"რუსებს ძალიან უნდათ ელჩის მკვლელობაში ამერიკის კვალი დაანახონ მსოფლიოს"
"რუსებს ძალიან უნდათ ელჩის მკვლელობაში ამერიკის კვალი დაანახონ მსოფლიოს"
20-12-2016
"რატომ ვერ უზრუნველყო უსაფრთხოებამ მკვლელის ცოცხლად აყვანა, ასე ხომ კითხვის ნიშნებიც არ დარჩებოდა ვინ დგას თავდამსხმელის უკან?!"

"ეს იყო ალეპოში რუსეთის "დიპლომატიურ" ქმედებებზე პასუხი"

"ბანდიტები თავიანთ თავზე იგრძნობენ ჩვენს პასუხს. რუსეთის ფედერაციის გამოძიების კომიტეტმა უკვე აღძრა სისხლის სამართლის საქმე. შეიქმნება სამუშაო ჯგუფი, რომელიც დაუყოვნებლივ გაემგზავრება ანკარაში, სადაც თურქ კოლეგებთან ერთად მონაწილეობას მიიღებენ გამოძიებაში. შეთანხმება ამის შესახებ უკვე მიღწეულია თურქეთის პრეზიდენტთან. უნდა ვიცოდეთ, ვინ მართავდა მკვლელის ხელს", - ასე გამოეხმაურა რუსეთის პრეზიდენტი ვლადიმირ პუტინი თურქეთში რუსეთის ელჩის, ანდრეი კარლოვის მკვლელობას. ის 19 დეკემბერს, საღამოს, ფოტოგამოფენაზე მიყენებული ჭრილობებისგან გარდაიცვალა. "ჩვენ ვკვდებით ალეპოში, თქვენ აქ მოკვდებით", - დაიყვირა თავდამსხმელმა, მას შემდეგ რაც რუსეთის ელჩს, ანდრეი კარლოვს ზურგიდან ხუთი ტყვია ესროლა... თავდამსხმელი უსაფრთხოების ძალებმა მოკლეს.

მკვლელობა მაშინ მოხდა, როდესაც ელჩი, ხელოვნების გალერეაში გამოფენაზე "თურქების თვალით დანახული რუსეთი", სიტყვით გამოდიოდა... რუსეთმა მომხდარს ტერორისტული აქტის კვალიფიკაცია მიანიჭა.

გავრცელებულ ვიდეოში მკვლელობაში ეჭვმიტანილი პირი, გასროლის შემდეგ ყვირის: - "არ დაგავიწყდეთ ალეპო, არ დაგავიწყდეთ სირია!.. ალაჰ აკბარ!.."

რუსული მედიის ინფორმაციით, პირი, რომელმაც რუსეთის ელჩი მოკლა, 22 წლის მევლუტ მერტ ალტინტაშია. თურქული წყაროების მიხედვით, ის იყო თურქეთის ოპოზიციური ძალების მიერ შექმნილი ისლამური ორგანიზაცია "ფეტოს" წევრი, რომლის უკანაც ფეთიულა გიულენი დგას. ადგილობრივი სამართალდამცველების თქმით, თავდამსხმელი ადრე ანკარის პოლიციაში მუშაობდა, თუმცა, რამდენიმე თვის წინ თურქეთში მომხდარი სამხედრო გადატრიალების მცდელობის შემდეგ, ის სამსახურიდან გაათავისუფლეს. თავდამსხმელი ხელოვნების გალერეაში, პოლიციელის ძველი საბუთებით შეიპარა და შენობის დაცვას მასზე ეჭვი არც მაშინ მიუტანია, როდესაც რუს დიპლომატს უკან დაუდგა. თურქული პრესის ინფორმაციით, - ეს იყო უსაფრთხოების სამსახურის შეცდომა, რადგან მათ თავდამსმხმელი კარლოვის დაცვად აღიქვეს...

თურქეთში მყოფი ქართველების თქმით, მომხდარმა ადგილობრივი მოსახლეობის არაერთგვარი რეაქცია გამოიწვია, ერთი ნაწილი მიიჩნევს, რომ ეს არის პასუხი რუსეთის ქმედებებზე ტერორისტებად შერაცხული ასადის ოპოზიციონერების მიმართ ალეპოში, სხვების თქმით, ტერორიზმი ნებისმიერ შემთხვევაში დასაგმობია და ამით თურქეთი ვერაფერს მოიგებს...

მაჰრით ფაჰოლა:
- ეს იყო ალეპოში რუსეთის "დიპლომატიურ" ქმედებებზე პასუხი, სადაც რუსულმა ავიაციამ მშვიდობიან მოსახლეობას გადაუარა და ოჯახები ბავშვებიანად ნანგრევებში ჩამარხა... შემდეგ კი უკვირთ, რატომ ხდებიან ადამიანები ტერორისტები, რატომ არაფრად უღირთ სხვისი სიცოცხლე?! - აი, ამიტომ... მათ თვალწინ დაუხოცეს შვილები, დები და ძმები, ამიტომაც გახდნენ ასეთები. ძნელია რუსეთის ავიაციას ეომო ალეპოში, მაგრამ შესაძლოა, მას სხვაგან გასცე პასუხი და ამით დაანახო, რომ მის ძალადობას ვერ ეგუები... კიდევ ერთიც, თურქეთში ამდენი ადამინის დაკავება ერდოღანს აუცილებლად გადაიყოლებს, რადგან შეუძლებელია ქვეყანა მთელი ცხოვრება მართო დიქტატურით, - ოდესმე ის ამ, ყველაფრის გამო პასუხს აგებს და ამ დროს ვერც რუსეთი დაეხმარება. ერდოღანს ძალიან უნდა, ასადივით ტყვიამრფქვევები დაუშინოს ოპოზიციას, მაგრამ ჯერჯერობით ვერ ბედავს...

ემრიქეთ მეჰმედი:
- ტერორიზმს არანაირი გამართლება არ აქვს. თავდამსხმელი
You must have Flash Player installed in order to see this player.
ქურთი არ არის, როგორც ამას თურქული და რუსული პრესა წარმოაჩენს, მათ ძალიან უნდათ ამაში ამერიკის კვალი დაანახონ მსოფლიოს, მაგრამ, დარწმუნებული ვარ, ასე არ არის. თავდამსხმელი თურქია... ზოგადად, აქაურებისთვის ტვინის არევა ადვილია, - ძალიან მალე იცვლიან იდეოლოგიასა და მრწამსს, ექცევიან სხვისი გავლენის ქვეშ და ბრმად იღებენ გადაწყვეტილებას... ეს ყველაფერი ძალიან მალე მოგვცემს უკუშედეგს და არ მოგვიბრუნდება კარგად. ამდენი ტერორისტული აქტის ფონზე, გვიკვირდა, კიდევ როგორ ჩამოდიოდა ხალხი თურქეთში დასასვენებლად. ალბათ, უფრო ინერციით, ახლა კი, ამხელა ქვეყნის დიპლომატის სიკვდილით, მთელ მსოფლიოში გავითქვით სახელი და სახიფათონი გავხდით...

აბდულა ხაროზი:

- საშინელებაა, რაც მოხდა. საინტერესოა, რატომ ვერ უზრუნველყო ჩვენმა უსაფრთხოებამ თავდამსხმელის ცოცხლად აყვანა, ასე ხომ კითხვის ნიშნებიც არ დარჩებოდა ვინ დგას თავდამსხმელის უკან?! დავიღალეთ ამდენი ტერაქტით და მკვლელობებით. გუშინ ავტობუსი ააფეთქეს, დღეს ელჩი მოკლეს, ხვალ არავინ იცის რა მოხდება. ვიღაც მომხდარს ამართლებს და ამბობს, რომ ეს რუსეთის მოქმედებების შედეგია, მაგრამ ტერორიზმს არ შეიძლება გამართლება ჰქონდეს.

ლალი პაპასკირი (სპეციალურად საიტისთვის)

ია
21 დეკემბერი 2016 16:49
მიყოლეთ ეხლა პუტინი და შემდეგ ვინც ამ ბავშვების ცოდვაში პეხი ჩადგა , ყველას მოეკიტხება , ეს რა ხდება რა უბედურება დაგვატყდა თავს პატარებს ვხოცავთ ესგა გვეკდა და
ia
21 დეკემბერი 2016 16:46
იმ ბავშვების ცოდვა ყველას მოეწევა იმ პატარების ამას ღმეთი არ აპატიებს არავის , არავის შერჩება ანგელოზების სისხლის ღვრა ჩვილების დახოცვა დიდი ამბავი მოკვდა ვიგაც
სხვა სიახლეები
როგორც აშშ-ის პრეზიდენტმა, ბარაკ ომაბამ თავის გამოსამშვიდობებელ გამოსვლაში განაცხადა, თავისი 8-წლიანი მმართველობისას ამერიკის სპეცსამსახურებმა „ათიათასობით ტერორისტი“ გაანადგურეს.
დაწვრილებით...
სრულიად საქართველო ახალი წლისთვის ემზადება. იმედია 2017 წელი ქართველებისთვის განსაკუთრებით ფეხბედნიერი აღმოჩნდება.
დაწვრილებით...
წინასაარჩევნოდ კიბერ თავდასხმებთან დაკავშირებით, თეთრმა სახლმა უპრეცედენტო გადაწყვეტილება მიიღო
დაწვრილებით...
პოპ მომღერალი გარდაცვლილი ლონდონში, საკუთარ საცხოვრებელ სახლში იპოვეს
დაწვრილებით...
რამდენიმე დღის წინ, თურქეთის ქალაქ ანკარაში რუსეთის ელჩის, ანდრეი კარლოვის მკვლელობამ მსოფლიოში მიმდინარე სხვა ამბები დროებით დაჩრდილა. ამ ამბავმა ალეპოში მიმდინარე ტრაგიკული მოვლენები და გერმანიაში დატრიალებული სისხლიანი ტერაქტი ერთგვარ ჩრდილშიც კი მოაქცია.
დაწვრილებით...
რუსეთის თავდაცვის სამინისტრომ ჩამოვარდნილი თვითმფრინავის ადგილას, ქალაქ სოჭთან, ამ ეტაპისთვის ერთი გარდაცვლილის ცხედარი იპოვეს.
დაწვრილებით...
იტალიის შინაგან საქმეთა მინისტრის მარკო მინიტის განცხადებით, მილანის პოლიციამ ბერლინში საშობაო ბაზრობაზე თავდასხმაში ეჭვმიტანილი ტუნისელი ლტოლვილი მოკლა.
დაწვრილებით...
19 დეკემბერს, საღამოს ტრაგედია დატრიალდა ბერლინის ცენტრში, სადაც საშობაო ბაზრობაზე სატვირთო ავტომანქანის შევარდნის შედეგად, 12 ადამიანი დაიღუპა, 50-ზე მეტი კი დაშავდა.
დაწვრილებით...
რუს დიპლომატს მაშინ ესროლეს, როდესაც ის თანამედროვე ხელოვნების გალერეაში ფოტოგამოფენაზე „რუსეთი თურქების თვალით“ სიტყვით გამოდიოდა
დაწვრილებით...
სასოფლო სამეურნეო დანიშნულების მიწის ნაკვეთები
ქირავდება სავაჭრო ფართი(მაღაზია), ბიზნეს ცენტრ
ქირავდება/იყიდება ორ-სართულიანი კერძო სახლი, რომელიც
ტერიტორიაზე განთავსებულია: ადმინისტრაციული შენობა 650კვ.მ;
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები