ბიზნესს "იაფი კრედიტი" ძვირად უჯდება
15-11-2010
"იაფი სესხის" მქონე საწარმოების ნაწილს გაკოტრება ემუქრება

რამდენიმე დღეში "თიბისი ბანკი" აუქციონზე გასაყიდად კომპანია "ალიონი XXI"-ს გამოიტანს. ქარხანა, რომელიც მერქან-ბურბუშელოვან ფილებს (ე.წ. დე-ეს-პეს) ამზადებდა, ვალებშია ჩაფლული და უკვე ხუთი თვეა გაჩერებულია. ქარხანას რამდენიმემილიონიანი ვალი აქვს, რომლის დიდი ნაწილი "იაფი სესხის" სახით დაედო. "ალიონი XXI"-ის მსგავსად, სესხის დაბრუნების პრობლემა არაერთ საწარმოს შეექმნა, ბევრი მათგანი გაჩერებულია და გაკოტრება ემუქრება.

მუნიციპალური განვითარების ფონდმა, რომელსაც მთავრობამ "იაფი სესხით" მოსარგებლე საწარმოების მონიტორინგი გადააბარა, რამდენიმე მათგანის საქმე სასამართლოს უკვე გადასცა. სასამართლოს წინაშე წარდგენა, უახლოეს მომავალში, ვალებში ჩავარდნილ კიდევ რამდენიმე საწარმოს ემუქრება. ვინც თანხა გრაფიკით ვერ დაფარა, მათ ფონდი ყოველ ვადაგადაცილებულ დღეზე პირგასამტეხლოს არიცხავს. ამის გამო ბიუჯეტის მიმართ მათი დავალიანება ყოველდღიურად იმატებს.

შარშან ზაფხულში 15-მდე საწარმომ ეკონომიკის სამინისტროს წერილით მიმართა და სესხის გადავადება სთხოვა. ეს ის საწარმოებია, რომლებსაც ბიზნესი აგვისტოს ომისა და ფინანსური კრიზისი გამო ჩაუვარდათ. სამინისტრომ ამ კომპანიებს (მათ შორის იყო "ალიონი XXI"), შეღავათი გაუწია.

მაგრამ საშეღავათო პერიოდიც გავიდა და ახლა მათ თანხის გადახდის დრო დაუდგათ. მუნიციპალური განვითარების ფონდში აცხადებენ, რომ შეღავათი აღარ იქნება. საწარმოები ვალს თუ ვერ გადაიხდიან, მათ წინააღმდეგ სასამართლო პროცესები დაიწყება. ამ საწარმოებს ქონება გირაოში აქვთ ჩადებული, ზოგი იპოთეკით არის დატვირთული, ამიტომ მათ ქონების დაკარგვა ემუქრებათ.

თუ "ალიონი XXI" აუქციონზე გაიყიდება, მიღებულ თანხას მოვალეები დაინაწილებენ. დავალიანება ჯარიმების დარიცხვის შემდეგ 3,4 მილიონ დოლარამდე გაიზარდა. დაახლოებით 511 ათას ლარს ბიუჯეტი "იაფი სესხის" სანაცვლოდ წაიღებს, 300 ათასამდე ლარი შემოსავლების სამსახურს ერგება, დარჩენილ თანხას კი "თიბისი ბანკი" დაიტოვებს.

ძეგვში არსებული ქარხანა თურქულმა კომპანია "იონტაშმა" და შპს "ალაფმა" ერთობლივად ორი წლის წინ აამუშავეს. მოგვიანებით 50%-ანი მოწილე "ალაფი" ქარხნიდან გავიდა და ის მთლიანად „იონტაშს" დარჩა. თურქებმა კომპანიაში 8 მილიონ დოლარამდე თანხა ჩადეს, მაგრამ ფინანსური მდგომარეობის დამძიმების შემდეგ ქარხანა მიატოვეს, მათ შორის, საწარმოში დაამონტაჟებული მაღალტექნოლოგიური დანადგარებიც.

მაშინ, როცა ქარხანამ მუშაობა დაიწყო, მერქან-ბურბუშელოვანი ფილების წარმოება მომგებიანი ბიზნესი იყო. ქვეყანაში სამშენებლო ბუმი იყო და დამხმარე მასალაც დიდი მოთხოვნით სარგებლობდა. მაგრამ კრიზისმა ყველაზე მეტად სწორედ ეს სფერო დააზარალა, გაყიდვა ჩავარდა, მოთხოვნა შემცირდა უცხოურ ბაზარზეც.

წინასწარი ინფორმაციით, ქარხნის შეძენის რამდენიმე მსურველი გამოჩნდა. მათ შორის ერთ-ერთი სომხური "ტარგოვი დომ ბელაშია", რომელსაც ქარხნიდან "დე-ეს-პე" სომხეთში გაჰქონდა. სომხები აუქციონს ელოდებიან. არის რამდენიმე სხვა მსურველიც. უმეტესად ისინი, რომლებსაც საქართველოში ლამინატის საამქროებს ამუშავებენ.

ასევე გაკოტრება ემუქრება ახმეტაში მდებარე როლანდ ყანჩაშვილის პარკეტის ქარხანას. ქარხანამ იაფი სესხი 3 წლის წინ მიიღო. იმის გამო, რომ პირველი ორი წლის შეღავათიანმა პროცენტის ნაცვალგებამ მთლიანად მესამე წელიწადზე გადაინაცვლა, კომპანიამ თვეში 28 ათასი ლარი უნდა გადაიხადოს, რაც მის ფინანსურ შემოსავალს ბევრად აღემატება. ქარხნის ხელმძღვანელი მთავრობას სთხოვს, სესხის გადახდა გადაუვადოს.

იაფი კრედიტები 120-მდე საწარმოს ბიუჯეტიდან ორი წლის წინ გამოუყვეს. სესხი უპრეცენდენტოდ იაფი -7%-იანი იყო, 2-წლიანი საშეღავათო პერიოდით. უპირატესობა იმ კომპანიებს მიანიჭეს, რომლებიც საექსპორტო პროდუქციაზე მუშაობდნენ. სულ 2008-2009 წლებში "იაფი სესხის" პროგრამის ფარგლებში 80 მილიონი ლარამდე გაიცა.

როგორც მოგვიანებით აღმოჩნდა, "იაფი სესხის" ადრესატების უმრავლესობას ბიზნესგეგმები არასწორად ჰქონდა შედგენილი და მთავრობამ სიჩქარეში ისიც ვერ განსაზღვრა, შეძლებდა თუ არა ბიზნესი თანხის დაბრუნებას. ბევრსაც მუშაობაში ხელი ბაზარზე მოულოდნელად დაწყებულმა პრობლემებმა შეუშალა. პროგრამამ არ გაამართლა და მთავრობამაც იაფი ფულის გაცემა შეწყვიტა. წლეულს ბიუჯეტიდან ბიზნესის დაფინანსებისთვის თანხები აღარ გაუთვალისწინებიათ.

ნონა ქვლივიძე
GUNCI
24 ნოემბერი 2010 15:14
ასეტ დროს მტავრობა კი არ უკიდის არამედ უნარცუნებს იმ მეცარმეებს ვინც ტავიდან ბოლომდე იციან იმ რისკის პაკტორი რაც უკვე გაიარეს.ასე მოხდა კველა ევროპულ კვეკნებსი.15 ცლის ცინ.
hh
17 ნოემბერი 2010 10:06
იაფი სესხები იქნება თუ ძვირიანი, გამცემმა უნდა შეაფასოს საკრედიტო რისკები ამისათვის აუცილებელი პროფესიონალები, ეს ალბათ გამორჩათ, რაც შეეხება გაკოტრების თემას, ხომ არ ჯობია საწარმოტა რეაბილიტაციაზე გაკეთდეს აქცენტი და პროფესიონელების უნარები აქ მაინც გამოვიყენოთ, საქართველოში დღეს თუ არ არის მშენებლობები ხვალ იმედია იქნება და ეს საწარმოები ბაზარზე საჭირო გახდებიან თავიანთი პროფილით
სხვა სიახლეები
„ლისი ვერანდას“ ტერიტორიაზე თიბისი ბანკისა და „ლისი დეველოპმენტის“ ერთობლივი პროდუქტის პრეზენტაცია გაიმართა.
დაწვრილებით...
"საქართველო შესაძლოა ერთადერთი სახელმწიფოც კი იყოს, რომელსაც ქვეყნის ფარგლებს გარეთ უფრო მეტი ჰყავს დაქირავებით დასაქმებული, ვიდრე ქვეყნის შიგნით"
დაწვრილებით...
"არხოტისკენ სამანქანო გზის პირველად გაჭრა მთაში დაბრუნების სიმბოლო გახდება"

"დემოგრაფიული კატასტროფა სახეზეა"

"ახალგაზრდა ოჯახს, რომელსაც მთაში საცხოვრებელი არ აქვს, სახელმწიფო გადასცემს ფიქსირებულ სასტარტო თანხას დასასახლებლად"
დაწვრილებით...
წყალი აუცილებელია ადამიანის ყოველდღიურობაში  როგორც ორგანიზმის  სიცოცხლის აუცილებლობისათვის, ასევე სანიტარულ-ჰიგიენური თვალსაზრისითაც.
დაწვრილებით...
„დაუვიწყარი წამი“ - ასე ჰქვია თიბისი ბანკისა და „ქოლგა თბილისი ფოტოს“ ერთობლივ ფოტოკონკურსს, რომელიც დღეიდან იწყება და რომელიც გაძლევთ საშუალებას, გადაიღოთ და დაბეჭდოთ თქვენი „დაუვიწყარი წამი“ და მოიგოთ CANON 650D.
დაწვრილებით...
"როცა ადგილობრივ ბაზარზე დამკვიდრებას ცდილობ, იმპორტირებული საქონლისთვის კონკურენციის გაწევა უნდა შეგეძლოს"

"დოვლათი რეგიონებზე არ ნაწილდება  და ძირითადად დედაქალაქში რჩება"
დაწვრილებით...
"აქამდე უცხოური პროდუქცია საზღვარზე შესწავლისა და კონტროლის გარეშე შემოდიოდა და დახლებზე ხშირად ხვდებოდა ვადაგასული ან საეჭვო ხარისხის სურსათი"
დაწვრილებით...
მსოფლიოს წამყვანმა ფინანსურმა ჟურნალმა, EMEA Finance,, თიბისი ბანკი 2013 წლის საუკეთესო ბანკად დაასახელა საქართველოში. ამავე ჟურნალმა, თიბისი ბანკი დააჯილდოვა, როგორც ცენტრალურ და აღმოსავლეთ ევროპაში საუკეთესო კორპორატიული სოციალური პასუხისმგებლობის მქონე ბანკი 2013 წელს. 
დაწვრილებით...
დაუბეგრავი მინიმუმის დაბრუნების მოთხოვნა ზვავისებურად დაიწყო

"მოქალაქეს უფლება აქვს, 2013 წელს დარიცხული ხელფასის თაობაზე დეკლარაცია 2014 წლის დეკემბრის ჩათვლით შეავსოს"
დაწვრილებით...
საავტომობილო გზებზე გამოვლინდება ადგილები, სადაც ავარიები ყველაზე ხშირია

"2014 წელს ჩქაროსნულ მაგისტრალზე 25 კმ-მდე ახალი გზის გახსნა იგეგმება"
დაწვრილებით...
"შევიძენ ქარვას უმაღლეს ფასად, ნაღდი ანგარიშსწორებით"
"იყიდება კოშკურა ამწე КБ-403 А გამართულ, მუშა...
3-ოთახიანი, არასტანდარტული პრ. 3(12), 92 კვ.მ. თეთრი...
50 კვ.მ. დღიურად,ასევე მცირე დროით საბურთალოზე, მეტროსთან...
რა მოსწონთ თქვენს მეგობრებს
გამოკითხვა
თოქ-შოუ "სახალხო დარბაზი", პარასკევი 16:10 წუთზე, როგორ აფასებთ საქართველოს ხელისუფლების პოლიტიკას რუსეთის მიმართ?