თბილისში ორი ბანკის ფილიალი დააყაჩაღეს
თბილისში ორი ბანკის ფილიალი ერთდროულად დააყაჩაღეს.
არსებული ინფორმაციით, ვაზისუბანში მდებარე "სმარტში" მდებარე ბანკების ფილიალებში 2 ნიღბიანი პირი შეიჭრა, რომლებმაც ფული წაიღეს.
არსებული ინფორმაციით, თავდამსხმელები შეიარაღებულები იყვნენ.
თვითმხილველების ინფორმაციით, ვაზისუბანში მდებარე „სმარტიდან“ გამოსულ ერთ-ერთ ნიღბიანს ხელში თეთრი ტომარა ეჭირა.
თვითმხილველები ყვებიან, რომ სავაჭრო ცენტრიდან გამოსული ორი ნიღბიანი დაინახეს, ერთ-ერთი მანქანის გაჩერებას ცდილობდა, რა დროსაც ჰაერში გაისროლა, შემდეგ კი ორივემ ტერიტორია დატოვეს.
ადგილზე იმყოფებიან კრიმინალური პოლიციის თანამშრომლები, შემოსაზღვრულია პერიმეტრი. „სმარტში“ მუშაობა დროებით შეჩერებულია.
მომხდარზე გამოძიება სსკ-ს 179-ე მუხლით დაიწყო, რაც ყაჩაღობას გულისხმობს.
"ინტერპრესნიუსი"