რუსეთი "ბოინგის" ჩამოგდებაში "ქართულ კვალს" ხედავს
რუსეთი "ბოინგის" ჩამოგდებაში "ქართულ კვალს" ხედავს
18-01-2016
თურმე უკრაინელებისთვის "პითონებით" "ბოინგების" ჩამოგდება გვისწავლებია...

ისრაელის წარმოების "ჰაერი-ჰაერი" კლასის "პითონის" ტიპის მართვადი რაკეტა Su-25KM Scorpion-ის შეიარაღებაში არასოდეს ყოფილა და გამორიცხულია, ამ რაკეტით უკრაინელ პილოტს Cy-25-დან მალაიზიური "ბოინგი" ჩამოეგდო


"უკრაინის ცაში მალაიზიური "ბოინგი" 2014 წლის 17 ივლისს უკრაინულმა Cy-25 -მა იმ "პითონის" რაკეტით ჩამოაგდო, რომელიც საქართველომ ამ მოიერიშე თვითმფრინავის მოდერნიზაციის შემდეგ დააყენა!" - ეს ახალი სენსაციური ბრალდება გაისმა ინკოგნიტო რუსი საავიაციო სპეციალისტების დასკვნაში, რომელიც რუსულ მასმედიაში გავრცელდა.

წინასწარი გამოძიების შედეგად თითქმის მთელ მსოფლიოში ეჭვი აღარ ეპარებათ, რომ მალაიზიური "ბოინგი" რუსულმა საზენიტო-სარაკეტო "ბუკმა" ჩამოაგდო. მხოლოდ რუსეთში ცდილობენ ჯიუტად, ამაში დაადანაშაულონ უკრაინული Cy-25-ის პილოტი, რომელმაც ვითომ "ჰაერი-ჰაერი" კლასის მართვადი რაკეტით ჩამოაგდო 10 კმ-ზე მაღლა მფრენი სამგზავრო ლაინერი. ავიწყდებათ, რომ ჰერმეტული კაბინის არმქონე Cy-25 ამას ტექნიკურად ვერ შეძლებდა, რადგან 7 კმ-ზე მაღლა ვერ ადის. მიუხედავად ამისა, რუსეთის ხელისუფლება მაინც ავითარებს "უკრაინული მოიერიშის" ვერსიას. ამას დაემატა ახალი ბრალდება, რომელშიც უკვე საქართველოც არის ნახსენები.

ინკოგნიტო რუსი საავიაციო სპეციალისტების ერთმა ჯგუფმა რუსულ მედიაში გაავრცელა მალაიზიური "ბოინგის" ავიაკატასტროფის გამომწვევი შესაძლო მიზეზების საკმაოდ ვრცელი ანალიზი და დაასკვნა, რომ "ბოინგის" ჩამოგდებისას უკრაინული Cy-25-ის პილოტმა გამოიყენა ისრაელის წარმოების "ჰაერი-ჰაერი" კლასის მართვადი რაკეტა "პითონი". ამავე დასკვნაში ნათქვამია, რომ საქართველომ 21-ე საუკუნის დასაწყისში განახორციელა Cy-25 ტიპის მოიერიშე თვითმფრინავის მოდერნიზაცია და მას "პითონის" რაკეტების გამოყენების შესაძლებლობა მიეცა. რუსმა სპეციალისტებმა ვერ გაბედეს, აშკარად დაედანაშაულებინათ ქართული მხარე, თუმცა, არცთუ ორაზროვნად მიუთითეს, რომ ქართველებს შეეძლოთ, უკრაინელებისთვის გაემხილათ Cy-25-ის "პითონებით" აღჭურვის ტექნოლოგია.

2001 წელს "თბილავიამშენმა" ისრაელის ფირმა "ელბიტთან" ერთად საფრანგეთში, ლე ბურჟეს 44-ე ავიაკოსმოსურ გამოფენაზე მართლაც წარადგინა მოდერნიზებული Su-25KM Scorpion-ი, რომელსაც საბჭოთა შეიარაღების გარდა NATO-ს სტანდარტის რაკეტებისა და მართვადი ბომბების გამოყენებაც შეეძლო.

ამ სტატიის ავტორი ოფიციალური დელეგაციის შემადგენლობაში იყო და გარდა ჟურნალისტური საქმიანობისა, შეძლებისდაგვარად ეხმარებოდა "თბილავიამშენის" სპეციალისტებს საჩვენებელი ფრენებისთვის "სკორპიონის" მომზადებაში. მოგვიანებით ვესწრებოდი "სკორპიონიდან" შეიარაღების გამოყენების საცდელ ფრენებს ალგეთის პოლიგონზე და როგორც თვითმხილველმა და მონაწილემ შემიძლია ვთქვა: "სკორპიონზე" ისრაელის წარმოების "პითონის" რაკეტების დაყენება და მით უმეტეს - გასროლა არ მომხდარა! ასე რომ, მოდერნიზებული Cy-25-ის "პითონებით" შეიარაღება არის ინკოგნიტო რუსი საავიაციო სპეციალისტების ფანტაზიის ნაყოფი და ალბათ, მცდელობა, მიიჩქმალოს მალაიზიური "ბოინგის" რეალური ჩამომგდებისა და 298 უდანაშაულო ადამიანის მკვლელის ვინაობა და მათი ქვეყნის სახელი.

ინკოგნიტო რუს სპეციალისტებს შეეძლოთ, ჩვენთვის ისიც დაებრალებინათ, რომ ისრაელში ნაყიდი და აგვისტოს ომში გამოყენებული საზენიტო-სარაკეტო "სპაიდერები" გადავეცით უკრაინელებს, რომლებიც საზენიტო რაკეტად სწორედ გადაკეთებულ "პითონებს" იყენებენ. თუმცა, ამ შემთხვევაშიც მათ ტყუილს მოკლე ფეხი ექნებოდა, რადგან მიწიდან გაშვებული საზენიტო "პითონი" მხოლოდ 9 კმ სიმაღლეზე ადის და 10 კმ-ზე მაღლა მფრენ მალაიზიურ "ბოინგს" ვერ მისწვდებოდა.

P.S. 2008 წლის აგვისტოს ომის დროს სენაკის სამხედრო ბაზიდან რუსმა სამხედროებმა "ბუკის" რამდენიმე დანადგ
არი და საზენიტო რაკეტები წაიღეს, ამიტომაც ჩვენც შეგვიძლია გამოვთქვათ ვარაუდი: სწორედ ნაალაფარი საზენიტო რაკეტით ხომ არ ჩამოაგდეს რუსმა სამხედროებმა მალაიზიური "ბოინგი" დონბასში? მით უმეტეს, რომ სწორედ აგვისტოს ომის დროს რუსეთის არმიის 45-ე ცალკეული სადაზვერვო პოლკის მიერ ნაალაფარი გადასატანი საზენიტო-სარაკეტო კომპლექსები "გრომი" (ისინი საქართველომ ომამდე შეიძინა პოლონეთში) 2014 წლის ზაფხულში უკრაინაში, პრორუსი სეპარატისტების შეიარაღებაში აღმოჩნდა...
brola*
23 იანვარი 2016 17:06
ნიკა თავი თვითონ გაქვს შესაცოდი - არც რუსეთს ვეტრფი და არც ამერიკა მეზიზღება - უბრალოდ შენგან განსხვავებით ვაზროვნებ და ლოგიკურად ვაზროვნებ!
შენგან განსხვავებით არ შემიძლია ყველაფერზე გუნდუკი ვუკმიო ამრიკას და ის არ ვთქვა რაც არ მომწონს და არ შემიძლია ყველაფერში ვადანაშაულო რუსეთი რადგან ის ჩვენი მტერია!
შესაცოდი თვითონ ხართ რომ დაპროგრამეული სწორხაზივნად აზროვნებთ და ვითომ დასავლეთის ფასეულობების მხარდამჭერები განსხვავებულ აზრს თქვენს ნაბოდვარ იარლიყებს აკერებთ!
ნიკა
22 იანვარი 2016 23:04
brola და ვაჟა-17ო მარტო თქვენისთანა ნაკომუნისტარები დარჩა რუსეთს მხარდამჭერად ამ ქვეყანაში და იმედია თქვენც მალე გადაშენდებით. ზუსტად ეგ თქვენი საძულველი აშშ ეკონომიკურად რო გაასწორებს მიწასთან მაგ თქვენს ღორების ქვეყანას მერე როგორ იჭიკჭიკებთ ერთი ძაან მაინტერესებს. ისე კი მაგრად მეცოდებით ორივე
სხვა სიახლეები
"მათ ყოველდღიური საქმიანობა დიდი რისკის ფასად უწევთ და თითოეულმა ქართველმა ეს უნდა დააფასოს, ყოველთვის მათი მადლიერი უნდა იყოს... "

41 წლის კაპრალი მაია გარსევანიშვილი ერთ-ერთი მათგანია, რომელიც უცხო მიწაზე თავის წილ საქართველოს იცავს. ცხრა წელია, რაც სამხედრო ფორმას ატარებს, თუმცა ეს მისი პირველი მისიაა
დაწვრილებით...
სომხეთისთვის "ისკანდერების" მიცემით, მოსკოვმა სამხრეთ კავკასიაში სიტუაცია უკიდურესად დაძაბა
დაწვრილებით...
თბილისის საავიაციო ქარხნის აეროდრომის, "ველის" სამეთაურო-სადისპეტჩერო პუნქტში ვარ, როგორც დამწყები სამხედრო ჟურნალისტი და თვალს ვადევნებ მოიერიშე თვითმფრინავების აფრენა-დაფრენის პროცესს...
დაწვრილებით...
ჩრდილოატლანტიკურ ალიანსს ძალიან გაუჭირდება, დაიბრუნოს სამხედრო-საზღვაო უპირატესობა შავი ზღვის აუზში, თუკი თურქეთ-რუსეთის "ჩახუტების" პროცესი უფრო გაღრმავდება

ჩრდილოატლანტიკური ალიანსი ძალზე შეშფოთებულია შავ ზღვაში რუსეთის გაძლიერების გამო და საპასუხო ქმედებებს იწყებს, რაშიც საქართველოს დახმარების იმედი აქვს...
დაწვრილებით...
"აქ საერთაშორისო მისიაა და მასში ქართველების ჩართულობა ძალიან მნიშვნელოვანია"

ალეკო დევაძე, ავთო საბაშვილი და შალვა დალბაშვილი ჩემი ეკიპაჟის წევრები არიან. ერთი ამბობს, რომ ყველაზე მეტად კახური შოთი ენატრება, მეორეს - ხინკალი, მესამეს - შვილები... ყველას ერთად კი ოჯახი და სამშობლო. ამბობენ, რომ აქ საფრთხე ყოველ წამს გემუქრება, ამიტომ პატრულირებაზე გასვლის დროს განსაკუთრებულად ფრთხილობენ, ნაღმი შეიძლება ყველგან იყოს
დაწვრილებით...
ორი სამშვიდობო მისია მოილია ავღანეთში, ახლა მესამისთვის ემზადება... - ძმის სახელის უკვდავსაყოფად გაკეთებული არჩევანი
დაწვრილებით...
საქართველოს ტერიტორიაზე ერთდროულად სამხედრო სწავლებებს NATO და რუსეთის საოკუპაციო ჯარები ატარებენ...

რატომ არ მონაწილეობს თურქეთი საქართველოში გამართულ NATO-ს სწავლებებში? ერდოღანი თავის სამხედროებს აღარ ენდობა თუ პუტინის გაღიზიანება არ სურს?
დაწვრილებით...
ორფოლოში გამოყენებული TOW-2-ის მართვადი ორკუმულაციურქობინიანი რაკეტა დინამიკური დაცვის ელემენტის აფეთქების შემდეგ 850-900 მმ სისქის ტანკის ჯავშანს ხვრეტს, რაც რუსული საოკუპაციო ჯარების T-90 ტიპის ტანკების დაზიანების დიდ შანსს იძლევა.
დაწვრილებით...
პირველივე ეტაპზე წყალქვეშა საძიებო ოპერაციები არასწორად დაიგეგმა. აქცენტი მხოლოდ მყვინთავების ჩართვაზე გაკეთდა და ჩათვალეს, რომ ასეთ რთულ საზღვაო მონაკვეთზე დაკარგული კურსანტების მოძიება მხოლოდ აკვალანგებით იყო შესაძლებელი.
დაწვრილებით...
16 აგვისტოს გონიოს ყოფილი სასროლეთის ტერიტორიაზე, შავ ზღვაში მიმდინარე წვრთნის დროს, ორი სამხედრო მოსამსახურე, კაპრალი იაგო შარაძე და I კლასის რიგითი გიორგი ნანეტაშვილი დაიკარგნენ.
დაწვრილებით...
ფოტო უკომენტაროდ
იყიდება 2 ოთახიანი (+3ოთახიანი) ბინა
მხოლოდ 25 სექტემბრამდე. იყიდება 103
იყიდება 3000კვ.მ. მიწის ნაკვეთი საგურამოში,
იყიდეთ საუკეთესო ბინა ძველი იპიდრომის
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები