"ვიღაც ვირტუოზია! - ჩვენი დროის არსენ ლუპანიო" - როგორ მოიპარეს 5,5 მილიონი ევროს ძვირფასეულობა პარიზში?
"ვიღაც ვირტუოზია! - ჩვენი დროის არსენ ლუპანიო" - როგორ მოიპარეს 5,5 მილიონი ევროს ძვირფასეულობა პარიზში?
10-01-2017
მწერალი და ესეისტი პაატა ქურდაძე "ფეისბუკის" პირად გვერდზე მეტად საინტერესო სტატუსს აქვეყნებს, რომელიც ამ ცოტა ხნის წინ პარიზში, სიუველირო სახლიდან მართლაც საიუველერო ოსტატობით ჩადენილ ქურდობას შეეხება:

"ორი დღეა რაღაც მინდა მოგიყვეთ ფრანგული კრიმინალური ქრონიკიდან, მაგრამ მას შემდეგ, რაც იმ ბიჭმა რ2-ის გენდირექტორს პატარა "შარლი ებდო" მოუწყო, სიტყვა ვერ ჩავაგდე  "ფეისბუკზე" - ყველა ამაზე ლაპარაკობდა, პატარა იესოც კი დაავიწყდათ. შობის მოლოცვაც ვერ მოვასწარი. ან ვისთვის მიმელოცა, ყველა ილანძღებოდა!

არა და ნამდვილი 60-70 იანი წლების ფრანგული პოლიციური ფილის სცენარივით ამბავია: რამდენიმე დღის წინ, პარიზში, ერთ ცნობილ საიუველირო სახლს (სახელი არ გამოქვეყნებულა, ეტყობა არ სურთ პატრონებს) ისეთი საოცარი "კუკლა" ჩაუტარა ერთმა ტიპმა , რომ ტელეჟურნალისტებს ხომ აშკარად სახეზე ეწერათ აღფრთოვანება! - ინტერვიუს დროს პოლიციის კომისარი ქალიც კი პატივისცემით ლაპარაკობდა: "ვიღაც ვირტუოზია! - ჩვენი დროის არსენ ლუპანიო" (ლეგენდარული ფრანგი დენდი ქურდი, მეცხრამეტე საუკუნის ბოლოს და მეოცეს დასაწყისში), ისე ლაპარაკობდნენ გამოგიტყდებით, ცოტათი შემშურდა და წამით გამიელვა - ვინ იცის, იქნებ ქართველიც აღმოჩნდეს-მეთქი.

მოკლედ, 30 დეკემბერს ამ ცნობილ უცნობ საიუველირო სახლში, პარიზის მერვე ოლქში, ორმოცი წლის ელეგანტური, ანუ როგორც "თბილისი" იტყოდა " იმპოზანტნი" მამაკაცი შევიდა და წარუდგა, როგორც ძვირფასი ბიჟუტერიის სპეციალისტი, რომელიც ერთი უცხოელისათვის 5,5 მილიონი ევროს ძვირფასეულობის შეძენას აპირებდა.

იდუმალ უცნობს ბუატიეს ქუჩაზე შვეიცარულ პრივატულ ლუქს შოუ რუმში დაუნიშნეს შეხვედრა და იქ შესთავაზეს რამდენიმე იშვიათი ეგზემპლარი. მან აირჩია ორი ბრუტი ცისფერი ბრილიანტის ქვა და ბრილიანტებითა და სხვა ძვირფასი ქვებით გაწყობილი ორი ბეჭედი.

ყველაფერი დიდ კონვერტში ჩაუწყეს და მისცეს, რომ გვერდით ოთახში გასულიყვნენ გადასახდელად. 5,5 მილიონი ევრო ზუსტად! ის კი უცებ მობრუნდა, რატომღაც კონვერტი უკან დააბრუნა, თქვა, რომ კიდევ იფიქრებდა და წავიდა. ამაში საეჭვო არაფერია - ბოლო მომენტში მყიდველი ხშირად იკავებს
You must have Flash Player installed in order to see this player.
თავს. საიუველიროში მხოლოდ შუადღეს მიხვდნენ, რომ "არსენ ლუპანმა" ნამდვილი ბრილიანტები და ბეჭდები თან წაიღო, მათ კი ნაკეთობებისა და ქვების ზუსტი ასლები დაუტოვა წინსწარ მომზადებული ისეთივე კონვერტით.

წარმოდგენა არა აქვთ ვინ არის... ისე კი ეძებენ პატიოსნად, რა ქნან!

აი, ეს მინდოდა მომეყოლა ტვ-ში რომ ვნახე, მეორე დღესვე, ვიფიქრე საცივით დამძიმებულ ხალხს შობას მივულოცავ და გავამხნევებ - ვეტყვი, მარტო ქართველები არ იპარავენ და ჟულიკობენ-მეთქი... ხომ ვიცი როგორ განიცდის ერი თავისი გზასაცდენილი შვილების უწესობას და უსაქციელობას ! მაგრამ ვინ გაცალა! სულ ამ ჩხუბზე ლაპარაკობს ყველა - იმ ბიჭის სამაგალითოდ დასჯას ითხოვენ - მგონი საჯარო ჩამოხრჩობას!

ახლა ვიფიქრე, თბილისია, ხალხი ქეიფობს, ხომ იცით... სანამ კიდევ ვინმე გაულახიათ, იქნებ, მოვასწრო-მეთქი და მგონი, მოვასწარი".
11 იანვარი 2017 13:41
Temi გენაცვალოს შენი ქართულის მასწავლებელი) "სხვა განაც"ერთად იწერება))
ჯერ ენა ისწავლე მშობლიური,შენიშვნები მერე...))
DINO_ZAUR
11 იანვარი 2017 13:34
ეგ რა არის? 90-იანებში მეტროებთან 100 დოლარიანს ხელზე უხურდავებდნენ. გამოართმევდნენ კაცს 100 დოლარს, მერე უცებ უი არ მაწყობს მაგ ფასში დახურდავებაო და უკან ატენიდნენ 1 დოლარიანს . მერე უცბად მოტყდებოდნენ და ფაფუ.
სხვა სიახლეები
მსოფლიოს უამრავ საოცრებათა შორის აღსანიშნაია მიუვალ მთებში საუკუნების წინ აგებული სამონასტრო კომპლექსები.
დაწვრილებით...
2017 წლის 11 იანვარს, 51 წელი გავიდა მას შემდეგ, რაც თბილისის მეტრომ პირველი მგზავრები მიიღო.
დაწვრილებით...
ქართულ ფილმებში არაერთმა არაქართველმა მსახიობმა ქალბატონმა შექმნა იმდენად შთამბეჭდავი სახე, რომ ისინი ქართველ მაყურებელს დღემდე ახსოვს
დაწვრილებით...
საფრანგეთში 2017 წლის 11 იანვრიდან კინოეკრანებზე გამოდის ფილმი "სტალინის დივანი", რომლის რეჟისორი ფანი არდანია, სტალინის როლს კი ჟერარ დეპარდიე ასრულებს.
დაწვრილებით...
მეჰრიბან ალიევა - აზერბაიჯანის პირველი ქალბატონი, ჰეიდარ ალიევის ფონდის პრეზიდენტი, აზერბაიჯანის პარლამენტის დეპუტატი და კეთილი ნების ელჩი "იუნესკო"- ში.
დაწვრილებით...
ახალი, 2017 წელი ქართველმა პოლიტიკოსებმა სხვადასხვაგვარად აღნიშნეს.
დაწვრილებით...

პარლამენტარ ადა მარშანიას ფოტომ, რომელზეც ქალბატონი დეპუტატი პარლამენტის დარბაზში ფრჩხილებს იწესრიგებს, ქართული ინტერნეტ სივრცე შემოიარა და ვებმომხმარებელი გაამხიარულა.

დაწვრილებით...
2016 წელს პატარას დაბადებამ ბევრ ოჯახში უდიდესი სიხარული შეიტანა, მათ შორის, საზოგადოებისთვის ცნობილი ადამიანების ოჯახებშიც.
დაწვრილებით...

ხმაურიანი ოჯახური სკანდალებისა და განქორწინებების გარეშე არც 2016 წელს ჩაუვლია

დაწვრილებით...
ტერმინი "სექტა" რელიგიური ჯგუფების აღსანიშნავად გამოიყენება.
დაწვრილებით...
ტერიტორიაზე განთავსებულია: ადმინისტრაციული შენობა 650კვ.მ;
ბინა მდებარეობს იმედაშვილის ქუჩაზე, გაგარინის
იყიდება სამშენებლო მიწის ნაკვეთი მშენებლობის
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები