დასავლეთის დარღვეული დუმილი, ანუ "კოვბოი" პუტინის დასასრული
დასავლეთის დარღვეული დუმილი, ანუ "კოვბოი" პუტინის დასასრული
აშშ-ის მიერ ჯერ სირიაზე მიტანილი სარაკეტო იერიში, შემდეგ ავღანეთში ჩამოგდებული "დედა ბომბი", ჩრდილო კორეასთან მობილიზებული დამრტყმელი დაჯგუფება და ზედ დამატებული, ატომური ბომბის გამოცდა, - ეს ის მოვლენებია, რომელთაც მსოფლიოს საერთაშორისო დღის წესრიგი შეცვალა და მრავალი პროცესი, რომელიც რუსეთის "ილუზორული ლიდერობით" იყო წამოწყებული, ერთგვარად დააპაუზა.

ვაშინგტონიდან გაკეთებული განცხადებები საერთაშორისო თემატიკის შესახებ, რადიკალურად განსხვავებული გახდა ობამას ადმინისტრაციის მიერ გაკეთებული განცხადებებისგან და ეს საქართველოსთვის, როგორც რუსეთის აგრესიულობის მსხვერპლი ქვეყნისათვის,
You must have Flash Player installed in order to see this player.
ცალსახად კარგი ამბავია. თუმცა მხოლოდ ამ პროცესების იმედად არ უნდა ვიყოთ და ჩვენი ხელისუფლება, ამ მოცემულობას უნდა იყენებდეს ჩვენი პრობლემისადმი ყურადღების მისაპყრობად.

კონკრეტულად
რუსეთის მიმართ, ვაშინგტონიდან წამოსული შეცვლილი რიტორიკა, ძალზედ უხერხულ მდგომარეობაში აყენებს კრემლს და პირადად ვლადიმირ პუტინს.

ყველას გვახსოვს რა ზარ-ზეიმით აღნიშნეს დონალდ ტრამპის გამარჯვება მოსკოვში, ამის აღსანიშნად ჟირინოვსკიმ "შამპანიურიც" კი გახსნა, ინტერნეტში კი ვრცელდებოდა სტატიები, სათაურით: "კრემლის კაცი თეთრ სახლში".  პირადად მე, მაშინაც სკეპტიკურად ვუყურებდი ამ "ისტერიკას" და ვერაფრით ვხვდებოდი რუსებს სიხარულისთვის რა საფუძველი ჰქონდათ. ჩემი ეს დამოკიდებულება
სწორი გამოდგა და დაცულია ის ტრადიცია, რომელიც აშშ-ში უკვე ათეული წლებია მოქმედებს. რესპუბლიკელებისა და დემოკრატების ძირითადი პოლიტიკური ხაზის თვალსაზრისით, რესპუბლიკელები აძლიერებენ საერთაშორისო გავლენას, დემოკრატები კი კონცენტრირებულები არიან ამ გავლენების ეკონომიკურად ეფექტურ გარდაქმნაზე. ამ მარტივი ლოგიკის გათვალისწინებით, სრული აბსურდი იყო რუსეთის პროპაგანდისტული ისტერიკა, რომ თეთრ სახლში კრემლის კაცი შევიდა!

მოსკოვში, რექს ტილერსონის ვიზიტის შემდგომი რუსული პოლიტიკური ელიტის განცხადებები, ძალზედ დიფუზურია და ძნელი დასანახია ის პოლიტიკური ხაზი, რომლის ტრანსლირებასაც ისინი ცდილობენ. ის, რომ მათი მდგომარეობა არ არის სახარბიელო, ტილერსონის ვიზიტამდეც აშკრა იყო და ეს მოსაზრება განსაკუთრებით ცხადი გახადა, გაეროს უშიშროების სხდომამ, რომელზეც სირიაში ქიმიური იარაღის გამოყენების შესახებ უნდა მიეღო რეზოლუცია. ისე მოხდა, რომ კენჭისყრისას, ჩინეთმა რუსეთის პოზიციის საწინააღდმეგოდ დააფიქსირა თავისი ხმა.

ამ მოვლენებს მოყოლილი ყველა განცხადება ვაშინგტონიდან, ხაზს უსვამს იმ მოსაზრებას რომ აშშ-ის გამიჯვნა საერთაშორისო პრობლემებისგან დასრულდა და ის აქტიურად ბრუნდება საერთაშორისო პროცესებში.

ამ მოცემულობაში კი რუსებისთვის მოქმედების არეალი კატასტროფულად იზღუდება, რადგან ტრამპის ადმინისტრაციამ, მოლაპარაკებათა მაგიდასთან არაფრის მომცემ პოლემიკას პირდაპირ ძალის დემონსტრირება არჩია, რომლითაც საკუთარ მნიშვნელობასა და შესაძლებლობებს გაუსვა ხაზი და მხოლოდ ამის შემდეგ გადავიდა პოლიტიკური განცხადებების კეთების ეტაპზე.

ამ ნაბიჯებზე რუსების პასუხი უნდა ყოფილიყო თანაზომადი, რაც ნიშნავს თანაზომადი ძალის დემონსტრირებას, რომლისთვისაც სირიაში გადასროლილი სამხედრო ტექნიკა და არმია არ ჰყოფნის, ახალი პროვოკაციის მოწყობა კი შესაძლოა იმდენად პროვოკაციული გამოვიდეს, რომ საერთოდ კითხვის ნიშნის ქვეშ დააყენოს მოკლევადიან პერსპექტივაში რუსეთის, როგორც სახელმწიფოს არსებობა.
შესაბამისად, რუსეთი შეეცდება შეფარული მეთოდებით ქმედებას, თუმცა ის ფაქტი, რომ თანაზომადი ძალის დემონსტრირებას მოერიდა, პროცესების ამ საფეხურზე უკვე ნიშნავს უკან დახევას და ამას კულისებს მიღმა ვერავითარი ბრძოლები ვერ უშველის.

პუტინი, როგორც "კოვბოი" დასრულდა, რადგან ის კოვბოის რეპროდუქცია იყო, ისევე, როგორც მისი მართლმადიდებელი "ბაიკერები", ხოლო ნამდვილი კოვბოი ოკეანის გაღმა, როგორც ჩანს, არ აპირებს ყალბი "მაგარი ბიჭების" ატანას და აშინებს იმით, რითიც იცის რომ ნამდვილად დაშინდებიან!

ბლოგში გამოთქმული მოსაზრებები ეკუთვნის ბლოგერს, რომელსაც შესაძლოა რედაქცია არ ეთნხმებოდეს

ლადო ჩალათაშვილის ბლოგი
მკითხველის კომენტარი (35)
bela
02 მაისი 2017 11:56
ვეთანხმები მიშას , როდესაც საკითხი არ გესმის უნდა გაჩერდე და სხვას მოუსმინო, ამას მიხვედრა უნდა. ნაცებს კი უკვე არაფერი აღარ ეშველებათ, ერთხელ მოიწამლენ და ვსიო.......
დათო
01 მაისი 2017 11:16
თუ ტრამპმა რუსეთთან ფლირტი, იმიტომ გააჩაღ წინასაარჩევნოთ,რომ გაემარჯვა და გაიმარჯვა კიდეც, აქედან დასკვნა ესე იგი ამერიკელებს რუსეთთან მეგობრობა უნდათ, მარა ჩვენ რა გვეშველება? აი ესაა მთავარი, ღმერთმა დაიფაროს რუსეთი მაშტაბურ ომში ჩაებას, ეს უწინარეს ყოვლისა საქართველოს დასასრული იქნება. არ დაბლოკოთ !
DDD
21 აპრილი 2017 12:29
პორტალ «Кавказская политика»-ს მთავარი რედაქტორი, რუსეთის პრეზიდენტთან არსებული ადამიანის უფლებათა საბჭოს წევრი მაქსიმ შევჩენკო აფხაზებს ურჩევს, «თავს ნუ მოიტყუებენ: საქართველო რუსეთისთვის უმნიშვნელოვანესი პოტენციური სტრატეგიული პარტნიორი და უმნიშვნელოვანესი მიზანია».

«….აფხაზეთს ვერ განვიხილავთ კავკასიის იმ დიდი რეგიონისგან განცალკევებით, რომელიც, ვთქვათ, სამხრეთით არაქსით იწყება და ჩრდილოეთით დონისპირა მიწებით მთავრდება. რუსეთი დღეს სტრატეგიული კავკასიური პოლიტიკის ჩამოყალიბებას ცდილობს. ამ მოდელში აფხაზები ჩვენი მეგობრები არიან და ჩვენ მათზე პასუხს ვაგებთ, მაგრამ აფხაზეთი ამ დიდი სისტემის მხოლოდ ერთი პატარა ნაწილია. ჩემი აზრით, რუსეთმა, როგორც იქნა, გააცნობიერა, რომ კავკასია მთლიანად შედის მისი სასიცოცხლო ინტერესების სფეროში და ვუშვებთ რა კავკასიაში უცხოეთის როგორც სამხედრო, ისე პოლიტიკურ წარმოდგენილობას (მაგალითად, ნატოსას, ან იგივე თურქეთისას — მიუხედავად იმისა, რომ თურქეთი ჩვენთვის მტრული სახელმწიფო არ არის), რუსეთი რისკავს, კავკასია დაკარგოს. აფხაზეთის მიმართ გარკვეული უდავო პრეფერენციების სანაცვლოდ რუსეთს, ჩემი აზრით, საერთოკავკასიურ სტრატეგიულ დიალოგში, სტრატეგიულ დარეგულირებაში აფხაზეთის გონივრული მონაწილეობის იმედი აქვს. და მიუხედავად იმისა, რომ ჩვენ [რუსეთს] საქართველოსთან ომი გვქონდა, თავს ნუ მოიტყუებთ: საქართველო რუსეთისთვის პოტენციურად უმნიშვნელოვანესი სტრატეგიული პარტნიორია და უმნიშვნელოვანესი მიზანი. კავკასიაში რუსეთი სწორედ საქართველოს კვალდაკვალ მოვიდა. სწორედ ქართველმა თავადებმა მოიყვანეს კავკასიაში რუსეთის იმპერია. ისინი არც შერვაშიძეები იყვნენ და არც ჩაჩბები — ამ დინასტიების მიმართ ჩემი ღრმაპატივისცემის მიუხედავად. და მიუხედავად ყველა შეცდომისა, რომელიც რუსეთმა დაუშვა იმპერიის პერიოდშიც და შემდგომშიც, და რამდენიც არ უნდა ისაუბრონ იმაზე, რომ რუსეთის საყრდენი კავკასიაში სომხეთია ან ოსეთი, რუსეთის იმპერიული პოლიტიკის საყრდენი კავკასიაში ყოველთვის მართლმადიდებელი საქართველო იყო. დარწმუნებული ვარ, ამ ისტორიული, სტრატეგიული გზის მიღმა არაფერი იქნება» - განაცხადა შევჩენკომ აფხაზეთის პრობლემატიკისადმი მიძღვნილი მრგვალი მაგიდის მსვლელობისას.

მან შეახსენა დამსწრე საზოგადოებას, რომ «საქართველოსთვის ყოველთვის მიდიოდა ბრძოლა რუსეთსა და თურქეთს შორის, გარკვეულ პერიოდებში მასში ირანიც მონაწილეობდა».

«ოდესღაც ეს ბრძოლა ზარბაზნების გამოყენებით წარმოებდა, ახლა — ფულისა და პოლიტიკური სვლების. ასე, რომ, ჩვენ, რაღა თქმა უნდა, ვერ დავუშვებთ, რომ საქართველო, როგორც ეს სააკაშვილის დროს იყო, ერთგვარ თურქულ ფილიალად იქცეს და ყველა მეტ-ნაკლებად მნიშვნელოვანი ეკონომიკური ობიექტი საქართველოში თურქებს ეკუთვნოდეთ — თურქების მიმართ ჩემი ღრმა პატივისცემის მიუხედავად. ეს უბრალოდ არ შედის რუსეთის პოლიტიკური ინტერესების სფეროში» - დასძინა შევჩენკომ.
misha
20 აპრილი 2017 22:07
ბევრი კომენტარი ძალიან უაზროა და უსინარსსო როგორც ჩანს ბევრი წერას იხსენებს რომ არ დაავიწყდეს ,იმდენს ლაპარაკობთ ამდენი საკუთარ ქვეყნისთვის რომ დაგეთმოდ დრო სხვა სიტუაციაში ვიქნებოდით რახდება ქვეყნის გარეთ მე არ მაინტერესებს ვხედავ ვისმენ და ვივიწყებ იმიტომრომ ის ჩემი არ არის
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
1 1
რუბრიკის სხვა სიახლეები
გაზეთის სტატია. მიიღეთ წვდომა
გაზეთის სტატია. მიიღეთ წვდომა
გაზეთის სტატია. მიიღეთ წვდომა
თვის კითხვადი სტატიები