"აქ უკვე ლაპარაკობენ იმაზე, რომ ქურთებს ჭკუა უნდა ასწავლონ" - რა ხდება სტამბოლში მორიგი ტერაქტის შემდეგ?
"აქ უკვე ლაპარაკობენ იმაზე, რომ ქურთებს ჭკუა უნდა ასწავლონ" - რა ხდება სტამბოლში მორიგი ტერაქტის შემდეგ?
20-03-2016
"სტამბულში მომხდარი აფეთქების დღეს, სოციალური ქსელები დაბლოკეს, საშინელი კადრები რომ არ გავრცელებულიყო"

"უცხოელები პირდაპირ გვეუბნებიან, რომ აქ ჩამოსვლის ეშინიათ..."

თურქეთის ქალაქ სტამბოლში მომხდარი აფეთქების შედეგად დაღუპულთა რიცხვი 5-მდე გაიზარდა. გავრცელებული ცნობით, დაშავებულია 50 -მდე, მათგან შვიდის მდგომარეობა კრიტიკულია. დაშავებულებს შორის სამი ისრაელის მოქალაქეა, სხვა დაშავებულებისა და დაღუპულების ვინაობა და ეროვნება ჯერჯერობით უცნობია... აფეთქება, 19 მარტს, დილით ტურისტებით ხალხმრავალ ადგილას, ისტიკლალის ქუჩაზე მოხდა. თავი თვითმკვლელმა ტერორისტმა აიფეთქა. მომხდარზე ამ დრომდე პასუხისმგებლობა არავის არ აუღია...

ეს თურქეთში ბოლო კვირის განმავლობაში მეორე ტერაქტია, 13 მარტს ანკარაში მომხდარ აფეთქებას 37 ადამიანი ემსხვერპლა. თურქეთის სხვადასხვა ქალაქში განხორციელებული ტერაქტების სერიამ სიმშვიდე დაურღვია დგილობრივ მოსახლეობას. ისინი ხელისუფლებას ქმედითი ნაბიჯების გადადგმას სთხოვენ, რადგან მუდმივი საფრთხის ქვეშ მშვიდი ცხოვრების საშუალება აღარ აქვთ...

იემენ ბოზგუთი, სტამბოლის მცხოვრები:

- რამე უნდა იღონოს ჩვენმა ხელისუფლებამ, სად არიან უშიშროების სამსახურები, რომელთაც სახელმწოფო მილიარდობით თანხას ახარჯავს. რატომ არ ხდება დროული აღკვეთა, გამოძიება, პრევენცია, ასე როდემდე შეიძლება გაგრძელდეს ტერორისტების თარეში რას გვაჩვევს ხელისუფლება? აქ უკვე ლაპარაკობენ იმაზე, რომ ქურთებს ჭკუა უნდა ასწვალონ, ჩვენ, უბრალო ადამიანებს, არავისთან ომი არ გვინდა, მშვიდობა და თავისუფალი ცხოვრება გვსურს. თუ ამას თურქეთის ხელმძღვანელობა ვერ უზრუნველყოფს, მაშინ უნდა წავიდეს...
ასეთივე სიტუაცია იყო რამდენიმე წლის წინ დიარბაქირში, იქაურობა დანგრეული იყო, მუდმივად ხდებოდა აფეთქებები.


მაშინ ძალიან ბევრი ჯარისკაცი დაიხოცა იქ. შემდეგ რაღაცნიარად დამშვიდდა ვითარება. ან შეიძლება ახლაც ხდება ტერაქტები, მაგრამ არ შუქდება. სტამბულის აფეთქების დღეს, სოციალური ქსელები დაბლოკეს, საშინელი კადრები რომ არ გავრცელებულიყო, მაგრამ მაინც ყველამ ვნახეთ ის დაფლეთილი ადამიანები ქუჩაში რომ ეყარნენ... სამი შვილი მყავს, მე და ჩემი მეუღლე ყველაფერს ვაკეთებდით, ძალიან ბევრს ვშრომობდით, რათა ისინი კარგ სკოლაში გვეტარებინა და კარგი განათლება მიგვეცა, მაგრამ ახლა მხოლოდ იმისთვის ვლოცულობთ, რომ სახლში ცოცხლები და ჯანმრთელები დაგვიბრუნდნენ. სკოლის უსაფრთხოების სამსახურს ვკითხე, რამდენად დაცულები ვართ საფრთხისგან-მეთქი, - ამაზე პასუხი არ მაქვს, თუ ღელავთ, შეგიძლიათ შვილები სხვა სკოლაში გადაიყვანოთო, ეს გამოსავალია?!

აქ ძალიან ბევრი ქურთი ახლობელი გვყავს, მეზობლები, მეგობრები, ისინიც შეშინებული არიან, ამბობენ, - ამას ვინც აკეთებს, ის ჩვენი მტერიც არისო... ზოგი ამას ხმამაღლა ამბობს, ზოგს ეშინია, ვაითუ, წინ დამხვდესო... სტამბოლში ძალიან ბევრი ქურთი ცხოვრობს, ისინიც ისეტივე დაუცველები არიან, როგორც ჩვენ, ამიტომ მათზე ანგარიშწორების კატეგორიული წინააღმდეგი ვარ.

ასიდა იესგოენი, სტამბოლში მცხოვრები თურქი:

- ყველაზე ხალხმრავალ ადგილებს არჩევენ, რომ დაგვაფრთხონ. ეს პირველი შეთმხვევა არ არის. დედაჩემი შეესწრო ამ საზარელ ფაქტს, მარკეტიდან ბრუნდებოდა, რამდენიმე წუთით ადრე რომ გამოსულიყო, შეიძლება დღეს ცოცხალი აღარც ყოფილიყო, -  ნაფლეთები და სისხლის შხეფები მაღაზიის შუშებზე და ასფალტზე იყოო... არ ვიცით, რა იქნება ხვალ. რომელ ქალაქს, ქუჩას ან შენობას აირჩევენ თვიმკვლელი ტერორისტები და როგორ ვიცხოვროთ მშვიდად.

ეს ყველას ემუქრება, მთელ მსოფლიოს და ყველამ ერთად იფიქროს გამოსავალზე...
You must have Flash Player installed in order to see this player.
ქვეყანა ომის პირას არის. გათენების გვეშინია.  აპრილში "ექსპო 2016" იწყება, დიდი იმედით ველოდებოდით, რადგან იმედი გვქონდა, რომ ის სასტუმროებიც შეივსებოდა, რომლებიც ამ დაძაბული ფონის გამო ვერ მუშაობდა და დაიკეტა. ახლა კი, ჩემი ნაცნობი უცხოელებისგან მესმის, რომ მათი ქვეყნების დიპლომატიური წარმომადგენლობები იხურება, რადგან უსაფრთხოების გარანტია არ აქვთ. სტამბოლის გავლით სადმე ფრენისაც კი ეშინიათ, ან თუ იძულებული გახდნენ აქ ჩამოვიდნენ, აეროპორტის შენობიდან არ გამოდიან, - პირდაპირ გვეუბნებიან, რომ აქ ჩამოსვლის ეშინიათ. ყოველდღიურად იცვლება აქაურობა, საფრთხე, სულ უფრო აქტუალური ხდება და პასუხის გამცემი არავინ არის. მალე ალბათ ტურიზმიც მოკვდება ამ ქვეყანაში, რა გვეშველება, არ ვიცი...

ლალი პაპასკირი (სპეციალურად საიტისთვის)
xox
22 მარტი 2016 09:48
ასეთი ტერაქტები კიდევ ბევრი იქნება თურქეთში, ამას რუსები უცალიჩებენ ქურთების ხელით თურქებს.
დათო
21 მარტი 2016 12:22
ტერაქტი დასაგმობია ამაზე ორი აზრი არაა,მაგრამ ერთ რამეს მიაქცით ყურადღება ,,სკოლის უსაფრთხოების სამსახურიო" ჩვენთან კი უნივერსიტეტშიც კი არ უნდათ იყოს ე.წ. ,,ოდერი",რაც არა სწორია. სახელმწიფო თუ არა სახელმწიფო ხალხმრავალ სასწავლებელშიც და საწარმოებშიც აუცილებლად უნდა იყოს ,,ოდეერი"
სხვა სიახლეები
როგორც აშშ-ის პრეზიდენტმა, ბარაკ ომაბამ თავის გამოსამშვიდობებელ გამოსვლაში განაცხადა, თავისი 8-წლიანი მმართველობისას ამერიკის სპეცსამსახურებმა „ათიათასობით ტერორისტი“ გაანადგურეს.
დაწვრილებით...
სრულიად საქართველო ახალი წლისთვის ემზადება. იმედია 2017 წელი ქართველებისთვის განსაკუთრებით ფეხბედნიერი აღმოჩნდება.
დაწვრილებით...
წინასაარჩევნოდ კიბერ თავდასხმებთან დაკავშირებით, თეთრმა სახლმა უპრეცედენტო გადაწყვეტილება მიიღო
დაწვრილებით...
პოპ მომღერალი გარდაცვლილი ლონდონში, საკუთარ საცხოვრებელ სახლში იპოვეს
დაწვრილებით...
რამდენიმე დღის წინ, თურქეთის ქალაქ ანკარაში რუსეთის ელჩის, ანდრეი კარლოვის მკვლელობამ მსოფლიოში მიმდინარე სხვა ამბები დროებით დაჩრდილა. ამ ამბავმა ალეპოში მიმდინარე ტრაგიკული მოვლენები და გერმანიაში დატრიალებული სისხლიანი ტერაქტი ერთგვარ ჩრდილშიც კი მოაქცია.
დაწვრილებით...
რუსეთის თავდაცვის სამინისტრომ ჩამოვარდნილი თვითმფრინავის ადგილას, ქალაქ სოჭთან, ამ ეტაპისთვის ერთი გარდაცვლილის ცხედარი იპოვეს.
დაწვრილებით...
იტალიის შინაგან საქმეთა მინისტრის მარკო მინიტის განცხადებით, მილანის პოლიციამ ბერლინში საშობაო ბაზრობაზე თავდასხმაში ეჭვმიტანილი ტუნისელი ლტოლვილი მოკლა.
დაწვრილებით...
19 დეკემბერს, საღამოს ტრაგედია დატრიალდა ბერლინის ცენტრში, სადაც საშობაო ბაზრობაზე სატვირთო ავტომანქანის შევარდნის შედეგად, 12 ადამიანი დაიღუპა, 50-ზე მეტი კი დაშავდა.
დაწვრილებით...
ქირავდება 175 კვ.მ. საუკეთესო კომერციული
ბინა არის ახალი აშენებული, თეთრი
სასწრაფოდ ქირავდება 3 ოთახიანი ბინა
იყიდება სასწრაფოდ! მაღალი სართულებისა და
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები