"ჩვენი სინდისი უნდა დაეწიოს ჩვენსავე გონებას, სხვა შემთხვევაში დავიღუპებით"
"ჩვენი სინდისი უნდა დაეწიოს ჩვენსავე გონებას, სხვა შემთხვევაში დავიღუპებით"
14-12-2016
2011 წლის 19 დეკემბერი იდგა. მე და ჩემი რამდენიმე ნაცნობ-მეგობარი შევიკრიბეთ. მაშინ აღმოსავლეთ ინგლისში ვცხოვრობდი. წრიულად დავანთეთ სანთლები და შუაში ჩავწერეთ - "ჰაველი". წინა დღეს 18 დეკემბერს ვაცლავ ჰაველის გარდაცვალების შესახებ შევიტყვეთ. ვიდექით ჩუმად, თავდახრილები. ყველას, ალბათ ათასი აზრი გვიტრიალებდა გონებაში. ჩვენმა, ერთმა ყველაზე პატარა მეგობარმა დაარღვია სიჩუმე და თითქოსდა, სასხვათაშორისოდ იკითხა: "ვერ გამიგია, რატომ არ შეუძლიათ პოლიტიკოსებს სიკეთის კეთება? რატომ არ უნდათ ხალხი უსაფრთხოდ და ბედნიერად იყოს"?!

პაუზის შემდეგ, მეორე მეგობარი, შეკითხვის პასუხად ამბობს: "ხალხი, იმ მიზეზით ეძალება პოლიტიკურ ძალაუფლებას და იმიტომ უჭირს მასთან განშორება, რომ სურს დატკბეს საამო პრივილეგიებით, რომლებიც პოლიტიკური ძალაუფლების თანამდევნი არიან". ვაცლავ ჰაველის სიტყვები ვიცანი. იმ ღამეს მალე დავიშალეთ. ამ პოლიტიკოსის შესახებ კი, არაერთგზის მოგვიწია აზრთა გაცვლა-გამოცვლა.
ვაცლავ ჰაველი, ხომ დასცინოდა ყველა იმ პრივილეგიებს, რომელსაც ძალაუფლება ხელისუფალთ სთავაზობს და მერე თავს აკარგვინებს.
ვერ ვივიწყებ იმ განცდებს, რამაც წლების წინ ჰაველის მიერ კოპენჰაგენის უნივერსიტეტში წარმოთქმულმა სიტყვამ შემიქმნა და რის გამოც მის ნაწერებს ისევ და ისევ ვუბრუნდები.

ის ამბობდა: "ძალაუფლებაში მყოფ ადამიანს თვითშეგნებისა და კრიტიკული დისტანცირების უნარი სჭირდება. მე, განუწყვეტლივ და ხშირად ვაწარმოებ ომს ამ პრივილეგიებთან. მაგალითები ასეთია: ალბათ, აბსოლუტური უაზრობა იქნებოდა, რომელიმე მინისტრს გაეცდინა მნიშვნელოვანი შეხვედრა, რომელიც შეეხებოდა იმ კანონ-პროექტს, ათასწლეულების განმავლობაში სახელმწიფოს მდგომარეობაზე, რომ იქონიებდა გავლენას, მხოლოდ იმიტომ, რომ მას კბილი სტკიოდა და სტომატოლოგთან რიგში იდგა. ამგვარად, თავისი ქვეყნის ინტერესებიდან გამომდინარე, იგი ზრუნავს სპეციალურად თავისთვის ჰყავდეს სტომატოლოგი, ვისთანაც რიგში დგომა არ მოუწევს.
ასეთივე სისულელე იქნებოდა, ქვეყნის მმართველს გაეცდინა მნიშვნელოვანი სახელმწიფო შეხვედრა უცხოელ პარტნიორთან, მხოლოდ იმიტომ, რომ მას საზოგადოებრივი ტრანსპორტით მგზავრობისთვის ჩვეული დავიდარაბის გამოვლა მოუხდა. ამიტომაც მას სამთავრობო მანქანა და მძღოლი ემსახურება.
არც იმას ექნებოდა არავითარი აზრი, რომ პოლიტიკოსს საკუთარი ძვირფასი დრო გაზქურასთან გაოფლიანებულს ეფლანგა, რათა უცხოელი კოლეგისთვის ოფიციალური სადილი მოემზადებინა. ამიტომაც მას პირადი მზარეული ჰყავს.

ასეთივე სისულელე იქნებოდა ისიც, რომ პრეზიდენტი და პრემიერ-მინისტრი იძულებული გამხდარიყვნენ, ტელეფონის წიგნში ეძებნათ საჭირო ნომრები და იქამდე ერეკათ,  ვიდრე საჭირო ადამიანს არ იპოვიდნენ ან ხაზი დაკავებული არ იქნებოდა, ამიტომ საკმაოდ ლოგიკურია, რომ ამგვარ სამსახურს დამხმარე ასრულებს.

ასეთი მაგალითების მოყვანა მრავლად შეიძლება. ახლა შევაჯამოთ: ეს ყველაფერი გეძლევათ იმისთვის, რომ ქვეყანა მართოთ. სხვაგვარად, რომ ვთქვა, მე აღმოვჩნდი VIP-ის სამყაროში, სადაც ადამიანი კარგავს ცოდნას რა ღირს ავტობუსის ბილეთი, როგორ მოადუღოს ყავა, როგორ ეურთიერთობოს ადამიანებს და ა. შ. შენ გავიწყდება, რომ თანდათან კარგავ საკუთარი თავის იდენტობას და ხდები ტყვე საკუთარი თანამდებობისა, საკუთარი პრივილეგიებისა და საკუთარი ოფისისა. გამოდის, რომ პოლიტიკური ძალაუფლება გაძლევს იმის შანსს, რომ მთელი დღის განმავლობაში საკუთარი არსებობა ამტკიცო.

აქ მთავარი ის არის, შეძლო და ერთხელ მაინც დაუსვა შეკითხვა საკუთარ თავს: სად წყდება ქვეყნის ინტერესები და საიდან იწყება პრივილეგიების ხიბლის უფსკრული? შენ ეს ყველაფერი, ხომ იმისთვის მოგეცა, რომ
You must have Flash Player installed in order to see this player.
ქვეყანა სწორად მართო? პასუხი მარტივია, - ესაა პასუხისმგებლობის გრძნობის რადიკალური გამძაფრება. ჩვენი სინდისი უნდა დაეწიოს ჩვენსავე გონებას, სხვა შემთხვევაში დავიღუპებით.
ისინი, ვინც ამტკიცებენ, რომ პოლიტიკა ბინძური საქმეა, ყოველი ჩვენგანის წინაშე ცრუობენ. პოლიტიკა არის საქმიანობა, რომელსაც განსაკუთრებულად სპეტაკი ადამიანები ესაჭიროება, რადგან იქ ძალიან ადვილია მორალური დალაქავება. ეს არის საქმიანობა თავმდაბალ ადამიანთათვის, ანუ მათთვის, ვისი ცდუნებაც შეუძლებელია".

ეს პატარა ამონარიდი მისი წერილიდან, მაძლევს იმის თქმის საფუძველს, რომ ვაცლავ ჰაველი ერთგვარ მორალურ კომპასად შეიძლება გამოადგეს იმ პოლიტიკოსებს, ვინც უკვე ჩაერთო პოლიტიკურ პროცესებში, მათ ვინც ახლა აპირებს ამ საქმიანობისთვის ხელის მოკიდებას.

წელს, 18 დეკემბერს ვაცლავ ჰაველის გარდაცვალებიდან ზუსტად 5 წელი სრულდება. როცა ასეთი პიროვნება არსებობს ჩვენს ცხოვრებაში, უფრო სწორად მსოფლიო პოლიტიკურ ცხოვრებაში, ვეღარ ვიჯერებ, რომ პოლიტიკა ამორალური ან ბინძურია. ანდა, ქვეყნის მართვა სამართლიანი გზით არ შეიძლება. შეუძლებელია დაიჯერო, რომ ყოფითი პრობლემების მოხსნის საფუძველზე ივიწყებდე, რომ შენ ქვეყნის მმართველი ხარ და შენივე თანამდებობას განცხრომის საფუძვლად აქცევდე.

ზუსტად 5 წელია ვაცლავ ჰაველი ცოცხალთა შორის აღარ არის, მაგრამ მჯერა, რომ მის ცხოვრებასა და მოღვაწეობას ჯერ კიდევ შესწევს ძალა, თქვას შთამბეჭდავი სიტყვა მსოფლიო პოლიტიკურ ცხოვრებაში, თუკი მას მოვუსმენთ!

ელენე
17 დეკემბერი 2016 01:27
ჩვენი გაბღენძილი და გაუმაძღარი ჩინოვნიკების უმეტესობას არ აწყენდა ამის წაკითხვა, თუმცა რა აზრი აქვს? სად ჰაველი და...
ნანიკო
16 დეკემბერი 2016 12:54
ურუგვაის ექსპრეზიდენტი პეპე მუხიკაც ამავე პრინციპებით ცხოვრობდა.
სხვა სიახლეები
ქართველ კაცს ეშინია სექსუალური ცოლის. ლამაზი და სექსუალური, მაგრამ ერთგული ქალი მათთვის თანხვედრაში ვერ მოდის. ცოლმა, რომ მრავალფეროვანი პოზები შესთავაზოს, შეიძლება კაცმა ხმამაღლა არაფერი თქვას, მაგრამ მის გონებაში ქალის მიმართ ეჭვი ჩნდება.
ყოველთვის ეშინიათ რეალური გრძნობების გამომჟღავნების.
დაწვრილებით...
ფრთხილად ვახელ თვალებს და მისაღები ოთახის შეთვალიერებას ვცდილობ. ჩემი საძინებლიდან კარგად ჩანს მისაღები ოთახი, სადაც ღამით, ჩემს მშობლებს ზღაპრული ნაძვის ხე მოურთავთ. 6-7 წლის ვარ და გული სიხარულით მევსება. ლოგინიდან ვხტები და ყვირილს ვიწყებ: "ზეიმი იწყება".
დაწვრილებით...
ევროპამ, სანამ ვიზალიბერალიზაციას მოგვცემს, "შეჩერების მექანიზმი" მიიღო და ჩვენ ვზეიმობთ, თან ვზეიმობთ ისე, რომ არც კი ვიცით რას ნიშნავს ეს. ისიც არ ვიცით ჯერ საბოლოოდ მივიღებთ თუ არა ვიზალიბერალიზაციას, მაგრამ უნდა ვიზეიმოთ. მთავრობა დუმს.
დაწვრილებით...
ერთი შუახნის ქალბატონი სიონის საკათედრო ტაძარში შემოვიდა. სწრაფი ნაბიჯით მივიდა ღვთისმშობლის ხატთან და ერთდროულად, დაახლოებით 20 სანთელი დაანთო.
დაწვრილებით...
ჩემი კორეელი მეგობარი მეკითხება, თუ რატომ მაქვს სოციალურ ქსელში მხოლოდ ერთი "ექაუნთი", რომელსაც "ფეისბუკი" ჰქვია? ვპასუხობ, რომ ჩემთვის ეს აბსოლუტურად საკმარისია, სხვა ქსელებისთვის დროც არ მეყოფოდა. ის, მსუბუქად მსაყვედურობს, რომ "პოსტებსაც" იშვიათად ვცვლი, "სელფებს" არ ვიღებ და ამატებს: "საერთოდ რეალური ხარ?"
დაწვრილებით...
ერთ-ერთ კომპანიაში CV მივიტანე. რამდენიმე წუთი, კომპანიის მენეჯერს, მისი ქცევებისა და სიტყვების გამო, გაოგნებული ვუყურებდი. მერე მალოდინა. თურმე, ყავის დრო ჰქონდა. და ბოლოს, როგორც იქნა დამელაპარაკა. ოფის-ასისტენტი სჭირდებოდა (მან ესე მითხრა). დამიდო ფურცელი რა უნდა გამეკეთებიანა.
დაწვრილებით...
არ მსურს ვცხოვრობდე ქვეყანაში, რომლის მმართველებიც განუდგნენ საკუთარ ისტორიას. ითხოვენ განსაკუთრებულსა და საბოლოოდ, ბანალურსა და იაფფასიანს ირჩევენ. სადაც აზრის, ქმედების და თავისუფლების ეშინიათ. სწორედ ეს განწყობა მეუფლება, როდესაც ქართულ პოლიტიკურ პროცესებს ვაკვირდები.
დაწვრილებით...
რატომ ვიტანჯებით მოუწესრიგებელი საზოგადოებრივი ტრანსპორტით?!

აგრესიული და უკულტურო მძღოლები, არა მხოლოდ უხეშად გვპასუხობენ, არამედ მგზავრების სიცოცხლესაც საფრთხეში აგდებენ და როგორც ნივთებს, ისე გვექცევიან.
დაწვრილებით...
"პოლიტიკოსები, რომლებსაც ამოუწურავი ძალაუფლება გააჩნიათ, ბავშვებივით არიან. მე, მათ ვირუსებად აღვიქვამ. ისინი, ვირუსებივით ანადგურებენ ყველაფერს და ვიდრე ყველაფერს არ შეჭამენ, არ მოისვენებენ", - ამბობდა მუსიკოსი რიჩარდ ბონა
დაწვრილებით...
თუკი, საარჩევნო დაპირებების შეუსრულებლობის შემთხვევაში პასუხს არავინ გთხოვს, იტყვი იმას, რაც გინდა და როგორც გინდა. თუკი, ქვეყანა საერთოდ არ გადარდებს და პარლამენტში იმიტომ შედიხარ, რომ თავი ქუდში გქონდეს, რა თქმა უნდა, გააკეთებ იმას, რაც გინდა და როგორც გინდა. ეს იმას ნიშნავს, რომ ქართულ პოლიტიკურ სივრცეში სრული უპასუხისმგებლობა სუფევს. და ეს, მხოლოდ დღეს კი არა, წლებია ასე ხდება.
დაწვრილებით...
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები