"პაპიძეს არ უთქვამს, რომ პოლიციელთა ძალადობის გამო მუცელი მოეშალა" - რას ჰყვება სახალხო დამცველი ქმრისა და შვილის მკვლელობაში ბრალდებულზე?!
"პაპიძეს არ უთქვამს, რომ პოლიციელთა ძალადობის გამო მუცელი მოეშალა" - რას ჰყვება სახალხო დამცველი ქმრისა და შვილის მკვლელობაში ბრალდებულზე?!
08-02-2016
"ვიცოდი, რომ მაგდა ფეხმძიმედ იყო და "კაპეზეში" გადაყვანის დროს არაადამიანური მოპყრობის გამო შეუწყდა ორსულობა"

წლის ყველაზე სასტიკ მკვლელობაში ბრალდებული 26 წლის მაგდა პაპიძის საქმეზე სასამართლო სხდომა 10 თებერვალს არის დანიშნული. ახალგაზრდა ქალი ქმარ-შვილის - 27 წლის ომარ და 5 წლის თორნიკე ქაფიაშვილების მკვლელობას არ აღიარებს, თუმცა მას წინასწარი პატიმრობა შეეფარდა.

პროკურატურის მტკიცებით, "19 დეკემბერს, ღამით, მეუღლეზე განაწყენებულმა მაგდა პაპიძემ ქმარი თავში უროს ჩარტყმით მოკლა, 5 წლის შვილი კი გაგუდა.
ბრალდების ცნობით, ტრაგედიამდე სამი დღით ადრე მაგდა პაპიძემ დიდუბეში 25 ლარად ურო შეიძინა და სწორედ ის ურო ჩაარტყა თავში მძინარე მეუღლეს, შემდეგ ბინაში იატაკი მორეცხა, თუმცა ოთახის დათვალ­იერებისას ექსპერტებმა კედელზე სისხლის კვალი მაინც იპოვეს. სისხლიანი ურო პაპიძემ ნაგვის ურნაში ჩააგდო, იქვე გადაყარა ზეწარი, სისხლიანი ქაღალდის ხელსახოცები, თეფშის ნამსხვრევები და ნაკუწებად ქცეული ოჯახური ფოტოები. გამოძიების ცნობით, ამის შემდეგ პაპიძემ ცხედრები გარეთ გაიტანა­ და სცადა მათი მანქანაში მოთავსება. ბავშვი უკანა სავარძელზე მოათავსა, თუმცა მეუღლის ცხედრის მანქანამდე მიტანა ვერ შეძლო. ამის შემდეგ დერეფნის მოპირდაპირე ოთახში მცხოვრებ დედამთილს შველა სთხოვა, უთხრა, თითქოს ცხედრები იპოვა. პროკურ­ორის თქმით, ყველა ნივთმტკიცება ამოღებულია და დანიშნულია კომპლექსური ექსპერტიზა.

პროკურატურა მკვლელობის მოტივად იმას ასახელებდა, რომ ბრალდებულ მაგდა პაპიძეს სძულდა მეუღლე და მასთან კონფლიქტი ჰქონდა. მაგდა პაპიძე დანაშაულს არ აღიარებს, თუმცა მეუღლესთან ცუდ ურთიერთობას ადასტურებს და ამბობს, რომ მისი ქმარი პათოლოგი იყო, ეჩხუბებოდა და აწამებდა. პაპიძის თქმით, მეუღლე მას შემდეგ შეზიზღდა, რაც სხვა მამაკაცი შეუყვარდა.
დაკავებიდან რამდენიმე დღეში ქმარ-შვილის მკვლელობაში ბრალდებულმა პოლიციის განყოფილებაში მასზე ძალადობის შესახებ ინფორმაცია გაავრცელა. პაპიძის ოჯახის წევრებმა კი ტელევიზიით განაცხადეს, რომ მაგდა პაპიძე დაკავებისას ჩვენების გამოძალვის მიზნით პოლიციელებმა სასტიკად აწამეს, რა დროსაც მას მუცელი მოეშალა.

ლანა პაპიძე, მაგდას და (სტილი დაცულია):
"ვიცოდი, რომ მაგდა ფეხმძიმედ იყო და "კაპეზეში" გადაყვანის დროს არაადამიანური მოპყრობის გამო შეუწყდა ორსულობა. მას ცელოფანი ჩამოაცვეს სახეზე, გაუხდიათ ტანსაცმელი. მაგდა ამბობს, ხუთნი იყვნენ, მათი სახეები არ მახსოვსო. სამაგიეროდ, ახსოვს მათი სახელები. თქვა, დივანზე დამაგდეს და სახეში მირტყესო, თვალები ჩალურჯებული ჰქონდა... პერიოდულად ცელოფანს მხდიდნენ, მერე ბოთლი შემოიტანესო...

მერე ექსპერტიზაზე წაუყვანიათ. მთელი თირკმლები დალეწილი ჰქონდა, წიხლები ურტყეს, რასაც ექსპერტიზაც ადასტურებს.­ სახე ჰქონდა დალეწილი, ყბა მობრეცილი. ამაზე სისხლის სამართლის საქმე არ აღძრულა. მაგდას მესამე დღეს მუცელი (სამი თვის ორსული იყო) მოეშალა. მაგდა ჰყვება, გამთენიისას ფსალმუნების კითხვა დავიწყე და მთავარი ბადრაგი შემოვარდა, იყვირა, რას აკეთებთო. იმ კაცმა ჩამაცვა ტანსაცმელიო. ამის მერე ჩემმა დამ მეტყველება დაკარგა და ღუდუშაურის კლინიკაში გადაიყვანეს. დაკავების ღამეს მოხდა ეს, როცა შსს-მ გამოაცხადა, რომ საქმე გახსნილია".

მას შემდეგ, რაც ბრალდებულმა პაპიძემ პოლიციელების არაადამიანური მოპყრობის ფაქტზე თავისი ადვოკატის მეშვეობით განცხადება გააკეთა, იგი მე-5 იზოლატორში სახალხო დამცველის წარმომადგენლებმა მოინახულეს.

უჩა ნანუაშვილი, სახალხო დამცველი: - პაპიძე ამბობდა, რომ აღიარებაზე უარის თქმის გამო ძალადობის
You must have Flash Player installed in order to see this player.
მსხვერპლი გახდა. დათვალიერებისას სხეულზე დაზიანებები ჰქონდა, თუმცა ეს პოლიციის განყოფილებაში მოხდა თუ მანამდე, ამას ვერ გავარკვევდით, ამიტომაც მივმართეთ პროკურატურას. ორი კვირაა ვითხოვთ მასალების მოწოდებას, თუ რა ეტაპზეა გამოძიება, მაგრამ ჯერჯერობით უწყებიდან პასუხი არ მიგვიღია. მაგდა პაპიძემ თავდაპირველად აღიარა დანაშაული, შემდეგ უარყო. მან და მისი ოჯახის წევრებმა ურთიერთგამომრიცხავი განცხადებები გააკეთეს, ამიტომ გვინდა მეტი მასალა გვქონდეს, რათა დასკვნები გაკეთდეს.

- მაგდა პაპიძემ თქვენს წარმომადგენლებს თუ უხსენა ბოთლის დეტალი, ან ის, რომ პოლიციელთა ძალადობის გამო მუცელი მოეშალა?

- პაპიძეს მსგავსი რამ არ უხსენებია. ამ­ბობდა, რომ მწამებლების ამოცნობა შეუძლია. სხვა დეტალები ჩვენც ტელეეთ­ე­რით შევიტყვეთ.

იმის გასარკვევად, თუ რა მდგომარეობაში მიიყვანეს მაგდა პაპიძე ციხეში, საქართველოს სასჯელაღსრულებისა და პრობაციის სამინისტროს მივმართეთ, სადაც განგვიმარტეს:

"პერსონალურ მონაცემთა დაცვის შესახებ" საქართველოს კანონის თანახმად, პირის ჯანმრთელობის მდგომარეობის შესახებ ინფორმაცია განსაკუთრებული კატეგორიის მონაცემს განეკუთვნება. შესაბამისად, მისი გაცემა პირის წერილობითი თანხმობის გარეშე დაუშვებელია. რაც შეეხება ბრალდებულ პირს, იმის გათვალისწინებით, რომ მის მიმართ არ არსებობს სასამართლოს საბოლოო გადაწყვეტილება, ხოლო ჯანმრთელობის შესახებ ინფორმაცია კონფიდენციალურია, სამინისტრო მოკლებულია შესაძლებლობას, მსგავსი ტიპის ინფორმაცია გასცეს".

როგორც გაირკვა, პროკურატურას მკვლელობაში ბრალდებულის საქმის მასალები ადვოკატისთვის ჯერ არ გადაუცია­. არც კომპლექსური დასკვნის პასუხებია ცნობილი, რომლის მიხედვითაც დადგინდება, მკვლელობის მომენტში ბინაში მაგდა პაპიძისა და მისი ქმარ-შვილის გარდა, იყო თუ არა სხვა პირი. მას შემდეგ, რაც ექსპერტიზის პასუხები გახდება ცნობილი, ბევრ კითხვას გაეცემა პასუხი.

ნანა ფიცხელაური
eka
12 თებერვალი 2016 12:26
აღარ უნდა დამთავრდეს ხალხის წამება პოლიციელების მეირ? რატომ არ იძიებენ ამ ფაქტს და რატომ არავინ არ ისჯება?
სხვა სიახლეები
2016 წლის 13 აპრილს ვარკეთილში, ელდარის ქუჩაზე, ყოფილი 109-ე სკოლის ეზოში, 35 წლის ქალი ქმარმა სიცოცხლეს გამოასალმა.
დაწვრილებით...
ჩემი ინფორმაციით, ფარულად მოხდა ზურაბ ჟვანიას გვამის ექსჰუმაცია, შესაბამისი ექსპერტიზის ჩატარება და არაფერი არ აღმოჩნდა,
დაწვრილებით...
თუ ექიმი რეცეპტის გარეშე წამალს გინიშნავთ, გიწერთ ფურცელზე, რომელზეც აღნიშნულია კლინიკის ლოგო და ექიმის ვინაობა, ეს არის მტკიცებულება, რომ მან გარიგების პირობა შეასრულა და გასამრჯელო ეკუთვნის. გასამრჯელო შეიძლება იყოს პროცენტები, რომელიც თითოეულ წამალზე ერიცხება და მყისიერად ჯდება მის ანგარიშზე ან თვის ბოლოს ხელფასის სახით იღებს
დაწვრილებით...
PRIME
პროკურატურამ ე.წ. ფოტორეპორტიორების საქმეზე ორი პირის მიმართ სისხლისსამართლებრივი დევნა დაიწყო
დაწვრილებით...
"უცხოელი ექსპერტების ჩართვამ ჟვანიას საქმის გამოძიებაში დრო გაწელა"

ექსპერტი, რომელსაც ზურაბ ჟვანიას საქმეზე ერთი მნიშვნელოვანი დასკვნა აქვს გაცემული, ორი წლის წინ სახლში გარდაცვლილი იპოვეს
დაწვრილებით...
PRIME
"საქართველოში სექსტრეფიკინგის პრეტენზიით ძირითადად სომეხი, უზბეკი და ყირგიზი მოქალაქეები მოგვმართავენ"
დაწვრილებით...
PRIME
"რაც შეეხება პრემიერის გარდაცვალებიდან სამი თვის თავზე ექსპერტიზის ბიუროს ხელმძღვანელის, ლევან სამხარაულის მკვლელობას, ეს ფაქტი საეჭვოა, რადგან ის ზურას საქმის გამოძიების დეტალებზე სრულად იყო ინფორმირებული"
დაწვრილებით...
ეკა ფარულავას ქალიშვილის თქმით, დედა ხშირად ახსენებდა ამ ვალს და წუხდა, რომ გადახდას ვერ ახერხებდა. მისი თქმით, მკვლელობის დღეს დედამისმა ბაზარში, სადაც წვრილმანებს ყიდდა, დაიბარა, რომ მევალესთან შესახვედრად მიდიოდა, საიდანაც ცოცხალი ვეღარ დაბრუნდა.
დაწვრილებით...
2016 წლის 1-ლ დეკემბერს, სანდრო გირგვლიანის მკვლელობის საქმეზე მიხეილ სააკაშვილისთვის შეფარდებულ ბრალთან დაკავშირებით განხილვა გაიმართა, რომელზეც ყოფილი პრემიერი ზურაბ ნოღაიდელი დაკითხეს.
დაწვრილებით...
სასწრაფოდ! იყიდება 600 კვ.მ მიწის
აღმაშენებლის ხეივანზე, დიღომი-7 1520კვმ მიწის
იყიდება 90 კვ.მ. სამ ოთახიანი
ქირავდება დღიურად, კორპუსის იზოლირებული კომფორტული
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები