ხალხური მედიცინა გვთავაზობს
რევმატიზმის დროს: დღეში 2-3-ჯერ შეჭამეთ ოდნავ მოხალული ნუში.
თირკმლებსა და ნაღვლის ბუშტში კენჭების დროს: წყლის მაგივრად სვით ოხრახუშის ფესვების ნახარში.
ყველა სახის ჭიის გამოსადევნად: დაღეჭეთ 1 ჩ/კ უმი ბრინჯი, გადაყლაპეთ და დააყოლეთ 50-70 მლ წყალი.
კეფის ნევრალგიის დროს: ფრთხილად შეისუნთქეთ ნიშადურის ან ქაფურის სპირტის ორთქლი.
მშრალი ხველების დროს: 2-3 ცალი საშუალო ზომის სტაფილო გახეხეთ, გაწურეთ და შეურიეთ თაფლი (1:1). მიიღეთ თითო ს/კ ნარევი 4-5-ჯერ დღეში (განსაკუთრებით ძილის წინ).
გაცივებისა და ანგინის დროს: 2 ს/კ ცაცხვის ყვავილსა და ფოთოლს დაასხით 1 ჩ/ჭ მდუღარე წყალი, 3 საათი გააჩერეთ თერმოსში, გაწურეთ და მიიღეთ 1/3 ჩ/ჭ ნაყენი 3-ჯერ დღეში 10 დღის განმავლობაში.
მეტეორიზმის დროს: თანაბარი რაოდენობის პიტნის ფოთლების, ანისულისა და კვლიავის თესლის 2 ჩ/კ ნარევს დაასხით 1 ჩ/ჭ მდუღარე წყალი, მჭიდროდ თავდახურული გააჩერეთ 1 საათი, გაწურეთ და სვით ნაყენი მთელი დღის განმავლობაში.
ტუჩებზე ჰერპესის დროს: 25 გ არყის ხის კვირტებს დაასხით 250 მლ 70%-იანი სპირტი. გააჩერეთ თერმოსში 1 საათი, გაწურეთ და მიიღეთ ნახევარ-ნახევარი ჩ/ჭ 3-ჯერ დღეში, ჭამამდე.
ვეგეტოსისხლძარღვოვანი დისტონიის დროს: დაქუცმაცებულ 0,5 ჩ/ჭ ვეფხვისტყავას ფოთოლს დაასხით 0,5 მლ არაყი, 2 კვირა გააჩერეთ ბნელ ადგილას. გაწურეთ და მიიღეთ 1/4 ჩ/ჭ წყალში გახსნილი 1 ჩ/კ ნაყენი. კურსი ერთი თვეა.
შეისვენეთ ერთი კვირა და გაიმეორეთ.