რა განსაზღვრავს სექსუალურობას საქართველოში?
რა განსაზღვრავს სექსუალურობას საქართველოში?
23-12-2011
მაშინ, როდესაც გასული საუკუნის ნეტარ დასავლეთში მამაკაცები თავს იმტვრევდნენ კითხვაზე - რა სურთ ქალებს, საქართველოში ამ კითხვაზე მამაკაცების უმრავლესობას უკვე ჰქონდა პასუხი. მათ ქალების სურვილებიც შეისწავლეს და სუსტი სქესის წარმომადგენლებს ადგილიც მიუჩინეს. გადაწყდა, რომ ქართველი ქალის ადგილი ”კუხნაშია”.

გავიდა დრო და შეიცვალა შეხედულებები. აღმოჩნდა, რომ ქალი არა მარტო ”კუხნაში”, არამედ ”კუხნის” გარეთაც საჭიროა.
"კუხნიდან გამოსული" "პიჟამო გახდილი" ქართველი ქალების ჩასაცმელად მამაკაცებმა "ტყავი გაიძრეს" და საყვარელი ქალების სხეული "საღამურის" ნაცვლად თბილისში თანდათანობით შემოსული ბრენდებით შემოსეს... ეს ისე, მცირე, ჩემეული ექსკურსი, თუ როგორ იცვლებოდა გასული ათწლეულების განმავლობაში ქალის მიმართ დამოკიდებულება.

დროის ცვლილებასთან ერთად სიტყვა ”სექსუალური”, ერთ დროს შეურაცხმყოფელი, საგინებელი სიტყვა, კომპლიმენტად იქცა. ახლა, ჟურნალი "ბომონდი" და პორტალი Marao.ge სწორედ იმას არკვევს, რომელ ქართველ ქალს ეკუთვნის ეს კომპლიმენტი. ამ მიზნით მათ დაიწყეს გამოკითხვა, სადაც მკითხველი მისთვის ყველაზე სექსუალურ ქართველ ქალს ასახელებს. გამოკითხვა, რომელიც 1 თვის წინ დაიწყო, უკვე დასასრულს უახლოვდება. ახლახანს კი ხელთ ამ დროისთვის არსებული ათეული ჩამივარდა, რომელიც მინდა ამ პოსტში წარვადგინო და თქვენთან ერთად განვიხილო, თუ რომელი მათგანი იმსახურებს ”ყველაზე სექსუალურის” ტიტულს...
მაშ ასე, მეათე ადგილით დავიწყოთ:

X ადგილი - ვერა ქობალია
ქალი, რომელიც ყველაზე ახლოს არის ქართველი კაცის გუნებასთან. მინისტრ ქალბატონს ხომ არც სექსუალურობა აკლია და "კუხნის" საქმეებიც გადასარევად გამოსდის.  თუმცა, როგორც ხედავთ ის ჯერ მხოლოდ მეათე ადგილზეა...

IX ადგილი - სალომე ღვინიაშვილი
გაოცება ვერ დავმალე, როდესაც მოდელი სალომე ღვინიაშვილი, რომლის სილამაზეზე საქართველოს ფარგლებს გარეთაც საუბრობენ, მეცხრე ადგილზე ვიხილე. შესაძლოა, თქვენც გაოცდეთ, როდესაც ნახავთ, რომ ქართველი კაცებისათვის ახალგაზრდა მოდელზე მეტად სექსუალური ორმოც წელს გადაცილებული მოროშკინაა...

VIII ადგილი -  ლალი მოროშკინა

რაკიღა ბლოგი სუბიექტურობის შესაძლებლობას იძლევა, გულწრფელი ვიქნები და ვიტყვი, რომ ნამდვილად არ ვეთანხმები ამ ეტაპზე გამოკითხულ იმ ასობით ადამიანს, რომლებმაც გადაწყვიტეს, რომ ლალი მოროშკინა სალომე ღვინიაშვილზე მეტად სექსუალურია. როდესაც საუბარია სექსუალურობაზე, მე უპირატესობას  ახალგაზრდა, ყოველმხრივ დახვეწილი აღნაგობისა და უნაკლო სახის მქონე სალომე ღონიაშვილს ვანიჭებ... ამ საკითხზე თავისი მოსაზრება აქვს თავად ლალი მოროშკინას: ”როდესაც საუბარია სექსუალურობაზე... სექსუალურობა მოდის ასაკთან ერთად. არ შეიძლება 20 წლის და 22 წლის იყოს სექსუალური.” - ამბობს მოროშკინა ერთ-ერთ ინტერვიუში. ლალი, მესმის, რომ თქვენი ამ თეორემის გათვალისწინებით, ყველაზე სექსუალურების ათეულში მერვე ადგილი დიდი ვერაფერი წარმატებაა, თუმცა ალბათ დამეთანხმებით, რომ "ყველაზე უგემოვნოს" სტატუსს ნამდვილად სჯობს...

VII ადგილი - ნუკი კოშკელიშვილი

ის, რომ ნუკი სექსუალურია, მიმაჩნია, ამაში საკამათო არაფერია, მაგრამ ეს გოგო მეშვიდე ადგილისთვის მენანება. სიამოვნებით ვიხილავდი სექსუალურ, ქერა ლამაზმანს ათეულის სოლიდურ პოზიციებზე. დასანანია, რომ ერმა მას ყველაზე სექსუალურთა შორის მეშვიდე ადგილი მიუჩინა...

როგორც ჩანს, ჩვენს დროში, ქალის სექსუალურობას განსაზღვრება კარგი ღვინის განსაზღვრებას ემთხვევა. ქალი ”დაძველებით” ისევე ფასობს, როგორც ღვინო. ამის მაგალით
ია არა მარტო მოროშკინა, არამედ ”ბომონდისა” და Marao.ge-ს მკითხველის ”ყველაზე სექსუალურის” მეექვსე პრეტენდენტი...

VI ადგილი - ია ფარულავა

უსამართლო ვიქნები, თუ ფარულავას სილამაზეს დავუწუნებ. მე კი ჩემო მკითხველო, მერწმუნეთ, ვერ ვიტან უსამართლობას, თუმცა ფარულავა ათეულის VI  ადგილზე და წლევანდელი მის საქართველო ჟანეტ ქერდიყოშვილი ათეულს ფარგლებს გარეთ, ცოტა  მეუცნაურება... გარდა ამისა, ფარულავასა და მოროშკინას მაგალითზე დაყრდნობით დავასკვენი, რომ ჩვენს ქვეყანაში ქალის სექსუალურობას არა ტანი, მაღალი ფეხები და დახვეწილი სახის ნაკვთები, არამედ სხეულის ერთი კონკრეტული ორგანო - მკერდი განსაზღვრავს.  თუ ასეა, მაშინ მოროშკინასა და ფარულავას მკერდის მომნუსხველობის კოეფიციენტი ნამდვილად აძლევს მათ ”ყველაზე სექსუალურის" სტატუსს.
თითქოს ლოგიკას მოვარგე არსებულ ათეულში "ყველაზე სექსუალურების" რიგითობა, თუმცა მალევე მომიწევს ზემოთ აღნიშნული თეორიის გაბათილება, რომლის თანახმად, ქართველებისთვის, სექსუალურობას მკერდი განსაზღვრავს, რადგან მეხუთე ადგილზე გასული მშვენიერი, ახალგაზრდა მსახიობი, მოროშკინა-ფარულავაზე ნაკლები ”მკერდიანობით” გამოირჩევა, თუმცა ათეულში მათზე წინ - მეხუთე პოზიციაზეა.

V ადგილი - ნანკა კალატოზიშვილი
ეს ის შემთხვევაა, როდესაც არ ვკამათობ. მიმაჩნია, რომ ნანკა ღირსეულად იკავებს ყველაზე სექსუალური ქალების საპრიზო, მეხუთე ადგილს.

IV ადგილი - სოფო ნიჟარაძე
აღარ გავაჩმახებ, და ვიტყვი, რომ ნიჟარაძის მეოთხე პოზიციაზე ყაბულს ვარ. ასევე, ხელის აწევით ვეთანხმები მესამე პოზიციასაც.

III ადგილი - თიკა ფაცაცია
თიკა ფაცაციას სილამაზე,რომელიც სხვადასხვა სილამაზის კონკურსებზე არაერთხელ დაფასებულა, ისევე შენარჩუნებულია, როგორც წლების წინ. გამიკვირდა, როდესაც აღმოვაჩინე, რომ სილამაზის დედოფალის სტატუსი ფაცაციასგან განსხვავებით ვერ შეინარჩუნა ირინა ონაშვილმა. თუმცა... რაღაც ავურიე, - ამჯერად ხომ საუბარი არა სილამაზეზე, არამედ სექსუალურობაზეა. ირინა, როგორც ჩანს თქვენ ლამაზი ხარ, მაგრამ არა სექსუალური...

II ადგილი - მაკა ასათიანი
არა მგონია, ვინმე შემედავოს, თუ ვიტყვი, რომ მაკა ასათიანი სექსუალურია ახლაც, როდესაც ორმოც წელს გადააჭარბა. შესაძლოა, მასზე მეტად სექსუალურიც, ვინც ამ გამოკითხვის მონაწილეებმა პირველ ადგილზე გაიყვანეს...
ყველაზე სექსუალურის სტატუსი, გამოკითხვების თანახმად, ამ ეტაპზე, შორენა ბეგაშვილს ერგო!

I ადგილი - შორენა ბეგაშვილი
სანამ ამ პოსტს დავწერდი, დიდი სჯა-ბაასი მქონდა თემაზე - ყველაზე სექსუალური ქალი. ეს თემა ორ გოგონასთან ერთად განვიხილე.
სიტყვა ”სექსუალურთან” შორენა ბეგაშვილი ვახსენე თუ არა, შეტევაზე გადმოვიდნენ. სექსუალური ქალის სტატუსისთვის მარტო სხეული არ არის საჭირო, პირს რომ დააღებს, მერეც უნდა გტოვებდეს მონუსხულსო,- მითხრეს.

მე თუ მკითხავთ, სექსუალურობას აზროვნება და სიტყვა-პასუხი ზუსტადაც რომ არ განსაზღვრავს. ჩემთვის სექსუალურობა სხეული, გამოხედვა და მიხვრა-მოხვრაა. ხოლო, სექსუალურიც რომ არის და პირის დაღების შემდეგაც რომ მონუსხულს გტოვებს, ეგ იდეალური ქალია. იდეალურის რა მოგახსენოთ, მაგრამ პირადად მე არაფერი მექნება საწინააღმდეგო, თუ  შორენა მიიღებს ”ყველაზე სექსუალურის” სტატუსს. თანაც, ამ გოგომ აშკარად ბევრი იმუშავა ამ სტატუსისთვის, ხოდა, შორენა, ერი სამართლიანია და შრომას გიფასებთ. მომდევნო კვირაში თუ  არაფერი შეიცვლება,  თქვენ ჟურნალ "ბომონდის" და პორტალ Marao.ge-ს მკითხველის რჩეული, 2011 წლის ყველაზე სექსუალური ქალი გახდებით.  მიიღებთ სტატუსს, რომელიც, მართალია, ჩვენს ქვეყანაში ოდესღაც  სალანძღავი/შეურაცხმყოფელი სიტყვა იყო, მაგრამ ახლა კომპლიმენტია.

დასასრულს კიდევ ერთხელ შეგახსენებთ, რომ გამოკითხვის საბოლოო შედეგები ჯერ არ არის ცნობილი. ეს მხოლოდ ამ დროისათვის არსებული მონაცემებია.

ამ პოსტში წარმოდგენილი ათეულის მიხედვით, ძნელია იმის თქმა, თუ რა განსაზღვრავს სექსუალურობას საქართველოში. თავად ხედავთ, რომ ეს ათეული სხვადასხვა ასაკისა და გარეგნობის ქალბატონებით არის დაკომპლექტებული. სანამ გამოკითხვაში ხმას მისცემთ თქვენს ფავორიტს, აქ, კომენტარის სახით დატოვეთ თქვენი მოსაზრება, თუ რატომ მიიჩნევთ მას ყველაზე სექსუალურ ქართველ ქალად. მე ველი თქვენს მოსაზრებებს...

მკითხველის კომენტარი (38)
nia
17 იანვარი 2012 11:41
შორენა ყველას სჯობია რაც არ უნდა ილაპარაკოთ, აბა მოროშკინა ძროხაა და მეტი არაფერი,ან კიდევ კალატოზიშვილისნაირებს რა უნდა მანდ,ცარიელი ძვალი და ტყავია
ადამიანი
04 იანვარი 2012 13:12
ის, მისს ვინააა? ათეულს მიღმა რომ დარჩა?? ))))
qeti
02 იანვარი 2012 17:42
სტატია უსუსტესი და უპრიმიტიულესია, სექსუალურობის ანალიზი უაღრესად დილეტანტური.
უდავოდ ვეთანხმები დატოს კომენტარს.
ვფიქრობ, ქალების სექსუალურობის შეფასება მხოლოდ მამაკაცებს შეუძლიათ(ლესბოსელებსაც), და არამც და არამც შურით ან "ფანური"აღტყინებით დაბრმავებულ ქალებს.
აქედან გამომდინარე,აქ ჩამოთვლილი ქალების სექსუალურობაზე ვერაფერს მოგახსენებთ და რაც შეეხება სილამაზეს,ამ ეპითეტს ამათგან მხოლოდ სალომე,მაკა და შორენა იმსახურებენ, ნუკიზე და ნანკაზე უბრალოდ სასაცილოა საუბარი ამ კუთხით.
შორენას მლანძღველებს კი უნდა შევახსენო, რომ პლასტიკური ოპერაციებით ლამაზ ქალად ქცევა შეუძლებელია,ბევრი-ბევრი გაუმჯობესება მოახერხო და ისიც არა ყოველთვის.
ჩემი აზრით, თანამედროვე ქართველი ლამაზი ქალების სიაში შეუძლებელია არ იყოს თაკო ჩხეიძე.
martali
02 იანვარი 2012 07:16
გულის ამრევი სტატიაა!!!
და საერთოდ, საქართველოში სექსუალურობაზე "სჯა-ბაასი"
ხომ უაზრობაა,ხოლო ქართველი ქალების ასე გაშიშვლება ამაზრზენია.
ამერიკიდან ხომ არ შეიძლება ყველაფრის უაზროდ გადმოღება? აქ არამც და არამც ნორმალური ქალი საზოგადოებაში მკერდმოშიშვლებული არ წარსდგება განსაკუთრებული შემთხვევების - კონკურსები, "Black Tie Party" და ა.შ.

თუმცა, პოეზიაზე, პროზასა და სხვა მაღალ მატერიებზე საუბარი როგორც ჩანს, "წარსულის გადმონაშთია" დღევანდელ საქართველოში...

ვაი, ჩვენს დღეს, სადამდე უნდა გაგრძელდეს ქაჯების აღლუმი საქართველოში?!

maiko
02 იანვარი 2012 01:14
ვინმემ ამიხსნას კალატოზიშვილის ქალურობა,ყველაზე დიდი ნაკლია კბილების სიპატარავე და ღრძილების სიდიდე,მკერდი მაგას არ ააქვს და თანაც ვფიქრობ კაცობისკენ უფრო იხრება,მაინტერესებს ასევე რა კრიტერიუმებით არჩევთ ბუნებრივობით თუ ხელოვნურობით?მოკლედ აქ წარდგენილებს შორის ფარულავა და მოროშკინა სჯობს,ვერც ნუკის ვერ აღვიქვავ,აფსოლიტურად ჩვეულებრივია ცნობილი რომ არ იყოს არც მოიხედავდი ქუჩაში მაგისთვის,მაკა სასიამოვნო პიროვნებაა და სულ ეს არის,სოფოს რეკლამამ უშველა ცუდი არაა,მაგრამ არც განსაკუთრებული ლამაზი კბილები აქვს,ფაცაციას ძალიან კარგი ტანი აქვს,სახეც არაუშავს,მაგრამ კბილები პატარა,შორენა თავით ფეხებამდე ქაჯია და აწყობილი კლინიკაში ვერ აღვიქვავ,სალომე მომწონს ტანიც კარგი აქვს,ვერიჩკას ულამაზესი თვალები აქვს მოკლედ სახე უვარგა...არა და რამდენი მართლა კარგი გოგო დადის...კარგი იმას ჰქვია რომ მოიხედავ იმის გულისთვის და არა ცნობილობით რომ შეარჩევ!სად უნდა მივცე ხმა?
nana
01 იანვარი 2012 18:37
ქართველი კაცებს არ უნდა ჰქონდეთ გემოვნებაზე პრეტენზია, მთავარია მკერდში სილიკონი ჩაიტენო , ტუჩებშიც სილიკონი და თავში არაფერი, ამის მაგალითია ნინა და ლელა კილაძე-ქალი ნიანგები
nini
01 იანვარი 2012 16:10
მაკა ასათიანი ლამაზიც არის და სექსუალურიც.მაკასთან ესენი ახლოსაც ვერ მივლენ.
Tazo
31 დეკემბერი 2011 17:11
სექსუალურობა მოდის ასაკთან ერთად. არ შეიძლება 20 წლის და 22 წლის იყოს სექსუალური.” - ამბობს მოროშკინა ერთ-ერთ ინტერვიუში
ნამდვილად ვეთანხმები
maka
30 დეკემბერი 2011 23:57
მაკა ასათიანს მართლაც ვერ შეედრებიან ესენი.......
marika
30 დეკემბერი 2011 22:58
მაკა ასათიანი ულამაზესია დღეს-დღეისობით საქართველოში
elene
30 დეკემბერი 2011 22:20
რად უნდა ათეული-მაკა ასათიანს ვერცერთი ჯობს...
gurami49
30 დეკემბერი 2011 16:24
გემოვნებაზე ხომ არ დაობენ... ვის, ია ფარულავა მოსწონს, ვის, ნუკი კოშკელიშვილი... ვის კიდევ, ვინ... აი, მე კი, ყველაზე სექსუალურ ქალად, დოდო ხურცილავა მიმაჩნია!
Tamta Asatiani
30 დეკემბერი 2011 15:01
მაკა ასათიანთან ახლოსაც ვერ მივა მთელი ეს ათეული.
levani kaxeti
30 დეკემბერი 2011 02:47
არ ვიცი ხალხო, მე ჩემი კახური გემოვნებით ადგილებს ასე გავანაწილებდი: 1) მოროშკინა, 2)ფაცაცია, 3)შ. ბეგაშვილი, 4)კალატოზიშვილი და 5)მაკა ასათიანი.
Tazo
29 დეკემბერი 2011 20:29
სოფო ნიჟარაძე,სალომე ღვინიაშვილი და მსგავსნი მისნი როგორ შეიძლება სექსუალურად მიგაჩნდეს? რასისტი არ ვარ,მაგრამ ამ ხალხის აღნაგობა ნამდვილად არ არის განვითარებული სხეულის ჩარჩოებში მოქცეული.სუსტი კბილები,მოკლე შუბლი,განუვითარებელი ვიწრო ყბა_ ეს ის მახასიატებლები არ არის რაც ადამიანის სექსუალობას,ანუ სხვებტან სედარებით მისი სხეულის მაღალგანვითარებულობას ადასტურებს. ასეთ მოუთავებელ ტიპაჟებს,რომ აგზავნით კონკურსებზე,იმიტომაცაა ჯილდოებით დახუნძლულები რომ მოდიან. ამ ჩამონატვალში ყველაზე დახვეწილი აღნაგობა ვერა ქობალიას აქვს,ყოველშემთხვევაში ტელევიზორიდან ასე ჩანს.
გააკეთე კომენტარი
 *   

ყურადღება!!!
უხამსი კომენტარები არ გამოქვეყნდება.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
სხვა სიახლეები
წინასაარჩევნო კამპანია ბევრ სხვა ფაქტორთან ერთად, ორი რამით არის საინტერესო: 1 - რამდენად ჯანსაღია წინასაარჩევნო გარემო, რამდენად თანაბარ პირობებში არიან საპრეზიდენტო კანდიდატები და 2 - რა შინაარსისაა და რამდენად მომხიბვლელია კანდიდატების დაპირებები ელექტორატისთვის. აქედან პირველი ფაქტორი თავად კანდიდატებისთვის არის გადამწყვეტი მნიშვნელობის, მეორე კი - ამომრჩევლისთვის. წინასაარჩევნო დაპირებები ყოველთვის მრავალფეროვანია. დაპირებებისა და სლოგანების ფორმირებაზე ყოველი არჩევნების წინ დიდი ფული იხარჯება. იხარჯება "პიარშიკების" ენერგიაც, რომ რაც შეიძლება დამაჯერებელი იყოს მათი წინასაარჩევვნო დაპირებები ხალხისთვის.
დაწვრილებით...
ერთად გავაგრძელოთ საუკუნის პროექტი!
სწორედ მრავალრიცხოვან მკითხველთა თხოვნით, პროექტი "50 წიგნი, რომელიც უნდა, წაიკითხო სანამ ცოცხალი ხარ", გრძელდება!
"50"  + ბიბლია + "კიდევ 49, რომელიც უნდა წაიკითხო სანამ ცოცხალი ხარ!"
100 წიგნი  ჩვენს თაროზე და 1 საუკუნე სიცოცხლის გზა.
პროექტის პრეზენტაცია გაიმართება ამ სამშაბათს, 12 თებერვალს, 15:00-ზე, საბურთალოზე მდებარე "გუდვილში",  "ბიბლუსის" მაღაზიაში!
დაწვრილებით...

ყველაფერს აქვს დასაწყისი და სასასრული. უბრალოდ, ადამიანების ბუნებრივი სურვილია, რომ ის, რაც კარგია, გავიხანგრძლივოთ; გავაგრძელოთ იქამდე, სანამ ლოგიკურად, დასრულდება... დასასრულისკენ მიდის ყველაზე სახალხო, მასშტაბური და პოპულარული მედიაპროექტი, „50 წიგნი“, თუმცა ამ პროექტთან დაკავშირებული მთავარი სიურპრიზები ჯერ კიდევ წინ გელით და ამ სიურპრიზების ნაწილს აქ, ამ პოსტში გაგიმხელთ...

დაწვრილებით...
მიშას და მის რეჟიმს, "გამშავებლების" წყალობით შეუძლია "გააშავოს" ყველა, ვინც მისი ხელისუფლების წინააღმდეგ წავა.
"ნაცმოს" პროფესიონალ "გამშავებელთა" გუნდს აქვს არაჩვეულებრივი ნიჭი, რომ, პირობითად, პატიოსანი მონაზონიც კი უკანასკნელ კახპად შერაცხოს.
დაწვრილებით...
წიგნი ძალიან გავს მეგობარს. წიგნებს, ისევე როგორც მეგობრებს, თავად ვირჩევთ. ოღონდ ერთი განსხვავებით, იმისთვის, რომ წიგნი შენი მეგობარი გახდეს, მასთან ერთად 10 ფუთი მარილის ჭამა სულაც არ არის საჭირო. უბრალოდ, მას საფუძვლიანად უნდა გაეცნო - ისევე, როგორც მეგობარს დამეგობრებამდე. აი, მერე, მერე კი... მთელი ცხოვრების მანძილზე ხშირად გვახსენდება მათი კონკრეტული ფრაზები და რჩევა-დარიგებები, რომელსაც ხან ვითვალისწინებთ, ხან არა, მაგრამ ფაქტია, რომ ჭკუას ორივე მათგანს ვეკითხებით.
დაწვრილებით...
"ცხოველების ფერმა" - ჯორჯ ორუელის სატირული ალეგორია ტოტალიტარულ მმართველობაზე, სამწუხაროდ, ყველას, ვისაც ეს ნაწარმოები წაკითხული აქვს, საქართველოს თანამედროვე ისტორიას გაახსენებს.
დაწვრილებით...
"ადამიანის ბედნიერება უპირველესად ერთმანეთის სიყვარული და პატივისცემაა. მაგალითად, როცა ქმარი მოდის სამსახურიდან, შენ უნდა შესთავაზო დასვენება, უნდა შესთავაზო ფეხების დაბანა, შესთავაზო საჭმელი, სითბო უნდა აჩვენო შენს ქმარს. მინდა კიდევ ერთხელ დაფიქრდეთ თქვენს მოვალეობაზე. დაფიქრდით თქვენს მოვალეობაზე"
დაწვრილებით...
ამ პოსტით, მეტწილად, ქალბატონების ყურადღების მიქცევა მსურს, რადგან საფრთხე, რომელზეც ამ პოსტში ვსაუბრობ, მათ განსაკუთრებით ემუქრებათ.
ბოლოდროინდელი კვლევები ცხადყოფს, რომ C ჰეპატიტი, იგივე ”ნაზი მკვლელი”, იმ ადგილებში ”ბუდობს”, სადაც სილამაზეზე ზრუნავენ.
სილამაზის სალონები - ადგილი, სადაც ადამიანები მიდიან იმისთვის, რომ იქიდან უფრო ლამაზები წამოვიდნენ, ვიდრე არიან და დარწმუნებული ვარ, რომ მათთვის ძალიან არასასიამოვნო იქნება იმის აღმოჩენა, რომ მათ სილამაზეს მათივე ჯანმრთელობა შეეწირა...
დაწვრილებით...
მთელი ამ დიალოგის განმავლობაში მეც და სხვა დამსწრე ბლოგერებიც ღიმილით ვისმენდით იმას, თუ როგორ გვიმტკიცებდა პრემიერი მედიასთან დაკავშირებით, რომ თეთრი შავია, თუმცა CNN-ს და FOX-ის და ”კავკასიისა” და ”იმედის” შედარებამ დაგვავიწყა, რომ იმ მაგიდასთან ვიჯექით, სადაც მაღალნი ამა ქვეყნისანი მჭმუნვარე სახით, ქვეყნის ხვალინდელი დღისათვის ბჭობენ და მოურიდებლად გადავიხარხარეთ. მას შემდეგ, რაც სიცილით გული ვიჯერეთ...
დაწვრილებით...
მაშინ, როდესაც საქართველოში ოკუპაციიდან ოკუპაციამდე - კვირეული მიმდინარეობს, ქეთა თოფურიამ რუსეთში, პუტინის მხარდამჭერ მიტინგზე იმღერა. ქეთამ საკუთარ გამოსვლამდე შეკრებილებს 23 თებერვალი, სამშობლოს დამცველის დღე მიულოცა, ყველაფერ ამით კი ქართული საზოგადოების დიდი ნაწილი ძალიან გააღიზიანა.  საინფორმაციო პორტალებზე, ფორუმებზე თუ სოციალურ ქსელებზე, გაუთავებლად განიხილავდნენ ამ ამბავს. მათგან ყველაზე საინტერესო კომენტარებს თავი ამ პოსტში მოვუყარე.
დაწვრილებით...
"სასტუმრო ისანში პატარძეულის ქუჩაზე იაფად, სასტუმრო მოქმედია,...
"ქირავდება ტურისტული ავტობუსები 35 ადგილიანიდან 57...
სასწრაფოდ! 4-ოთახიანი, 205 კვ.მ. ინდივიდუალურად დაპროექტებული ...
კერძო სახლი ეზოთი 210 კვ.მ. ა/სადგომი, აივანი,...