ქვა იმან ესროლოს, ვინც...
ქვა იმან ესროლოს, ვინც...
16-03-2016
სექსი ქალებსაც აქვთ და ეს არ "ტეხავს"

რეალურ თუ ვირტუალურ სივრცეში ყველაზე ამაზრზენი ის კომენტარები და სტატუსებია, რომელშიც მკაცრად განიკითხავენ ქალებს, რომლებსაც ჰყავთ მეგობარი მამაკაცები და აქვთ სექსი.

კი, საქართველოში ქალებს აქვთ სექსი და თუ სარეცელს ქმრებთან არ იყოფენ, ესეც ხშირ შემთხვევაში იმის ბრალია, რომ ქართველი კაცების უმრავლესობამ სექსი თეორიის დონეზეც კი ძლივს იცის რა არის, რაზეც ქალები წუხან, განიცდიან, ლაპარაკობენ.
შეიძლება ხმამაღლა არა, შეიძლება ყველა არა, შეიძლება თქვენთან არა, მაგრამ ლაპარაკობენ...
რამდენიმე ქალს დაუსვათ შეკითხვა პირად ცხოვრებაზე და მათი სახის გამომეტყველებითაც კი მიხვდებით ყველაფერს, სულ რომ არაფერი გიპასუხოთ.

დამოკიდებულება "ქალია და სხვანაირად უნდა მოიქცეს" არანაირ გენდერულ ბალანსში არ ჯდება და პირდაპირი დისკრიმინაციაა. რას ნიშნავს კაცს შეუძლია და ქალს - არა? რატომ არის გამართლებული კაცების საყვარლები, გართობა და სექსი ამ ქვეყანაში და ქალისთვის რატომ ითვლება აკრძალულად?

რატომ ჰგონია მავანს, რომ ქალებს არ უნდათ სიამოვნების მიღება და თავს შეიკავებენ საკუთარი პირადი ცხოვრების გამრავალფეროვნებისთვის, დიახ, პირადი, რომელიც არავის ეხება?!

ბევრი იტყვის ვინ ერევა მათ ცხოვრებაში, რას გვახვევენ თავზეო?

სამწუხაროდ, როგორც ბოლო საშინელი მოვლენებიდან ჩანს სულ რომ არ გინდოდეს ისე შეიძლება მთელმა ქვეყანამ გაიგოს შენი პირადის შესახებ და მერე "პატიოსანი" ქალები რომლებიც ქმრების უყურადღებობით, ღალატით არიან განერვიულებულები დაიწყებენ იმ ქალების ლანძღვას და კრიტიკას, რომლებმაც თურმე გაბედეს და თავს უფლება მისცეს ის ეკეთებინათ, რაც უნდოდათ... აქვე ვიტყვი, რომ რაც მოხდა, ეს დასაგმობი და დროულად აღსაკვეთია! ადამიანის პირადი ცხოვრება ხელშეუხებელია და ვინც ამ უფლებას ლახავს, მკაცრად უნდა დაისაჯოს!

ყველაზე სასაცილო კი ის არის, რომ კითხულობ იმ ადამიანების კომენტარებს, რომლებიც გაგიჟებულები მორალურ პრინციპებზე ლაპრაკობენ და ლამისაა თავები ქალწულებად წარმოგვიდგინონ, არადა, ყველაზე მეტ
ამორალობას სჩადიან.
ყველა აზრს და შეხედულებას აქვს არსებობის უფლება, მაგრამ არავის აქვს უფლება განიკითხოს და ქვა ესროლოს სხვა ადამიანს, მით უფრო, თუ თვითონ უარესის გამკეთებელია!

გამაოგნებელი კი ის არის, რომ ძალიან ბევრს ქვეყანაში არსებული არაჯანსაღი სიტუაცია კი არა, ის აღელევებს ვის სად ვისთან როგორ და რამდენჯერ აქვს სექსუალური კავშირი...

inga
09 აპრილი 2016 00:32
უსექსობა ნევროზს იმ შემთხვევაში იწვევს, როცა ტვინისუჯრედები ერთი რამის გარშემო ტრიალებს, რა დაგემართათ არის ასეთი გამოთქმა "ცოფიანი"საშვილოსნო. 10 წელი იყო წასული ჩემი ქმარი, ისე მიშველოს უფალმა ,გვერდით არ გამიხედია. 39 წლის ვიყავი დედა აღარ მყავდა, და მამა, დედამთილი და მამამთილი ცოცხალი, ბინა გავყიდე და სრულიად უცხო უბანში გადავედი, არავინ მყავდA ვისიც მომერიდებოდა, ქირით ორ პატარასთან ვიყავი, ბევრჯერ გამჭირვებია. მიჭირდა რა მექნა, იმიტომ გავ..ი შოუებში, რომ ყვებიან. ისეთ დღეები გამომივლია ბასიაკივით გამქონდა სახლიდან ყველაფერი. ფონდის ფულზე 20 თეთრი მაკლდა და ფანჯრიდან დავინახე ლუდის ბოთლი ეგდო შუაღამეს ჩავედი ავიღე, ჩავაბარე და მეორე დღეს გავატანე, არასოდეს არ დააგვიანებდა ფონდის ფულს, არ მინდოდა თავმოყვარეობა შელახოდა კლასში, მასწავლებელი არ შეკითხოდა, არასოდეს არ მიმიმართია არც სოც დახმარებაზე და არც მეზობლებს რომ უკაკუნებენ წარა-მარა კოვზი ყავა, ... იმიტომ, რომ ბავშვები თხოვნას არ დაჩვეულიყვნენ, ჩემს საუკეთესო დაქალს საყვარელი ყავს . იცის ყველამ, გამოვიდეს და იყვიროს. ეს მისი პირადია, მას არ ყოლია ქმარი და მე გამართლებულად მიმაჩნია. ის ბევრ ქმრიან ქალზე პატიოსანია ვისაც შირმად ყავთ ქმრები, არ მგონია ვინმეს აინტერესებდეს სხვისი პირადი , უბრალოდ იწერება, გადმოსცემენ ტელევიზიები და ხალხიც ენას იფხანს უკაკუნებს ლეპტოპს, ისე, როგორც მე ახლა უმუშევარი დავრჩი . რა ქნას ამდენმა უმუშევარმა,ადრე იაფი ცხოვრება იყო დადიოდა მასიურად ხალხი კინოში, თეატრში, ხალხი დასაქმებული იყო. ,დაღლილი მიდიოდი სახლში და გრძელ სკამზე დამსხდარი ბებოებისგან თუ გაიგებდი უბნისს ამბებს. ახლა ერთადერთი თავშესაქცევი ინტერნეტია.
beriberi
25 მარტი 2016 16:16
სიყვარულსა მალვა უნდა, ვითა ცხენსა ნაპარავსა,
თუ ამის ნიჭი არა გაქვს, ნუ ჩაიგდებ შარში თავსა.
სხვა სიახლეები
რამდენიმე დღის წინ ჩემმა მეგობარმა დაიჩივლა, რომ საბავშვო ბაღში, სადაც მისი პატარა გოგონა დადის, ერთი ძალიან აგრესიული ბავშვია და მისი "ცუდი საქციელი" ხშირად ყოველგვარ ზღვარს სცილდება...
დაწვრილებით...
აგინებენ ცოლებს, შვილებს, მშობლებს, შეყვარებულებს, თანამშრომლებს, სკამებს, მაგიდებს, ტელევიზორებს და ა.შ.
დაწვრილებით...
ქალის ასაკი - როცა წლების შემდეგ აღმოაჩენ, რომ აღარ მოგწონს საკუთარი სხეული და სახე...
დაწვრილებით...
ძალიან მაინტერესებს ქართველი დედებისთვის ვაჟი ოდესმე ზრდასრული მამაკაცი ხდება? ოდესმე აცნობიერებენ, რომ 24, 30, 35 წლის მამაკაცი პატარა ნიკუშა, გიო, ლევანიკო და "დედას ბუშტი" აღარაა? ქართველი ქალები უმრავლეს შემთხვევაში "გადამკვდარი დედები" რომ არიან, ამას ბევრი ლაპარაკი არ სჭირდება.
დაწვრილებით...
მისი დანახვისას პირველი რაც გვახსენდება, ნიუ-იორკი, სექსი, სიყვარული, მეგობრობა და ფეხსაცმელია.
დაწვრილებით...
ურთიერთობები სიხარულით იწყება, თავდაპირველად ბედნიერების განცდა არ გტოვებს ადამიანს, თუმცა რიგ შემთხვევაში წყდება ან ისე გრძელდება, რომ, ვაი, მაგ გაგრძელებას. უმრავლეს შემთხვევაში კრიზისი 3 წლის შემდეგ იწყება, რასც ბევრი ვერ უძლებს და ერთ დროს ძლიერი გრძნობაც ნელ-ნელა ქრება...
დაწვრილებით...
მახსოვს, დათო ტურაშვილმა დედა რომ აგინა მთავრობის წევრებს პირდაპირ ეთერში, ამას რა დადებითი გამოხმაურება მოჰყვა ჩვენში, ნამდვილად არ მახსოვს მისთვის ვინმეს გაუზრდელი ეწოდებინა.
დაწვრილებით...
ამ ბლოგის დაწერა იმ ამბავმა გადამაწყვეტინა, რაც ჩემს მეზობლეს გადახდა. ანუშკა ახალგაზრდა, ქერა, ცისფერთვალა და მოკლედ, ძალიან ლამაზი გოგოა, რომელიც კარგა ხანია სამსახურს ეძებს.
დაწვრილებით...
ცხოვრებაში ხშირად გვიწევს მნიშვნელოვანი გადაწყვეტილებების მიღება, თითქმის ყოველდღე კი პატარ-პატარა არჩევანის გაკეთება, მაგალითად: ვიყოთ კარგ ხასიათზე თუ არა, გავაბედნიეროთ სხვა თუ არა და ასე შემდეგ. მთავარი კი იმის გააზრებაა, რომ ჩვენს ყოველ მოქმედებას და სიტყვას მოაქვს გარკვეული შედეგი, ზოგჯერ კი საჭიროა საკუთარი თავი უცხო თვალით დავინახოთ.
დაწვრილებით...
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები