"ამ ხელისუფლებასთან ორი ხელით ბრძოლაა საჭირო"
"ამ ხელისუფლებასთან ორი ხელით ბრძოლაა საჭირო"
13-02-2012
"ნაცებო", გონს მოდით!"

ბიძინა ივანიშვილთან "ეროვნული ფორუმის" ორთვიანი მოლაპარაკება იმით დასრულდა, რომ სამსუბიექტიან კოალიციას მეოთხე სრულუფლებიანი წევრი დაემატა. "ფორუმის" ლიდერი გუბაზ სანიკიძე ახალ პარტნიორებსა და კოალიციის ამოცანებზე გვესაუბრა:

- ხმა დადიოდა, ივანიშვილისთვის "ეროვნული ფორუმის" ზოგი ლიდერი მისაღები იყო, ზოგიც - არა და მოლაპარაკებაც ამიტომ გაჭიანურდაო.
- ჭორების უარყოფისათვის პრესკონფერენციებს ვერ მოვაწყობდით.

- იყო ლაპარაკი, რომ "ფორუმი" და ივანიშვილის პარტნიორები კვოტებზე ვერ თანხმდებიან და ამიტომ გაჭიანურდა მოლაპარაკება.
- კვოტების საკითხი არ არის მთავარი. მთავარია, შეიქმნას ისეთი პოლიტიკური ძალა, რომელიც ხელისუფლებას შეცვლის.

- ამბობთ, რომ "ფორუმი" კოალიციის სრულფასოვანი წევრია, ე.ი. ოთხივე პარტია თანაბრად იქნება წარმოდგენილი ერთიან სიაში?
- მოდი, ეს საკითხი დახურულ თემად დავტოვოთ. ეს მთავარი საკითხი არ არის. გარწმუნებთ, ჩვენს პარტნიორებთან უპრობლემო ურთიერთობა გვაქვს.

- კოალიციაში შესვლამდე "ფორუმს" ბლოკი ჰქონდა ტრადიციონალისტებსა და "ქალთა პარტიასთან". ბატონი ბიძინა ამბობს, რომ ითანამშრომლებს გუგული მაღრაძესთან, მაგრამ არაფერი თქმულა აკაკი ასათიანზე.
- თავის დროზე ჩვენ ტრადიციონალისტებსა და "ქალთა პარტიასთან" საარჩევნო  გარემოს საკითხთან დაკავშირებული ბლოკი შევქმენით. საარჩევნო გარემოს გაუმჯობესებისათვის მუშაობა დასრულდა,  ამიტომ სამივე სუბიექტმა ჩავთვალეთ, რომ მოქმედების თავისუფლება დაგვეტოვებინა და ბლოკი გაუქმდა. 

- ბიძინა ივანიშვილთან პირველ შეხვედრაზე "ფორუმთან" ერთად აკაკი ასათიანიც იყო.

- ეს იყო გაცნობითი შეხვედრა, მერე  კახა შარტავა შეხვდა ბატონ ბიძინას, ბოლო შეხვედრა კი სამეულს - კახა შარტავას, რეზო შავიშვილსა და მე გვქონდა. ჯერჯერობით დღის წესრიგში არ დგას რომელიმე პოლიტიკური ძალის დამატების საკითხი. ჩემი აზრით, თუ გარე ფაქტორები გამწვავდა, კოალიციის გაფართოებასა და შევიწროებაზე კი არა, შეიძლება ფართო ფრონტის გაკეთებაზე ვიფიქროთ, რათა ის შეცდომა არ დაუშვას ოპოზიციამ, რაც 2008 წელს დაუშვა. ოპოზიციის სტრატეგიული შეცდომა იყო, რომ პასუხისმგებლობა უპასუხისმგებლო ხელისუფლებას გადავაბარეთ და მორატორიუმი გამოვაცხადეთ. თუ ქვეყანას გარე საფრთხე დაემუქრა, ჩვენ პასუხისმგებლობა უნდა ავიღოთ.

თუ ირანის საკითხი გამწვავდა, საშიშროება რუსეთიდან დაგვემუქრება. გიუმრის სამხედრო ბაზა ტექნიკით ირანის პორტებიდან მარაგდება. გიუმრის სამხედრო ბაზის ბლოკადას რუსეთი არ დაუშვებს. თუ ქვეყანას საფრთხე მართლაც დაემუქრა, სხვა რამეები იქნება გასაკეთებელი. თუ შედგება საერთო-ქართული თანხმობა ოპოზიციის, საზოგადოების, სამოქალაქო სექტორის მონაწილეობით, ანგარიშს გაგვიწევენ.

თუ რეგიონული კრიზისი დაიწყო, დიდი ქართული შეთანხმება დაგვჭირდება, რომ თურქსაც, რუსსაც და ირანელსაც ის ვუთხრათ, რაც იმ დროს იქნება სათქმელი, რომ ქვეყანას საფრთხე ავაცილოთ.
მიმაჩნია, რომ უპირველესად ოპოზიციამ ერთმანეთზე თავდასხმები უნდა შეწყვიტოს. ამით საქვეყნო საქმე ფუჭდება და ხელს ითბობს "ნაცმოძრაობა", რომელიც უნდა დავშალოთ, ჩვენ კი არ უნდა დავიშალოთ.

- ბრძანეთ, პარტნიორებთან კარგად ვართო, მაგრამ ხშირად გამიგონია, რესპუბლიკელები ლიბერალები არიან, "ფორუმი" კი ეროვნული ძალააო.
- შეცდომაა ლიბერალიზმისა და ეროვნული, გნებავთ, ქრისტიანული ფასეულობების დაპირისპირება. ლიბერალიზმი - სუსტის დაცვა, მისი უფლებების აღიარება, ქრისტიანობამ მოიტანა. საქართველოში ეთნიკური და რელიგიური უმცირესობების პრობლემა არასოდეს ყოფილა და ახლა ფსევდოლიბერალები მელაპარაკებიან უმცირესობების უფლებების დაცვაზე.

თუ რამე პრობლემაა საქართველოში, ეს არაქართველი მოსახლეობის ინტეგრირების პრობლემაა და ეს ჩვენი ბრალია. 
სახელმწიფო ენა ხალხს სახელმწიფომ უნდა ასწავლოს. ეს 70 ათასი კვ/კმ საქართველოს ეკუთვნის და ჩვენ უნდა განვავითაროთ ქვეყანა, რომ როგორც ერი, ნაცია განვვითარდეთ. არის აბო თბილელი? ე.ი. ჩვენია. აბა, არაბებისთვის ის მოღალატეა. ხუდია ბორჩალოელი ჩვენია, იმიტომ, რომ ამ ქვეყნისთვის იბრძოდნენ და სისხლს ღვრიდნენ. სეიდაბადელი შიიტები რომ აღა-მაჰმად-ხანს შეაწყდნენ, ვინმემ იცის? რატომ შეაწყდნენ თავისიანებს, რომელთან ერთი რელიგია და წარმომავლობა ჰქონდათ? იმიტომ, რომ საქართველოში ბედნიერად ცხოვრობდნენ, არავინ ჩაგრავდა მათ და ჩვენი გმირები არიან. ეს უნდა მოვუყვეთ უცხოელებს და ამით ვიამაყოთ. ზოგი ამბობს, "ფორუმმა" თავის მსვლელობას რატომ დაარქვა ქართველთა მარშიო. ქართველში აქ მცხოვრები ყველა ერის მოქალაქე იგულისხმებოდა.

ერს ისტორიის განცდა უნდა ჰქონდეს. ჩემი შვილი ლევანი რომ მკითხავს, მამა, დიდგორში ვინ დავამარცხეთო, უნდა ვუთხრა, სუ, შვილო, არ გაბედო ამის კითხვა, თურქებს ეწყინებათ-მეთქი? ხომ მეტყვის, ვაი, შენს პატრონს უბედურსო.

რა არის ეს - საკუთარ გვარზე, სახელსა და წარსულზე უარის თქმა? ბევრი გვინახავს ახალგაზრდობაში გალიბერალებული და გასულელებული, მაგრამ ასაკში რომ შედის, ამბობს, რა სისულელე ყოფილა ეს ყველაფერი, მამისეულ სახლზე ძვირფასი და ტკბილი არაფერიაო. ეროვნება აქვს ადამიანს, ცხოველს კი არა. "ფორუმი" ამ ფასეულობების დამცველი იქნება ბოლომდე. ჩვენ და ჩვენი პარტნიორები თუ განსხვავებული ვართ, ამით ერთმანეთს ვაწონასწორებთ, იქნებ ეს განსხვავებულობა იყოს გამოსავალი და არა ერთ ჭკუაზე ყოფნა.

ეს ხელისუფლება ჩვენს ეროვნულ ღირებულებებს, დედმამიშვილობას, დედაშვილობასა და ოჯახს ებრძვის. რატომ ზის ციხეში ნორა კვიციანი? ის დააშავა, რომ თავისი ძმა უყვარს. ვალერი გელბახიანს არ უშვებენ დედასთან, რომელიც გადადებულია სასიკვდილოდ.  ბიძინა ივანიშვილს, რომელსაც სააკაშვილმა ქართველი მონტე-კრისტო დაარქვა, მოქალაქეობა წაართვეს.  რატომ, გაუფუჭებს ბიძინა ივანიშვილი ამ ქვეყანას რამეს?  ეს კაცი საკმაოდ სპარტანულად ცხოვრობს და ამაზე რაღაც სისულელეებს უშვებენ ტელევიზიით. დღეს იდეოლოგიურის კი არა, ფასეულობების გამო ჭიდაობა წავიდა. მოდი, ვიჭიდაოთ და გავარკვიოთ, ქართველი ხალხის ჭკუაზე მე ვარ თუ ეს ხელისუფლება. ამ ხელისუფლებასთან ორი ხელით ბრძოლაა საჭირო. როცა საჭირო იქნება, მოვილაპარაკებთ, როცა საჭირო იქნება, ქუჩაში გამოვალთ. ბიძინა ივანიშვილმა თქვა, თუ ხმები გაგვიყალბეს, ქუჩაში გავალთ, მაგრამ მანამდე პატიოსნად წავალთ არჩევნებზეო. მუქარა, თუ გააყალბებ, ქუჩაში გამოვალო, უკვე წინ გადადგმული ნაბიჯია იმისკენ, რომ ხელისუფლებამ არ გააყალბოს არჩევნები.

მიშა ძალიან ცოდვა, საწყალი მარტოკაცია,  მეგობარი არ ჰყავს და ყველას ეშინია მისი. როგორც კი ფეხი გადაუტრიალდება, ყველა წიხლს მიაყოლებს. საქართველოში შეიძლება შიშზე  დაამყარო ძალაუფლება?  ჩვენი ამოცანაა, ქართველობა დავაყენოთ ფეხზე და საარჩევნო ყუთთან მივიყვანოთ. აი, მაშინ დამთავრდება ამათი საქმე. რატომღაც მგონია, რომ ჩვენ ამას მოვახერხებთ. "ნაცებო", გონს მოდით, ღმერთი არ გაგიწყრეთ და უკანონობა არ ჩაიდინოთ!
musa
18 თებერვალი 2012 15:38
რა ფორუმი რის ოცნება თვალი გაახლიეთ ხალხო.გუბაზ სანიკიძე საკუთარ თავს ვერ უვლის და საქართველო გინდატ ჩააბაროთ? რომელ ფორუმზე საუბრობთ 2008ში ქათმებივით რო იმალებოდნენ და მერე ყველაფერი ხელისუფლებას დააბრალეს? თუ აგვისტოს ომის დროს ოპოზციის დიდი ნაწილი რო რესტორნებში ატარებდა დროს და საქართველო არცკი გახსენებია,არც ის დაღუპული ბიჭები ვინც ღორებმა(რუსებმა)შეიწირეს? ამათ გინდათ ქვეყანა ჩააბაროთ? ძალიან ცუდია რო მოვლენებს ობიექტურად არ აფასებთ და მხოლოდ საკუთარი მოგებისთვის იბრძვით.თუ მართლა ასეთი პატრიოტები ხარტ დაუდექით ხელისუფლებას გვერდში და ისე აშენეთ საქართველო მაგრამ მაშინ ჯიბეებს ხო ვერარ გაისქელებტ გუბაზის კისერივით. მრცხვენია რო ქართველები ხართ.თქვენ თანამედროვეობის ფილიპე მახარაძე და მის ნაირი მოღალატეები ხართ.
Giorgi Xodashauri
15 თებერვალი 2012 15:02
"tvalsazrisi" თვალს ვადევნებ თქვენს კომენტარებს...
ერთხელ გეტყვით, თავად არ მიყვარს როცა მაქებენ და არც თქვენ შეგაწყენთ თავს!
ერთ-ერთი ხარ იმ მცირეთაგან, რომელიც მიუკერძოებლად, "ცივი გონებით" აანალიზებ და სათქმელსაც პირდაპირ, დაუფარავად ამბობ - მადლობა მინდა გადაგიხადო ამისთვის!
შემოგევლე ქართულ ძარღვში!
არ გაჩერდე, არ გაჩუმდე, კარგი ხარ, დიდხანს იყავი!

არ ჩამომართვა, თითქოს ნაქებს გიბრუნებდე, რაც დავინახე, ის ავღნიშნე!

სხვა სიახლეები
"რეკომენდაცია კახას არ გაუწევია. მე მერის არჩევნების დროს ბატონი ნარმანიას გუნდში ვიყავი... ბატონმა დავითმა შემომთავაზა, წამოვსულიყავი მის გუნდში მერიაში და მე დავთანხმდი ამ წინადადებას."

"ელისაშვილს ჩემი პასუხი ვერ დააკმაყოფილებდა,რადგან მე შემიძლია ხუთი კი არა, ათი ძირითადი პრობლემა ჩამოვთვალო."

"ეს არ არის განათლების სამინისტრო, რაიმე დიდი გამოცდილება რომ იყოს საჭირო. მე არ დავნიშნულვარ განათლების მინისტრად, ან მინისტრის მოადგილედ. "
დაწვრილებით...
"ქართული ოცნებისთვის" ირაკლი ალასანიას ფიგურა ძალიან საჭიროა

"ნატოში აღარ ექნებათ იმის განცდა, რომ საქართველო გატარებული რეფორმების კუთხით სანდო და გამჭირვალეა."

"ასეთი ფაქტები ნატოში ინტეგრაციის მხრივ ძალიან დაგვაზარალებს... ეს ჩვენი ქვეყნის საგარეო იმიჯს, დაღს დაასვამს."
დაწვრილებით...
"ჩემი აზრით, ნარმანია ამას ვერ შეძლებს. ამით საქმე ფუჭდება, ამაში ჩვენ ხელფასი უნდა გადავიხადოთ, ჩვენი სახსრები იკარგება და რაც მთავარია, ხალხი ზარალდება."

"ცოლის ძმას რომ ანიშვნინებ მერიის საქალაქო სამსახურის ხელმძღვანელად, ზუსტად ეს არის ნეპოტიზმი"
დაწვრილებით...
დროა, პრემიერ-მინისტრმა და პრეზიდენტმა მოილაპარაკონ როგორც ურთიერთთანამშრომლობის რეჟიმზე, ასევე იმ პრობლემებზე, რაც ნორმალური ურთიერთობების საშუალებას არ აძლევთ
დაწვრილებით...
წინა კვირას ახალი ჭეშმარიტება შევიტყვე - სახელმწიფოს პრესტიჟი იმაზე ყოფილა დამოკიდებული, პრემიერი საზღვარგარეთ ძვირად ღირებულ სასტუმროში გაჩერდება თუ არა! ასე გვითხრა კანცელარიის მაღალჩინოსანმა:
დაწვრილებით...
ვალერი გელაშვილი: "ჯერ არც იყო პრეზიდენტის მეუღლე, როცა 2003 წლის დეკემბერში შევარდა ჩემს სახლში, მარანში ჭურები დახსნეს და ღვინო დალიეს. ეს არ იყო შეურაცხყოფა?"
დაწვრილებით...
ნუგზარ წიკლაური: "ამ შემოდგომაზე ხალხმა პირადად უნდა აიღოს ხელში პოლიტიკური მართვის სადავეები. მათ ქუჩებში უნდა გამოხატონ თავიანთი პროტესტი"

ვახტანგ ძაბირაძე: "ეს შეიძლება აღვიქვათ პირდაპირ მუქარად დღევანდელი ხელისუფლების მიმართ"
დაწვრილებით...
დღეს ქართველი საზოგადოება მასზე განაწყენებული ორი პოლიტიკური ძალის ხელშია. ერთია "ნაციონალური მოძრაობა", რომელიც საქართველოს ამომრჩეველზე ყოველდღიური შურისძიების რეჟიმშია.
დაწვრილებით...
"ნაციონალები აშენებდნენ ქვეყანას და მათი აშენებულის დანგრევის საშუალებას მე არავის მივცემ"

"მე მათ დავარქმევდი არა ქართულს, არამედ "კრემლის ოცნებას"... მე ვდგავარ "ნაციონალური მოძრაობის "გვერდით, იქ, სადაც სამართალია."

"გაბედავას ვეტყვი, რომ არის მშიშარა და ლაჩარი!.."
დაწვრილებით...
"იყიდება მოქმედი რესტორანი (ბიზნესი) დ.აღმაშენებლის 108/110, ან...
"ქირავდება იაფად, ტურისტული ავტობუსი"
190 კვ.მ. გარემონტებული სავაჭრო ფართი, საბურთალოზე, 1...
205 კვ.მ. სახლი ბათუმში, ახალგაზრდობის ქუჩაზე, პლაჟიდან...