"ნაციონალების" დრო წავიდა! როდის დაიშლება "ქართული ოცნება"?!
"ნაციონალების" დრო წავიდა! როდის დაიშლება "ქართული ოცნება"?!
არ მსურს ვცხოვრობდე ქვეყანაში, რომლის მმართველებიც განუდგნენ საკუთარ ისტორიას. ითხოვენ განსაკუთრებულსა და საბოლოოდ, ბანალურსა და იაფფასიანს ირჩევენ. სადაც აზრის, ქმედების და თავისუფლების ეშინიათ. სწორედ ეს განწყობა მეუფლებ, როდესაც ქართულ პოლიტიკურ პროცესებს ვაკვირდები.

დღეს მსურდა, ერთ კონკრეტულ და მოსახლეობისთვის მტკივნეულ პრობლემაზე დამეწერა, მაგრამ მომავალი კვირისთვის გადავდე, რადგან პოლიტიკა პირდაპირ სახლში გვივარდება და გვთრგუნავს. ხომ ხედავთ, რეალური პოლიტიკური პროცესების არეალიც დავიწროვდა და უკვე, მერამდენე კვირაა პოლიტიკოსები თავისი ექსპერტებიანად საუბრობენ, რატომ
You must have Flash Player installed in order to see this player.
დაიშალა ესა თუ ის პოლიტიკური ძალა. ბატონებო, გავიგეთ, რაც მოხდა. ახლა, იქნებ, გაგვარკვიოთ, რის გაკეთებას აპირებთ შემდეგი 4 წლის განმავლობაში?

განსაკუთებით მომხვდა თვალში, მედიაში დასმული ერთ-ერთი შეკითხვა: - როგორ ფიქრობთ, 2020 წლისთვის ნაციონალები შეძლებენ რეინკარნაციას?- ჟურნალისტი ეკითხება ერთ-ერთ ექსპერტს. როგორი ირონიულია, რომ ექსპერტი (გვარს შეგნებულად არ ვასახელებ) ღრმაშინაარსიანად იწყებს განსჯას, შეძლებენ თუ არა ისინი ამას.

შეშინებულ ექსპერტს ვეტყვი, რომ როგორც არ უნდა გადაჯგუფდნენ "ნაციონალები", როგორი ჯადოსნური ჯოხიც არ უნდა დაჰკრას განგებამ, მათი რეინკარნაცია ვერ მოხდება. პასუხი მარტივია: "ნაციონალები" არსებობენ, დადიან, ჭამენ, სუნთქავენ და 2020 წლისთვისაც იარსებებენ, მაგრამ მათი დრო წავიდა. საერთოდ, გულწრფელად გეტყვით, მათი დრო 2012-ში წავიდა, როცა ხალხმა მასიურად უარი თქვა მათზე, მაგრამ "ოცნებამ" ძალით შეინარჩუნა "ნაციონალები". და როგორც ჩანს დღევანდელი დღისთვის, თორემ "ოცნება" 48% ვერ მიიღებდა და ვერც თავის უნიათობას
გაამართლებდა.

დღეს თუკი კვლავ აქტუალურია შეკითხვა "ნაციონალებზე", თუ რას იზამენ ისინი ახლო მომავალში, ან 2020 წლისთვის, განგაშის ზარია ასატეხი. ჩემთვის ეს, ხალხის მიზანმიმართულ ზომბირებას გულისხმობს.

დაიშალნენ რესპუბლიკელები და "თავისუფალი დემოკრატები". ზუსტადაც, რომ დაიშალნენ და არა, ვინმე კონკრეტულმა პირმა დატოვა პარტია. არც მათი რეინკარნაცია არ მოხდება. მიუხედავად ჩემი ღრმა პატივისცემისა, ზოგიერთი პოლიტიკოსის გამოცდილებისა თუ განათლების მიმართ, მათი დროც წავიდა. შეუძლებელია 20-25 წელი პოლიტიკაში იყო და ნეიტრალური საქმე აკეთო - არათავგანწირული, არაეროვნული და ყოველი არჩევნების შემდეგ ქვეყანა თავიდან იწყებდეს ცხოვრებას. შენ კი კარგად გრძობდე თავს, რადგან ყოველთვის "თავი ქუდში გაქვს".

მოდით გულწრფელები ვიყოთ, ეს პოლიტიკური ძალები არაფერზე დაფუძნებულები, ფორმალურად შეკოწიწებულები იყვნენ და ამიტომაც ჩამოიშალა ხუხულასავით. ეს ეგრევე გამოჩნდა, როცა მათ დამოუკიდებლად "ცურვა" შესთავაზეს და მათ ეს ვერ შეძლეს. ეგრევე გამოჩნდა, რომ მათ მოქალაქეებზე არასოდეს უფიქრიათ. ხალხს კი მათი "ახალი" იდეები არც დღეს და მით უფრო, არც 2020 წლისთვის აღარ დააინტერესებს.

აქვე უნდა ვახსენო ერთი საკითხი: როდესაც ფარად იფარებთ უცხოელი ექსპერტებისა და დამკვირვებლების დადებით შეფასებებს, გულის კუნჭულში მაინც უნდა გრძნობდეთ, რომ ხალხს ეს აოცებს. მაპატიეთ, რომ აქაც გულწრფელი ვარ, მაგრამ ხომ იცით, რომ დასავლეთი რასაც არ დაუშვებს საკუთარ ქვეყანაში, იმავეს მწვანე შუქს უნთებს ჩვენთან. მას ახლა ჩემი ხალხის გაოგნებულ პოზაში ყოფნა, ყველაზე მეტად აწყობს.

ე.წ ექსპერტებმა ეს ყველაფერი, ან კარგად იცით და შეგნებულად აბნევთ ხალხს, ან თქვენც იყიდებით. და როცა, სერიოზული სახეებით მსჯელობთ შეიქმნება თუ არა მესამე ძალა უსუფაშვილის, ალასანიას, მარგველაშვილისა თუ ბურჭულაძის ნაზავისგან, ვფიქრობ, ხალხს ილუზიაში ამყოფებთ. მოქალაქეები, მესამე ძალაში საქმის მკეთებლებს მოიაზრებს და არა 25 წელი, ერთი და იგივე ადგილის მტკეპნელებს.
ექსპერტების და ზოგი პოლიტიკოსის ასეთი "ანალიზი" ააშკარავებს, რომ პოლიტიკური შეფასებები და ქვეყნაში არსებული მდგომარეობა თანხვედრაში არ არის.

დღეს, თუ ჩვენ გვექნება ქმედითუნარიანი პარლამენტი, ქმედითუნარიანი ნაბიჯებით, სახელმწიფო ინტერესებზე მორგებული ცვლილებებით და არა პირად პოლიტიკურ ინტერესებზე, ხალხის ნდობა გაიზრდება მათ მიმართ. წინააღმდეგ შემთხვევაში "ქართული ოცნებაც" დაიშლება მარტივ მამრავლებად. ვფიქრობ, რომ დღეს სწორედ ეს არის მთავარი კითხვა, როდის დაიშლება "ქართული ოცნება?" - არაფრისგან შემდგარი, არაფერზე დაფუძნებული პოლიტიკური ძალა, როდის ჩამოიშლება ხუხულასავით თავისი წინამორბედი პოლიტიკური ძალებივით?!

არ მინდა, პესიმისტი ვიყო, მაგრამ ის სიტუაცია, რაც დღეს ქვეყანაში არის პესიმიზმის საფუძველს მაძლევს. ქვეყანას დღეს რეალურად სჭირდება შველა, ახალი, მიმზიდველი იდეოლოგიით, გამართული ორგანიზაციული სტრუქტურებითა და მყარი სოციალური ბაზით.
და თუ რამდენიმე თვეში აქტიური ძვრები არ დაიწყო, არ არის გამორიცხული "მესამე ძალა" ხალხის იმ 50%-დან წამოვიდეს, რომელმაც უნდობლობა გამოუცხადა დღევანდელ "დომხალს".


მკითხველის კომენტარი (16)
ალექს
14 ნოემბერი 2016 08:21
ერთიდაიგივე სახელის მამის სახელის და გვარსოციალური წარმოშობის 500-მდე პირი ათას პარტია და არასამთავრობო საექსპერტო წარსულისა გაზის 25 წელი თავზე ,ინკარნირებული კი არა უკვდავია უკვე !
ჰკა მაგათ !
ალექს
14 ნოემბერი 2016 08:01
გლახუნა ქალია !
ნაცქოცმოქკავშირი და ყველა კვალიფიციური პარტია კი კომკავშირია -რეინკარნაცია აქაა !
ისე ყველა ერთად ნაცია -ეგაა ზოგს დაღვრილი აქვს, ზოგს დასაღვრელი სისხლი,თავისი კი არა თქვენი !
!!! !!! !!!
13 ნოემბერი 2016 09:08
"ნაციონალების" დრო წავიდა! როდის დაიშლება "ქართული ოცნება"?!"
როცა ფულის შოვნით გაძღებიან! გაძღებიან კი?
როცა ხალხს საბოლოოდ ამოართმევენ სულს, ანუ ლარს საბოლოოდ გააკუპონებენ, ვინც მუშაობს "არაოცნება" იმასაც რომ გაუშვებენ სამსახურებიდან (საქმის გამკეთებელი არ დარჩება არავინ ამდენ მაამებელში), ვისაც დარჩა სახლ-კარი - იმასაც რომ გააყიდვინებენ , რაც წინა მთავრობებს დარჩათ იმასაც რომ მიითვისებენ, პროფესიონალების და პატიოსანი ხალხის უმრავლესობას ქვეყანას რომ დაატოვებინებენ, როგორც არამართვადს, როცა საბოლოოდ დააჩმორებენ და გამოალაყებენ ხალხს (ამის ნიშნები სახეზე გვაქვს)... ხოდა, გამოწურული ლიმონი აღარავის რომ აღარ ენდომება, გადაბარგდებიან იქ სადაც ფულის წკრიალს გაიგონებენ, აბა სუნი ფულს არა აქვს.
გოგა
12 ნოემბერი 2016 16:48
*არ არის გამორიცხული "მესამე ძალა" ხალხის იმ 50%-დან წამოვიდეს, რომელმაც უნდობლობა გამოუცხადა დღევანდელ "დომხალს".* ნუ გვავიწყდება რომ 30–40$ მოსახლეობის გასულია საქართველოდან და აქედან გამომდინარე 70–75$ მაინც იყო მოსული არჩევნებზე . იმ მოსახლეობის,რომელიც აქ ადგილზეა.
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
1 1
რუბრიკის სხვა სიახლეები