როგორც ძია ლენინი იტყოდა, ნაბიჯი წინ, ორი ნაბიჯი უკან, ანუ ვის სჭირდება ოდეერი?!
როგორც ძია ლენინი იტყოდა, ნაბიჯი წინ, ორი ნაბიჯი უკან, ანუ ვის სჭირდება ოდეერი?!
21-03-2016
ჩვენ ისევ იქა ვართ! საბჭოთა ეპოქიდან ვერ გამოვდივართ. მძიმე 70 წლიანი წარსული უკან გვექაჩება. ვცდილობთ წინ წავიდეთ, ჩვენც ცივილიზებული სამყაროს ნაწილი გავხდეთ, მაგრამ წარსული მაინც გვეპოტინება და წინსვლის საშუალებას არ გვაძლევს. მაინც ვახერხებთ სვლას, მაგრამ იმაზე ნელა, ვიდრე წავიდოდით...

ეს წარსული და ამ წარსულის გადმონაშთები უკან რომ არ გვეწეოდნენ, ყველა ხელისუფლება მხოლოდ სიტყვით რომ არ მიდიოდეს დასავლეთისკენ და საქმეს კი ბოლშევიკური მეთოდებით არ აკეთებდეს. ეს მარტო ფარული ჩანაწერების გამოქვეყნებაში არ ვლინდება. ამ ცოტა ხნის წინ ევროკომისიამ ევოპარლამენტსა და ევროსაბჭოს უკვე ოფიციალურად მიმართა საქართველოსთან უვიზო რეჟიმის დაწესების მოთხოვნით. მთავრობის ყველა მაღალჩინოსანი დაეწყო და კიდევ ერთხელ მოგვილოცეს ეს ამბავი. ვიდრე საბოლოოდ უვიზო მიმოსვლას მივიღებთ, ყოველი ბიუროკრატიული ბარიერის გავლის მერე ასე დაეწყობიან და მოგვილოცავენ, მაგრამ მეორე ხელით დიდი სიამოვნებით შეინარჩუნებენ ე. წ. ოდეერის ინსტიტუტს უნივერსიტეტში და სხვა დაწესებულებებში.

წესით თანამედროვე სტუდენტებმა არ უნდა იცოდნენ ამ ტერმინის მნიშვნელობა. მეც კი დავიწყებული მქონდა, მაგრამ თურმე სულ ტყუილად, თურმე ეს საბჭოთა ინსტიტუტი ისევ არსებობს. ის არსებობდა სააკაშვილის დროსაც და შევარდნაძის დროსაც. წარსულს ჩავაბრეთ შევარდნაძეც, სააკაშვილიც, მაგრამ ვერ ჩავაბარეთ წარსულს საბჭოთა მემკვიდრეობა. რატომ უნდა ჰყავდეს უშიშროებას თავისი თანამშრომელი უნივერსიტეტის თანამშრომელებს შორის, ან ტელევიზიის შტატში? კარგი, გასაგებია, რატომ შეიძლება ჰყავდეს, მაგალითად, ფოთის პორტში, რომელიც სტრატეგიული ობიექტია, მაგრამ რა საფრთხე შეიძლება შეექმნას სახელმწიფოს უშიშროებას უნივერსიტეტიდან ან ტელევიზიიდან? სახელმწიფო გადატრიალება შეიძლება დაგეგმონ? ეს ხომ სასაცილოა. დღეს უამრავი კერძო უნივერსიტეტი არსებობს და იქ უამრავი სტუდენტი სწავლობს. იქ რომ დაგეგმონ რამე? ასევე ბევრი კერძო ტეელვიზიაა, რომელთაც გაცილებით მეტი გავლენა აქვთ, ვირე "საზმაუს". ეს ყველაფერი სახელმწიფოს უშიშროების დასაცავად ხდება თუ უბრალოდ ხელისუფლების გავლენების შესანარჩუნებლად? იმისთვის, რომ სადაც ხელისუფლებას ხელი
You must have Flash Player installed in order to see this player.
მიუწვდება, იქ კარგად აფათუროს?

თბილისის სახელმწიფო უნივერსიტეტში მიმდინარე პროცესები ძალიან გავს იმას, რაც სასამართლოში ხდება. იქაც ერთ-ერთ საკვანძო თანამდებობაზე, კანცლერის პოსტზე ნიშნავდნენ ადამიანს, რომელიც მურუსიძის მსგავსად კარგად ემსახურებოდა "ნაციონალურ მოძრაობას" და ახლა კარგად მოემსახურება "ქართულ ოცნებას". როგორც მოსამართლეები, უნივერსიტეტშიც პროფესორები მზად არიან სწორედ ასეთ ადამიანს დაუჭირონ მხარი, რადან თავადაც თავს უფრო დაცულად გრძნობენ. როგორც მიშას დროს, ახლაც არსებობენ სტუდენტები, რომელთაც კომუნისტების დროს ახალგაზრდა კომკავშირლები ერქმეოდათ და რომლებიც სხვადასხვა პრივილეგიებს იღებენ, მხარდაჭერის სანაცვლოდ. საბედნიეროდ, როგორც ადრე, ახლაც არსებობენ მეამბოხე სტუდენტები, რომლებიც ამ პროცესს ეწინააღმდეგებიან...

მთელ ამ პროცესში ყველაზე სამწუხარო ისაა, რომ როგორც "ნაციონალურმა მოძრაობამ", რომელიც ოფიციალურად ევროპისკენ მიდიოდა, უარი ვერ თქვა ბოლშევიკურ მეთოდებზე, ასევე იქცევა "ქართული ოცნებაც", რომელიც ასევე ოფიციალურად ევროპისკენ მიდის და მისი წევრები ერთმანეთს ასწრებენ მოგვილოცონ ვიზალიბერალიზაციისკენ გადადგმული კიდევ ერთი ნაბიჯი, მაგრამ თან წარსულში გვექაჩებიან. მოკლედ, როგორც ძია ლენინი იტყოდა, ნაბიჯი წინ, ორი ნაბიჯი უკან.

მერაბ მეტრეველი

ჩაპა
14 აპრილი 2016 05:28
ოდეერი ცხადია არა,მაგრამ უშიშროების ხაზით წარმომადგენელი კი უნდა იყოს ყველგან თუ გვინდა ქვეყანა ქვეყანას გავდეს!
pioneri
24 მარტი 2016 00:49
ძია ლენინი მომკვდარა არ მჯერა არ
სხვა სიახლეები
"ოცნება" "ნაციონალებს" ჰბაძავს­ და ცდილობს, მათგან ყველანაირი­ სიგლახე ისწავლოს"
დაწვრილებით...
წინა კვირას ბევრი საინტერესო რამ მოხდა, ამიტომ მივყვეთ მოკლედ და თანამიმდევრობით:
დაწვრილებით...
ივანიშვილის ფლორისადმი სიყვარული შეიძლება "ქართული ოცნებისთვის" საბედისწერო აღმოჩნდეს.
დაწვრილებით...
ქართველი მძღოლების ნაწილი მგზავრებს ისე უყურებს, როგორც კარტოფილის ტომრებს, მათი არც კომფორტი აინტერესებთ და არც არაფერი.
დაწვრილებით...
ამას წინათ, როდესაც პრემიერი კვირიკაშვილი ჟურნალისტებს­ შეგვხვდა, ვუთხარი, "ოცნებას" მომავალ არჩევნებში ხმას არ მივცემ-მეთქი.
დაწვრილებით...
ადრინდელი პრემიერი და პრეზიდენტი რაგბის თამაშობდნენ, ახლანდელი პრემიერი და პრეზიდენტი - პინგ-პონგს.
დაწვრილებით...
აუცილებლად ყველაფერი თავზე უნდა დაგვმხობოდა, პროკურატურას ერთი ადგილი რომ გაენძრია! როგორც იქნა მოახერხა და ფარული ჩანაწერების გამოძიების საქმეში წინ წაიწია.
დაწვრილებით...
მიშაც ზუსტად ისე ამართლებდა კონცერტებში გადაყრილ მილიონებს, როგორც ესენი: ამით ქვეყნის პოპულარიზაცია მოხდებაო, ტურიზმი განვითარდებაო და ა. შ.
დაწვრილებით...
მერაბ მეტრეველის კვირის ფიქრები

მოკლედ, წინ საინტერესო არჩვნები გველის. უფრო საინტერესო - წინასაარჩევნო კამპანია. მანმადე კი ზოგი იმის გარკვევეითაა დაკავებული, ვინ ვის ცოლთან დადის, ვის რამდენი შეყვარებული ჰყავს და ქალებში დადიან, თუ კაცებში
დაწვრილებით...
ქირავდება ჩეხური 1-ოთახიანი საბურთალოს ქუჩაზე,
ქირავდება დღიურად 3 ოთახიანი ბინა
ბინა მდებარეობს თბილისის ცენტრალურ უბანში,
იყიდება სასწრაფოდ, საახალწლო აქცია საჩუქარით..161კვმ
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები