"ბოინგის" ჩამომგდებებს იცილებენ?
"ბოინგის" ჩამომგდებებს იცილებენ?
11-01-2016
რუსეთის ГРУ-ს უფროსისა და ВДВ-ს შტაბის უფროსის მოადგილის უეცარმა გარდაცვალებამ ბევრი ვერსია გააჩინა...

"რუსეთის ხელისუფლებამ დაიწყო იმ მაღალჩინოსანი გენერლების ლიკვიდაცია, რომლებიც 2014 წელს "ბუკის" საზენიტო-სარაკეტო კომპლექსიდან გაშვებული რაკეტით უკრაინის ცაში მალაიზიური სამგზავრო "ბოინგის" ჩამოგდებას ხელმძღვანელობდნენ".

- ასეთი ვერსიები დასავლურ მედიაში მას შემდეგ გაჩნდა, რაც ახალი წლის დღეებში ერთმანეთის მიყოლებით მოულოდნელად გარდაიცვალნენ რუსეთის საჰაერო-სადესანტო ჯარების (ВДВ) შტაბის უფროსის მოადგილე, გენერალ-მაიორი ალექსანდრე შუშუკინი და ГРУ-ს (გენერალური შტაბის მთავარი სადაზვერვო სამმართველო) უფროსი, გენერალ-პოლკოვნიკი იგორ სერგუნი.

ეჭვი იმანაც გააძლიერა, რომ შუშუკინი მხოლოდ 52 წლის იყო, სერგუნი კი 58-ის და ჯანმრთელობას არც ერთი არ უჩიოდა. სამაგიეროდ, ორივე აქტიურად მონაწილეობდა 2014 წლის გაზაფხულზე ყირიმის ნახევარკუნძულის დაპყრობასა და დონბასში საბრძოლო მოქმედებების წამოწყებაში. თუკი ГРУ-ს უფროსი, გენერალ-პოლკოვნიკი იგორ სერგუნი ამ რუსული სამხედრო აგრესიის ერთ-ერთი დამგეგმავი გახლდათ, საჰაერო-სადესანტო ჯარების შტაბის უფროსის მოადგილე, გენერალ-მაიორი ალექსანდრე შუშუკინი უშუალოდ ხელმძღვანელობდა რუსეთის საჰაერო-სადესანტო ჯარების დანაყოფების გაშლას ყირიმსა და დონბასში.

არც ერთი მათგანისთვის უკრაინის წინააღმდეგ დაწყებული საბრძოლო ოპერაცია პირველი არ ყოფილა - მათ "მოთელვა" 2008 წლის აგვისტოში საქართველოს ტერიტორიაზე გაიარეს. მაშინ იგორ სერგუნი რუსეთის გენერალური შტაბის მთავარ სადაზვერვო სამმართველოში მაღალ თანამდებობაზე მუშაობდა (ГРУ-ს უფროსად ის 2011 წლის დეკემბერში დანიშნეს); ალექსანდრე შუშუკინი 2008 წლის ომამდე გუდაუთაში 50-ე რუსული სამხედრო ბაზის მეთაური იყო და აქტიურად მონაწილეობდა საქართველოს წინააღმდეგ დაწყებულ საბრძოლო მოქმედებებში, 2009-2013 წლებში კი ცხინვალის რეგიონში მე-4 რუსულ საოკუპაციო სამხედრო ბაზას მეთაურობდა.

ცნობილმა ამერიკულმა კერძო სადაზვერვო-ანალიტიკურმა სააგენტო შტრატფორ-მა გაავრცელა სენსაციური ინფორმაცია იმის შესახებ, რომ რუსეთის ГРУ-ს უფროსი, გენერალ-პოლკოვნიკი იგორ სერგუნი 3 იანვარს მოსკოვთან, სანატორიუმში კი არ გარდაიცვალა, არამედ - 1-ელ იანვარს ლიბანში. თუკი ამერიკელი ანალიტიკოსების ვარაუდი სიმართლესთან ახლოსაა, ეს ბევრ რამეს შეცვლის. ლიბანი უშუალოდ ესაზღვრება სირიას, სადაც ამჟამად რუსეთი სამხედრო-საჰაერო ოპერაციას
ატარებს და გასაკვირი არ არის, იმ რეგიონში ГРУ-ს უფროსი ყოფილიყო.

და მაინც, როგორც დასავ­ლეთში, ისე რუსეთში ზოგიერთი საინფორმაციო საშუალება ამ ორი რუსი გენერლის გარდაცვალებას უკრაინის საჰაერო სივრცეში სამგზავრო "ბოინგის" რუსული საზენიტო რაკეტით ჩამოგდების საქმის გამოძიებას უკავშირებს. მათი ვერსიით, ჰოლანდიელმა გამომძიებლებმა უკვე დაადგინეს არა მარტო ის, რომელი კონკრეტული რუსული სამხედრო ნაწილის "ბუკი" შეიყვანეს დონბასში, არამედ ამ "ბუკის" მომსახურე რუსი სამხედროების ვინაობაც და იმ მაღალჩინოსანი რუსი გენერლების გვარებიც, ვინც დაგეგმა და განახორციელა ეს სპეცოპერაცია. ამ სიაში, სავარაუდოდ, ГРУ-ს უფროსისა და ВДВ-ს შტაბის უფროსის მოადგილის გვარებიც იყო, რომელთა წინააღმდეგ უდანაშაულო მგზავრების დახოცვის გამო საერთაშორისო სასამართლოში სარჩელის შეტანას აპირებდნენ. არ არის გამორიცხული, რუსეთის ხელისუფლებამ მოვლენების არასასურველი მიმართულებით განვითარებას დაასწრო და ბევრისმცოდნე მოწმეები მოიშორა.

ჯერჯერობით ძნელი სათქმელია, სარწმუნოა თუ არა კონსპიროლოგიის მოყვარულთა ეს ვერსიები, მაგრამ თუ ჰოლანდიელმა გამომძიებლებმა მართლაც გამოაქვეყნეს სამგზავრო "ბოინგის" ჩამოგდებაში მონაწილეთა გვარები და თანამდებობები (ეჭვს თითქმის აღარ იწვევს, რომ მალაიზიური "ბოინგი" დონბასში რუსეთიდან სპეციალურად გადასროლილმა "ბუკმა" ჩამოაგდო, რომელიც უკრაინულ სამხედრო-სატრანსპორტო თვითმფრინავებზე "ნადირობდა") და ამ სიაში რუსი გენერლებიც აღმოჩნდნენ, ეს გვარიანად შელახავს რუსეთის საერთაშორისო იმიჯს.
ვაჟა17
21 იანვარი 2016 18:58
vaja-17-s-ს

..."კენედი მოკლა კომუნისტად მოქცეულმა ამერიკელმა რომელიც საბჭოთა კავშირში ცხოვრობდა რაღაც პერიოდი. ამიტომ სანამ რამეს დააბრეხვებ მეგობარო ჯობია ცოტა გაიხედ გამოიხედო"...


ხოოო! გავიხედ-გამოვიხედე და ამერიკის კონტინენტზე პირველი დესანტი მონათმფლობელებისა რუსეთმა გადასხაო! მართალია? და კიდევ, თურმე მონიკა ლევინსკიც კომუნისტი და КГБ-ს აგენტი ყოფილა და იმიტომ გაუჩალიჩა კლინტონს იმპიჩმენტიო! მაააშ!
vaja-17-s
20 იანვარი 2016 18:24
კენედი მოკლა კომუნისტად მოქცეულმა ამერიკელმა რომელიც საბჭოთა კავშირში ცხოვრობდა რაღაც პერიოდი. ამიტომ სანამ რამეს დააბრეხვებ მეგობარო ჯობია ცოტა გაიხედ გამოიხედო.
სხვა სიახლეები
2008 წლის ხუთდღიანი საბრძოლო მოქმედებების დროს რუსეთის სამხედრო ავიაციამ ქართულ ცაში ექვსი საბრძოლო თვითმფრინავი დაკარგა და სავარაუდოდ, ოთხი დაუზიანდა, თუმცა მათმა პილოტებმა შეძლეს აეროდრომებზე დაშვება.
დაწვრილებით...
PRIME
"მათ ყოველდღიური საქმიანობა დიდი რისკის ფასად უწევთ და თითოეულმა ქართველმა ეს უნდა დააფასოს, ყოველთვის მათი მადლიერი უნდა იყოს... "

41 წლის კაპრალი მაია გარსევანიშვილი ერთ-ერთი მათგანია, რომელიც უცხო მიწაზე თავის წილ საქართველოს იცავს. ცხრა წელია, რაც სამხედრო ფორმას ატარებს, თუმცა ეს მისი პირველი მისიაა
დაწვრილებით...
თბილისის საავიაციო ქარხნის აეროდრომის, "ველის" სამეთაურო-სადისპეტჩერო პუნქტში ვარ, როგორც დამწყები სამხედრო ჟურნალისტი და თვალს ვადევნებ მოიერიშე თვითმფრინავების აფრენა-დაფრენის პროცესს...
დაწვრილებით...
ჩრდილოატლანტიკურ ალიანსს ძალიან გაუჭირდება, დაიბრუნოს სამხედრო-საზღვაო უპირატესობა შავი ზღვის აუზში, თუკი თურქეთ-რუსეთის "ჩახუტების" პროცესი უფრო გაღრმავდება

ჩრდილოატლანტიკური ალიანსი ძალზე შეშფოთებულია შავ ზღვაში რუსეთის გაძლიერების გამო და საპასუხო ქმედებებს იწყებს, რაშიც საქართველოს დახმარების იმედი აქვს...
დაწვრილებით...
"აქ საერთაშორისო მისიაა და მასში ქართველების ჩართულობა ძალიან მნიშვნელოვანია"

ალეკო დევაძე, ავთო საბაშვილი და შალვა დალბაშვილი ჩემი ეკიპაჟის წევრები არიან. ერთი ამბობს, რომ ყველაზე მეტად კახური შოთი ენატრება, მეორეს - ხინკალი, მესამეს - შვილები... ყველას ერთად კი ოჯახი და სამშობლო. ამბობენ, რომ აქ საფრთხე ყოველ წამს გემუქრება, ამიტომ პატრულირებაზე გასვლის დროს განსაკუთრებულად ფრთხილობენ, ნაღმი შეიძლება ყველგან იყოს
დაწვრილებით...
ორი სამშვიდობო მისია მოილია ავღანეთში, ახლა მესამისთვის ემზადება... - ძმის სახელის უკვდავსაყოფად გაკეთებული არჩევანი
დაწვრილებით...
საქართველოს ტერიტორიაზე ერთდროულად სამხედრო სწავლებებს NATO და რუსეთის საოკუპაციო ჯარები ატარებენ...

რატომ არ მონაწილეობს თურქეთი საქართველოში გამართულ NATO-ს სწავლებებში? ერდოღანი თავის სამხედროებს აღარ ენდობა თუ პუტინის გაღიზიანება არ სურს?
დაწვრილებით...
ორფოლოში გამოყენებული TOW-2-ის მართვადი ორკუმულაციურქობინიანი რაკეტა დინამიკური დაცვის ელემენტის აფეთქების შემდეგ 850-900 მმ სისქის ტანკის ჯავშანს ხვრეტს, რაც რუსული საოკუპაციო ჯარების T-90 ტიპის ტანკების დაზიანების დიდ შანსს იძლევა.
დაწვრილებით...
პირველივე ეტაპზე წყალქვეშა საძიებო ოპერაციები არასწორად დაიგეგმა. აქცენტი მხოლოდ მყვინთავების ჩართვაზე გაკეთდა და ჩათვალეს, რომ ასეთ რთულ საზღვაო მონაკვეთზე დაკარგული კურსანტების მოძიება მხოლოდ აკვალანგებით იყო შესაძლებელი.
დაწვრილებით...
ფოტო უკომენტაროდ
იყიდება მზიანი ბინა ქალაქის ცენტრში,
3 ოთახიანი ბინა 100კვ.მ. დღიურად,
"მხოლოდ შედი და იცხოვრე" -
იყიდება აგარაკი სოფელ გორანაში, საგარეჯოს
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები