თბილისში ნაპოვნი პროკურორი ვახტანგ ქირია, სავარაუდოდ, მოკლულია
თბილისში ნაპოვნი პროკურორი ვახტანგ ქირია, სავარაუდოდ, მოკლულია
მთავარი პროკურორის მოადგილე გიორგი გაბიტაშვილმა დაადასტურა, რომ თბილისში, ვაჟა-ფშაველას მე-7 კვარტალში, 24-ე კორპუსში, ნაპოვნი გარდაცვლილი მამაკაცი სამეგრელო-ზემო სვანეთის უფროსი პროკურორი ვახტანგ ქირიაა.

გაბიტაშვილი, ისევე როგორც შს მინისტრი გიორგი მღებრიშვილი და მთავარი პროკურორი ირაკლი შოთაძე, შემთხვევის ადგილზე იმყოფებოდა. კითხვაზე, არის თუ არა ის მოკლული, გაბიტაშვილი აცხადებს, რომ სავარაუდოდ, მოკლულია, თუმცა, მისივე თქმით, განცხადება ამის თაობაზე მოგვიანებით გავრცელდება. ადგილზე ამ დრომდე სამართალდამცველები და ექსპერტ-კრიმინალისტები მუშაობენ.

სამეგრელო-ზემო სვანეთის უფროს პროკურორს ვახტანგ
You must have Flash Player installed in order to see this player.
ქირიას რამდენიმე დღის განმავლობაში ეძებდნენ. ქირია სახლიდან გავიდა და აღარ დაბრუნებულა. მისი ტელეფონი კი რუსთავში, ქუჩაში იპოვეს, მაგრამ თავად არსად ჩანს. ასევე ვერ აგნებენ ქირიას ავტომობილს. პროკურორის გაუჩინარების ერთ-ერთ ვერსიად მისი სამსახურეობრივი საქმიანობა განიხილება. კერძოდ, ქირია ზუგდიდის საოლქო პროკურატურაში მუშაობდა და მას ოკუპირებულ აფხაზეთში მომხდარი დანაშაულები ებარა. გავრცელებული ინფორმაციით, ოთხი დღის წინ მას უცნობმა პირებმა დაურეკეს, იგი სახლიდან გავიდა, მან მობილურ ტელეფონს მხოლოდ ერთხელ უპასუხა, ხოლო შინ აღარ დაბრუნებულა. აღნიშნულთან დაკავშირებით მთავარი პროკურატურის პრესსამსახურის ხელმძღვანელმა ნათია სუხიაშვილმა "ინტერპრესნიუსს" გუშინ განუცხადა, რომ სამეგრელო-ზემო სვანეთის საოლქო პროკურატურის განყოფილების უფროსი პროკურორი ვახტანგ ქირია თითქმის ორი დღეა არ გამოცხადებულა სამსახურში და არც ოჯახთან კონტაქტზე გასულა.

"ინტერპრესნიუსი"

მკითხველის კომენტარი (4)
luxo
17 იანვარი 2016 15:07
დაანებეთ თავი ევროპისათვის კეკლუცობას, აღადგინეთ განზრახ მკვლელობისათვის სიკვდილით დასჯა! -ეს ღონისძიება ათი პოტენციური მკვლელიდან, ცხრას მაინც დააფიქრებს. ნუ ვიქნებით რომის პაპზე უფრო კათოლიკები, ა.შ.შ უმეტესობა შტატებში, სამართალის ძალით, სიკვდილით დასჯა აკრძალული არ არის.
ზუზუ
17 იანვარი 2016 14:22
აი ქვეყანა! უნდა შევეგუოთ.
ბუბუ
17 იანვარი 2016 10:43
პროკურორებს კლავენ
გამუძიებელი საქმეებს კიდევ ერთი დაემატა
i r m a
17 იანვარი 2016 00:48
დამიბეჭდეთ გთხოვთ, რაც ამ მკვლელობის ამბავი გაჟღერდა დავაკვირდი და არაანაირი კომეტარი არ დევს არც აქ , არც ამბები.გე-ზე. ვინმე, ნარკომანი და ყაჩაღი სპეცოპერაციის დროს ორმხრივ სროლაში , რომ დაღუპულიყო,( ასეთებიც დაიფაროს უფალმა , მათაც დედები და საყვარელი ადამიანები ყავთ) აჭრელებული იქნებოდა კომენტარებით. ეს მიანიშნეს იმაზე, რომ საზოგადოების უდიდესი ნაწილი კრიმინალებს უფრო გულშემატკივრობს ან ეშინიათ. ქვეყანაში სადაც პროკურორს კლავენ, მანქანას უცხრილავენ, პოლიციელს კლავენ არ მგონია დაცულად გრძნობდეს ვინმე თავს.
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
რუბრიკის სხვა სიახლეები
თვის კითხვადი სტატიები