"თუ კარი გააღო, მაშინ ნაცნობი ყოფილა..."
"თუ კარი გააღო, მაშინ ნაცნობი ყოფილა..."
29-02-2016
პოლიციამ მეზობლებს ანიშნა, მეუღლეს არ უთხრათ, დახოცილები რომ არიანო

"პარკში გახვეული ბავშვი დედას გულზე დაუწვინეს და გვითხრეს, ასე დაასაფლავეთ, გირჩევთ, არ გახსნათო. ასე მივაბარეთ მიწას დედა-შვილი"


ზემო ფონიჭალაში მომხდარმა სასტიკმა დანაშაულმა საქართველო შეძრა. ასეთ დროს ძნელია სანუგეშო სიტყვა უთხრა ოჯახს, რომელმაც გარეწრის ხელით განგმირული დედა-შვილი მიწას მიაბარა. გავრცელებული ინფორმაციით, პატარა მარიამი ჯერ დანით მოკლეს, მერე იმ ოთახს წაუკიდეს ცეცხლი, სადაც ბავშვი იყო. მაშველებმა საძინებლიდან 3 წლის გოგონას დამწვარი ცხედარი­ გამოასვენეს და მას ექსპერტიზა ჩაუტარდა. ექსპერტიზა ჩაუტარდა ასევე 44 წლის ნონა რომანაძეს, რომელსაც სასიკვდილო ჭრილობა ყელში ჰქონდა მიYყენებული. მოგვიანებით ცხედრები სოფელ ქაქუთში, ბიძის ოჯახში გადაასვენეს, იქ, სადაც ნონა გაიზარდა.

უცნობია, ვინ და რატომ დახოცა ისინი სად­ისტურად. მეზობლების თქმით,­ კორპუსში განგაში­ 12 საათზე ატყდა, მას შემდეგ, რაც მამფორიების საძინებელში კვამლი შენიშნეს.

ნინო ყანდაშვილი, კარის მეზობელი:
"მეზობელი ყვირ­ოდა, ნონას სახლიდან­ კვამლი გამოდისო. ჩვენს ბინებს ერთი კე­დ­ელი ყოფს. არც ხმაური გამიგია და არც ბავშვის ტირილი.­ ტოლები იყვნენ ჩვენი შვილები და სულ ერთად თამაშობდნენ. ნონა პედაგოგი­ იყო. იდეალური ცო­ლ­ქმრობა ჰქონდათ. როგორც ჩანს, ამ საშინელების დროს ბავ­შვსაც ეღვიძა. დედას ფაფა მო­უმზადებია, კომპიუტერში მულტფილმი იყო ჩართული, ალბათ, მარიამი უყურებდა".

თავდაპირველად მკვლელობის მოტივად ყაჩაღობა განიხ­ილებოდა, ითქვა, რომ ბინაში 7.000 ამერიკული დოლარი და ოქროული ინახებოდა, მაგრამ სამართალდამცველთა მტკიცებით, სახლიდან არაფერია წაღებული. მკვლელობის კიდევ ერთ მოტივად შურისძიება განიხილება, თუმცა ოჯახი აცხადებს, რომ მათ მტერი­ არ ჰყავდათ.
დადგენილია, რომ ტრაგედიის დროს სახ­ლში მხოლოდ დედა-შვილი იყო. სახლიდან პირველად ნონას მეუღლე, ოთარ მამფორია გავიდა, ხოლო შემდეგ ოთარის უფროსი ვაჟი, მერაბი წავიდა სკოლაში. როგორც ჩანს, მკვლელი ხელსაყრელ მომენტს ელოდა და ბინაში მაშინ შეიჭრა.
სამართალდამცავები მთელი დღე ჰკითხავდნენ მოკლული ქალის მეუღლეს ოთარ მამფორიას.

"არ ვიცი, ვინ მოკლა ჩემი ცოლ-შვილი. ვერსია არა მაქვს. სახლში ფული რომ ინახებოდა, ეს ბევრმა იცოდა: ჩემმა მამიდაშვილმა, მეზობელმაც...
თავიდან მეგონა, ყაჩაღობის მიზნით მოხდა თავდასხმა, მაგრამ ფული წაღებული არ არის. რამდენიმე საათს გაგრძელდა ჩემი დაკითხვა, გამომძიებელი მეუბნებოდა, მტერი ვინ გყავდათო. არ გვყოლია მტერი.­ ჩემი დაკითხვით რომ ვერ გაიგეს ვერაფერი, მეუბნებოდნენ, შენ მოკალი ისინიო. გავგიჟდი. ან მტერი, ან ვინმე გიჟი ხომ არ გყავთ, მითხარი, ვის შეეძლო ეს ჩაედინაო. არ მაქვს ამაზე პასუხი და რა მეთქვა?"

ნატო ჯიქიძე და მისი მეუღლე იუზა მამფ­ორია წლების მანძილზე იმ სახლში ცხოვრობდნენ, სადაც ტრაგედია მოხდა. იუზა და ოთარი ნათესავები არიან. ნატო ჯიქიძის­ თქმით, ოთარ მამფორიას ცხოვრების მძიმე გზა აქვს გამოვლილი.

- ოთარს პირველი მეუღლე 2009 წლის დეკემბერში დაეღუპა. მაშინ წყვილი მეორე­ შვილს ელოდა. 6 თვის ფეხმძიმე იყო. ქალს ეპილეფსია სჭირდა და შეტევის დროს დაიღუპა. ოთარმა საპირფარეშოში იპოვა გარდაცვლილი, სასწრაფოც გამოიძახეს, მაგრამ ვერ უშველეს. პირველი ქორწინებიდან 13 წლის მერაბი ჰყავს.
მერე შეირთო ნონა რომანაძე. ნონასთვის ეს პირველი ქორწინება იყო.
ძალიან თბილი, მოსიყვარულე გოგო იყო. იშვიათად დაიბადება მისნაირი ადამიანი. ჩემი შვილის ნათლია იყო. ტრაგედიის წინადღეს ჩემი შვილი წაიყვანა ეკლესიაში და აზიარა.

საოცრად უვლიდა ნონა შვილებს. მერაბს არაფერს აკლებდა, ეზოში რომ უშვებდა, ფანჯრიდან უყურებდა,­ ამბობდა, ამდენი უბედურება ხდება და მეშინიაო.
იმ დილით ჯერ ოთ­არი გამოვიდა სახლიდან, მერე მერაბი წასულა სკოლაში. მერაბი­ ამბობს,­ ბინის კარი არ დამიკეტავს, ნონას მივაძახე, კარი დაეკეტაო.
ნონა ყველას კარს არ გაუღებდა. თუ კარი გააღო, მაშინ ნაცნობი­ იყო.

- თქვენ როდის გაიგეთ მომხდარი?

- 12 საათი იქნებოდა­ კარზე ბრახუნი გაისმა. მეზ­ობელი ყვიროდა, ჩქარა,­ ნონას სახლი იწვისო. შევბრუნდი ტელეფონზე, ვიფიქრე, იქნებ გასულია სახლიდან და რამე ჩართული დარჩა-მეთქი. რომ არ მიპასუხა, სასწრაფოდ ოთარს დავურეკე. ჩემმა ქმარმა აიღო ყურმილი. ოთარი მანქანას რეცხავდა და სასწრაფოდ გამოიქცა.
სახანძროს მოსვლამდე მეზობლები შევიდნენ ბინაში, ნონა მისაღებ ოთახში ეგდო დასისხლიანებული, ყელში გაყრილი ჰქონდა რაღაც. საძინებლის ფანჯარა გასკდა და ცეცხლის ალი გამოვარდა. პოლიციამ მეზობლებს ანიშნა, მეუღლეს არ უთხრათ, დახოცილები რომ არიანო. ისე წაიყვანეს ოთარი პოლიციაში, არაფერი იცოდა.
ვფიქრობთ, ბავშვს ეღვიძა, რადგან ბინაში კომპიუტერი ჩართული იყო. ჩემი ვარაუდით, ჯერ მოკლეს და მერე გადაიტანეს გვამი საძინებელში, კვალის წაშლის მიზნით სახლს ცეცხლი წაუკიდეს. ოთარის­ ძმის ცოლი ამბობს, დილით ადრე "ოდნო­კლასნიკი" ჩართული ჰქონდა ნონას, მისი გვერდი ციმციმებდაო. ესეც ადასტურებს, რომ მას არ ეძინა, თან ყავაც­ აქვს მოდუღებული. ბავშვისთვის ფაფაც მოუმზადებია.

იუზა მამფორია, მამიდაშვილი: "დილას 8 საათზე გავდივართ მე და ოთარი და საღამოს შემოვდივართ. დედისერთა ვარ და სულ ერთად ვიყავით. დარწმუნებული ვარ, გაიხსნება ეს შემზარავი დანაშაული. პარკში გახვეული ბავშვი დედას გულზე დაუწვინეს და გვითხრეს, ასე დაასაფლავეთ, გირჩევთ, არ გახსნათო. ასე მივაბარეთ მიწას დედა-შვილი. ოთარ მამფორიას თქმით, მტერი არ ჰყავდათ, ვერც ნონას ნათესავებს აუხსნიათ მომხდარი.

გამოძიება გრძელდება. იმედია, სამართალდამცველები სიმართლეს დაადგენენ და დამნაშავე უმკაცრესად დაისჯება.

თეა ხურცილავა
იურა
05 მარტი 2016 12:04
საქმე თითქმის გახსნილია, შედეგებს საზოგადოება მალე გაიგებს და ჩვენ ისევ ყველა შოკში ჩავარდებით.
nana
05 მარტი 2016 12:04
ეს ჩემის აზრით, ძარცვის მიზნით არის ჩადენილი, უბრალოდ ვერ ნახეს ფული, მე დავკითხავდი მეზობლებს, განსაკუთრებით მას, საფულე, რომ დარჩა და მიბრუნდა....
სხვა სიახლეები
გასულ კვირას პროკურატურამ 2011 წლის 26 მაისს მომიტინგეების დარბევის აქამდე უცნობი ვიდეომასალა გაავრცელა.
დაწვრილებით...
PRIME
"სოფელი დიდხანს ეძებდა პატარას. ბოლოს მისი ცხედარი მარანში, წყლით სავსე ტონანახევრიან ქვევრში იპოვეს. ქვევრს კი ზემოდან ქვა ეფარა"

"ვითხოვ, ჩამოიღონ თაროდან ჩემი შვილის საქმე"
დაწვრილებით...
PRIME
ადვოკატ ლედი ტუკვაძის ინფორმაციით, კანონიერი ქურდი ტარიელ (ტარას) ფოცხვერია, თურქეთის კლინიკაში გარდაიცვალა. იგი 2016 წლის ივნისში სასამართლომ პატიმრობიდან გაათავისუფლა, თუმცა ძალოვანთა პოზიცია კატეგორიული იყო, ისინი მოითხოვდნენ მას ქვეყანა დაეტოვებინა.
დაწვრილებით...
პროკურატურამ ახალაიას და მის ექსხელქვეითებს ახალი ბრალი წაუყენა

"კადრებში ასახულია 2011 წლის 26 მაისს თუ როგორ გასცემს დანაშაულებრივ ბრძანებას დავით ახალაია, რომელიც ითხოვს რუსთაველის გამზირზე შეკრებილი ყველა მომიტინგის დაკავებას და სანაცვლოდ მის თანამშრომლებს ჰპირდება მაღალ პრემიებს"
დაწვრილებით...
"ეს ადამიანები ებრძოდნენ დანაშაულს და დღეს ციხეში არიან. დღეს ზეიმობს დამნაშავეთა სამყარო, უზნაძემ მოატყუა პოლიცია
და ამით სახელმწიფო ინტერესები ზარალდება"

გიორგი კაჭარავა: "ჩემი შეურაცხყოფაა, რომ დღეს მე თურმე ქრთამისტი ვარ... ბესიკ უზნაძემ ორმაგი თამაში ითამაშა და ჩვენ დაგვაკავეს, ის არის მორფინისტი,­ ავადმყოფი ადამიანი..."
დაწვრილებით...
"ვერ გაიგო კაცმა, რატომ აეკრძალა ცოლ-შვილის ნახვა და აღელვებულმა გადაისხა ბენზინი"
დაწვრილებით...
"დემურის წერილი 7 აგვისტოს, 8-ის 10 წუთზეა დაწერილი და ჩემს დასთან მესიჯიც ამ დროს არის გაგზავნილი. პროკურატურას ის რვეულიც აქვს, საიდანაც დემურმა ფურცელი ამოხია და საწერი კალამიც"
დაწვრილებით...
გასულ კვირას ხობის ერთ-ერთ სოფელში ოჯახური კონფლიქტი ტრაგედიით დასრულდა - ისრაელიდან მეუღლესა და შვილებთან ერთად საქართველოში ჩამოსულმა არაბმა, 53 წლის იოსეფ ამარმა, მეუღლის მშობლების სახლის წინ ბენზინი გადაისხა და თავი დაიწვა. მისი გადარჩენა სცადეს, თბილისში, დამწვრობის ცენტრში გადმოიყვანეს, მაგრამ...
დაწვრილებით...
თავდამსხმელები შეიარაღებულები იყვნენ
დაწვრილებით...
ქირავდება 100 კვ.მ. 3-ოთახიანი
სასწრაფოდ, იყიდება ბინა ზესტაფონის
სასწრაფოდ!!!ქირავდება კომერციული ფართი ნუცუბიძეზე 20კვმ
ქირავდება ვაჟა-ფშაველას გამზირზე ახალი გარემონტებული
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები