გემოვნებაზეც დაობენ
დიდი ფრანგი ფერმწერი, იმპრესიონისტთა სკოლის უმნიშვნელოვანესი წარმომადგენელი ოგიუსტ რენუარი პალიტრას სიცოცხლის ბოლომდე არ უშვებდა ხელიდან. ღრმად მოხუცებულ და სნეულ მხატვარს ძალაგამოცლილ თითებზე ფუნჯს ძაფით უმაგრებდნენ და ისე ხატავდა. მას სიცოცხლით ტკბობის უნარი ბოლო წუთებამდე არ დაუკარგავს. სწორედ ამ პერიოდს მიეკუთვნება მისი წითელ და ვარდისფერ ფერებში შესრულებული პეიზაჟები, პორტრეტები, რომლებზეც საოცრად მომხიბვლელ შიშველ ნატურებსაც გამოსახავდა.

ამ მხრივ რენუარის სრული ანტიპოდი იყო მეორე დიდი შემოქმედი ამადეო მოდილიანი. იგი პორტრეტისტი იყო.
You must have Flash Player installed in order to see this player.
რენუარისაგან განსხვავებით, მას პიროვნების ხასიათი, მისი სულიერება უფრო აინტერესებდა და მის ტილოებზე გამოსახული ადამიანებიც,  სხეულის არაპროპორციული ფორმებითა და ორიგინალურ ფერთა გამით, უპირველესად სწორედ საკუთარ განწყობასა და სულიერ მდგომარეობას გვაზიარებენ.

სკანდალური გამოდგა ამ ორი შემოქმედის შეხვედრა. მოდილიანი, რომელიც რენუარზე გაცილებით ახალგაზრდა იყო, საკმაოდ გაუწონასწორებელი ხასიათით გამოირჩეოდა, თუმცა მეგობრებმა მაინც გარისკეს და იგი მოხუც მაესტროს ვილაში მიუყვანეს გასაცნობად. შეხვედრა თითქოს მშვიდობიანად წარიმართა, ისაუბრეს ხელოვნებაზე, წითელი ღვინოც დააგემოვნეს და დამშვიდობებასაც აპირებდნენ, როდესაც რენუარმა სტუმარს მიმართა:

- ვერ წარმოიდგენთ, რა ნეტარებას განვიცდი, როდესაც შიშველი ნატურის ხატვისას ტილოზე ფუნჯით ქალის ვარდისფერ უკანალს ვეალერსები...”
- მე კი სულ არ მაინტერესებს ეგ შენი უკანალი!” - უყვირა აღშფოთებულმა მოდილიანიმ.
მოაზადა ლადო გოგუაძემ
მკითხველის კომენტარი (0)
კომენტარი ჯერ არ გაკეთებულა.
იყავი პირველი!
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
1 1
რუბრიკის სხვა სიახლეები
თვის კითხვადი სტატიები