" საცალოდ მოვაჭრე კომპანიათა შორის მსოფლიოში ერთ-ერთი პირველია. მაღალი პროფესიონალიზმის და უდიდესი გამოცდილების ხარჯზე, იგი ათეულობით წლების განმავლობაში ინარჩუნებს მომხმარებელთა ნდობას.

კარფურმა უკვე მთელს მსოფლიოში დაანგრია სტერეოტიპი იმის შესახებ, რომ დაბალი ფასები დაბალ ხარისხთან ასოცირდება. შემდეგი რიგში საქართველოა.

"კარფურის" პირველი ჰიპერმარკეტი თბილისში, სავაჭრო ცენტრ თბილისი მოლში გაიხსნება და მომხმარებელს 30 000 დასახელების პროდუქტს შესთავაზებს ნებისმიერი გემოვნებისთვის.

დაბალი ფასების გარდა, "კარფური" ცნობილია როგორც ბრენდი, რომელიც ნებისმიერი ქვეყნის მომხმარებლის გემოვნებასა და მენტალიტეტს ერგება. სწორედ ამიტომ, სხვადასხვა ქვეყნებში გახსნილი "კარფურის" სავაჭრო ობიექტები, თავისებურად გადმოსცემენ ამ ქვეყნის კულტურას, კულინარიას და ისტორიას. კომპანიის წარმომადგენლები უკვე აწარმოებენ მოლაპარაკებებს ქართველ მეწარმეებთან, რძის და ხორცის პროდუქტების, ხილის და ბოსტნეულის მწარმოებლებთან, მათი პროდუქციის "კარფურის" ჰიპერმარკეტში წარმოდგენასთან დაკავშირებით. "კარფურში" იფუნქციონირებს თონე, რომელიც ჰიპერმარკეტს ქართულ ხასიათს შესძენს.

ჰიპერმარკეტი კარფურის გახსნა უამრავი ადამიანის დასაქმებასთან ერთად ხელს ადგილობრივი წარმოებისა და სოფლის მეურნეობის განვითარებასაც შეუწყობს. 

                                                                                                            R