"საქართველოში სიკვდილის მომტანი მარილი გამოჩნდა!"
"საქართველოში სიკვდილის მომტანი მარილი გამოჩნდა!"
"ეს ისეთი მძიმე ნარკოტიკია, პაციენტი 3-4 თვის განმავლობაში ჩაკეტილ სივრცეში უნდა იმყოფებოდეს, რომ კვლავ არ მოიხმაროს ეს სიკვდილის მომტანი მარილი"

ნარკოტიკის ამ ახალ სახეობას მომხმარებლები ინტერნეტით იწერენ


დაახლოებით ერთი თვის წინ საქართველოში ბიონარკოტიკის­ ახალი­ სახეობა შემოვიდა, რომ­ლის მომხმარებელთა მდგომარეობა უკიდურესად მძიმდება და ფატალურადაც სრულდება. სპეციალისტთა ინფორმაციით, ეს არის თეთრი ფხვნილი, რომელსაც­ ეწევიან და ინტრავენურადაც მოიხმარენ, მისი შემცველობა კი ჯერჯერობით უცნობია. მას მომხმარებლები­ ინტერნეტით იწერენ. სპეციალისტების თქმით, ვინაიდან საქმე გვაქვს უცნობ
You must have Flash Player installed in order to see this player.
ნივთი­ერებასთან, გავრცელებული­ "ნ
არკანი", რომელსაც ზედოზირების დროს იყენებენ, ამ შემთხვევაში უძლურია. ამ საკითხის გარკვევა ფსიქიკური ჯანმრთელობისა და ნარკომანიის პრევენციის ცენტრში ვცადეთ.

ეკატერინე ყურაშვილი, ექიმი-ნარკოლოგი, ფსიქიკური ჯანმრთელობისა და ნარკომანიის პრევენციის ცენტრის გენერალური დირექტორის მრჩეველი-კონსულტანტი: - ეს არის მარილი, რომელიც­ რამ­დენიმე წელიწადია, რაც შემოსულია და პერიოდულად იცვლება მისი ფორმულა.­ შეიძლება ნივთიერების ფორმულიდან ერთი ატომი ამოვარდეს ან მისი გაძლიერების მიზნით რაღაც დაამატონ და უკვე სხვა ნივთიერება მიიღება.

საქმე გვაქვს სინთეტიკურ ნარკოტიკთან, რომელსაც კიდეც ეწევიან, იყნოსავენ და ინტრავენურადაც იკეთებენ. მარილი მეტამფიტამინის მსგავსი ნივთიერებაა და ისეთივე მოქმედება
აქვს, როგორიც კოკაინს.

- რითი გამოირჩევა ეს სინთეტიკური ნარკოტიკი?

- სიძლიერითა და ტოქსიკურობით. მომხმარებელი მალე ხდება ფიზიკურად დამოკიდებული ("ლომკას" რასაც ვეძახით). ამ შემთხვევაში,
სანამ ადამიანი ფიზიკურ დამოკიდებულებამდე მივა, ფსიქოზი უვითარდება, ხშირია ლეტალური შედეგიც.

- ამ მარილის მომხმარებლები ხშირად მოდიან თქვენთან?

- ზედოზირებით პაციენტები ჩვენთან არ ხვდებიან, სასწრაფო დახმარებას ისინი სხვა დაწესებულებებში გადაჰყავს. აბაზანის მარილი კოდური სახელია, სანამ გაიშიფრებოდა, მანამ ასე მოიხსენიებდნენ. ეს მარილი შეიძლება იყოს როგორც თეთრი, ასევე შავიც.

- ოჯახის წევრები როგორ უნდა მიხვდნენ, რომ მათი შვილი მარილის მომხმარებელია,­ რა სიმპტომები ახასიათებს მას და ზედოზირ­ებისას რა ზომებს უნდა მიმართონ?
- ამ დროს გამოხედვა აქვთ უაზრო, არიან ნერვიულები, მომატებული აქვთ შფოთვა, გეომეტრიული პროგრესიით მიდის­ ინტელექტის დაქვეითება, უძილობა,­ ენერგიის მოზღვავება, აქვთ ჰალუცინაციები, ხდებიან ჰიპერაქტიურები, სვამენ ბევრ წყალს, ვინაიდან წყალს კარგავენ, შეუძ­ლ­იათ­ 3 დღის განმავლობაშიც არ დაიძინონ.­ აქვთ ბოდვები, წნევის ვარდნა, მიდის ჰემოდინამიკის მონაცვლეობა, ახასიათებთ მაღალი ტემპერატურა, ტაქიკარდია - 15 წუთში 140-მდე გულისცემა, ხდებიან არაადეკვატური და თუ მარილი უთავდებათ, შეუძლიათ 2-3 დღე ეძინოთ, ანუ ითიშებიან.

ზედოზირებისას ახასიათებს კრუნჩხვა, მაღალი ტემპერატურა, ჰაერის უკმარისობა და ამ დროს აუცილებელია სასწრაფო დახმარების გამოძახება, რათა მოხდეს პაციენტის ჰოსპიტალიზაცია რეანიმაციულ განყოფილებაში, ვინაიდან ამას თან სდევს ორგანიზმის გადაწვა, ტვინის­ შეშუპება, გულსისხლძარღვთა, თირკმლებისა და ღვიძლის უკმარისობა და ვითარდება ლეტალური შედეგიც.

ეს ნარკოტიკი უმოკლეს დროში ახერხებს­ იმას, რისი დაშავებაც სხვა ნარკოტიკს წლების განმავლობაში შეუძლია. რაც უფრო კუსტარულია ნარკოტიკი, მით უფრო ძნელია დოზის განსაზღვრა. ასეთ პაციენტებს ისეთი ფსიქოზები აქვთ, მათი მკურნალობა ძალიან რთულია.
ჩვენ სიკვდილს გადავარჩინეთ ზედოზირებული პაციენტი, მაგრამ ისეთი ფსიქიკური აშლილობა და ჰემოდინამიკის მონაცვლეობა ჰქონდა, ფსიქიატრიულში გავგზავნეთ. ეს ისეთი მძიმე ნარკოტიკია, პაციენტი 3-4 თვის განმავლობაში ჩაკეტილ სივრცეში უნდა იმყოფებოდეს, რომ კვლავ არ მოიხმაროს ეს სიკვდილის მომტანი მარილი.

ყველა ნარკოტიკს თავისებური სიმპ­ტომი­ აქვს - მაგალითად, ბიოს მომხმარებლების უმრავლესობა ამბობს, ფანჯრიდან მწვანე მინდორს ვხედავდითო, აღებდნენ ფანჯარას და გადახტომას ცდილობდნენ.

- გავრცელდა ინფორმაცია, რომ დეკემბრის შუა რიცხვებიდან დღემდე გაურკვეველი­ ნარკოტიკით სიკვდილიანობის 7 შემთხვევა დაფიქსირდა.

- მსგავსი ინფორმაცია ჩვენ არა გვაქვს. სინთეტიკური ნარკოტიკები ე.წ. ბომჟების ნარკოტიკებია. კუსტარული საშუალებები ჩვენთან, ძირითადად, რუსეთიდან შემოდის აფხაზეთის გავლით, "ნიანგიც" ასე შემოვიდა, ბიო კი - ინტერნეტით.

სულხანი, 35 წლის, ნარკომომხმარებელი:

- არავინ იცის, რას შეიცავს ეს ნარკოტიკი, თუმცა გამიგია, რომ ძლიერმოქმედია და კაიფი მცირეხ­ნიანი აქვს, რის გამოც დღეში 7-8-ჯერაც კი იკეთებენ. როგორც ამბობენ, 500-600 ლარამდე ღირს, თუმცა, თუ ფული გაქვს, რა პრობლემაა, ნებისმიერ დროს შეიძლება შეიძინო­ ინტერნეტით.

- თქვენ თუ მოგიხმარიათ ეს ნარკოტიკი?

- არა, რასაც გიყვებით, მხოლოდ გაგონილი მაქვს. ვიცი, რომ ინტერნეტით უკავშირდებიან რეალიზატორს, თუმცა საიდან მოდის, არ ვიცი. გამიგია, რამდენიმე ბიჭი გაკეთებიდან მალევე გარდაიცვალაო. არ ვიცი, ეს ამ ნარკოტიკის მოხმარების გამო მოხდა თუ კიდევ რამე დაამატეს. როგორც წესი, ასეთ დროს ახლობლები გარდაცვალების მიზეზზე არ საუბრობენ.

- რამდენი ხანია, რაც ხელმისაწვდომია ახალი ნარკოტიკი?

- დაახლოებით დეკემბერში შემოვიდა. არასდროს მიცდია მისი ყიდვა, 600 ლარის შოვნა ასეთი ადვილია? ჩემნაირი მომხმარებლისთვის ეს ფუფუნებაა. პოლიციის ეშინიათ და ამაზე ლაპარაკს და ინფორმაციის გავრცელებას ერიდებიან. ასე რომ, მასზე მეტი არაფერი ვიცი.

- თქვენ რომელ ნარკოტიკს მოიხმართ?

- რაც შემხვდება, იმას. ჩემს სამეგობროში არავინ გარდაცვლილა, ღმერთმა დაგვიფაროს. ისე, მსგავს ნარკოტიკებს უფრო ახალგაზრდები მოიხმარენ. მისი "რასკრუტკა" მიდის და ამიტომ მიეძალა ყველა. როცა არ იცი, რას იკეთებ, არ უნდა გაიკეთო. ადრე ვიცოდით მაინც, "ბარიგა" ვინ იყო, მასთან ვყიდულობდით წამალს, ახლა ონლაინრეჟიმში ყიდულობენ ნარკოტიკებს. ამდენი ხალხი იღუპება, მაგრამ, ეტყობა, ინფორმაციაა მწირი, ყოველ ჯერზე, ალბათ, ჰგონიათ, რაღაც ახალს და განსხვავებულს იკეთებენ. ყველასა და ყველაფერს რატომ უნდა ენდო?

ნანა ფიცხელაური
მკითხველის კომენტარი (15)
meri
11 თებერვალი 2017 12:27
რატომ უნდა იკოს ასე იოლად ჰესაზენი ეს ნარკოტიკი?ტუ გინდატ ახალგაზრდები დაიგუპონ? მარტო ფულის ჰოვნაზე ზრუნვა არ კმარა,სხვებზეც უნდა იზრუნო კველა ადამიანმა.
The Bug
11 თებერვალი 2017 06:25
კონტაკტი ხომ არ იცით საიდან გამოვიცერო ? :)
Sergo Shen magari y.. Xar imis magivrad gamosworebis gzaze vipiqrot da gza vedziot advili gamosavali nAxe Ara ??
01 თებერვალი 2017 09:49
Sergo Shen magari y.. Xar imis magivrad gamosworebis gzaze vipiqrot da gza vedziot advili gamosavali nAxe Ara ?? Bevri ram shemidzlia am da sxva narkotikebze visaubro Ara naklebi narkologebze da psiqiatrebze , yvelaperi sheileba mouxmaro da mogewonos magram es ar sheidzleba yvelas movuwodeb da vtxov visac ar gausinjavs ar gasinjos . Sashinel I damokidebuleba iwyeba 1 dge shic Ki ,
giorgi
30 იანვარი 2017 03:48
არასწორი ინფორმაცი წერია ამ სტატიაში, დეკემბერს კი არა 2016 წლის ოქტომბერში მე პირადად მოვიხმარე
სიმპტომები ახასიათებს ? ბევრ წყალს კი არ ვსვავდი მთელიგამე გავათენე და ნახევარ ლიტრიანი კოკაკოლა ვერდავლიე. ასერომ ზოგი მართალია და ზოგი არა ამსტატიაში
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
1 1
რუბრიკის სხვა სიახლეები