როდის გვესტუმრება "ქვეშაფსია" მიხეილი, ანუ წინასაარჩევნო ინციდენტები გადაშენების გაზაზე შემდგართა ქვეყანაში
როდის გვესტუმრება "ქვეშაფსია" მიხეილი, ანუ წინასაარჩევნო ინციდენტები გადაშენების გაზაზე შემდგართა ქვეყანაში
03-10-2016
რამდენიმე დღის წინ გაერთიანებული ერების ორგანიზაციის ექსპერტების მიერ მომზადებულ ერთ წერილს გავეცანი. სტატიაში საქართველოზე წერენ, რომ ქვეყანა უდიდესი დემოგრაფიული პრობლემის წინაშეა. თუ 1989 წელს საქართველოს მოსახლეობა 5.4 მილიონს შეადგენდა, 2014 წელს ამ ციფრმა 3.7 მილიონს ძლივს მიაღწიაო.

გაეროს სპეციალისტების მტკიცებით, 2050 წლისათვის ჩვენი ქვეყნის მოსახლეობა კიდევ 28 პროცენტით შემცირდება, ეთნიკური ქართველების რიცხვი კი განახევრდება. გაერთიანებული ერების ორგანიზაციამ ქართველები "გაუჩინარების გზაზე მყოფი" ერების რიცხვში შეგვიყვანა.

ალბათ დროა განგაშის ზარი შემოვკრათ და გადარჩენის გზების ძიება დავიწყოთ. დემოგრაფიული მდგომარეობის გამოსწორება სასიცოცხლოდ მნიშვნელოვანია. რასაკვირველია, ამ საქმეს რამდენიმე წელიწადში ვერ მოევლება, მაგრამ ამაზე ზრუნვის დაწყება აუცილებელია!

ერთ კვირაში მორიგი საპარლამენტო არჩევნები გველის და მასში მონაწილე პოლიტიკურმა პარტიებმა საკუთარი პროგრამები უკვე გამოაქვეყნეს. შეიძლება კარგად ვერ გავეცანი, მაგრამ რაც ვნახე, დემოგრაფიული პრობლემის გადაწყვეტის გზებზე იქ ვერაფერი აღმოვაჩინე. გვხდება ეკონომიური წინსვლის, სოფლის მეურნეობის აღმავლობის დაწყების, ჯანდაცვის განვითარებისა და პენსიონერთათვის პენსიების მომატების დაპირებები. კი ბატონო, მაგრამ უმთავრესმა რა დააშავა? თუ ქართველები შევმცირდებით და როგორც გაერო "გვამშვიდებს", გადაშენების პირას მისულები, 2050 წელს თითზე ჩამოსათვლელები დავრჩებით, რაღად გვინდა ან ეკონომიკა, ან სოფლის მეურნეობა და საერთოდ... არჩევნები.

თუმცა ეს ქვეყანაში ცოტას თუ ესმის, სამაგიეროდ ერთმანეთისთვის არც ავი სიტყვა, უკვე არც ტყვია და არც სხვა რამ უბედირება გვენანება...

არჩევნები მართლაც კარს მოგვადგა და მონასტერიც უფრო და უფრო ირევა. "ქვეშაფსია" მიხეილ სააკაშვილი რევოლუციით კიდევ ერთხელ დაგვემუქრა, ამ ეპითეტისთვის მე არ მისაყვედუროთ, ასე ოდესის გუბერნატორი თვით მისმა "გოშიამ", ჟურნალისტის უნახავს რომ გაგხდის ადამიანს იმან - "დიდმა" გიორგი გაბუნიამ მოიხსენია... მოკლედ, ოდესაში მყოფი ყოფილი პრეზიდენტის რიგით მეორე სატელეფონო საუბრის ჩანაწერი გამოქვეყნდა, სადაც ქვეყანას ისევ რევოლუციით, სისხლით, ცოცხებით და ათასი "ნაციონალური" უბედურებით ემუქრება... ერთი კითხვა მაქვს,  დაისჯება თუ არა ბოლოს და ბოლოს ბატონი მიხეილი? თავის დროზე უშიშროების ყოფილი მინისტრი ირაკლი ბათიაშვილი მხოლოდ იმიტომ დააკავეს, რომ კოდორის ყოფილ გუბერნატორს ტელეფონით უთხრა: "გამაგრდითო". ამ სიტყვის გამო ბათიაშვილს ემზარ კვიციანის ამბოხის ინტელექტუალური მხარდაჭერისა და დანაშაულის დაფარვის ბრალდებები წაუყენეს. სააკაშვილი ბათიაშვილისაგან განსხვავებით პირდაპირ აჯანყებით იმუქრება, მაგრამ ჯერჯერობით პასუხს არავინ სთხოვს.

სააკაშვილს დაჭერის არ ეშინია და "ნაციონალური მოძრაობის" მხარდამჭერებთან საქართველოში შეხვედრას გეგმავს. რამდენიმე დღის წინ ყოფილმა პირველმა ნიუ-იორკს გადაუქროლა და იქაური ქართული დიასპორის წარმომადგენლებს გადასძახა, საქართველოში მივდივარ, რათა ხმები დავიცვაო. გასაკვირია, ღმერთმანი,  უკრაინიდან ჩვენი ქვეყანა გაცილებით ახლოა ვიდრე ნიუ-იორკიდან. ნეტავი რა ჩაიფიქრა "მზაკვარმა მიხეილმა" ამხელა შემოვლითი გზა რომ აირჩია?

აგერ, ერთ კვირაში იქნება არჩევნები და ვნახოთ სააკაშვილი დაპირებას აასრულებს თუ არა. მანამდე კი მისი მხარდამჭერები წინასაარჩევნო "რეპეტიციას" გადიან და მუშტი-კრივში ვარჯიშობენ. ორი დღის წინ ზუგდიდის რაიონის სოფელ დიდინეძში "ქართული ოცნების" ახალგაზრდული ფრთის წარმომადგენლები წინასაარჩევნო კამპანიას ატარებდნენ, რამაც "ნაციონალური მოძრაობის" წარმომადგენლები გააღიზიანა. ისინი თავს დაესხნენ ამ ახალგაზრდებს და სასტიკად გაუსწორდნენ. ნაცემია სამი ახალგაზრდა, მათ შორის
You must have Flash Player installed in order to see this player.
სასტიკად ნაცემია 19 წლის გოგონა, აფერუმ, "ნაცებო", იცოცხლე, აქამდეც კი ვიცოდით, ქალებთან, ბავშვებთან და პატიმრებთან დიდი გული რომ გაქვთ, მაგრამ მტრის თვითმფრინავის დანახვაზე როგორ დედლდებით, გორში ეგეც ვნახეთ... ჰო, გორი ვახსენეთ და შეუძლებელია ორიოდე სიტყვა არ ვთქვა ამ ქალაქში ექსთავდაცვის მინისტრს ირაკლი ოქრუაშვილს რომ დაესხნენ თავს და არც მეტი არც ნაკლები, ტყვია ესროლეს, ოქრუაშვილი, ღვთის მადლით, გადარჩა, თუმცა ორი კაცი დაიჭრა...

" სუს-ი, მუს-ი, პუს-ი", გაიღვიძე და მიხედე საქმეს!


წინასაარჩევნო "აჟიოტაჟის" მსხვერპლი მოძრაობა "პაატა ბურჭულაძე-სახელმწიფო ხალხისთვის" ლაგოდეხის მაჟორიტარი დეპუტატობის კანდიდატი ლაშა დვალიშვილიც აღმოჩნდა, რომელიც რადიოსადგურ "ჰერეთში" იმყოფებოდა და დაუდგენელი პირები თავს დაესხნენ.
მოკლედ, ბოლო კვირის ქართულ პოლიტიკურ "მოვლენებს" რომ ვეცნობი, თავი ალ კაპონეს დროინდელ ჩიკაგოში მგონია, სადაც გავლენის სფეროს მოსაპოვებლად სხვადასხვა მაფიოზური ორგანიზაცია ერთმანეთს დაუნდობლად ებრძოდა. რასაკვირველია, შორს ვარ იმ აზრისგან, რომ ქართული პოლიტიკური პარტიები ალ კაპონეს დაჯგუფებებს შევადარო, მაგრამ ფაქტია, ქვეყანაში მდგომარეობა მძიმდება...

მოკლედ, ბატონი პაატა კიდევ ერთ სკანდალში, არა ორში გაეხვა, "გირჩი" ხომ გაექცა, მალევე ისიც თქვეს, პარტია ცენტრალური ოფისის დავალიანებას ვერ იხდიდა და იმ დროს წაასწრეს ოფისიდან რომ გარბოდნენო... რას აღარ გაიგებ კაცი...

მცირე ინციდენტების გარეშე არც რომის პაპის ვიზიტს ჩაუვლია. ამ სტუმრობას რა საერთო უნდა ჰქონოდა ან პოლიტიკასთან ან მომავალ საპარლამენტო არჩევნებთან. სამწუხაროდ, ქვეყანაში დაძაბული ფონია და ხალხის ნაწილი ნებისმიერი მიზეზისთვის პროტესტის გამოხატვის სხვადასხვა ფორმებს პოულობს. კიდევ კარგი ჩვენი მოქალაქეების ერთი ნაწილის მიერ რომის პაპის სტუმრობის გაპროტესტება "მშვიდობიანად" დასრულდა და სერიოზულ ექსცესებს გადავურჩით.

რამდენიმე დღის წინ სოციალურ ქსელებში ახალი მოწოდება გამოჩნდა - "მე მინდა, თბილისის ყოფილი იპოდრომი გახდეს "თბილისის ცენტრალური პარკი", ეს ქალაქი ჩვენია!!!". შედგა პეტიცია და მას ხელი ოთხი ათასმა თბილისელმა უკვე მოაწერა. იმედია, ეს სახალხო თაოსნობა წარმატებულ დაბოლოებამდე მიაღწევს და იპოდრომს ძველი ფუნქცია დაუბრუნდება. ძველი ფუნქცია ვახსენე და რამდენიმე წლის წინ, ვიდრე მის ტერიტორიაზე სახლების აშენება დაიწყებოდა, გამაჯანსაღებელი კერის როლს ასრულებდა და ყოველდღიურად ათასობით თბილისელი ვარჯიშობდა. მართალია დღეს გაპარტახებული გახლავთ, მაგრამ რაც გადარჩენილია მისი შენარჩუნება და კეთილმოწყობა ჯერ კიდევ შესაძლებელია.

დამაინტერესა და ქართულ ვებგვერდებზე ამოვიკითხე რომ იპოდრომის ტერიტორიას შპს "ინვესტ კაპიტალი" ფლობს, რომელსაც ამ ტერიტორიის შესახებ სხვადასხვა დროს გარიგებები ბანკ "ქართუსთან" აქვს დადებული, მისი ხელმძღვანელი კახა კობიაშვილი კი ბატონი ბიძინა ივანიშვილის ნათესავია. ბატონ ბიძინას საქართველოსთვის არაერთი სასიკეთო საქმე გაუკეთებია. იმედია, ამ ახალ წამოწყებას გულდასმით მოეკიდება და იპოდრომის პარკად გადაქცევის მართლაც მამულიშვილურ საქმეში საკუთარ წვლილს გაიღებს.

