"მერე რუსეთს მივხედავ" - რას აპირებს სააკაშვილი 10 - 15 წლის შემდეგ და ვინ ამოსდებს ლაგამს გაჭენებულ ლარს?!
"მერე რუსეთს მივხედავ" -  რას აპირებს სააკაშვილი 10 - 15 წლის შემდეგ და ვინ ამოსდებს ლაგამს გაჭენებულ ლარს?!
26-12-2016
იმ დროს, როდესაც მსოფლიოს ყურადღება გერმანიაში განხორციელებულმა ტერაქტმა და რუსეთის ელჩის მკვლელობამ მიიპყრო, ქართველებს უფრო "შინაური" პრობლემები გვაწუხებდა.

"ნაციონალებში" ამბები ტრიალებს, დედა შვილს არ აიყვანს, ამაზე ცოტა მოგვიანებით, მანამდე კი მიხეილ სააკაშვილს რა დიდი გეგმები ჰქონია  ამაზე მოგახსენებთ.

მოკლედ, ეს ჩვენი და უკრაინელების მიშა მორიგ შეხვედრას მართავდა კიევში, ჰოდა, ერთმა სანდომიანმა ყმაწვილმა ჰკითხა: "რას აპირებთ 10-15 წლის შემდეგ, როდესაც უკრაინაში ყველაფერი მოგვარდება და აღარ იქნება კორუფცია, გარიგებები და იმ სახის სირთულეები, რაც დღესაა, პენსიაზე ხომ არ გახვალთ"? რაზეც მიხეილ სააკაშვილმა უპასუხა:
"არა, არა, არ ვაპირებ პენსიაზე გასვლას, მერე რუსეთს მივხედავთ. იმათაც ხომ უნდათ დახმარება, უკრაინას შევუერთებთ, ცივილიზაციას შევიტანთ. სახელს გადავარქმევთ და Новороссиа- ს დავარქმევთ".

მოკლედ, დარბაზში გვარიანად კი იცინეს, მაგრამ მიშა, მგონი, არ ხუმრობდა... მე კი ცოტა არ იყოს გამიხარდა ეს ამბავი, მაგას ისეთი დიდი გეგმები ჰქონია, ეგებ შეეშვას ჩვენს პატარა საქართველოს და დაგვასვენოს...

ახალი წელი გვიახლოვდება და "გაქცეულ - გაჭენებული" ლარის "მოთოკვა" კვლავ უმძიმეს ამბად რჩება. კვირის ბოლოს  ეროვნული ვალუტა "ცოტათი მოჭკვიანდა", მაგრამ საბოლოო "დადინჯებამდე" ჯერ კიდევ ბევრი უკლია.

ბოლოსა და ბოლოს ეროვნულმა ბანკმა, მოგვიანებით კი საქართველოს მთავრობამაც აღიარა, რომ ლარის დევალვაციის უპირველესი მიზეზი სპეკულაცია ყოფილა.

"ჩვენი წინასწარი შეფასებით, მიმდინარე კურსი უფრო მეტად არის გაუფასურებული, ვიდრე რაციონალური მოლოდინი განაპირობებს", - ნათქვამია ეროვნული ბანკის განცხადებაში.

ეხლა კი დაფაცურდნენ ქვეყნის მმართველები, მაგრამ სანამ ურემი გადაბრუნდებოდა სად იყვნენ? ფაქტია, კურსის ცვლილებით მავანმა და მავანმა ხელი მოითბო და დღეს ეროვნული ვალუტის "გამყარების ოპერაციას" ალბათ ერთგვარი ღიმილითაც კი უყურებს.

როგორ არ დავეთანხმო ანალიტიკოს ნოდარ ჭიჭინაძეს, რომელმაც პირდაპირ განაცხადა რომ ლარის გაუფასურება არა ეკონომიური ფაქტორით, არამედ სხვა მიზეზებით არის განპირობებული, ეროვნული ბანკი კი "გვიან გამოფხიზლდა".

ლარის "მოთოკვის" ოპერაცია გრძელდება. ჯერჯერობით შედეგი არადამაკმაყოფილებელია, მაგრამ ადამიანი იმედით ცოცხლობს. ვნახოთ...

ახლა ისევ მიშას ჯერია, ვიდრე აქ ეკონომიკურ პრობლემებს ვებრძვით, უკრაინაში ბატონ მიხეილ სააკაშვილს ახალი ბრალდება წამოუყენეს.
ცოტა ხნის წინ, ჩვენი ქვეყნის ყოფილმა "პირველმა" თავის ოფიციალურ გვერდზე გამოაქვეყნა განცხადება, რომ მიმდინარე წლის განმავლობაში სამხედრო შეიარაღების შეძენისას უკრაინის თავდაცვის უწყებამ 2.9 მილიონი გრივენი მოიპარა.

ამ ცილისწამებას უპასუხოდ ვინ დატოვებდა და უკრაინის სახელმწიფო სამხედრო კონცერნმა შემდეგი ოფიციალური განცხადება გაავრცელა:
"მოვუწოდებთ ბატონ სააკაშვილს ჩვენი კორუფციის შესახებ თავისი განცხადებები უკან წაიღოს. ნუ დაკავდება პოლიტიკური პოპულიზმით და ნუ გამოიყენებს ამისთვის საიდუმლო დოკუმენტებს. ეს საფრთხის წინაშე დააყენებს ჩვენს სამხედრო კონტრაქტებს, რაც თავის მხრივ ქვეყნის თავდაცვისუნარიანობაზე უარყოფითად იმოქმედებს", - ნათქვამია განცხადებაში.

როგორც თავშიც მოგახსენეთ, წინა კვირის ქართული პოლიტიკური ცხოვრების უმთავრესი "გმირები" კვლავ "ერთიანი ნაციონალური მოძრაობა" და მისი წევრები იყვნენ. ფაქტია, პარტიაში დიდი განხეთქილებაა და არის "საშიშროება" რამდენიმე ნაწილად გაიყოს.

ყრილობა 20 იანვარს არის დანიშნული და ჯერ არ არის ცნობილი საერთოდ ჩატარდება თუ არა. რადგან ისეთი შთაბეჭდილება რჩება, რომ ბოკერიას და სააკაშვილის დაჯგუფებები ამ ყრილობას ცალ-ცალკე ამზადებენ... მიხეილ სააკაშვილის
You must have Flash Player installed in order to see this player.
"უკრაინული დირექტივებით" თუ ვიმსჯელებთ, ყრილობა აუცილებლად უნდა გაიმართოს, დავით ბაქრაძე და გიგა ბოკერიას ე.წ. გუნდი კი მის გადადებას ითხოვს. ფაქტია რომ "ნაციონალურ მოძრაობაში" ვითარება ყოველდღიურად იძაბება და ურთიერთბრალდებებსა და კრიტიკულ შეფასებებს პარტიის ლიდერები ერთმანეთს დაუსწრებლად, სოციალური ქსელებისა და ტელევიზიის მეშვეობით უთვლიან.

"შეუცვლელი ლიდერობის პრეტენზიის მქონე პოლიტიკოსი იქამდე მივიდა, რომ მის წარმოდგენაში ეგზისტენციალური დიდგორი 20 იანვარს, სპორტის სასახლეში, საკუთარ, თუნდაც ყოფილ თანამებრძოლებთან შერკინებაში ეგულება", - განაცხადა გივი თარგამაძემ.

მიშას ამბავი არ იცით, რასაც მოიწადინებს, იმას დაარქმევს "დიდგორს", "ნაცმოძრაობა" კი არა, აგერ მთლად რუსეთი მიხედვას აპირებს და დიდგორი მაშინ ნახეთ...

იხილეთ ასევე: "საქმე აქამდე რომ მივიდა, ამაზე სააკაშვილია პასუხისმგებელი" - ვინ შედიან "ნაცმოძრაობის" ГКЧП-ში?!

soso
30 დეკემბერი 2016 16:20
Martla magari kopila!
J A G A
29 დეკემბერი 2016 10:00









ტიპიური თანა'მედროვე ,,ყვარყვარე'' ხარ

ს ა ა კ ი ა ნ ც ო !

შენ ამ ქვეყნიერებას უკვე აღარ ეკუთვნი . . .




სხვა სიახლეები
წინა კვირა ერთმა "ნაციონალმა" ნიკა გვარამიამ "გახსნა", გაგრძელებით კი უგულავა - ბოკერიამ და მათმა თანაპარტიელებმა გააგრძელეს.
დაწვრილებით...
უპირველესყოვლისა 2017 წლის დადგომას გილოცავთ. იმედი მაქვს, მიმდინარე წელი ბოლოს და ბოლოს თქვენი ოცნებების განხორციელების დასაწყისად იქცევა.
დაწვრილებით...
წინა კვირის ეროვნული, პოლიტიკურ-ეკონომიკური უმთავრესი "მოვლენა" "გაქცეული" ლარის დევნა და მისი "დაჭერის" უშედეგო მცდელობა გახლდათ. ლარის დევალვაცია გრძელდება, ინფლაცია მატულობს და გამკითხავი არავინ არის. ვინ არის დამნაშავე და ეროვნული ვალუტის დაცემაში ბრალი ვის მიუძღვის?
დაწვრილებით...
ბოლოსა და ბოლოს ევროპამ მოწყალების თვალით გადმოგვხედა და უახლოეს მომავალში საქართველოს მოქალაქეებს "მოხუც კონტინენტზე" ვიზების გარეშე გამგზავრება შეეძლებათ. თუმცა იქ საქმიანობის უფლება არ გვექნება და იმედია, ქართველები მაინც და მაინც ისე არ "გამოვიჩენთ თავს", რომ ის ე.წ. შეჩერების მექანიზმი ევროპელებმა პირველად ჩვენზე გამოსცადონ.
დაწვრილებით...
გასულ კვირას პრემიერი კვირიკაშვილი და ქართული დელეგაცია ბრიუსელს სტუმრობდნენ, სადაც საქართველო-ევროკავშირის ასოცირების საბჭოს მესამე სხდომა გაიმართა. პირდაპირ გაოცებული ვარ, ისე გვაქეს და გვადიდეს...
დაწვრილებით...
წინა კვირის მთავარი ქართული პოლიტიკური მოვლენა ქვეყნის ახლადარჩეული პარლამენტის მიერ მთავრობის წევრების საბოლოოდ დამტკიცება გახლდათ. როგორც წესი და რიგია, ამ "რთულ პროცესს" თან ყოველთვის გარკვეული ვნებათაღელვა სდევს, მაგრამ მინისტრობის კანდიდატებმა ამჯერად "სანუკვარი ადგილები" ლამის ერთპიროვნულად, სერიოზული გართულების გარეშე დაიკავეს.
დაწვრილებით...
წინა კვირას ჩვენი "საყვარელი და მუდმივი გმირი" მიხეილ სააკაშვილი "ოდნავ" ჩრდილში მოექცა, რადგან ჩვენს ქვეყანაში მისთვის არ ეცალათ. ქუთაისში საქართველოს პარლამენტის ახალი, რიგით მეცხრე მოწვევის პირველი სხდომა გაიმართა, რომელიც საქართველოს პრეზიდენტმა გიორგი მარგველაშვილმა გახსნა, შემდეგ კი დეპუტატმა რევაზ არველაძემ გააგრძელა.
დაწვრილებით...
გასულ კვირის ქართული პოლიტიკური პერიპეტიები "ტრადიციულად" საინტერესო მოვლენებით დახუნძლული აღმოჩნდა. ჩვენი საზოგადოების ვნებათაღელვა თავდაპირველად აშშ-ის საპრეზიდენტო არჩევნებმა გამოიწვია. შემდეგ "ესტაფეტა" ასევე "ტრადიციულად" ბატონმა მიხეილ სააკაშვილმა გადაიბარა, ბოლოს კი "კომბლეს გამაკრიტიკებელმა" განათლების მინისტრმა ალექსანდრე ჯეჯელავამ გააგრძელა.
დაწვრილებით...
სააკაშვილი ბრძოლის ახალი ეტაპისთვის ემზადება. თავის დროზე მან თავის "გამზრდელებს" - ედუარდ შევარდნაძესა და ზურაბ ჟვანიას უკვე უღალატა.
დაწვრილებით...
ირაკლი კობახიძის პარლამენტის თავმჯდომარეობა არასერიოზული ამბავი მგონია და თუ გინდათ მომკალით... თუმცა "ქართულ ოცნებაში" ჩემსავით სულაც არ ფიქრობენ და ბიჭის სპიკერად წარდგენაც უკვე გადაწყვიტეს. ძალიან მინდა ისე აღმოჩნდეს, რომ მე ვცდებოდე და არა ქვეყნის მმართველი პარტია, თუმცა რა ვიცი, რა ვიცი...
დაწვრილებით...
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები