გიორგი მარგველაშვილი: კონკურენტების არ მეშინია!
გიორგი მარგველაშვილი: კონკურენტების არ მეშინია!
სააკაშვილის წასვლით პოსტსაბჭოთა პოლიტიკის ეპოქა მთავრდება, - ამის შესახებ "ქართული ოცნების" საპრეზიდენტო კანიდატმა გიორგი მარგველაშვილმა ტელეკომპანია МИР-სთვის მიცემულ ინტერვიუში განაცხადა.
"სააკაშვილის წასვლით პოსტსაბჭოთა პოლიტიკის ეპოქა მთავრდება. ცალკე სააკაშვილსა და შევარდნაძეზე ვერ ვისაუბრებ. ვიტყვი იმას, რა ეპოქა მოდის. დგება ევროპული ტრადიციების მქონე, თანამედროვე ევროპული სახელმწიფოს ეპოქა", - აღნიშნა გიორგი მარგველაშვილმა.
რაც შეეხება ბიძინა ივანიშვილის პოლიტიკიდან წასვლას, როგორც გიორგი მარგველაშვილმა ინტერვიუში
You must have Flash Player installed in order to see this player.
განაცხადა, ბიძინა ივანიშვილი პოლიტიკიდან არ მიდის და აქტიურად იქნება ჩართული როგორც საზოგადოებრივი აზრის შექმნსა და ფორმირებაში, ისე ბიზნესის სფეროში.
"ბიძინა ივანიშვილი ჩვენი ქვეყნისთვის წონიანი ფიგურაა. ის მხოლოდ პრემიერ-მინისტრის პოსტიდან მიდის. თანამდებობიდან წასვლა და საზოგადოებრივი და პოლიტიკური ცხოვრებიდან წასვლა ერთი და იგივე არ არის", - აღნიშნა გიორგი მარგველაშვილმა.
როგორც ტელეკომპანია МИР-სთვის მიცემულ
ინტერვიუში მარგველაშვილმა განაცხადა, ხელისუფლებაში ყოფნის ერთი წლის განმავლობაში ახალმა მთავრობამ ქვეყანა პოლიციური რეჟიმისგან გაათავისუფლა.
"კონკურენტების არ მეშინია. ხელისუფლებაში ყოფნის ერთი წლის განმავლობაში ჩვენ რეალურად შევძელით სახელმწიფოში ბევრი რამის შეცვლა. ფაქტობრივად, აღარ არსებობს პოლიციური რეჟიმი და მოსახლეობის ტოტალური კონტროლი. შეიცვალა სოციალური პოლიტიკა, რომელიც ორიენტირებული გახდა ადამიანზე", - აღნიშნა გიორგი მარგველაშვილმა.
"ქართული ოცნების" საპრეზიდენტო კანდიდატმა რუსული ტელეკომპანიისთვის მიცემულ ინტერვიუში აღნიშნა, ერთი წლის იუბილე "ქართულმა ოცნებამ" მოკრძალებულად აღნიშნა და მთელი დღე მუშაობაში გაატარა. მისივე თქმით, ახლა ის პერიოდია, როცა ხელისუფლება უფრო მუშაობს, ვიდრე სუფრასთან ზის და სადღეგრძელოებს ამბობს.
"ერთი წლის იუბილეზე მთავრობამ მთელი დღე მუშაობაში გაატარა. ახლა ისეთი პერიოდია, როცა ჩვენ უფრო მეტს ვმუშაობთ და ნაკლებ დროს ვატარებთ სუფრასთან, სადღეგრძელოების თქმაში. ასეთი სამუშაო რეალობაა საქართველოში. წინ არჩევნები გველის და ყველანი აქტიურად ვართ ჩართული ამ პროცესში", - აღნიშნა მარგველაშვილმა.
რაც შეეხება ხელისუფლებაში მოსვლის შემდეგ მაღალჩინოსნების დაკავებებს, როგორც "ქართული ოცნების" საპრეზიდენტო კანდიდატმა განაცხადა, წინა და ახლანდელი ხელისუფლება სამართლებრივი სახელმწიფოს შენების არსს სხვადასხვაგვარად ხედავენ. მისივე თქმით, საქართველოს ახლანდელი ხელისუფლება მიიჩნევს, რომ სამართლებრივ სახელმწიფოში მნიშვნელობა არა აქვს ხარ თუ არა მაღალჩინოსანი, თუ ამ ადამიანმა დანაშუალი ჩაიდინა, ის უნდა წარდგეს კანონის წინაშე.
"ჩვენ გავაგრძელებთ იმ ადამიანების პასუხისგებაში მიცემას, რომელთაც კანონსაწინააღმდეგო ქმედებები ჩაიდინეს", - განაცხადა გიორგი მარგველაშვილმა.
მკითხველის კომენტარი (16)
nika
24 ოქტომბერი 2013 16:52
ოჯახური ამბავი შენი საქმე არ არი. მარგველაშვილი კაი კაცია და გახდება პრეზიდენტი.
eliozi
14 ოქტომბერი 2013 19:06
არჩევნებამდე,ოღონდ საწადელს მიაღწიონ-,,სასწაულმოქმედი" არიან პოლიტიკოსნი და არჩევნების შემდეგ,როცა გაინაღდებენ გამარჯვებას-სასწაულებრივად ქრებიან!!! თუმცა რა უნებო საზოგადოებაც ვართ,ის უნებო პოლიტიკური დონეა ქვეყანაში!!! როდემდე უნდა ვიცხოვროთ არჩევნებიდან-არჩევნებამდე??? საშველი არც არჩევნებამდეა და უსაშველობა,არჩევნების მერე ვნახოთ!!!
megzuri
13 ოქტომბერი 2013 02:52
ბატონი მარგველაშვილი არის ივანიშვილის მიერ შერჩეული
განტევების ვაცი.
მარგველაშვილს თავისი ოჯახური საკითხი ვერ მოუგვარებია
და ესაა ქვეყნის თავის დამდგმელი??????
ბედნიერი ერი
12 ოქტომბერი 2013 18:49
მართალია, პოსტსაბჭოთა მთავრდება და საბჭოთა ნახლდება.
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
1 1
რუბრიკის სხვა სიახლეები