ორი კაციც და გავდივართ... კიდევ ვინ უნდა გადამალოს "ქართულმა ოცნებამ"?!
ორი კაციც და გავდივართ... კიდევ ვინ უნდა გადამალოს "ქართულმა ოცნებამ"?!
ორი კაცი ჰყავს "ქართულ ოცნებას" სასწრაფოდ გადასამალი - თოფაძე და ნარმანია. ღარიბაშვილი ხომ გადამალეს, აგერ კვირის ბოლოს სანდრო ბრეგაძეც მიაყოლეს, ჰოდა, ახლა ეს ორიც მიაყოლონ, თორემ ერთი სამარცხვინო რაღაცებს ამბობს, მეორე კი აკეთებს.

აღარაფერს ვამბობ თოფაძის მიერ დაუნის სინდრომის მქონე ბავშვების შეურაცხყოფაზე, არც იმაზე, საკუთარი მთავრობის მინისტრს არჩევნების გაყალბებაში რომ ადანაშაულებს და ჰგონია, ამით მხოლოდ რესპუბლიკურ პარტიას ვნებს, არც იმაზე, დაპირებას რომ არ ასრულებს და პარლამენტიდან არ მიდის, მხოლოდ მის ბოლო
You must have Flash Player installed in order to see this player.
"მარგალიტზე" ვიტყვი. ბოლო სატელევიზიო ინტერვიუში პირდაპირ თქვა: "ან ბიძინა უნდა მოსულიყო, ან რაღაც უბედურება მომხდარიყო, უნდა შემოვარდნილიყო რომელიმე ქვეყნის ტანკები, რომ ესენი აქედან გაგვეძევებინა". "ესენი" "ნაციონალური მოძრაობაა", ანუ თოფაძისთვის რომელიმე ქვეყნის ტანკების შემოვარდნა კი იქნებოდა უბედურება, მაგრამ "ნაციონალების" გასაძევებლად მაინც დასაშვებად მიაჩნია. ასეთი აზროვნების ხალხი, სამწუხაროდ, ბევრი იყო და არის. ასეთი ხალხის ადგილი ქართულ პოლიტიკაში აღარ უნდა იყოს! ეს მარტო თოფაძეს არ ეხება, რა თქმა უნდა.

ნარმანიას კი სკანდალი სკანდალზე სდევს. რამდენიმე თვის წინ ვიცე-მერობიდან გადაყენებული ალექსანდრე მარგიშვილისთვის სპეციალურად შექმნეს სამსახური "თბილისის მეწარმეობის ხელშეწყობის ცენტრი". ამის გამო მთელი ოპოზიცია აკრიტიკებდა მერიას. მერია და საკრებულოს უმრავლესობა კი ამტკიცებდნენ, რომ ეს საჭირო იყო. რამდენი კრიტიკა მოისმინეს საკრებულოს წევრებმა, უამრავი არგუმენტი მოიგონეს, რომ ნარმანიას ეს ახირება დაეკმაყოფილებინათ, ახლა კი მერიამ ამ სამსახურის გაუქმება გადაწყვიტა,
უფრო სწორად, სხვა სამსახურისთვის შეერთება. ახლა საკრებულოს უმრავლესობის წევრებმა უკვე ამ გადაწყვეტილებას უნდა დაუჭირონ მხარი. საკრებულოს უმრავლესობის ადგილზე თავს ძალიან შეურაცხყოფილად ვიგრძნობდი, თუმცა მხოლოდ საკუთარ თავს თუ დააბრალებენ და გაკვეთილს ისწავლიან. თუნდაც მერის ხათრით არ უნდა გააკეთო ის, რაც არასწორად მიგაჩნია და არც უხერხულ მდგომარეობაში აღმოჩნდები.

აღარაფერს ვამბობ პროკურორის შვილის სოციალურად დაუცველის სტატუსით პარიზში ცხოვრების ხარჯების დაფინანსებაზე. ეს საერთოდ გაუგონარი ამბავია. შესაძლოა, პროკურორი არაფერ შუაშია, რადგან ის გოგო თავად მუშაობდა მერიაში და ეტყობა, "იჩალიჩა", მაგრამ სკანდალი აგორდა და სამართლიანადაც. 5.000 ლარი კი დააბრუნეს და როგორც ამბობენ, ის თანამშრომელიც მოხსნეს, ვინც მერს ეს ბრძანება მოუმზადა, მაგრამ ნარმანია ბრძანებებს ხელს ისე აწერს, რომ არც კი კითხულობს, შიგნით რა წერია, თუ როგორაა საქმე? თუ ასეა, მით უარესი!
მკითხველის კომენტარი (49)
shoda
18 მაისი 2016 18:03
ეტყობა ამ მეტრეველმა არ იცის მიზეზთ-მიზეზი იმისა თუ რატომ გადამალეს ღარიბაშვილი და რას ერჩიან თოფაძეს! მას უხარია რომ ჩვენი ხელისუფლება მარიონეტების ხელისუფლებაა და რასაც ამერიკის საელჩოდან ეტყვიან, კარგი დედის შვილნი არიან და ნუ გააკეთებენ! ეს მეტრეველი აღფრთოვანებულია ან კიდევ ვერ იაზრბს, რომ საქართველო კოლონიაა და ასეთი უუფლებო და დამცირებული არასოდეს ყოფილა!
ჰოდა ბატონებო ასეთი ღრმად მოაზროვნე ადამიანი მიდის პოლიტიკაში, რაღა გვიჭირს ქართველნო გვიხაროდეს!!!
nana
01 მარტი 2016 14:32
ნარმანიას არაფერი ჭირს დასამალი ქართულ პოლიტიკაში იგი ყველაზე პატიოსან პიროვნებად მიმაჩნია,ხოლო რაც შეეხება რესპუბლიკელებს მე პრობლემებს მაგათში ვხედავ, ისინი არიან პროფესიონალები, კომპეტენტურები, გამოცდილები და ნიჭიერები და სწორედ ამ თვისებების შედეგია ის, რომ მათ დემოკრატიაში აჯობეს სტალინს 0,01 პროცენტით და მოხსნეს მისი რეკორდი.რომ იყოს გინესების წიგნში ნომინაცია, არჩევნებში საუკეთესო შედეგისათვის ალბათ ხიდაშელი იქნებოდა ამკუთხით შეუცვლელი ლიდერი, რომლის შედეგსაც ვერავინ გააუმჯობესებდა.(მე არაფერს არ ვამტკიცებ მაპატიეთ, რომ მე ასე ვფიქრობ თუკი ვინმეს არ მოსწონს ჩემი აზრი)
nato
29 თებერვალი 2016 11:56
თოფაზე კი უნდა წავიდეს პარლამენტიდა , მაგრამ მას ჯერ თავისი ფუნქცია ბოლომდე არ აქვს შესრულებული, რესპუბლიკელები უნდა გაუშვას კოალიციიდან..
leila
27 თებერვალი 2016 19:35
რა სჭირთ დასამალი, ვ
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
1 1
რუბრიკის სხვა სიახლეები