"გრეჩიხიჩის" "გმირობა"და საშობაოდ გალახული გვარამია
"გრეჩიხიჩის" "გმირობა"და საშობაოდ გალახული გვარამია
09-01-2017
უპირველესყოვლისა 2017 წლის დადგომას გილოცავთ. იმედი მაქვს, მიმდინარე წელი ბოლოს და ბოლოს თქვენი ოცნებების განხორციელების დასაწყისად იქცევა. სამწუხაროდ, პოლიტიკამ ტაიმ-აუტის აღება არ იცის. მისთვის არც ახალი წელი არსებობს და არც შობა, მუდმივად "მოქმედებაშია" და სად რა სიურპრიზს მოაწყობს, კაციშვილმა არ იცის.

ჰოდა, ახალი წლის პირველ დღეებს ისეთი პირი უჩანს ჟურნალისტებს მთელი წელი საკბილო არ მოაკლდებათ.

"ნაცმოძრაობაში" მონასტერი ისე ირევა, უკვე შეუძლებელი ჩანს მისი დალაგება, ციხიდან გამოსულმა უგულავამ კი გვითხრა, ვეცდებიო, თუმცა, ვფიქრობ, ეს სულ ყასიდად ნათქვამი იყო, რეალურად კი მთელი აურზაურის ერთ-ერთი მთავარი სულისჩამდგმელი სწორედ ისაა... აბა, ტყუილად ხომ არ ეღირსა თავისუფლება?

მოკლედ, გვარამიას "გრეჩიხიჩის" მიერ ცემას თუ ცოტა ხანს დავივიწყებთ, გასული კვირის მთავარი მოვლენა, რაღა თქმა უნდა, თბილისის ყოფილი მერის გიგი უგულავას საპატიმროდან გათავისუფლებაა. ამ ფაქტმა ქართული საზოგადოების დიდი ვნებათაღელვა გამოიწვია. ნაწილი მიესალმა, ნაწილმა კი ამჟამინდელი მთავრობის მოქმედება სასტიკად დაგმო. ფაქტია, თბილისის ყოფილი მერი დამნაშავეა და ამისთვის პასუხი მკაცრად უნდა ეგო. სამწუხაროდ, ჩვენს ქვეყანაში სამართალს ორმაგი სტანდარტი გააჩნია. იგივე უგულავამ არაერთ საკითხში (ჩამოთვლას არ დავიწყებ) საკუთარი ბრალეულობა აღიარა, მაგრამ ამით რა...

"ნაცმოძრაობის" მიშისტი წევრები ამტკიცებენ, გიგა ბოკერიას გუნდი (რომელშიც უგულავაც მოიაზრება) მთავრობასთან ფარულ გარიგებაში შევიდაო. ფაქტია, რომ 20 იანვრისთვის დანიშნულ "ნაციონალური მოძრაობის" ყრილობაზე არაერთი "საინტერესო" მოვლენის მომსწრენი გავხდებით.

უგულავასთან ერთად ბრალდებები მოუხსნეს დავით კეზერაშვილსაც. სასამართლომ თავდაცვის ყოფილი მინისტრი რიყის ეპიზოდთან დაკავშირებით გაამართლა და მისთვის შეფარდებული პატიმრობა გააუქმა.

რა ხდება გამაგებინეთ? ეს ჩემი პირადი აზრია, მაგრამ ამ ორ ადამიანს არაერთი დანაშაული აქვს ჩადენილი და მათი გათავისუფლება იქნებოდა? უგულავა-კეზერაშვილმა უამრავი ადამიანი გააუბედურა და ამ ხალხმა სამართალი სად იპოვოს?

თუ ადამიანებს პირადი შურისძიებისკენ უბიძგებთ?


ამ ხელისუფლების გადამკიდე, ამის მაგალითები, იცოცხლე, გვაქვს. სხვას თუ თავი დავანებოთ, აგერ რამდენიმე დღის წინ, შობის დღესასწაული კიდევ ერთი "სკანდალით" დასრულდა. "რუსთავი 2"-ის გენდირექტორ ნიკა გვარამიას ლევან გაჩეჩილაძის ვაჟი, რატი თბილისის ერთ-ერთ რესტორანში ფიზიკურად გაუსწორდა. ექსპოლიტიკოსის შვილმა ეს ნაბიჯი სწორედ პირადი შურისძიებით ახსნა.

"ღიად ვაცხადებ: ეს შემთხვევა, რომელიც რესტორანში მოხდა იყო ჩემი რეაქცია იმ ფიზიკურ და მორალურ შეურაცხყოფაზე, რომელიც მე და ჩემმა ოჯახმა განვიცადეთ განვლილი წლების განმავლობაში გვარამიას და არა მხოლოდ მისგან. ჩემს გარდა იმ ინციდენტში არ მონაწილეობდა არავინ", - დაწერა რატი გაჩეჩილაძემ.

რასაკვირველია, კაცის საჯაროდ ცემა დასაგმობი ფაქტია და მას გამართლება არ აქვს. მაგრამ მოდით, ამ ამბავს მეორე კუთხით შევხედოთ.
წინა მთავრობის წარმომადგენლებს ხელისუფლებაში ყოფნის წლებში არაერთი დანაშაული აქვთ ჩადენილი. იგივე კეზერაშვილისა და უგულავას მაგალითებზე ვრწმუნდებით, რომ ამჟამინდელი მთავრობა სამართლის აღდგენისათვის აქტიურ ნაბიჯებს ვერ ან არ დგამს. რა რჩება? რა და თავის დროზე გამწარებული ხალხის პირადი შურისძიება. ეს საშიში ტენდენციაა და არის ალბათობა, რომ ჩვენს ქვეყანაში ეპიდემიასავით გავრცელდეს. აქვს იგივე გიგი უგულავას გარანტია რომ თბილისში მისგან გაუბედურებულ ადამიანს არ წააწყდება და გვარამიასავით არ გაილახება?..
You must have Flash Player installed in order to see this player.
კიდევ ერთხელ ვიმეორებ, დროა ხელისუფლებამ სამართლის აღდგენის პროცესს ბოლოსა და ბოლოს თავი მოაბას, კანონის ყველა დამრღვევი კი მკაცრად დაისაჯოს!

ისევ "ნაციონალებს" რომ დავუბრუნდეთ, კარს მომდგარი ყრილობის წინ რატიანი რიგი წევრების საარჩვენო სიიდან ამოღებას ცესკო-ს სთხოვს, საპარლამენტო ფრაქციის თავმჯდომარეს ნიკა მელიას კი, რომელმაც ბოლო დღეებში მიშისტების ფრთისკენ ისკუპა, თანამდებობიდან უშვებენ...

მოკლედ, ბრძოლა "ნაცებს" შორის ძალაში შედის, გამარჯვებული ვინ დარჩება, ამას მალე ვნახავთ.

პ.ს. დასასრულ კი ერთ-ერთი "ფეისბუკმომხმარებლის" სახუმარო სტატუსს გთავაზობთ: "გიგი უგულავამ თქვა, გველი გამიზრდია უბეში, არადა, მელია მეგონაო..."

იხილეთ ასევე: "მე რამდენჯერ მცემეთ? ძვლებს რომ მიმსხვრევდით, მაშინ რატომ არ გმობდით ძალადობას"? - როგორ ეხმაურებიან გვარამიას ცემას "ფეისბუკში"?

მარო
13 იანვარი 2017 11:16
მანანას- ჯერ კარგად წაიკითხეთ რაზეც პასუხობთ 2-ჯერ, იქნებ დასმულ კითხვებზეც გეპასუხათ?
გასაგებად-ნაცი არ ვარ. უბრალოდ სასურველია ყველამ რეალურად აღვიქვათ მოცემულობა
13 იანვარი 2017 01:20
Vai tqvens patrons
სხვა სიახლეები
წინა კვირა ერთმა "ნაციონალმა" ნიკა გვარამიამ "გახსნა", გაგრძელებით კი უგულავა - ბოკერიამ და მათმა თანაპარტიელებმა გააგრძელეს.
დაწვრილებით...
იმ დროს, როდესაც მსოფლიოს ყურადღება გერმანიაში განხორციელებულმა ტერაქტმა და რუსეთის ელჩის მკვლელობამ მიიპყრო, ქართველებს უფრო "შინაური" პრობლემები გვაწუხებდა.
დაწვრილებით...
წინა კვირის ეროვნული, პოლიტიკურ-ეკონომიკური უმთავრესი "მოვლენა" "გაქცეული" ლარის დევნა და მისი "დაჭერის" უშედეგო მცდელობა გახლდათ. ლარის დევალვაცია გრძელდება, ინფლაცია მატულობს და გამკითხავი არავინ არის. ვინ არის დამნაშავე და ეროვნული ვალუტის დაცემაში ბრალი ვის მიუძღვის?
დაწვრილებით...
ბოლოსა და ბოლოს ევროპამ მოწყალების თვალით გადმოგვხედა და უახლოეს მომავალში საქართველოს მოქალაქეებს "მოხუც კონტინენტზე" ვიზების გარეშე გამგზავრება შეეძლებათ. თუმცა იქ საქმიანობის უფლება არ გვექნება და იმედია, ქართველები მაინც და მაინც ისე არ "გამოვიჩენთ თავს", რომ ის ე.წ. შეჩერების მექანიზმი ევროპელებმა პირველად ჩვენზე გამოსცადონ.
დაწვრილებით...
გასულ კვირას პრემიერი კვირიკაშვილი და ქართული დელეგაცია ბრიუსელს სტუმრობდნენ, სადაც საქართველო-ევროკავშირის ასოცირების საბჭოს მესამე სხდომა გაიმართა. პირდაპირ გაოცებული ვარ, ისე გვაქეს და გვადიდეს...
დაწვრილებით...
წინა კვირის მთავარი ქართული პოლიტიკური მოვლენა ქვეყნის ახლადარჩეული პარლამენტის მიერ მთავრობის წევრების საბოლოოდ დამტკიცება გახლდათ. როგორც წესი და რიგია, ამ "რთულ პროცესს" თან ყოველთვის გარკვეული ვნებათაღელვა სდევს, მაგრამ მინისტრობის კანდიდატებმა ამჯერად "სანუკვარი ადგილები" ლამის ერთპიროვნულად, სერიოზული გართულების გარეშე დაიკავეს.
დაწვრილებით...
წინა კვირას ჩვენი "საყვარელი და მუდმივი გმირი" მიხეილ სააკაშვილი "ოდნავ" ჩრდილში მოექცა, რადგან ჩვენს ქვეყანაში მისთვის არ ეცალათ. ქუთაისში საქართველოს პარლამენტის ახალი, რიგით მეცხრე მოწვევის პირველი სხდომა გაიმართა, რომელიც საქართველოს პრეზიდენტმა გიორგი მარგველაშვილმა გახსნა, შემდეგ კი დეპუტატმა რევაზ არველაძემ გააგრძელა.
დაწვრილებით...
გასულ კვირის ქართული პოლიტიკური პერიპეტიები "ტრადიციულად" საინტერესო მოვლენებით დახუნძლული აღმოჩნდა. ჩვენი საზოგადოების ვნებათაღელვა თავდაპირველად აშშ-ის საპრეზიდენტო არჩევნებმა გამოიწვია. შემდეგ "ესტაფეტა" ასევე "ტრადიციულად" ბატონმა მიხეილ სააკაშვილმა გადაიბარა, ბოლოს კი "კომბლეს გამაკრიტიკებელმა" განათლების მინისტრმა ალექსანდრე ჯეჯელავამ გააგრძელა.
დაწვრილებით...
სააკაშვილი ბრძოლის ახალი ეტაპისთვის ემზადება. თავის დროზე მან თავის "გამზრდელებს" - ედუარდ შევარდნაძესა და ზურაბ ჟვანიას უკვე უღალატა.
დაწვრილებით...
ირაკლი კობახიძის პარლამენტის თავმჯდომარეობა არასერიოზული ამბავი მგონია და თუ გინდათ მომკალით... თუმცა "ქართულ ოცნებაში" ჩემსავით სულაც არ ფიქრობენ და ბიჭის სპიკერად წარდგენაც უკვე გადაწყვიტეს. ძალიან მინდა ისე აღმოჩნდეს, რომ მე ვცდებოდე და არა ქვეყნის მმართველი პარტია, თუმცა რა ვიცი, რა ვიცი...
დაწვრილებით...
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები