"საფეთქელში დამიზნებით ესროლა" - ქმრის მიერ მოკლული კიდევ ერთი ქალი და დაობლებული პატარები
"საფეთქელში დამიზნებით ესროლა" - ქმრის მიერ მოკლული კიდევ ერთი ქალი და დაობლებული პატარები
"ლიკას ორი შვილი დარჩა, უფროსი 9 წლის არის, უმცროსი კი 5-ის; როგორი გადასატანი იქნება მომხდარი მათთვის?! შვილებს დედა მოუკლა და ცხოვრება დაუმახინჯა. როცა ციხიდან გამოვა, შვილებს თვალებში როგორ უნდა შეხედოს?! ამას არასოდეს აპატიებენ"

6 თებერვალს, გვიან ღამით თბილისში მორიგი ტრაგედია დატრიალდა - 31 წლის ლიკა ტატუაშვილი ყოფილმა მეუღლემ პისტოლეტის ერთი გასროლით, ქუჩაში გამოასალმა სიცოცხლეს. ბოლო 10 დღის განმავლობაში ოჯახური კონფლიქტის ნიადაგზე მომხდარი ეს უკვე მეორე
You must have Flash Player installed in order to see this player.
მკვლელობაა, რომელიც დედაქალაქში მოხდა. წინა შემთხვევაში ორი შვილის დედა, 30 წლის ნინო კილასონია ყოფილმა მეუღლემ, ფაქტობრივად, შვილების თვალწინ  მოკლა. ლიკა ტატუაშვილი ყოფილ მეუღლეს 3 წლის დაშორებული იყო და დედაქალაქში, კუკიის დასახლებაში, უფლისციხის ქუჩაზე ცხოვრობდა, მუშაობდა და მცირეწლოვან შვილებს ფულს სოფელში უგზავნიდა. ის ამავე ქუჩაზე მეგობრის ბინიდან, რომელთანაც ის ბოლო 2 თვის განმავლობაში ცხოვრობდა, საკუთარმა მამიდამ გამოიყვანა მეუღლესთან დასალაპარაკებლად, რომელიც მკვლელობას შეესწრო.
40 წლის ეჭვმიტანილი მამაკაცი სამართალდამცველებმა გამთენიისას დააკავეს. ამოღებულია დანაშაულის ჩადენის იარაღი - მაკაროვის სისტემის პისტოლეტი. შსს-ს ინფორმაციით, დაკავებულმა დანაშაული აღიარა.

გარდაცვლილის მეგობარი, რომელმაც ვინაობის გამხელა არ ისურვა, მომხდარზე გვესაუბრა:

- უახლოესი ადამიანი მომიკლეს, შეძრწუნებული ვარ; იმასაც ძალიან განვიცდი, რომ ლიკას გარშემო უამრავი ჭორი გავრცელდა. არადა, მას საჭორაო არაფერი ჰქონდა! ძალიან თბილი და იმდენად ძლიერი ადამიანი იყო, რომ საკუთარ ტკივილებზე ლაპარაკით არასოდეს შეგაწუხებდა.
მეუღლეზე, რომელიც კახეთის ერთ-ერთ სოფელში ცხოვრობს, არასოდეს ლაპარაკობდა, როგორც ჩანს ისეთი მძიმე წლები ჰქონდა მასთან გამოვლილი, ძალიან უმძიმდა ლაპარაკი, მაგრამ ვინაიდან მისი შვილების მამა იყო და თან ლიკასთან შეხვედრას დაჟინებით მოითხოვდა, ლიკა რამდენჯერმე შეხვდა. როგორც ვიცი, წინა შეხვედრებისას არ უჩხუბიათ...

ლიკას ორი შვილი დარჩა, უფროსი 9 წლის არის, უმცროსი კი 5-ის; როგორი გადასატანი იქნება მომხდარი მათთვის?! შვილებს დედა მოუკლა და ცხოვრება დაუმახინჯა. როცა ციხიდან გამოვა, შვილებს თვალებში როგორ უნდა შეხედოს?! ამას არასოდეს აპატიებენ.

- მკვლელობა, სავარაუდოდ, ეჭვიანობის ნიადაგზე მოხდა...
- არ ვიცი, რა ვთქვა, სამი წელია უკვე არ ცხოვრობდნენ ერთად... ლიკას ღამით მამიდამ დაუძახა, - ახლა ყველა იმ საწყალ ქალს ამტყუნებს, გოგო შუაღამისას გარეთ რატომ გამოიყვანაო, მაგრამ რა იცოდა ლიკას ქმარს გულში რა ჰქონდა; როგორც ჩანს, აღარ მოეშვა, - ლიკას შემხედვარე, შერიგება მინდაო... ეტყობა, ქალს გული ცუდს უგრძნობდა და ლიკა ყოფილ ქმარს რომ ელაპარაკებოდა, იმ ადგილს არ მოშორებია, იქვე იდგა ახლოს. რას წარმოიდგენდა, რომ იარაღით იყო მისული და გოგოს მოკვლას აპირებდა. ამ უბედური ქალის თვალწინ მოხდა ყველაფერი... საფეთქელში დამიზნებით ესროლა, თავის ქალა ჰქონდა ახდილი. გოგო გამუდმებით მუშაობდა, რათა ბავშვებისთვის არაფერი მოეკლო, მარტო იმათი სიხარულით ცხოვრობდა... ბოლოს ყვავილების მაღაზიაში მუშაობდა, ფაქტობრივად, ქუჩაში იდგა დილიდან დაღამებამდე. წელს საშინელი ყინვები იყო და ისეთი გაყინული მოდიოდა შინ, ძალიან მტკივა გული...

ეთერ ერაძე (სპეციალურად საიტისთვის)

მკითხველის კომენტარი (35)
exxx
15 თებერვალი 2016 04:18
ნეტავ შენსს მაგივრად ის ლიკა იყოსს .
თამუნა
12 თებერვალი 2016 12:40
ასე იმიტომ ხდება რომ იციან რომ ოდესმე გამოვლენ ციხიდან,და გააგრძელებენ ცხოვრებას, თორემ ასე არ იზავდნენ, შეეშნდებოდათ საკუთარი თავის გამო, ეგოისტები, არც კი ვიცი რა დავარქვა ასეთ ადამიანს, უკანასკნელი ნაძირალა ალბათ, შვილებიც არ ეყვარება თორემ დედას არ მოუკლავდა, ღმერთმა მაპატიოს თუ რამე არასწორად ვთქვი :((
mariami
11 თებერვალი 2016 02:21
საშინელებაა... ნამდვილად უბედურება მაგრამ არც თქვენ ხართ ამ მკვლელ კაცზე რამით ნაკლებნი, იგივეს ითხოვთ სიკვდილს, სიკვდილით დასჯას!!! დარწმუნებული ვარ საკუთარი ხელითაც გამოასალმებდით სიცოცხლეს მაშ რითი ხართ ამ მკვლელ კაცზე ნაკლებნი ? ? ? ''ეშმაკის ქვა'' მაინც წაიკითხეთ ხალხოო თქვენ უარეს ცოდვაში დგამთ ფეხს როდესაც ფსიქიკურად გაუწონასწორებელი ხალხის სიკვდილით დასჯას ითხოვთ. უნდა გამკაცრდეს კანონი თუნდაც სამუდამო პატიმრობა და არა ხუთ ექვს წლიანი სასჯელი.. არანაირი ამინისტია მაგრამ არა სიკვდილით დასჯა.... ვუსამდიმრებ ოჯახს და მეგობრებს ...
...
11 თებერვალი 2016 01:27
gavgijdi raa gegoneba cicilebi iynon an meored modiodnon am pveyanaze saocaria tavis shvilebs deda rogor moukla.rogor ar sheebrala tavisi shvilebi.xalxo gavufrtxildet ertmanetis sicocxles ik yvela wavalt dalaparakeba tu ar jris dbnebe tavi da iyos tavistvis ras uswrafeb erti cida sicocxles.shen tavsac igupav da tavsac gupav ristviip?
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
1 1
რუბრიკის სხვა სიახლეები