"უთქვამს, ერთი "ტრუპიც" დავიმატეო"
"უთქვამს, ერთი "ტრუპიც" დავიმატეო"
15-02-2016
"ჯერ კაცს ესროლა, მერე ყოფილი ცოლისთვის თმაში წაუვლია ხელი და სამი ტყვია დაუხლია"

"სულ ერთად იყვნენ დედა-შვილი, მარი წუთით ვერ ძლებდა უდედოდ..."

"კახა წესიერი კაცი იყო. დღე და ღამე შრომობდა. შვილის ამბავი ადარდებდა, - ძალიან ცუდად არის, ღვიძლი კი გადაუნერგეს, მაგრამ, ეტყობა, ორგანიზმმა ვერ შეითვისაო. რამე რომ დაემართოს, გავგიჟდებიო..."


10 თებერვალს, ღამით, გორში, გურ­ამიშვილის ქუჩის ერთ ეზოში, რამდენიმე კაცი შეკრებილიყო - ისრაელიდან 25 წლის მარიამ ქისიშვილის ჩამოსვენებას ელოდნენ. მარიამი, დედასა და ძმასთან ერთად, რამდენიმე წლის წინ ისრაელში გადავიდა საცხოვრებლად. ახალგაზრდა ქალი მოულოდნელად ავად გახდა. უმძიმესი ოპერაციაც ჩაუტარდა - ღვიძლი გადაუნერგეს. არაფერი ეშველა, მარიამი საავადმყოფოში­ გარდაიცვალა... ისრაელიდან ცხედარი დედამ და მარის მეუღლემ ჩამოასვენეს. ღამის 2 საათზე­ ის იყო, ცხედარი მანქანიდან გადმო­ასვენეს, რომ დამხვდურთა თვალ­წინ საშინელი ტრაგედია დატ­რიალდა - მარიამის მამამ, 50 წლის კახა ქისიშვილმა ყოფილი­ მეუღლე, 45 წლის ირმა გაგლოშვილი და მისი მეორე ქმარი, რომა ჯოჯიშვილი "მაკაროვის" პისტოლეტის რამდენიმე გასროლით მოკლა და მიიმალა...

სამართალდამცავებს ამ დრომდე დამნაშავე არ დაუკავებიათ. უმძიმეს მდგომარეობაშია მარიამის ძმა. აღარც დედა მყავს,­ აღარც და, მამა გაიქცა, სულ მარტო დავრჩი, -მხოლოდ ამ სიტყვების თქმა შეძლო ჟურნალისტებთან 24 წლის არჩილ ქისიშვილმა. არჩილი ძიუდოისტია, ისრაელის სახელით გამოდიოდა და წარმატებ­ებსაც მიაღწია, მაგრამ ბოლო დროს საქა­რთველოში ვარჯიშობდა. მამამისი, კახა ქისიშვილი, შვილის წარმატებით გახარებული იყო.

კახა ქისიშვილი

მკვლელობას ნათესავები შეესწრნენ­. მეზ­ობლები სროლამ გაიყვანა ეზოში. "ერთ მხარეს ეგდო მამაკაცის ცხედარი, ცოტა მოშორებით - დასისხლიანებული ირმა გაგლოშვილი. სახე ჩალურჯებული ჰქონდა.­ ამბობენ, ყოფილმა ქმარმა ტყვია თავში მოარტყაო", - მითხრეს მობინადრეებმა.
აი, რა მიამბო მეზობელმა, რომელმაც ვინაობის გამხელა არ ისურვა:

- როგორც ჩანს, კახა შვილის სიკვდ­ილმა შეშალა ჭკუიდან. თავგადაკლული მამა იყო. ძალიან განიცდიდა შვილის ავადმყოფობას. გულისჯიბით დაჰქონდა მარის ფოტო. შვილის სიკვდილში რატომღაც ყოფილ ცოლს ადანაშაულებდა. სამი წელი მკურნალობდა მარიამი ისრაელში. ყველაფერი გაუკეთეს, მაგრამ სიმსივნე მოედო მთელ ორგანიზმს და მედიცინა უძლური აღმოჩნდა. ამ სახლში კახა და მისი ცოლ-შვილი ცხოვრობდნენ. ირმა და კახა რამდენიმე წლის წინ გაშორდნენ ერთმანეთს და კახამ ეს ბინა შვილებს დაუტოვა. ქალი ცოლად გაჰყვა რომა ჯოჯიშვილს, რომელმაც ირმას გამო ცოლ-შვილი მიატოვა. კახას ბებია ჰყავდა ებრაელი, ისრაელში ჯერ ბავშვები წავიდნენ, მერე დედაც წაიყვანეს. კახა კი ქურდობისთვის იხდიდა სასჯელს. შეწყალებით გამოვიდა. უნდოდა­ ისრაელში წასვლა, მაგრამ კონსულმა არ გაუშვა, მერე მაინც მოახერხა წასვლა შვილის სანახავად. დროდადრო ირმა საქართველოში ჩამ­ოდიოდა და იმ ბინაში ცხოვრობდა, რომელიც კახამ შვილებს დაუტოვა. სწორედ მაშინ გაუფრთხილებია კახას ყოფილი ცოლი - ჩემს სახლში ის კაცი არ დავინახო, თორემ დაგხოცავთო.

როგორც ჩანს, შვილის სიკვდილით თავზარდაცემულს იმ დღეს ყოფილი ცოლის მოკვლა უნდოდა. აჩიკო არ შესწრებია ამ უბედურებას. კახას შვილისთვის უთქვამს, - დეიდაშვილებთან წადი, არ მინდა, შენი დის ჩამოსვენებას უყუროო. შვილმაც დაუჯერა. ამიტომ ვფიქრობ, განზრახული ჰქონდა ყოფილი ცოლის მოკვლა.
კახა მთელი დღე ნერვიულად
You must have Flash Player installed in order to see this player.
დადიოდა და ელოდებოდა შვილის ჩამოსვენებას. სამძიმარს იღებდა... შუადღისთვის კოსტიუმი გაუხდია და სპორტულად ჩაუცვამს. ნათესავებს გაუკვირდათ მისი საქციელი.

მარი რომ მოასვენეს, კახას კატაფალკაში­ რომა დაუნახავს და უთქვამს, - ერთი "ტრუპიც" დავიმატეო და მისთვის თავში დაუხლია ტყვია. ამის დანახვაზე ირმას კივილი აუტეხია. კახას ორჯერ უსვრია, მაგ­რამ აუცილებია, მერე ქალისთვის თმაში წაუვლია ხელი და სამი ტყვია­ დაუხლია, მობრუნებულა და რომასთვის კიდევ ორი ტყვია უსვრია. ეს ისე თვალის დახამხამებაში მომხდარა, რომ იქ მყოფებს განძრევაც ვერ მოუსწრიათ. ფაქტის უშუალო თვითმხილველმა, კატაფალკის მძღოლმა გიორგი ბუთხუზმა გვითხრა, - უცებ ატყდა სროლა, დაბნეულმა და შეშინებულმა მანქანას შევაფარე თავი და არც დამინახავს, ვინ ისროლა და რამდენჯერო.

რომა ჯოჯიშვილი ცხინვალიდან დევნილია, მისი პირველი ცოლ-შვილი ხურვ­ალეთში, დევნილთა დასახლებაში ცხოვ­რობს.
კახა ქისიშვილზე მეტი ინფორმაციის მოსაპოვებლად გორში, მანქანების ბირჟაზე,­ სადაც კახა მუშაობდა, ეჭვმიტანილის თანამშრომლებს გავესაუბრე.

ვაჟა ბაბუციძე, მძღოლი: - კახა წეს­იერი კაცი იყო. დღე და ღამე შრომობდა.­ რა მოხდა, არ ვიცით. დილით გავიგეთ მომხდარი. მეუღლესთან დაშორების შემ­დეგ მდგმურად ცხოვრობდა, ყველასთან კარგი ურთიერთობა ჰქონდა, კონფლიქტი არავისთან ჰქონია. მასზე საყვედურის მთქმელს აქ ვერ ნახავთ.
შვილის ამბავი ადარდებდა, - ძალიან ცუდად არის, ღვიძლი კი გადაუნერგეს, მაგრამ, ეტყობა, ორგანიზმმა ვერ შეითვისაო. რამე რომ დაემართოს, გავგიჟდებიო... როგორც ვიცი, მისი ყოფილი ცოლი და შვილები ისრაელის მოქალაქეები არიან. მარიმ­ ისრაელის ჯარშიც კი იმსახურა. კახა ამ ტრაგედიამდე 2-3 დღით ადრე ვნახე, მანქანაში იწვა გასაცოდავებული, მაგრამ არ უთქვამს, შვილი რომ გარდაეცვალა.

უამრავ ტკივილიან წერილს წავაწყდი მარიამ ქისიშვილის და ირმა გაგლოშვილის "ფეისბუკის" გვერდზე. ოჯახის ახლ­ობელი წერს: "სულ ერთად იყვნენ დედა-შვილი, მარი წუთით ვერ ძლებდა უდედოდ... ირმა ტიროდა, როგორ გავძლო მარის გარეშე, ჩემი მფარველი იყო, მანუგ­ეშებელი და გვერდში მდგომიო. საწყალი გოგო წავიდა თუ არა იმ ქვეყნად, ირმა თითქოს დაუცველად გრძნობდა თავს. როგორ ვიცოცხლო მარიკას გარეშეო. არც დააცადეს საცოდავ ქალს შვილის გამოტირება"...
დედა-შვილი 13 თებერვალს დაკრძალეს.­

მთავარ ფოტოზე: გარდაცვლილი მარიამი დედასთან და ძმასთან ერთად.
თეა ხურცილავა
ლალი
17 მარტი 2016 15:05
გთხოვთ კომენტარი არ დამიბლოკოთ.1%-ითაც არ გავამტყუნებ მკვლელს.გამწარებულ კაცს რომ მეორე ქმრით მიუხვალ სახლში და თან მკვდარ შვილს მიუტან სხვა რაღას ითხოვთ იმ კაცისგან.სამძიმარი უნდა მიეღო?თავისი ცოლის მეორე ქმრისგან? ქალი ვარ და მეც იგივეს გავაკეთებდი.კარგია რომ ორივეს მოკვლა მოასწრო.
სხვა სიახლეები
2016 წლის პირველ ივლისს, გვიან ღამით, თბილისში, კანდელაკის ქუჩაზე, მკვლელობა მოხდა.
დაწვრილებით...
19 ივნისს, თბილისის აეროპორტში, უკრაინიდან ჩამოფრენილ მგზავრებთან ერთად, საბაჟო შემოწმება დავით ჩაჩიბაიამაც გაიარა. თუმცა მაშინ ვერავინ წარმოიდგენდა, რომ ერთი შეხედვით არაფრით გამორჩეული მოქალაქე რამდენიმე წუთში ქვეყნის მედიასაშუალებების მთავარი გმირი გახდებოდა.
დაწვრილებით...
საქართველოს შინაგან საქმეთა სამინისტროს ანტიტერორისტული ცენტრის ყოფილი ხელმძღვანელი, ზურაბ მაისურაძე ვილნიუსის საერთაშორისო აეროპორტში ლიტვის სპეცსამსახურის თანამშრომლებმა დააკავეს.
დაწვრილებით...
2016 წლის 13 აპრილს ვარკეთილში, ელდარის ქუჩაზე, ყოფილი 109-ე სკოლის ეზოში, 35 წლის ქალი ქმარმა სიცოცხლეს გამოასალმა.
დაწვრილებით...
ჩემი ინფორმაციით, ფარულად მოხდა ზურაბ ჟვანიას გვამის ექსჰუმაცია, შესაბამისი ექსპერტიზის ჩატარება და არაფერი არ აღმოჩნდა,
დაწვრილებით...
თუ ექიმი რეცეპტის გარეშე წამალს გინიშნავთ, გიწერთ ფურცელზე, რომელზეც აღნიშნულია კლინიკის ლოგო და ექიმის ვინაობა, ეს არის მტკიცებულება, რომ მან გარიგების პირობა შეასრულა და გასამრჯელო ეკუთვნის. გასამრჯელო შეიძლება იყოს პროცენტები, რომელიც თითოეულ წამალზე ერიცხება და მყისიერად ჯდება მის ანგარიშზე ან თვის ბოლოს ხელფასის სახით იღებს
დაწვრილებით...
პროკურატურამ ე.წ. ფოტორეპორტიორების საქმეზე ორი პირის მიმართ სისხლისსამართლებრივი დევნა დაიწყო
დაწვრილებით...
"უცხოელი ექსპერტების ჩართვამ ჟვანიას საქმის გამოძიებაში დრო გაწელა"

ექსპერტი, რომელსაც ზურაბ ჟვანიას საქმეზე ერთი მნიშვნელოვანი დასკვნა აქვს გაცემული, ორი წლის წინ სახლში გარდაცვლილი იპოვეს
დაწვრილებით...
"საქართველოში სექსტრეფიკინგის პრეტენზიით ძირითადად სომეხი, უზბეკი და ყირგიზი მოქალაქეები მოგვმართავენ"
დაწვრილებით...
ქირავდება 2 ოთახიანი დიდი ნათელი
ქირავდება დღიურად საუკეთესო ადგილას საბურთალოზე,
აღმაშენებლის ხეივანი, დიღომი 7
იყიდება ორთაჭალაში, ხეივნის ქუჩაზე 3
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები