აფხაზეთს უშუქოდ დარჩენა ემუქრება?! - რას ამბობს "ენგურჰესის" გენერალური დირექტორი
აფხაზეთს უშუქოდ დარჩენა ემუქრება?! - რას ამბობს "ენგურჰესის" გენერალური დირექტორი
"ჩვენსა და აფხაზებს შორის ჩვეულებრივი საქმიანი ურთიერთობაა"

"ენგურჰესის" წყალსაცავში, წყლის დონის კლების გამო, აფხაზეთს ელექტროენერგიის გარეშე დარჩენა რომ ემუქრებოდა, ამის შესახებ ჯერ კიდევ რამდენიმე თვის წინ იყო ლაპარაკი. მაშინ აფხაზური მედია გამოსავლის ძიებაში იყო და ადგილობრივ ხელმძღვანელობას კრიტიკულად მიუთითებდა 90-იან წლებზე, როდესაც საომარი მოქმედებების მიუხედავად, რეგიონში დენის მიწოდება არ შეწყვეტილა. 25 იანვრიდან კი აფხაზეთს დენი გრაფიკით მიეწოდება, რაც, რა თქმა უნდა, მოსახლეობის უკმაყოფილებას იწვევს.

"ჩერნომორენერგოს"
You must have Flash Player installed in order to see this player.
წარმომადგენლების განცხადებით, ამ ზომის მიღება აუცილებელი გახდა, ვინაიდან წყლის დონე რეზერვუარში კრიტიკულ დონემდე შემცირდა და მოსახლეობას დენის გრაფიკის სარგებლობა 15 აპრილამდე მოუწევს.

თუმცა, სპეციალისტები იმაზეც ლაპარაკობენ, რომ ბოლო ერთი წელია, აფხაზეთში ელექტროენერგიის მოხმარება გაიზარდა, რის გამოც დროებითი გათიშვის სისტემის ჩართვა შედეგს არ გამოიღებს. მათივე თქმით, საქართველოს ხელისუფლება ვალდებულია, აფხაზეთს ამ მიმართულებით გარკვეული წინადადება შესთავაზოს, თუმცა, კონკრეტულად რა, ამაზე უნდა შეჯერდნენ.

"ენგურჰესის"გენერალური დირექტორის, ლევან მებონიას განცხადებით, თუ აფხაზეთი ელექტროენერგიის მოხმარებას არ დაზოგავს, სულ რაღაც ორ წელიწადში შესაძლოა, დენის გარეშე დარჩეს. დაახლოებით
იგივ პროგნოზს აკეთებს ჰიდროელექტროსადგურის ტექნიკური დირექტორი გია ხუბუა, რომლის თქმითაც, აფხაზეთის ელეოქტრომომარაგების პრობლემა, წესით, გაზაფხულზე გამოსწორდება... მაგრამ იმ შემთხვევაში, თუ წყლის დონე 420 მეტრამდე შემცირდება, ინსტრუქციის მიხედვით, ტურბინის მუშაობა შეჩერდება, რაც ნიშნავს, რომ ჰესი მუშაობას შეწყვეტს.

საქართველოს ენერგეტიკის აკადემიის პრეზიდენტ
რევაზ არველაძის
თქმით, იმის გათვალისწინებით, რომ "ენგურჰესის"წყალსაცავი ნამდვილად დაცლის პირასაა, ყველაზე რეალურია, ოკუპირებულმა აფხაზეთმა რუსეთიდან მიიღოს ელექტროენერგია.

ლევან მებონია, "ენგურჰესის"გენერალური დირექტორი:
- "ჩერნომორენერგომ" აფხაზეთში ელექტროენერგიის მიწოდებაზე გრაფიკი 25 იანვრიდან დააწესა, რაც ორი მიზეზითაა განპირობებული: ჯერ ერთი, ბოლო დროს, აფხაზეთმა ელექტროენერგიის მოხმარება გაზარდა. მეორეც, ამას გვალვიანმა წელიც დამეტა, ანუ ნალექი, ფაქტობრივად, არ ყოფილა. ბოლო 35 წლის განმალობაში, "ენგურჰესის" ექსპლუატაციიდან, 2015 წელს საშუალოდ წლიური ხარჯი ივნის-ივლისს-აგვისტოში დაახლოებით 30%-ით ნაკლები იყო, ვიდრე წინა წლებში. ამიტომ, წყალსაცავი ვერ შეივსო საჭირო რაოდენობით, მაგრამ აქ მაინც მთავარი ფაქტორი ელექტროენერგიის მოხმარების ზრდაა. თუ ეს ზრდა ამ ტემპებით გაგრძელდება და კონტროლს არ დაექვემდებარება, მომავალ წლებში ენგური კი არა, მეორე ელექტროსადგურიც რომ აშენდეს, აფხაზეთს მაინც არ ეყოფა...

- გამოსავალს რაში ხედავთ?
- აქ გამოსავალი არის ერთადერთი - ელექტროენერგიის მოხმარების შეზღუდვა გამრიცხველიანების ხარჯზე და აღრიცხვის სისტემის მოწესრიგება. ამ საკითხზე უკვე გვქონდათ ლაპარაკი აფხაზურ მხარესთან. "ჩერნომორენგოს" ხელმძღვანელობაც ხედავს შექმნილ პროლემებს და ცდილობენ გამოსავლის მოძებნას, თუმცა, გამრიცხველიანებას საკმაოდ დიდი თანხები და დრო სჭირდება...

- ვიცით, რომ ეს ერთადერთი ობიექტია, სადაც ქართველები და აფხაზები შეთანხმებულად მუშაობენ. საინტერესოა, როგორ ხდება თქვენს შორის თანამშრომლობა?
- ჩვენსა და აფხაზებს შორის ჩვეულებრივი საქმიანი ურთიერთობაა. მთავარია, ვინც მოიხმარს ელექტროენერგიას, ამის ღირებულებაც გადაიხადოს. ამ დროისთვის ისინი არაფერს იხდიან და თუ ასე გაგრძელდა, იძულებული ვხდებით, ავიღოთ მოკლევადიანი სესხები ჩვენი საექსპლუატაციო ხარჯებისთვის, რასაც ზაფხულის შემოსავლების ხარჯზე ვფარავთ, თუმცა აფხაზეთიდან ელექტროენერგიის რაოდენობის გაზრდის საჭიროებამ საფიქრალი გაგვიჩინა...

აშკარაა, რომ საფიქრალი გაუჩნდა აფხაზური მხარის ხელმძღვანელობას, რომელსაც მოსახლეობა ქმედითი ნაბიჯების გადადგმას სთხოვს. აფხაზეთში უკვე ვრცელდება ინფორმაცია, რომ ხაჯიმბას გუნდი გამრიცხველიანების თანხების მოძიების შესახებ ალაპარაკდა, რაც ეტაპობრივად უნდა განხორციელდეს. არსებობს კიდევ ერთი ალტერნატივა, - ელექტრონერგიის რუსეთიდან ექსპორტი, თუმცა ამას აფხაზები ყველაზე ბოლოს განიხილავენ, რადგან ადგილობრიოვ მოსახლეობას რუსეთის ხელისუფლების მიმართ უკვე ისედაც საკმაოდ ბევრი კითხვა დაუგროვდა, როგორც პოლიტიკური, ისე ეკონომიკურს სფეროში...


ლალი პაპასკირი (სპეციალურად საიტისთვის)

მკითხველის კომენტარი (5)
რატომ ვიხდი ამხელა ტარიფს?
14 თებერვალი 2016 21:47
ესეიგი, მე, აფხაზი სეპარატისტის ნაცვლადაც ვიხდი ელექტროენერგიის ფულს?
და რამდენი წელია ასე,
რომ არ იხდიან და კიდევ მოხმარება გაადიდესო. იქნებ ოქეთ ჰყიდიან რუსეთში?
კაშხალს მივადგათ ვარდნის კონსტრუქცია და ავაშენოთ სატურბინო დარბაზი.
მაგრამ იციის კი ეს სისტემა ენერგეტიკის "მინისტრმა" ?
. mati gasajiri saqartvelos gasajiri agRar aris.
14 თებერვალი 2016 20:25
ახლა მუქტად კატებიც აღარ კნავიან.
აპხაზებსს მუქტად უნდატ იცხოვრონ და ამას რუსეტს და საქარტველოს ხარჯზე აკეტებენ. რუსეტიც იმიტომ აირჩიესს დიდი სახელმჭი[პოა და ეგონატ მუქტად აცხოვრებდატ.
დედა-საქარტველო ტუ არ გიყვარსს და უარყობ მასტან ერტად ყოპნას მამინაცვალ რუსეტსს რომელც კარგად გიყენებტ ყურადღება მოგაქციოტ.
ჯერ სად არისს ომი დაიწყოსს და რუსეტმა აპხაზების საყოველტვო სამხედრო მობილიზაცოია გამოაცხადოსს . მერე იკნავლებენ ჩვენსს შვილებსს სხვისს ომებში ნუ გვიკლავტო.
ამ უტვინო ხალხსს ოსების და ჩეჩნების ჩატვლიტ როგორ ვეღარ ვიტან.
უმადურები
14 თებერვალი 2016 19:54
ძალიან კარგი, თუ არ მისცემენ დენს. მუქთად უნდა ყველაფერი. ჩვენს ხარჯზე უნდათ დენი, ჯანდაცვა და სხვა მხრივ კი ერთი ქართველი არ დატოვეს, გენოციდიც მოაწყვეს და ეთნოწმენდაც. ვერ ხედავენ სიკეთეს, ქართველის გაგონება არ უნდათ. ასეთი პოლიტიკით მაგათი გულის მოგება ვერ მოხდება, არ უნდათ ჩვენი ძმობა და რას ეტენებით?
R
14 თებერვალი 2016 14:23
ე.წ. სამხრეთ ოსეთისათვის რუსეთმა კავკასიონის მთაგრეხილზე ექსტრემალურად მაღალ ტერიტორიაზე გადაატარა გაზსადენი. ეხლა პრაქტიკულად რუსეთის ბიუჯეტის პრობლემაა ოსების გათბობის უზრუნველყოფა. იგივეს არ ჩქარობს აფხაზეთისათვის, რადგან დამატებითი ფინანსური ტვირთი არ უნდა აიკიდოს. იოლი გამოსავალი იპოვეს, ეს ტვირთი უნდა აკიდონ საქართველოს! აფხაზეთის ელექტროენერგიით უზრუნველყოფა მთლიანად ენგურჰესს ემყარება. გარდა ამისა, ბინების გათბობაც ელექტროენერგიით ხდება. რადგანაც გენერატორები გალშია, აფხაზებს და რუსებს აქვთ რეალური ზემოქმედების ბერკეტი საქართველოზე. საქართველომ უნდა იზრუნოს იმაზე, რომ მომავალში მაინც არ იყოს დამოკიდებული რუსების და სეპარატისტების თვითნებობაზე ენგურჰესის საკითხში. საქართველოს მოსახლეობა არ უნდა იხდიდეს აფხაზების ნაცვლად დახარჯული ელექტროენერგიის საფასურს!
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
1 1
რუბრიკის სხვა სიახლეები
თვის კითხვადი სტატიები