"არავინ იცის კიდევ რა მოხდება" - რას ჰყვება ბრიუსელში მყოფი ქართველი იქ არსებულ ვითარებაზე?
"არავინ იცის კიდევ რა მოხდება" - რას ჰყვება ბრიუსელში მყოფი ქართველი იქ არსებულ ვითარებაზე?
"ბრიუსელში ხალხი დაზაფრულია, ქუჩებში სამართლადამცავები გადაადგილდებიან. მიღებულია უსაფრთხოების უმაღლესი ზომები როგორც ქალაქში, ისე მთელ ქვეყანაში, განსაკუთრებით კი - ევროინსტიტუციებში".

ბრიუსელის აეროპორტსა და მეტროში განხორცილებული ტერაქტების მსხვერპლთა რიცხვი 34-მდე გაიზარდა. ბელგიის დედაქალაქი, ფაქტობრივად, პარალიზებულია. გვესაუბრება ბრიუსელში მცხოვრები საქართველოს მოქალაქე თეონა ლავრელაშვილი, რომელიც ევროპის პარლამენტის მრჩეველი და ვილფრედ მარტენსის ცენტრის მკვლევარია.


- დღეს თუ ასეთი საშინელბა დატრიალდებოდა, ამის არავითარი წინაპირობა არ იგძნობოდა, მით უფრო იმის ფონზე, რომ რამდენიმე
You must have Flash Player installed in order to see this player.
დღის წინ, ლამის  ევროპის ნომერ პირველ ტერორისტად გამოცხადებული 26 წლის სალაჰ აბდესლამი, რომელიც პარიზის ტერაქტების მთავარ ორგანიზატორადაა მიჩნეული, ბრიუსელში დააკავეს. ამან მოქალაქეებს გაუღვივა რწმენა, რომ ქვეყანაში უსაფრთხოების ზომები დაცულია, თუმცა პირიქით აღმოჩნდა
. ტერორისტის დაკავებიდან ძალიან მალე ბრიუსელზე, რომელიც ევროპის პოლიტიკური დედაქალაქია, ტერორისტული შეტევა განხორციელდა. ერთ-ერთ მეტროსადგურს, სადაც აფეთქება მოხდა, გარს არტყავს ევროინსტიტუციები (ევროკომისია, ევროპარლამენტი და სხვ).
ეს იყო დარტყმა მსოფლიო ცივილიზაციაზე. ტერორისტული აქტები მიმართულია არა მხოლოდ ბელგიის წინააღმდეგ არამედ ეს არის მესიჯი მთელი მსოფლიოსათვის. ამან აშკარად გამოაჩინა ისიც, რომ უსაფრთხოების ზომები არასაკმარისია, გამართულად ვერ მუშაობენ სპეცსამსახურები, შესაბამისად, დაუცველები ვართ.

- ქალაქში ამჟამად რა ხდება?
- მთელ ქვეყანაში  პანიკაა. ბრიუსელში ხალხი დაზაფრულია, ქუჩებში სამართლადამცავები გადაადგილდებიან. მიღებულია უსაფრთხოების უმაღლესი ზომები როგორც ქალაქში, ისე მთელ ქვეყანაში, განსაკუთრებით კი - ევროინსტიტუციებში.

- ქართველებიც ხომ არ დაშავებულან აფეთქებებისას?

- ჯერჯერობით ამის შესახებ არაფერია ცნობილი. საკონსულომ გახსნა ცხელი ხაზი და საქართველოს ყველა მოქალაქეს მოგვიწოდა, რომ მათთან ვიყოთ კოორდინაციაში. ეს მნიშვნელოვანია, რადგან ბრიუსელში, გარდა ოფიციალურად დარეგისტრირებული მოქალაქეებისა, საქართველოს 10 000-მდე მოქალაქე არალეგალურად ცხოვრობს. სწორედ ამიტომ საჭიროა საკონსულოსთან მჭიდროდ თანამშრომლობა. არავინ იცის კიდევ რა მოხდება, დიდი იმედი მაქვს, ეს კოშმარი დასრულდება და მეტი ტერაქტი აღარ მოხდება.

ფოტოგალერეა


ლადო გოგოლაძე (სპეციალურად საიტისთვის)

მკითხველის კომენტარი (0)
კომენტარი ჯერ არ გაკეთებულა.
იყავი პირველი!
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
1 1
რუბრიკის სხვა სიახლეები