ეს ის საქართველოა, სადაც...
ეს ის საქართველოა, სადაც...
04-02-2016
შევდივარ "ფეისბუკზე: და მრჩება შთაბეჭდილება, რომ "სხვაგან მოვხვდი". ქვეყანაც ორ, არათანაბარ ნაწილად არის გაყოფილი: საქართველო და suckართველო. ნელნელა სქროლავ პოსტებს და გეღიმება, მერე საკუთარი ღიმილიც გაშინებს… მერე, ხვდები, რომ რამდენიც არ უნდა იჭიკჭიკო, გაზაფხულს მაინც ვერ მოიყვან. ყეფა არც გამოსავალია, რადგან ქარავანს მაინც ვერ შეაჩერებ და არც პრესტიჟული, რაკი უკვე ძირითადად კატები ყეფენ… თუმცა მაინც არ ელოდები დროს, გზის დანახვას ურმის გადაბრუნებამდე ცდილობ, შვილებს დედ-მამის გამონახვამდე ატყობ კოჭებში, ვისი გორის არიან და რაც მთავარია ხვდები…

ხვდები, რომ ეს ის საქართველოა, სადაც:

  1. სადაც მავანნი ოპერაში ცხოველის ქურქით შემოსილ ქალბატონებს განიხილავენ და გვერდითვე ტყავის საფულე, ჩანთა, ტყავისვე ფეხსაცმელი ულაგიათ, ცოტა ხნის წინ კბილებში ჩარჩენილი ხორციც ნეკა თითზე გაზრდილი ფრჩხილით გამოიჩიჩქნეს და მაინც: გმობენ ბეჭებზე შემოგდებულ "მკვდარ ცხოველებს". ის, რომ ოპერა გაიხსნა, რა მოხდა, რა იყო და როგორ - ფეხებზე გვკიდია. აქვე შეგახსენებთ, ოპერა ბრაუზერიც არის, სადაც შეიძლება ხალათით და ფეხშიშველი შესვლაც, თუმცა მარტივად, დაგუგლეთ, როგორი ჩაცმულობით სტუმრობენ ოპერას სხვა ქვეყნებში, მგონი ორი "ოპერა" აგვერია ერთმანეთში.
  2. სადაც გადაშლილი ბიბლიით ხელში, მორალს მიმდინარე და ყოფილი მეძავები გიკითხავენ, ათი მცნებიდან პუნქტებსაც არგუმენტად იშველიებენ, იმ პუნქტებს, წინა საღამოს თავად რომ დაარღვიეს, ან ვერ დაარღვიეს მხოლოდ იმიტომ, რომ ფორმაში აღარ არიან და პარტნიორიც ასე მარტივად აღარ იშოვება.
  3. სადაც ერის მთავარ პრობლემას გეების ქორწინების დაკანონება წარმოადგენს, სხვა არაფერი გვაწუხებს… "ფეისბუკომისთვის" ყველას გვცალია, ქუჩაში ლოზუნგებით დასადგომადაც მზად ვართ, ხელსაც დავარტყამთ თუ საჭიროა, უფრო სწორად ხელს არა, ბიბლიის ყდას ვურტყამთ თავში! იმ ბიბლიის, რომელიც ალბათ არასდროს გადაგვიშლია, ან უბრალოდ გადაგვიშლია…
  4. სადაც სასულიერო პირი რიგშიც პირველია, საცობშიც და მეტიც, გინებით ან სიგნალით აგიკლებს, თუ არ გაატარებ, ისინი ხომ
    You must have Flash Player installed in order to see this player.
    განსაკუთრებული პრივილეგიებით უნდა სარგებლობდნენ, მათი კრიტიკაც - ბიზნეს კლასის ბილეთია, ჯოჯოხეთის რეისზე.
  5. სადაც ქართველი ვარსკვლავი ბანკში იპოთეკის მოხსნას გთხოვს და საკრედიტო ექსპერტს (მო)სთხოვს, რომ მისი სახელი ჩაიდონ, ის ხომ თვით პირობითად: გურამ შეროზია! (ბანკში მუშაობის პერიოდის პირადი მოგონებებიდან). დავაკონკრეტებ: "ვარსკვლავი" ცნობილია - პოპულარული და გავლენიანი კაცების "საყვარლობით"
  6. სადაც მეძავი მამაკაცები მეძავი ქალებისკენ თითს იშვერენ, საჯაროდ და მათი ცხოვრების წესს გმობენ!
  7. სადაც ლამაზი და ცნობადი გოგონები ქმრის მორჩილების, ცალმხრივი ღალატის პროპაგანდით სარფიანად გათხოვებას ცდილობენ, საქმროს კანდიდატურაზე კი - ვაკანსიას მათი მამები აცხადებენ.
  8. სადაც ხალხი ხელმოწერებს აგროვებს პროფილის და ჯაჯანიძის "სხვა არა და იგივე რაკურსის" დასახურად, როცა რეალურად მათ ყურებას არავინ აძალებთ, მეტიც, ხუთშაბათს მოუთმენლად ელიან, ნახვის შემდეგად აქტიურად განიხილავენ სტუმრებს და მადლობელიც კი არ არიან, აგრესიისგან დაცლის საშუალება რომ მისცეს. ნუ უყურებთ "ბრატცი" და თავისით დაიხურებიან, მარტივი ამბავია.

მადლობა, ჩემს გარშემომყოფებს, რომ მე სხვა, ნათელ საქართველოში ვცხოვრობ და წარმოდგენა არ მაქვს სად მდებარეობს "suckართველო", თუ "ფეისბუკაგრესიას" არ ჩავთვლით…

(მრავალ)წერტილი.

გურამ შეროზიას ბლოგი
shoda
27 თებერვალი 2016 15:14
სადაც საოცრად განათლებული ხალხი ცხოვრობს, ისეთი როგორიც ეს შეროზიაა!
-წინ საქართველო!
ucnobi
11 თებერვალი 2016 20:07
...სადაც მამაკაცება აპატიურებენ
სხვა სიახლეები
შესავალში დიდი დრო რომ არ დავკარგოთ, მოდით, პირდაპირ საქმეზე გადავიდეთ და განვიხილოთ პუნქტებად:
დაწვრილებით...
1. ბოზი - ბოზები არ არსებობენ, არსებობენ ადამიანები, რომლებსაც არ აქვთ სექსუალური შეზღუდვები და ტკბებიან თავისუფლებით. სექსის ბიზნესად გადამქცევებს კიდევ - მეძავები ეწოდებათ.
დაწვრილებით...
წარმოიდგინეთ, რომ ხართ მოხუცი კაცი და მიდიხართ ათიოდე წლის ბავშვთან და ვირთან ერთად ქუჩაში…
დაწვრილებით...
ამასწინათ ერთ ჩემ არც თუ ისე შორეულ, 26 წლის ნაცნობს კონფლიქტი ჰქონდა ემიგრანტ დედასთან - ფული დროზე გამომიგზავნე და ბინა მიყიდე, თორემ ჩამოვალ და მოგკლავო, ემუქრებოდა.
დაწვრილებით...
სად აქვთ ამ ბიჭებს/გოგონებს თვალები, ან როდემდე უნდა ვიარო მარტო?! მსგავსი შეკითხვები გარშემო ხშირად გვხვდება, ისევე, როგორც ქორწინებას, ან უბრალოდ სასიყვარულო ურთიერთობას მოწყურებული გოგო-ბიჭები
დაწვრილებით...
ქართული სტუმართ-მასპინძლობის ტრადიცია მხოლოდ ისტორიის კუთვნილება, ხელშეუხებელი "წმიდათა-წმინდა" მოვლენა არ არის და ის ყოველთვის დროზე მორგებული ჩვეულება იყო. ახლაც, 21-ე საუკუნეში ჩვენ - ქართველი მასპინძლები, ყველანაირი ხერხებით ვცდილობთ შთაბეჭდილების მოხდენას, ჩვენი უცხოელი სტუმრების გაოცებასა და მოხიბვლას.
დაწვრილებით...
რამდენიმე დღის წინ, ვინმე ნაციონალისტების მიერ მოხდა აღმაშენებლის გამზირზე არც ისე მშვიდობიანი მსვლელობა, თურქული ბანერების ჩამოყრა, ადამიანების შევიწროვება და ამით "ქართველობის დაბრუნების" მცდელობა…
დაწვრილებით...
ამასწინათ, პლეხანოვზე მეგობარს ველოდებოდი, რომელმაც ტრადიციულად დაიგვიანა. რკინიგზელთა სახლის მოპირდაპირედ, ქუჩის კუთხეში გავჩერდი და სიგარეტს მოვუკიდე, როცა ნაცნობი (ოდესღაც მეგობარი) შემეჩეხა…
დაწვრილებით...
გადაწყვეტილია.

მოლაპარაკებას აღარ ექვემდებარება…
დაწვრილებით...
იყიდება ბინა (ლილოს ბაზრობასთან 2
ქირავდება 1,5 ოთახიანი ბინა დღიურად,
აღმაშენებლის ხეივანზე დიღომი 7-ში 2100
კუთხის მზიანი ბინა,
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები