არ მინდა პოლიტიკა, არ მინდა პრობლემები, მინდა, ვაკოცოთ, ვაკოცოთ ერთმანეთს ბევრი…
არ მინდა პოლიტიკა, არ მინდა პრობლემები, მინდა, ვაკოცოთ, ვაკოცოთ ერთმანეთს ბევრი…
04-07-2016
რა თბილი იყო სალომე ბებო... ლეჩხუმში, დილის 7 საათზე კართან რომ მოგვადგებოდა ბავშვებს, - აშენდა ქვეყანა, რაღა დროს ძილია, გაღვიძების დროაო,- დაგვძახოდა. ჩვენ კი, ქალაქის ცხოვრებით გათანგულებს, დილის ძილი გვენატრებოდა. მერე ფრთხილად მოვიდოდა და თავზე მკოცნიდა. ლოგინის კიდეზე ჩამომჯდარს, თავს კალთაში ვუდებდი და ჯერ კიდევ ძილბურანში მყოფი ფეხზე ვეფერებოდი. სულ მახსოვს სალომე ბებოს კალთის სუნი და მისი თბილი კოცნა...

ახლახან ჩემს უახლოეს ადამიანს უკანასკნელი კოცნა გავატანე უკანასკნელ გზაზე. ეს თითქოს არ იყო ტკივილიანი კოცნა, რაღაცნაირი სითბო დამიტოვა და დამაფიქრა იმაზე, რომ დროსთან ერთად ჩვენც ვიცვლებით... გარდავიცვლებით... იმისათვის, რომ ჩვენ კიდევ შევხვდეთ და შევიცნოთ ერთმანეთი, სისუფთავეა საჭირო. არადა, ჩვენს ცხოვრებაში ჰაერიც აღარ დავტოვეთ გამჭვირვალე.

შინ მისულს ჩემი 2 წლის ძმისშვილი კალთაში ჩამიხტა. ელუ გამეტებით მიკოცნიდა თვალებს. მერე რაღაცას მელუღლუღებოდა. მეც გულში ჩავეხუტე და ფუმფულა ბარკლებზე დავწვდი...

სანამ ბლოგის წერას დავიწყებდი, მამაოს ვეამბორე ხელზე და ტაძრიდან გამოვედი. მოვდივარ სახლისკენ და ვფიქრობ, რამდენჯერ ვკოცნით ადამიანები დღე-ღამეში ერთმანეთს? აი, კიდევ ერთი, ქუჩაში ნაცნობი მხვდება და ვკოცნი... - არა მიშავს, - ვპასუხობ. - შენები დამიკოცნე, - ვაბარებ სახლში "საჩუქარს".
კოცნა ყოველთვის დადებით მუხტს აღძრავს და ჩვენს ემოციებს ამჟღავნებს... და, რა თქმა უნდა, რომანტიკული, სასიყვარულო კოცნის გარეშე ცხოვრება წარმოუდგენელია.

მეცნიერებმა დაიწყეს მსჯელობა, როდის "გაჩნდა" პირველი კოცნა.
"კოცნა იმდენად ჩვეული და უძველესი ფორმაა ადამიანური ცხოვრებისა, რომ გვავიწყდება, ცოტა ხანს შევჩერდეთ და დავფიქრდეთ, საიდან ავიღეთ ეს ჩვევა?"- კითხულობენ მეცნიერები.
"ერთი უდავოა - როცა საყვარელ ადამიანს ტუჩებში კოცნი, იწმინდება სისხლი, სხეული სტიმულირდება, იწვება კალორიები და რაც მთავარია, შეიგრძნობ უდიდეს ბედნირებას, რომელიც ცხოვრებას გიხანგრძლივებს", - დასძენენ ისინი.

რამდენიმე წლის წინ ბრიტანელებმა კოცნის დღედ 6 ივლისი გამოაცხადეს. დავდივარ ინგლისის ქუჩებში და ვეკითხები ხალხს, რა საჭიროა,
You must have Flash Player installed in order to see this player.
კოცნას სპეციალური დღე მივუძღვნათ?
- წმინდა ვალენტინის დღე რომ არის, ხომ იცით? მიუხედავად იმისა, რომ სიყვარულთან ასოცირდება, ერთობ კომერციულია. გვინდა თუ არა, ერთმანეთს საჩუქრებს ვჩუქნით. მეორე დღეს ეს აღარავის ახსოვს. კოცნა კი კაცობრიობის ბუნებრივი ჩვევაა. ჩვენც, ისევე როგორც მსოფლიოს, ბუნებრიობა გვაკლია, - მპასუხობენ ისინი.

სხვათა შორის, ბრიტანეთში დაარსებიდან რამდენიმე თვეში, კოცნის დღე საერთაშორისო დღედ იქცა. არაერთი ქვეყნის ცხოვრებაში კოცნა მათი კულტურის შემადგენელი ნაწილია. ევროპის ქუჩებში ბევრჯერ ნახავთ ახალგაზრდებს, გატაცებით რომ კოცნიან ერთმანეთს. თუმცა, ზოგიერთ ქვეყანაში სახალხოდ კოცნა და ემოციების გამოხატვა კანონით აკრძალულია.

შერილ კირშენბაუმი კი ღრმად ჩააფიქრა ფაქტმა, როგორ მოიფიქრა ადამიანმა მეორისთვის არა ხელზე, არა ლოყაზე, არამედ ტუჩებში ეკოცნა? რამაც, როგორც თავად ამბობს, კაცობრიობის ცხოვრება შეცვალა. ამ ინტერესის საფუძველზე მან ფილემატოლოგია (მეცნიერება კოცნის შესახებ) ჩამოაყალიბა და კოცნის წარმოშობისა თუ განვითარების საკითხს იკვლევს.

სანამ კირშენბაუმი ამით არის დაკავებული, კოცნის საერთაშორისო დღე მსოფლიოს არაერთ ქვეყანაში აღინიშნება ორიგინალურად და სხვადასხვა ფორმით. მეც მინდა ჩვენთანაც აღინიშნებოდეს კოცნის დღე. არ მინდა პოლიტიკა, არ მინდა პრობლემები, მინდა ბედნიერ ახალგაზრდობას ქუჩებში ხელიხელჩაკიდებულს ვხედავდე, ერთმანეთს სიყვარულით რომ კოცნიან.
ვაკოცოთ, ვაკოცოთ ერთმანეთს ბევრი...

ნინო ცხვარაშვილი. ჟურნალისტი

გიო-ს
06 ივლისი 2016 15:29
არაა სიყვარულზე, მაგრამ არც ომზეა.... კოცნაზეა, პაჩი-პუჩზე.... ღრუბლები კი, რომ იცოდე, იმაზე ბევრად უფრო ახლოს არიან სიყვარულთან, ვინემ შენ გგონია....
gio
06 ივლისი 2016 11:11
ესე იგი რაა, ამ ხალხს გინდა სიყვარულზე დაუწერე რამე გინდა ღრუბლებზე, მაინც ძებნის საკამათოს და მაინც ხედავს ცუდ რაღაცას მასში.

კოცნაო ხალხო კოცნაო. უსიყვარულოდ აბა როგორ აკოცებ..დაფიქრდით სიყვარული ხომ არ დაგავიწყდათ:) ?! ეჰ
სხვა სიახლეები
ქართველ კაცს ეშინია სექსუალური ცოლის. ლამაზი და სექსუალური, მაგრამ ერთგული ქალი მათთვის თანხვედრაში ვერ მოდის. ცოლმა, რომ მრავალფეროვანი პოზები შესთავაზოს, შეიძლება კაცმა ხმამაღლა არაფერი თქვას, მაგრამ მის გონებაში ქალის მიმართ ეჭვი ჩნდება.
ყოველთვის ეშინიათ რეალური გრძნობების გამომჟღავნების.
დაწვრილებით...
ფრთხილად ვახელ თვალებს და მისაღები ოთახის შეთვალიერებას ვცდილობ. ჩემი საძინებლიდან კარგად ჩანს მისაღები ოთახი, სადაც ღამით, ჩემს მშობლებს ზღაპრული ნაძვის ხე მოურთავთ. 6-7 წლის ვარ და გული სიხარულით მევსება. ლოგინიდან ვხტები და ყვირილს ვიწყებ: "ზეიმი იწყება".
დაწვრილებით...
ევროპამ, სანამ ვიზალიბერალიზაციას მოგვცემს, "შეჩერების მექანიზმი" მიიღო და ჩვენ ვზეიმობთ, თან ვზეიმობთ ისე, რომ არც კი ვიცით რას ნიშნავს ეს. ისიც არ ვიცით ჯერ საბოლოოდ მივიღებთ თუ არა ვიზალიბერალიზაციას, მაგრამ უნდა ვიზეიმოთ. მთავრობა დუმს.
დაწვრილებით...
2011 წლის 19 დეკემბერი იდგა. მე და ჩემი რამდენიმე ნაცნობ-მეგობარი შევიკრიბეთ. მაშინ აღმოსავლეთ ინგლისში ვცხოვრობდი. წრიულად დავანთეთ სანთლები და შუაში ჩავწერეთ - "ჰაველი". წინა დღეს 18 დეკემბერს ვაცლავ ჰაველის გარდაცვალების შესახებ შევიტყვეთ. ვიდექით ჩუმად, თავდახრილები.
დაწვრილებით...
ერთი შუახნის ქალბატონი სიონის საკათედრო ტაძარში შემოვიდა. სწრაფი ნაბიჯით მივიდა ღვთისმშობლის ხატთან და ერთდროულად, დაახლოებით 20 სანთელი დაანთო.
დაწვრილებით...
ჩემი კორეელი მეგობარი მეკითხება, თუ რატომ მაქვს სოციალურ ქსელში მხოლოდ ერთი "ექაუნთი", რომელსაც "ფეისბუკი" ჰქვია? ვპასუხობ, რომ ჩემთვის ეს აბსოლუტურად საკმარისია, სხვა ქსელებისთვის დროც არ მეყოფოდა. ის, მსუბუქად მსაყვედურობს, რომ "პოსტებსაც" იშვიათად ვცვლი, "სელფებს" არ ვიღებ და ამატებს: "საერთოდ რეალური ხარ?"
დაწვრილებით...
ერთ-ერთ კომპანიაში CV მივიტანე. რამდენიმე წუთი, კომპანიის მენეჯერს, მისი ქცევებისა და სიტყვების გამო, გაოგნებული ვუყურებდი. მერე მალოდინა. თურმე, ყავის დრო ჰქონდა. და ბოლოს, როგორც იქნა დამელაპარაკა. ოფის-ასისტენტი სჭირდებოდა (მან ესე მითხრა). დამიდო ფურცელი რა უნდა გამეკეთებიანა.
დაწვრილებით...
არ მსურს ვცხოვრობდე ქვეყანაში, რომლის მმართველებიც განუდგნენ საკუთარ ისტორიას. ითხოვენ განსაკუთრებულსა და საბოლოოდ, ბანალურსა და იაფფასიანს ირჩევენ. სადაც აზრის, ქმედების და თავისუფლების ეშინიათ. სწორედ ეს განწყობა მეუფლება, როდესაც ქართულ პოლიტიკურ პროცესებს ვაკვირდები.
დაწვრილებით...
რატომ ვიტანჯებით მოუწესრიგებელი საზოგადოებრივი ტრანსპორტით?!

აგრესიული და უკულტურო მძღოლები, არა მხოლოდ უხეშად გვპასუხობენ, არამედ მგზავრების სიცოცხლესაც საფრთხეში აგდებენ და როგორც ნივთებს, ისე გვექცევიან.
დაწვრილებით...
"პოლიტიკოსები, რომლებსაც ამოუწურავი ძალაუფლება გააჩნიათ, ბავშვებივით არიან. მე, მათ ვირუსებად აღვიქვამ. ისინი, ვირუსებივით ანადგურებენ ყველაფერს და ვიდრე ყველაფერს არ შეჭამენ, არ მოისვენებენ", - ამბობდა მუსიკოსი რიჩარდ ბონა
დაწვრილებით...
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები