როდემდე გააგრძელებენ ქართველი კაცები იმის ლაპარაკს, რომ "რამდენიც უნდათ, იმდენ შვილს გააკეთებენ"?!
როდემდე გააგრძელებენ ქართველი კაცები იმის ლაპარაკს, რომ "რამდენიც უნდათ, იმდენ შვილს გააკეთებენ"?!
24-02-2016
მაინტერესებს როდემდე უნდა იაზროვნოს ქართველი კაცების გარკვეულმა ნაწილმა ასე დეგრადირებულად? სრულიად სხვა თემაზე ვაპირებდი დაწერას, მაგრამ მსახიობ ლევან ჯიბღაშვილის ისეთი ინტერვიუ შემხვდა სოციალურ ქსელში, გამცინებოდა, თუ მეტირა, არ ვიცოდი.

"რამდენსაც მინდა იმდენ შვილს გავაკეთებ"; "სახლში რომ მოვალ, ქალი შინ უნდა დამხვდეს";  "ქალმა განათლების მიღება ბავშვების აღზრდაში უნდა გამოიყენოს, რა საჭიროა მუშაობა" და მსგავსი "სიბრძნეები" დაუსრულებლად
...

ისე, როგორც ეს 25-30 წლის ახალგაზრდა კაცი აზროვნებს, ჩემი მეზობელი გელაც კი აღარ აზროვნებს, რომელიც დიდი ხანია 60 წელს გადაცდა.

გასაგებია, რომ ყველას თავისი აზრი და ცხოვრება აქვს, არც არავინ ერევა არავის პირადში თუ თვითონ არ გაგვანდობენ ხოლმე საკუთარ შეხედულებებს, უბრალოდ, ძალიან ცუდი ის არის, რომ ასეთ აზროვნებას უნერგავენ საკუთარ შვილებსაც და რა გამოდის? - აღარაა საშველი და საღად მოაზროვნე ახალი თაობის იმედიც არ უნდა გვქონდეს?!

მართალია, შეიძლება მოხდეს სასწაული და ბავშვმა თვითგანვითარებას მიჰყოს ხელი, მაგრამ ეს იშვიათად ხდება.

როდემდე უნდა ვილაპარაკოთ ერთი და იგივეზე, - მკითხავთ ალბათ?


იქამდე, ვიდრე, აი, ასე ვიაზროვნებთ.


მაინც, რატომ ჰგონია ბევრს რომ ქალს არ შეუძლია მუშობა, ბავშვების აღზრდა, სახლის მიხედვა და თავის მოვლა ერთდროულად? ან რატომ უნდა იყოს მხოლოდ დედა ჩართული შვილებს გაზრდაში და მამა 24 საათი გავარდნილი იყოს "სამუშაოდ" ?

თუ იმის ახსნა გვიწევს კიდევ ერთხელ რამდენს ნიშნავს და როგორ ჭირდება ქალს (ისევე როგროც კაცს) თავისი საქმე, სამსახური, სახლიდან გასვლა, საკუთარი ცოდნისა და გამოცდილების სხვებისთვის გაზიარება.


ან რა მოხდა თუ კაცი დაეხმარება ცოლს თუნდაც სადილის მომზადებაში? თუ ის კაცები რომლებიც ასე აკეთებენ, ნაკლებად მამაკაცურები არიან ან თუნდაც ქართულ ტრადიციებზე ნაკლებად აღზრდილები?

როდემდე უნდა ვტკეპნოთ ერთი და იგივე და როდემდე გადავწიოთ ქალი მეორე ფლანგზე. მერე იტყვიან აგრესიული რატომ
You must have Flash Player installed in order to see this player.
ხარო? აგრესიული არა, მაგრამ გაოგნებული ნამდვილად ვარ ბოლოს წაკითხული ინტერვიუს გამო.

ზოგჯერ იმასაც ვფიქრობ ჩვენი ბრალი ხომ არ არის? ხო, ჩვენი, ქალების ბრალი, ამდენს რომ ვაბედინებთ კაცებს? (არ ჩამქოლოთ ახლა, ყველა კაცი ერთნაირია-მეთქი არ ვამბობ, გარკვეულ სეგმენტს ვგულისხმობ).

იქნებ, უფრო მეტად უნდა დავიცვათ ჩვენი სურვილები, უფლებები და მოთხოვნილებები, რომ მერე "რამდენიც უნდათ იმდენი არ გვაჩენინონ" - აი ეს წინადადება საერთოდ ყოვლად მიუღებელია ჩემთვის, ყოველ შემთხვევაში.

სამწუხაროდ, ხშირად წყლის ნაყვას ემსგავსება ეს ყველაფერი, კაცი რომელიც ასე აზროვნებს მითუმეტეს ზრდასრულ ასაკში, ეჭვი მეპარება ოდესმე მიხვდეს, რომ ეს არასწორი დამოკიდებულებაა ქალის მიმართ. ქალი რომელიც ამას ეგუება და არ აქვს პროტესტის გრძნობა, როგორ ვთქვა ღირსია ასეთი მეორე ნახევრის-მეთქი, მაგრამ ყოველ შემთხვევაში მერე მაინც ნუ წუწუნებენ ეს ვის გავყევითო...

მე მაინც იმ კაცების იმედი მაქვს, რომლებიც მცირედ მაინც აზროვნებენ იმ ჩემი მეზობელივით, რომლის ცოლიც მუშაობდა იქამდე, ვიდრე ამის საშუალებას ასაკი აძლევდა, ბორშის გაკეთებაშიც ეხმარებოდა მეუღლეს და სახლში თუ მისვლას მიასწრებდა კი არ ჩხუბობდა, ვახშამს უმზადებდა და ეს მის კაცობას და თავმოყვარეობას ნამვილად არ ლახავდა, პირიქით მოსიყვარულე, თბილი, შეგნებული ადამიანის და კარგი ქმრის სახელი ამდენი წლის მერეც შერჩა და ძალიან დამსახურებულადაც.



ვნახოთ
06 აპრილი 2016 12:15
თუ დააკვირდით,ყველა იმას ამბობს რა სჭირდება ქალს.არ გაინტერესებთ კაცს რა სჭირდება? გეტყვით-მრავალი სხვადასხვა სქესობრივი პარტნიორი,სახლში კომფორტი,საკუთარი ჰობი და საკმარისი დრო მისთვის,ჯანმრთელი და მოვლილი შთამომავლობა.--ალბათ არ მოგწონთ არა?!. ჰოდა არც ჩვენ მოგვწონს ჩვენთვის განკუთვნილ დროს სხვა რაღაცეებს რომ ახმართ.ამიტომ მოდი თქვენ თქვენი ინტერესები დაიცავით,ჩვენ ჩვენსას დავიცავთ და შევხედოთ რა გამოვა:)))
0
02 მარტი 2016 14:25
ტორტი გამოვაცხოთ, ქანდაკება გამოვძერწოთ, სადილი და ბავშვი ხომ ერთი დაიგივეა და მოდი სადილიც გავაკეთოდ და ბავშვებიც გავაკეთოდ და რათქმა უნდა ვისაუბროთ ვაჟკაცობაზე, ოჯახზე და ა. შ. ჩვანი საზოგადოება განვითარების "უმაღლეს ფაზაშია"!!!
სხვა სიახლეები
გამომდინარე იქიდან, რომ ჩვენში ბევრი წყვილი ქორწინებამდე თავს იკავებს სექსუალური ცხოვრებისგან, დაოჯახების შემდეგ ხშირად უჩნდებათ პრობლემები, ზოგჯერ კი ძალიან დიდი. ზოგადად მამაკაცები მონოგამები რომ არ არიან, ეს ახალი ამბავი არავისთვისაა, მაგრამ ყველაფერს აქვს საზღვარი...
დაწვრილებით...
ის აზრი, რომ ქალს მხოლოდ ერთხელ უყვარდება ნამდვილი სიყვარულით, მაინც გადმონაშთი მგონია, როდესაც ქალს, როგორც ქმრის საკუთრებას, ისე განიხილავენ და მიიჩნევენ, რომ ის სიცოცხლის ბოლომდე მისი ერთგული უნდა იყოს.
დაწვრილებით...
ჩემს გარშემო არა ერთი ქალი, რომელიც 30 წელს უკვე გადაცდა, აღიარებს, რომ ბევრად ახალგაზრდა კაცები იზიდავს. რა კაცები, ზოგჯერ 20-13 წლის ბიჭებიც კი.
დაწვრილებით...
30 წელს თუ ისე მიუახლოვდი, რომ მეორე ნახევარი ვერ იპოვე, ყველგან - შენი მეგობრების, დედის მეგობრების, ნათესავებისა თუ უბრალო ნაცნობებისგან გამარჯობის მერე, ერთი და იგივე კითხვას ისმენ: რატომ არ თხოვდები?
დაწვრილებით...
შეიძლება ბევრი ქალი გამინაწყენდეს, მაგრამ მაინც უნდა მოვყვე ერთი ისტორია. რამდენიმე დღის წინ, ერთ-ერთი ნაცნობის განქორწინების ამბავი გავიგე. როგორც ის ჰყვებოდა, ყველაფერში დამნაშავე ქმარი იყო, ის იყო ცუდი მამა, საშინელი ქმარი და ა.შ.
დაწვრილებით...
ამ ცოტა ხნის წინ, დაქალი ატირებული მომადგა, "მეუღლეს ტელეფონში სხვა ქალისთვის მიწერილი სასიყვარულო SMS-ები ვუპოვე" და არ ვიცი, რა ვქნაო... როგორც ამიხსნა, გაცეცხლებულმა თავი ვერ მოთოკა და ქმართან საშინლად იჩხუბა, ის კი თავს იმით იმართლებდა, ეს ქალი ჩემთვის არაფერს ნიშნავს, მხოლოდ მსუბუქი ფლირტი გვქონდაო...
დაწვრილებით...
ოდნავ მაინც თუ გიყვართ, ძველი, სასიყვარულო, რომანტიკული ფილმები, შეუძლებელია ნოემბერში "ტკბილი ნოემბერი" არ გაგახსენდეთ.
დაწვრილებით...
გუშინ სადღაც ამოვიკითხე, მამაკაცებს უნიკალური შესაძლებლობა აქვთ, აწყენინონ ქალებს და შემდეგ იმაზე გაბრაზდნენ, რომ ქალებს ეწყინათო. ამაზე დიდი სიმართლე არც გამიგია, მგონი… ზოგჯერ მართლაც მგონია, რომ კაცები უბრალოდ ვერ ხვდებიან რა სწყინთ ქალებს.
დაწვრილებით...
არავინ თქვას, გემოვნებაზე არ დაობენო, სწორედაც რომ მაგაზე დაობენ ყველაზე მეტს. ზოგს შეიძლება ქერა მოსწონდეს, ზოგს - შავგვრემანი, ზოგისთვის სიმაღლეს ჰქონდეს მნიშვნელობა ზოგისთვის კი - წონას, მაგრამ ფაქტია, არსებობს გარკვეული სტანდარტები, რომლებსაც კაციც და ქალიც უნდა აკმაყოფილედბნენ იმისათვის, რომ მათ საზოგადოების უმრავლესობის მოწონება დაიმსახურონ.
დაწვრილებით...
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები