"პალიტრა" სტუმრად პატრიარქთან
18-04-2011
შემდეგ ნომერში  - პატრიარქის ხელით დაწერილი წმინდა ვახტანგ გორგასლის ხატი

ჩვენი გაზეთის მკითხველი საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ცხუმ-აფხაზეთის მიტროპოლიტის, უწმინდესისა  და უნეტარესის ილია II-ის კურთხევით, ყოველწლიურად ტრადიციულ სააღდგომო საჩუქარს ელოდება. წელსაც "მედია პალიტრის"  დამფუძნებლები პატრიარქს ეწვივნენ... "50 წიგნი, რომელიც უნდა წაიკითხო, სანამ ცოცხალი ხარ" და სერია "დიდი მხატვრები" ეს ის გამოცემებია,  რომელიც უწმინდესმა საგამომცემლო სახლ "პალიტრის" წარმომადგენლებისგან საჩუქრად მიიღო.

"საქართველოს განათლებული მომავალი სჭირდება და ამ მხრივ, დიდი ზრუნვაა საჭირო", - ბრძანა  პატრიარქმა "პალიტრასთან" შეხვედრისას.
ამ საზრუნავს ჩვენი მედიასახლი შეძლებისდაგვარად წლებია ემსახურება... ის სერიული გამოცემები,  რომლებსაც საფუძველი სწორედ "მედია პალიტრაში" ჩაეყარა, ერთადერთ მიზანს ისახავს: რაც შეიძლება  გაიზარდოს ინტერესი და მოტივაცია განათლების მისაღებად, ვიცნობდეთ და გვიყვარდეს ჩვენი და  მსოფლიო კულტურა.


KvirisPalitra.Geჩვენი ერის სულიერი მამა მარტო თვალით კი არა, გულითაც ხედავს. ამიტომაცაა, სწორედ იქ, სადაც  საჭიროა და იმას, რაც საჭიროა, სთავაზობს ხოლმე თავის სამწყსოს. არც ისაა შემთხვევითი, რომ უწმინდესმა და უნეტარესმა მედია "პალიტრის" დამფუძნებლებთან შეხვედრაზე ბრძანა, კარგი იქნება, ქართველი მეფეების ხატებიც უძღვნათ თქვენს მკითხველსო.

საქართველო ის ქვეყანაა, რომელსაც თავისი სახელოვანი მეფეები წმინდანებად ჰყავს შერაცხილი.  ისტორიული ჩარხი ისე ტრიალებდა, რომ საქართველოს ღვთივკურთხეული მეფეები გოლგოთას გზას იყვნენ  შემდგარი, მათ ხომ ყველაზე დიდი მსხვერპლი საკუთარი თავითა და სიცოცხლით უნდა გაეღოთ.

დალოცვისა და კეთილი სურვილების შემდეგ პატრიარქმა თავისი ხელით დაწერილი ვახტანგ გორგასლის ხატი გვაჩვენა და გვირჩია, ამჯერად "კვირის პალიტრაში" სააღდგომო საჩუქრად გორგასლის ხატი ჩაგვედო. მართლაც, პატრიარქის კურთხევით, უწმინდესის მიერ დაწერილ, წმინდა ვახტანგ გორგასლის ხატის ასლს, სააღდგომო ნომერში საჩუქრად მიიღებს მკითხველი.

წმინდანად შერაცხილი ქართველთა მეფე ვახტანგი, რომელიც შიშის ზარს სცემდა მტერს, იყო მმართველი,  რომელიც ხმალამოწვდილი იბრძოდა თავისი მხედრების მხარდამხარ. ის არ იყო მდგომარეობით  პრივილეგირებული, როცა სამშობლოს სჭირდებოდა, მის რიგით ჯარისკაცზე უფრო რიგითი ხდებოდა... ფიქრით კი ერის მარტო ფიზიკურს კი არა, მის სულიერ  გადარჩენასაც დასტრიალებდა თავს.

10 აპრილს უწმინდესმა და უნეტარესმა ილია II-მ საკვირაო ქადაგებაში ბრძანა: "...თუ შენ კეთილდღეობაში ხარ, მადლობა შესწირე უფალს. თუ შენ დიდი თანამდებობა მოგეცა, მადლობა შესწირე უფალს და ჰკითხე, რატომ მომეცი... იმიტომ კი არ მოგცა, რომ განცხრომაში ჩავარდე, იმიტომ მოგცა, რომ სხვა ადამიანს დაეხმარო"...

სწორედ იმიტომ, რომ ქართველი მეფენი არა განცხრომისთვის, არამედ თავისი ერისთვის ცხოვრობდნენ, შეძლეს და გადაარჩინეს საქართველო...
პატრიარქი გულით ხედავს-მეთქი... მისი სიტყვა მარტო ყურით კი არა გულით უნდა ვიგრძნოთ...
nino_taryaSvili
20 ივლისი 2011 16:01
ლელა,ძალიან კარგი გოგო ხარ და დიდ პატივს გცემ.ნინო
სხვა სიახლეები
ისტორიის თვალსაწიერზე ჩვენს წინაპრებს არავისთან ჰქონიათ ისეთი მჭიდრო სულიერი ერთობა, როგორიც ბერძნებთან. ქრისტიანობის სახელმწიფო რელიგიად გამოცხადების შემდეგ (რომის იმპერიაში 313 წელს;
დაწვრილებით...
ქრისტეს ენაზე მოგალობე ბერის ექსტრაორდინარული ცხოვრების გზა

"ყველაზე დიდი ტრავმა მაშინ მივიღე, როცა ბეტონის ამრევ მანქანაში ჩავვარდი. იქიდან ცოცხალი ისტორიაში ჯერ არავინ გამოსულა, ჩემ გარდა"

ვთქვი: "თუ იქნება სათნო უფლისათვის, მე გავხდები მონაზონი, ოღონდ ის გადარჩეს"
დაწვრილებით...
სულთმოფენობიდან ერთი კვირის თავზე, 16 ივნისს, წმინდა მოციქულთა მარხვა დაიწყო. ეს მარხვა 12 ივლისს მოციქულთა - პეტრესა და პავლეს ხსენებით გვირგვინდება, ამიტომ სახელიც მათი ჰქვია - პეტრე-პავლობის მარხვა.
დაწვრილებით...
კუკიის სასაფლაოზე ერთი გამორჩეული საფლავია. ბოლო 10 წელია ამ საფლავზე მიმსვლელთა რაოდენობა თანდათან მატულობს. იქ მჯდომარე ანასტასია განისვენებს.

ტრაგიკულმა სიყვარულმა ანასტასია სალოსად აქცია - 65 წელი მჯდომარემ გაატარა
დაწვრილებით...
”ეს სიტყვა იყო ცილისწამება ჭეშმარიტებაზე, გამოთქმული არაწმიდა კადნიერებით (არსებობს წმინდა კადნიერებაც), თქვენთვის დამახასიათებელი მენტორული ტონით”

”თურმე საქართველოს ყოვლადწმიდა ღვთისმშობლისადმი წილხვედრილობა "ლეგენდა და სიმბოლო ყოფილა"

”დღეს ჩვენი ერიშვილები უდიდეს ზნეობრივ დაცემას არიან მიცემული, მაგრამ ისინი ჩვენ გვიყვარან.”
დაწვრილებით...
ქართული მართლმადიდებელი ეკლესია ამ კვირაში ორი დიდი წმინდანის დღეს აღნიშნავს. 12 მაისს ქართველთა განმანათლებელს ანდრია პირველწოდებულს იხსენებს, ხოლო 14 მაისს - წმინდა მეფე თამარს.
დაწვრილებით...
ექვს მაისს მართლმადიდებელი ეკლესია წმინდა დიდმოწამე გიორგის იხსენებს. შეეწიოს საქართველოს და სრულიად საქრისტიანოს ქრისტეს მხნე მეომარი.
წმინდა გიორგის სასწაულების რიცხვი აურაცხელია, გაგაცნობთ რამდენიმეს:
დაწვრილებით...
”როდესაც ადამიანი სანთელს ქუჩაში ყიდულობს, ეს არ არის შესაწირი, ამას არა ღვთისთვის, არამედ საკუთარი სურვილის დასაკმაყოფილებლად აკეთებს, - რომ ნაკლები თანხა გადაიხადოს. ამგვარი მიდგომით ადამიანი ავლენს, რომ ღვთისთვის ცოტა მეტი თანხის გაღება ენანება”

თუ გაჭირვებულია, შეუძლია, სხვა რამ გაყიდოს. ამგვარი ქმედებით ადამიანი ეკლესიას ართმევს”
დაწვრილებით...
გოლგოთამდე მომავალ გზას ზოგი მხოლოდ ფეხით, ზოგი - ფიქრით, ზოგი კი - პეტრე მოციქულივით სინანულის ცრემლებით ამომწვარი თვალებით და უფლისადმი დიდი სიყვარულით გადის...
დაწვრილებით...
პატრიარქს გაეღიმა, მამა გაბრიელმაც ღიმილითვე, სალოსურად უპასუხა: "დავლიოთ?" და პატრიარქს შეჰყვა შენობაში...
დაწვრილებით...
"Entegre–ს ჩემოდანი. ტევადობა 50 ლიტრი. ზომა: 60...
"იყიდება ველოსიპედები იტალიური და გერმანილი წარმოების ჩამოყვანილია...
328 კვ.მ. ახალი რემონტი ა/სადგომი, ბუხარი, ბ/აირი,...
რუსთაველზე 410 კვ.მ. ინდივიდუალურად დაპროექტებული ორი საუკეთესო...
რა მოსწონთ თქვენს მეგობრებს
გამოკითხვა
თოქ-შოუ "სახალხო დარბაზი", პარასკევი 16:10 წუთზე, საქართველოში, ძალაუფლება, ყველა დონეზე ”ოცნების” ხელში გადავიდა. როგორია თქვენი დამოკიდებულება?