15 წლის მიგრანტმა 22 წლის გოგონა სასიკვდილოდ დაჭრა - შვედი საზოგადოება შოკირებულია
15 წლის მიგრანტმა 22 წლის გოგონა სასიკვდილოდ დაჭრა - შვედი საზოგადოება შოკირებულია
26-01-2016
ეს არ არის პირველი შემთხვევა, როდესაც მიგრანტი მამაკაცები თავს ესხმიან ადგილობრივ შვედ ქალებს

შვედეთში, გოტებორგში, "მიგრანტთა საბავშვო ცენტრში" 15 წლის მიგრანტმა ბიჭმა სასიკვდილოდ დაჭრა ცენტრის თანამშრომელი, 22 წლის ალექსანდრა მეზერი. დაჭრილი ახალგაზრდა საავადმყოფოში გადაიყვანეს, თუმცა მრავლობითი ჭრილობების გამო გოგონა გარდაიცვალა.

დაჭრის მოტივი უცნობია, 15 წლის მიგრანტმა გოგონას ჭრილობები დანით მიაყენა. აღნიშნულ ცენტრში 14-დან 17 წლამდე ასაკის მიგრანტი ბავშვები ცხოვრობენ, ისინი ვინც მშობლების გარეშე ჩამოვიდნენ შვედეთში და ახლობელი არ ჰყავთ.

შემთხვევის ადგილზე, პოლიციის მისვლამდე მკვლელობაში ეჭვმიტანილი 15 წლის ბიჭი ცენტრის თანმაშრომლებმა დაიჭირეს. პოლიციამ უკვე ამოიღო მკვლელობის იარაღი - დანა.



"მიგრანტთა საბავშვო ცენტრში" მივიდა შვედეთის პრემიერ-მინისტრი სტეფან ლეფვენიც, რომელმაც მომხდარი სასტიკ დანაშაულად შეაფასა და აღნიშნა, რომ ბევრ შვედს ეშინია მსგავსი შემთხვევის გამეორების, კერძოდ ახალგაზრდა მიგრანტების მხრიდან თავდასხმების.

შვედეთის პოლიციის წარმომადგენლის, თომას ფუქსბორგის თქმით, ეს არ არის პირველი შემთხვევა, როდესაც მიგრანტი მამაკაცები თავს ესხმიან ადგილობრივ შვედ ქალებს, და როგორს ის ამბობს, მას შემდეგ, რაც შვედეთში მიგრანტები შეუშვეს, მსგავს ინცინდენტებზე პოლიციაში ზარები
ხშირად შედის.

22 წლის ალექსანდრა მეზერი ცენტრში რამდენიმე თვის განმავლობაში მუშაობდა. "ის იყო ძალიან კეთილი. ალექსანდრა მაშინ მოკლეს, როდესაც თავის მოვალეობას ასრულებდა, ეს ყველაფერი კი შვედი პოლიტიკოსების ბრალია", - ამბობს გარდაცვლილის ახლობელი.

შვედეთის მიგრაციის სააგენტოს ინფორმაციით, თავშესაფრის მაძიებელთა ცენტრებში საფრთხე და ძალადობრივი ინცინდენტების რაოდენობა გაზრდილია. 2014 წელს ასეთი 148 ინცინდენტი დაფიქსირდა, 2015 წელს კი მათი რაოდენობა 322-მდე გაიზარდა. პოლიციის თქმით, ქვეყანაში იზრდება ძალადობა, რასაც ისინი მიგრანტების კრიზის უკავშირებენ. გავრცელებული ინფორმაციით, ძალიან ბევრი შვედი ქალი, მიგრანტი მამაკაცების შეურაცხყოფის მსხვერპლი გახდა.

წყარო


ანა
27 იანვარი 2016 16:15
ტროას ცხენი
თენგო
27 იანვარი 2016 14:21
პირველი და მთავარი შეცდომაა ევროპაში მათი შეშვება. ეგ იგივეა, ტილი რომ შეუსიო. მეორე შეცდომაა მადლიერების მოლოდინი. ის ხალხი ყველაფერში ქრისტიანულ სამყაროს ადანაშაულებს და მათი გაგებით მტრების შუაგულში მოხვედრა ალაჰის ნებაა და ყოველგვარი კანონდარრვევა, მკვლელობის ცათვლით, დასაშვებია. ანუ ევროპელების გაგებით "სიკეთე", მათი გაგებით ბოროტება და ჩაგვრაა. მესამე შეცდომა კონტროლოს უქონლობაა. აუცილებელია ე.წ. "ლტოლვილები" ერთ ტერიტორიაზე, იზოლაციასი მოაქციონ და გასვლა აუკრძალონ განსაკუთრებული ნებართვის გარეშე. დააყენონ ვიდეოკამერები და ფეხზე გაუკეთონ ელექტროსამაჯურები, როგორც სასჯელის თავისუფალ რეჟიმში მოხდის დროს. მეოთხე შეცდომა მათი კვებით უზრუნველყოფაა. ისინი უნდა აიძულონ იმუშაონ და თავად გამოიკვებონ თავი. რა თქმა უნდა, ეს ძირითადად შავი სამუშაოა, მაგრამ როდესაც სხვის ქვეყანაში შეფარებულები არიან, თავი თვითონ ირჩინონ. და ბოლოს, არცერთი ლტოლვილი არ უნდა დარჩეს ევროპაში და მათ სამშობლოში სიტუაციის დასტაბილურების პირველივე შემთხვევაში ძალით მოახდინონ მათი დეპორტი. მოკლედ, პრობლემა არსებობს, მაგრამ მონდომების შემთხვევაში არც ისე რთული მოსაგვარებელია. წინააღმდეგ შემთხვევაში მიირებენ კატასტროფულ შედეგებს და უკვე რეალურად მოხდება არამარტო რელიგიური, არამედ რასობრივი დაპირისპირება. კომფორტსა და ფუფუნებაში გაზრდილ ევროპელებს მშიერი და რთულ პირობებში გაზრდილი მუსულმანები გაანადგურებენ. ამის ბრწყინვალე მაგალითია რომის იმპერია, რომელიც ბარბაროსებმა დაანგრიეს, აგრეთვე ბიზანტია.
სხვა სიახლეები
რუსული პრესის ცნობით, ძლიერი ხანძარი მოსკოვის ჩრდილო-აღმოსავლეთში, ერთ-ერთ საწყობში გაჩნდა.
დაწვრილებით...
24 აგვისტოს, ოფიციალური ინფორმაციით, 30 ადამიანი, მათ შორის 7 სტუდენტი, დაიღუპა ქაბულში, ამერიკულ უნივერსიტეტზე შეიარაღებული "ბოევიკების" თავდასხმისას.
დაწვრილებით...
რამდენიმე საათის წინ შეიარაღებული ჯგუფის წევრები თავს დაესხნენ ამერიკულ უნივერსიტეტს, ავღანეთის დედაქალაქ ქაბულში.
დაწვრილებით...
იტალიის ცენტრალურ ნაწილში მომხდარი 6,2 ბალიანი მიწისძვირს შედეგად, ბოლო მონაცემებით სულ ცოტა 38 ადამიანი დაიღუპა
დაწვრილებით...
თურქეთმა სირიის საზღვართან მდებარე ქალაქის ჯერაბლუსის „ისლამური სახელმწიფოს“ მებრძოლთაგან გათავისუფლების ოპერაცია დაიწყო.
დაწვრილებით...
იტალიაში დამანგრეველი მიწისძვრა მოხდა, რომელსაც მსხვერპლი მოჰყვა. ამ დროისთვის გავრცელებული ინფორმაციით, დაღუპულია სულ მცირე 6 ადამიანი.
დაწვრილებით...
"ჩვენთვის ძალიან არასასურველია, ადილ ოკსუზი­ აქ იმყოფებოდეს"

"ერდოღანმა შეიძლება თურქეთის დანარჩენ ტერიტორიაზე თავისი­ პოლიტიკური იმიჯი აღიდგინოს და პრობ­ლემებსაც გაუმკლავდეს, მაგრამ იმ ნაწილში, სადაც ქურთები მჭიდროდ სახლობენ, პრობლემები კიდევ უფრო გაღრმავდება"
დაწვრილებით...
აფეთქებას თურქეთში სულ ცოტა 30 ადამიანი ემსხვერპლა
დაწვრილებით...
თურქული საინფორმაციო სააგენტო Anadolu-ს ინფორმაციით, თურქეთს ქალაქ დიარბაქირში პოლიციის შენობასთან ავტომობილი აფეთქდა.
დაწვრილებით...
62 კვ.მ. +90კვმ ბინის თეთრი
იყიდება კომერციული ფართი ბუდაპეშტზე
იყიდება 117-მ/კვ ფართობის ბინა. ი.ჭავჭავაძის
სასწრაფოდ და იაფად! იყიდება აგარაკი
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები