"სიკვდილს გადავურჩი, მაგრამ სხეულში 9 ტყვია ჩამრჩა"
"სიკვდილს გადავურჩი, მაგრამ სხეულში 9 ტყვია ჩამრჩა"
შს მინისტრმა ახმეტელი პოლიციელი სამსახურებრივი მოვალეობის შესრულების დროს გამოჩენილი მამაცობისთვის დააჯილდოვა

გასული წლის 16 სექტემბერს ჩვენი საიტი ერთი პოლიციელის თავდადებაზე წერდა, ბიჭზე, რომელიც იმჟამად სიკვდილს ებრძოდა. ჩვენთვისაც დიდი სიხარული იყო იმის გაგება, რომ ის გადარჩა და მეტიც, გამოჩენილი მამაცობისთვის დააჯილდოვეს კიდეც.

იხილეთ: "ტყვია ჯერ კიდევ თავში აქვს, უფლის იმედი მაქვს, რომ არ გამწირავს და ჩემი ბიჭი გადარჩება" - დაჭრილი პოლიციელის მდგომარეობა კვლავ მძიმე


"მოწოდებით­ უნდა იყო პოლიციელი და ბოლომდე ერთგულად მიჰყვე
You must have Flash Player installed in order to see this player.
საქმეს, რომელსაც შეეჭიდე, თუნდაც სიცოცხლის ფასად დაგიჯდეს ხალხისა და კანონის ს
ამსახური", - ამბობს 27 წლის ინსპექტორ-გამომძიებელი, ელიზბარ პატარკაცაშვილი, რომელიც რამდენიმე თვის წინ სიკვდილს ბეწვზე გადაურჩა. 31 დეკემბერს, შს მინისტრმა პოლიციელი სამსახურებრივი მოვალეობის შესრულების დროს გამოჩენილი მამაცობისთვის, პროფესიონალიზმისა და თავდადებისთვის დააჯილდოვა.

- 112-დან შემოვიდა შეტყობინება, რომ ზემო ალვანში, ერთ ოჯახში შვილი ძალა­დობდა დედაზე. შემთხვევის ადგილისკენ გავეშურეთ, გზაზე ნაცემი დედა შეგვხვდა, რომელიც შვილს სახლიდან გამოეგდო. თანამშრომლებს ვუთხარი, მე გადავალ, გავიგებ,­ რა ხდება და თუ საჭირო გახდა, დაგიძახებთ-მეთქი. სახლში­ შესულს, მესროლა, მაგრამ პირველი ტყვია ამაცდინა. რამდენიმე წამში მეორედ გაისროლა და თავში დამჭრა, მესამე გასროლით კი გულმკერდის არეში მომხვდა ტყვიები.
ფარდას ამოფარებული მესროდა, ტკივილი არ მიგრძნია, მხოლოდ ის დავინახე, თავი­დან და სხეულიდან სისხლი რომ მდიოდა.

ძალა მოვიკრიბე, ეზოდან გამოვედი და ბიჭებს ვუთხარი, საავადმყოფოში წამიყვანეთ-მეთქი. ამ დროს დასახმარე­ბლად მოსულმა პოლიციელებმა თავდამსხმელი დააკავეს. ექიმები ოპერაციას არ მიკეთებდნენ, აზრი არა აქვს, მაინც ვერ გადარჩებაო. დაზიანებული მქონდა გული და ფილტვიც. მერე მაინც გარისკეს, თუმცა ეჭვობდნენ, რომ გადარჩენის შემთხვევაში ინვალიდი დავრჩებოდი. საბედნიეროდ, გადავრჩი, თავის ქალაში - 7, ხერხემლის არეში კი 2 ტყვია დამრჩა.

ადამიანს, რომელმაც დამჭრა, განზრახ მკვლელობის მცდელობისთვის 108-ე მუხლი წაუყენეს, რაც 20 წლამდე თავისუფლების აღკვეთას, ან უვადო პატიმრობას ითვალი­სწინებს. დედამისი სასამართლოზე მეუბნებოდა, ღმერთს ვეხვეწებოდი, რომ გადარჩენილიყავიო.

6 წელია პოლიციაში ვმუშაობ და მსგავს­ სიტუაციაში არასოდეს მოვხვედრილვარ. შს მინისტრმა მამაცობისთვის ჯილდო გადმომცა, ჩემთვის ეს დიდი სტიმულია.

ნანა ფიცხელაური
მკითხველის კომენტარი (6)
მურთაზი
15 თებერვალი 2016 23:24
ღმერთმა ჯანმრთელობა და სიკეთე მოგცეს ელიზბარ, გეტყობა ვაჟკაცი ხარ, ასეთი ოპერაციის დროს უსაფრთხოების ზომები აუცილებლად გაითვალისწინე, რადგან შენნაირმა ვაჟკაცებმა კიდევ დიდხანს უნდა ემსახუროს სამშობლოს, გაიხარე ოჯახთან და კეთილისმსურველებთან ერთად, უფალი გფარავდეს, მადლობა ქვეყნის სამსახურისათვის, მადლობა რომ ემსახურებით სამშობლოს.
lizi
15 თებერვალი 2016 21:49
Qmerti iyos §eni mfarveli es mixaria rom cocxali xar deda§ens vulocav §vilis gadarçenas
ana
15 თებერვალი 2016 20:06
შენ გაგიმარჯვოს ძმაო ჯანრტლეი ბედნიერი და გახარებული და გამრავლებული იარე დედამოწაზე მარა 9 ტყვია?
ლევანი
15 თებერვალი 2016 17:31
ელიზბარ ძმაო და მეგობარო, ღერთმა გამრავლოს, აფერუმ დედაშენს ესეთი შვილის გაზრდისთვის, გაიხარე, შენ და შენისთანა ვაჟკაცების მხრებზე დგას ეს ქვეყანა....
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
1 1
რუბრიკის სხვა სიახლეები
მნიშვნელოვანი ინფორმაცია
მამულ-დედული
გაზეთის სტატია. მიიღეთ წვდომა
გაზეთის სტატია. მიიღეთ წვდომა
გაზეთის სტატია. მიიღეთ წვდომა