mnmm
09 ოქტომბერი 2016 15:41
ამდენი ბოღმა და სიძულვვილია, გული აგერევა და ასე აპირებთ ქვეყნის გაერთიანებას ან მის გაბრწყინებას??? მეცოდება საქართველო მართლა ...
გიო-გიო
07 ოქტომბერი 2016 12:42
ნაცხროვას ყოველი საქმენი საგმირონი რუსეთის წისქვილზე ასხამდა წყალს. გაიხსენეთ კოდორის ხეობას როგორ მიანიჭა იმ დეგენერატმა "ზემო აფხაზეთის" სტატუსი, ცხინვალის მისებური"გენიალური" ოპერაცია. გაიხსენეთ ვინაა ბიძამისი ალასანია ტიმოხა, გაიხსენეთ ერთ დღეში 3000 თურქისათვის მოქალაქეობის მინიჭება.
სხვა სიახლეები
წინა კვირა ერთმა "ნაციონალმა" ნიკა გვარამიამ "გახსნა", გაგრძელებით კი უგულავა - ბოკერიამ და მათმა თანაპარტიელებმა გააგრძელეს.
დაწვრილებით...
უპირველესყოვლისა 2017 წლის დადგომას გილოცავთ. იმედი მაქვს, მიმდინარე წელი ბოლოს და ბოლოს თქვენი ოცნებების განხორციელების დასაწყისად იქცევა.
დაწვრილებით...
იმ დროს, როდესაც მსოფლიოს ყურადღება გერმანიაში განხორციელებულმა ტერაქტმა და რუსეთის ელჩის მკვლელობამ მიიპყრო, ქართველებს უფრო "შინაური" პრობლემები გვაწუხებდა.
დაწვრილებით...
წინა კვირის ეროვნული, პოლიტიკურ-ეკონომიკური უმთავრესი "მოვლენა" "გაქცეული" ლარის დევნა და მისი "დაჭერის" უშედეგო მცდელობა გახლდათ. ლარის დევალვაცია გრძელდება, ინფლაცია მატულობს და გამკითხავი არავინ არის. ვინ არის დამნაშავე და ეროვნული ვალუტის დაცემაში ბრალი ვის მიუძღვის?
დაწვრილებით...
ბოლოსა და ბოლოს ევროპამ მოწყალების თვალით გადმოგვხედა და უახლოეს მომავალში საქართველოს მოქალაქეებს "მოხუც კონტინენტზე" ვიზების გარეშე გამგზავრება შეეძლებათ. თუმცა იქ საქმიანობის უფლება არ გვექნება და იმედია, ქართველები მაინც და მაინც ისე არ "გამოვიჩენთ თავს", რომ ის ე.წ. შეჩერების მექანიზმი ევროპელებმა პირველად ჩვენზე გამოსცადონ.
დაწვრილებით...
გასულ კვირას პრემიერი კვირიკაშვილი და ქართული დელეგაცია ბრიუსელს სტუმრობდნენ, სადაც საქართველო-ევროკავშირის ასოცირების საბჭოს მესამე სხდომა გაიმართა. პირდაპირ გაოცებული ვარ, ისე გვაქეს და გვადიდეს...
დაწვრილებით...
წინა კვირის მთავარი ქართული პოლიტიკური მოვლენა ქვეყნის ახლადარჩეული პარლამენტის მიერ მთავრობის წევრების საბოლოოდ დამტკიცება გახლდათ. როგორც წესი და რიგია, ამ "რთულ პროცესს" თან ყოველთვის გარკვეული ვნებათაღელვა სდევს, მაგრამ მინისტრობის კანდიდატებმა ამჯერად "სანუკვარი ადგილები" ლამის ერთპიროვნულად, სერიოზული გართულების გარეშე დაიკავეს.
დაწვრილებით...
წინა კვირას ჩვენი "საყვარელი და მუდმივი გმირი" მიხეილ სააკაშვილი "ოდნავ" ჩრდილში მოექცა, რადგან ჩვენს ქვეყანაში მისთვის არ ეცალათ. ქუთაისში საქართველოს პარლამენტის ახალი, რიგით მეცხრე მოწვევის პირველი სხდომა გაიმართა, რომელიც საქართველოს პრეზიდენტმა გიორგი მარგველაშვილმა გახსნა, შემდეგ კი დეპუტატმა რევაზ არველაძემ გააგრძელა.
დაწვრილებით...
გასულ კვირის ქართული პოლიტიკური პერიპეტიები "ტრადიციულად" საინტერესო მოვლენებით დახუნძლული აღმოჩნდა. ჩვენი საზოგადოების ვნებათაღელვა თავდაპირველად აშშ-ის საპრეზიდენტო არჩევნებმა გამოიწვია. შემდეგ "ესტაფეტა" ასევე "ტრადიციულად" ბატონმა მიხეილ სააკაშვილმა გადაიბარა, ბოლოს კი "კომბლეს გამაკრიტიკებელმა" განათლების მინისტრმა ალექსანდრე ჯეჯელავამ გააგრძელა.
დაწვრილებით...
სააკაშვილი ბრძოლის ახალი ეტაპისთვის ემზადება. თავის დროზე მან თავის "გამზრდელებს" - ედუარდ შევარდნაძესა და ზურაბ ჟვანიას უკვე უღალატა.
დაწვრილებით...
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები