"თანამშრომლებთან ერთად არასანქცირებულად ვაწარმოებდი აუდიომოსმენას" - როგორ მოქმედებდა "შპიონი" ვირუსი პოლიტიკოსთა კომპიუტერებში?
"თანამშრომლებთან ერთად არასანქცირებულად ვაწარმოებდი აუდიომოსმენას" - როგორ მოქმედებდა "შპიონი" ვირუსი პოლიტიკოსთა კომპიუტერებში?
17-03-2016
"ის "ნაციონალებმა", სავარაუდოდ, 15 წლის ასაკში გადაიბირეს, როცა განსაკუთრებული თაყვანისცემა გამოხატა სააკაშვილისადმი. ალბათ, რაღაც გააკეთებინეს ისეთი, რის შემდეგაც დააშინეს"

პირადი ცხოვრების ამსახველი ვიდეოკადრების გავრცელებს შემდეგ პროკურატურამ კუდ-ის ყოფილი მაღალჩინოსანი ზურაბ ჯამალაშვილი და ადვოკატი ირაკლი ფხალაძე დააკავა, რომელთაც სასამართლომ წინასწარი პატიმრობა უკვე მიუსაჯა.

როგორც აღმოჩნდა ზურაბ ჯამალაშვილი იმ ცნობილი ჰაკერის ვასილ ჯამალაშვილის მამაა, რომელიც 2012 წლის ნოემბერში კიბერდანაშაულისთვის დააკავეს, თუმცა გირაოთი მალევე გაათავისუფლეს.

ბიჭი პროკურატურამ უკვე დაკითხა, მისი თქმით, გამოძიების ინტერესიდან გამომდინარე ვერ გაასაჯაროებს დაკითხვის დეტალებს, თუმცა აღნიშნა, რომ: "მე და მამაჩემს ახლო ურთიერთობა არ გვაქვს, მას სხვა ოჯახი ჰყავს და მომხდარზე არაფერი ვიცი. ძველ ამბებს თუ გადახედავთ, მე ვირუსთან დაკავშირებით მქონდა ბრალი წაყენებული და ამ ჩანაწერებთან არაფერი მაკავშირებს".

"კვირის პალიტრის" არქივში იძებნება სტატია, რომელშიც 2012 წელს ვასილ ჯამალშვილისა და მასთან ერთად დაკავებულების საქმეზეა ლაპარაკი და დაწვრილებით არის აღწერილი ვირუსი, რომლის საშუალებითაც ბიძინა ივანიშვილის და არა მხოლოდ მის კომპიუტერს უთვალთვალებდნენ...

2012 წლის არჩევნების წინა დღეებში გავრცელდა ინფორმაცია, რომ პოლიტიკური მოძრაობა "ქართული ოცნებისა" და ბიძინა ივანიშვილის ოჯახის წევრთა კომპიუტერებში შეაღწია ვირუსმა, რომელსაც ვიდეოთვალთვალის და ხმის ჩაწერის ფუნქცია ჰქონდა. ეს ინფორმაცია ბიძინა ივანიშვილის დაცვის წევრის, ბესიკ სურმავას ვიდეოჩანაწერების ინტერნეტში გამოჩენის შემდეგ გავრცელდა. ამასთან დაკავშირებით, ივანიშვილის მრჩეველმა უსაფრთხოების საკითხებში, ამერიკული კომპანია NSI-ის დირექტორმა პოლ ჯოილმა განაცხადა, რომ სურმავას სახელით Youtube-ზე გახმოვანებული მასალა, სავარაუდოდ, ჰაკერული ვირუსის გამოყენებით არის მოპოვებული და შემდგომ გაყალბებული.

"კომპიუტერებში ჰაკერული ვირუსის შეღწევის შედეგად პრობლემებმა თავი იჩინა 2012 წლის ივნისში, როდესაც ივანიშვილისა და მისი ოჯახის ფოტოები და ვიდეოები გავრცელდა საიტებზე. დავიწყეთ გამოძიება. აღმოჩნდა, რომ ქურდი გარედან შემოვიდა. "ქართული ოცნებისა" და ივანიშვილების ოჯახის კომპიუტერებში აღმოვაჩინეთ ვირუსი მალწარე, რომელიც ავტომატურ რეჟიმში ასრულებდა დავალებას. აღმოჩნდა, რომ "ქართული ოცნების" კომპიუტერების 25% იყო დავირუსებული. ვირუსი "ხედავდა" ეკრანზე გამოსულ ინფორმაციას, აკეთებდა სქრინშოტს (კოპირება), უღებდა ფოტოს, ავტომატურად რთავდა ვიდეოკამერას და ვიდეოთვალსაც," - განაცხადა პოლ ჯოილმა.

როდესაც სპეციალისტები მოიწვიეს, გაირკვა, რომ საქმე ჰქონდათ უცნობ ვირუსთან, რომელიც კომპიუტერს ჩამწერ მექანიზმად აქცევს და ის, ფაქტობრივად, დიქტოფონის ფუნქციას ასრულებს. ვირუსი ორი ფორმით ვრცელდება:
1) ელექტრონული ფოსტით მოგდით წერილი, რომელიც არაფრით ჰგავს სახიფათოს. ხსნით მას და "ოჯახში" უნებლიეთ უშვებთ მტერს;
2) მოთვალთვალე ვირუსი ვრცელდება ინტერნეტპროვაიდერის საშუალებით. სპეციალური ინსტრუმენტი უერთდება კონკრეტულ სისტემას, რის შემდეგაც ქსელის ყველა მომხმარებლის კომპიუტერი იხსენება ვირუსის შესაშვებად.

2012 წლის ნოემბერში სამართალდამცველებმა დააკავეს ამ ვირუსის მიზანმიმართულად გავრცელებაში ეჭვმიტანილი კუდ-ის ჩინოსნები. იმჟამინდელი მთავარი პროკურორის, არჩილ კბილაშვილის განმარტებით, შსს-ს კონსტიტუციური უსაფრთხოების დაცვის დეპარტამენტის ხელმძღვანელების დავალებით, ამავე დეპარტამენტში შეიქმნა კომპიუტერული ვირუსული პროგრამა, რომლითაც შესაძლებელი გახდა ინტერნეტმომხმარებელთა კომპიუტერებში შეღწევა, მათში დაცული ინფორმაციის მოპოვება და აუდიო და ვიდეოთვალთვალი. შექმნილი პროგრამის მეშვეობით კუდ-ის ხელმძღვანელობა სხვადასხვა პოლიტიკური პარტიისა და რელიგიური ორგანიზაციის წარმომადგენელთა კომპიუტერული სისტემებიდან იღებდა ინფორმაციას.

დაკავებულმა, შსს-ს ოპერატიულ-ტექნიკური
დეპარტამენტის დირექტორის მოადგილე ბექა კვარაცხელიამ აღიარა, რომ კომპიუტერული პროგრამის მეშვეობით ფარულად მოპოვებულ ყველა მასალას 2010 წლიდან ეცნობოდა.

"ჩვენს შექმნილ ვირუსს პროგრამულად მითითებული ჰქონდა მოპოვებული ინფორმაციის მიწოდების მისამართი - მოდულის შენობის ერთ-ერთ ოთახში განთავსებული კომპიუტერების "აი-პი" მისამართი, სადაც ავტომატურად იყრიდა თავს ფარულად მოპოვებული ინფორმაცია. ამ კომპიუტერებთან ხელი მიგვიწვდებოდა ექვს თანამშრომელს: მე, ავთო სოლომნიშვილს, გიორგი ჯავახიძეს, ვასილ ჯამალაშვილს, ერმალოზ ებანოიძეს და ალექსანდრე ბოცვაძეს, რომლებიც ასევე ეცნობოდნენ ფარულად მოპოვებულ ინფორმაციას. თავიდან ვუსმენდით ოპერატიულად საინტერესო პირებს, მაგრამ მას შემდეგ, რაც არჩევნებისათვის მზადება დაიწყო, მთელი ჩემი სამსახურის საქმიანობა მიმართული იყო იქით, რომ მოგვესმინა კოალიცია "ქართული ოცნების" წევრთათვის.

2012 წლის 27, 28, 29 სექტემბერს მოვუსმინეთ და გავავრცელეთ გუბაზ სანიკიძის, გია ხუხაშვილის, ირაკლი ღარიბაშვილის, ირაკლი ალასანიას, რომან კუსიანის, სანდრო ბრეგაძის, გიორგი გეგეჭკორის და სხვა პოლიტიკური პირების საუბრების "დამუშავებული" აუდიოჩანაწერები. 2012 წლის 2 ოქტომბერს საქართველოში ჩატარებული საპარლამენტო არჩევნების წინასწარი შედეგების გამოქვეყნების შემდეგ წინა წლებში მოპოვებული ყველა მასალა წავშალეთ და გავანადგურეთ. თავის დროზე, როდესაც ამ ტიპის სამუშაო დამევალა, დირექტორმა ვაჟა ლელუაშვილმა და დეპარტამენტის დირექტორმა დათა ახალაიამ (კუდ-ის ყოფილ უფროსს უფლებამოსილების გადამეტებისა და ინფორმაციის უკანონოდ მოპოვების გამო პროკურატურა ბრალს, სავარაუდოდ, ორშაბათს დაუსწრებლად წაუყენებს) შემიქმნეს ყველანაირი პირობა დავალების შესასრულებლად. ჩვენს დეპარტამენტში ოპერატიულ-სამძებრო ღონისძიებები სანქცირებულად ტარდება, მაგრამ მე ჩემს თანამშრომლებთან ერთად არასანქცირებულად, ფარულად ვაწარმოებდი აუდიომოსმენას", - განაცხადა კვარაცხელიამ.

როგორც უკვე აღვნიშნეთ, დაკავებულთა შორის ერთ-ერთი სწორედ ზურაბ ჯამალაშვილის ვაჟი ვასილ ჯამალაშვილი იყო. ის იმჟამად 18 წლის იყო და როგორც მისი ნაცნობები ამბობდენე, ვასილი ბავშვობიდან "კომპიუტერში ცხოვრობდა". "მას არაფერი გაეგება ცხოვრების. ერთადერთი სივრცე, სადაც ყველაფერი იცის და თან, ძალიან კარგად, კომპიუტერია. ის "ნაციონალებმა", სავარაუდოდ, 15 წლის ასაკში გადაიბირეს, როცა განსაკუთრებული თაყვანისცემა გამოხატა სააკაშვილისადმი. ალბათ, რაღაც გააკეთებინეს ისეთი, რის შემდეგაც დააშინეს", - ამბობდა მისი ერთ-ერთი კოლეგა, რომელიც ვასილთან ერთად საიტების შექმნაზე მუშაობდა.

ფოტოზე: ვასილ ჯამალაშვილი

იხილეთ სტატია: კუდ-ის დამწვარი კუდი



irina
18 მარტი 2016 10:13
ყველაფერი ეს ზალიან გულის ამრევია.ვაი ცვენს ტავს.
და ცხადია, ახლაც იწერენ!
17 მარტი 2016 23:20
მოსმენები (შემდგომ კი ჩაწერებიც) ფაქტობრივად ნებისმიერი ხელისუფლების მხრიდან ყოველთვის ხდებოდა - ეს იყო ჯერ კიდევ ანტიკური ხანის სახელმწიფოებში; დავით აღმაშენებლის დროს ქვეყანაში მსტოვრების მთელი ინსტიტუტი არსებობდა და მემატიანის თქმით, "პროცედურა" სწორედ საძინებელზეც კი ვრცელდებოდა; მეფის რუსეთისა და მით უფრო საბჭოთა პერიოდში ეს "ხელოვნება" მთლად გაიფურჩქნა. ამრიგად, მოსმენა-ჩაწერები იყო, ა რ ი ს (ამ ხელისუფლებასაც უკვე რამდენჯერმე წაავლეს ხელზე ხელი და როცა წავლენ, კიდევ მეტი ფაქტი გამომზეურდება) და სამწუხაროდ, ალბათ, სულ იქნება!
იმ ცნობილ კასრებში, სხვათა შორის ბევრი რამ ადამჟამის დროინდელ "ბაბინებზე" იყო ჩაწერილი!

ასე რომ, ნუ გაიგიჟებთ თავს, დედა, ეს რა ესმის ჩემს საცოდავ ყურებსო!

სხვა სიახლეები
"ოცნებობდა, რომ ბევრი შვილი ჰყოლოდა, - ჩვენ არცერთი არ ვლაპარაკობდით იმდენს მომავალზე, ოჯახის შექმნაზე, შვილებზე, როგორც ის"
დაწვრილებით...
საავადმყოფოში გადაყვანილი ახალგაზრდა დიდი რაოდენობით სისხლის დაკარგვის გამო გარდაიცვალა.
დაწვრილებით...
ზემო ფონიჭალაში დაჭრილი 15 წლის მოზარდი საავადმყოფოში გარდაიცვალა ზემო ფონიჭალაში დაჭრილი 15 წლის მოზარდი საავადმყოფოში გარდაიცვალა. ინფორმაცია "ინტერპრესნიუსს" შინაგან საქმეთა სამინისტროში დაუდასტურეს.
დაწვრილებით...
რამდენიმე დღის წინ, ლას ვეგასში 41 წლის მამაკაცი მოკლეს, რომელიც ქართველი ალექსანდრე ხუციშვილი აღმოჩნდა.
დაწვრილებით...
არსებული ინფორმაციით, დაჭრილი კრიმინალური პოლიციის თანამშრომელია.
დაწვრილებით...
2016 წლის 4 მარტს სოფელ გლდანში მომხდარმა დანაშულმა 22 წლის თორნიკე ვარდანაშვილის სიცოცხლე შეიწირა, 20 წლის ლევან ხოკელაშვილი კი მძიმედ დაიჭრა.
დაწვრილებით...
"გამოძიება დაიწო საქართველოს სსკ-ის 315-ე მუხლის 1-ლი ნაწილით, რაც გულისხმობს შეთქმულებას სახელმწიფო ხელისუფლების დასამხობად ან ხელში ჩასაგდებად"
დაწვრილებით...
გასულ კვირას პროკურატურამ 2011 წლის 26 მაისს მომიტინგეების დარბევის აქამდე უცნობი ვიდეომასალა გაავრცელა.
დაწვრილებით...
"სოფელი დიდხანს ეძებდა პატარას. ბოლოს მისი ცხედარი მარანში, წყლით სავსე ტონანახევრიან ქვევრში იპოვეს. ქვევრს კი ზემოდან ქვა ეფარა"

"ვითხოვ, ჩამოიღონ თაროდან ჩემი შვილის საქმე"
დაწვრილებით...
ადვოკატ ლედი ტუკვაძის ინფორმაციით, კანონიერი ქურდი ტარიელ (ტარას) ფოცხვერია, თურქეთის კლინიკაში გარდაიცვალა. იგი 2016 წლის ივნისში სასამართლომ პატიმრობიდან გაათავისუფლა, თუმცა ძალოვანთა პოზიცია კატეგორიული იყო, ისინი მოითხოვდნენ მას ქვეყანა დაეტოვებინა.
დაწვრილებით...
სასწრაფოდ! იყიდება ბინა საბურთალოზე, სანდრო
სასწრაფოდ! ზემო წყლულეთში 3-სართულიანი აგარაკი.
იყიდეთ 62 კვ.მ. საუკეთესო ბინა
იყიდება 2-სართულიანი კერძო სახლი, 6
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები