"კოალიციის დაშლა გამორიცხული არ არის" - "ქართულ ოცნებას" "ეროვნული ფორუმიც" აუმხედრდა?
"კოალიციის დაშლა გამორიცხული არ არის" - "ქართულ ოცნებას" "ეროვნული ფორუმიც" აუმხედრდა?
"კოალიციაში ყოფნა მხოლოდ იმისთვის, რომ 6-7 დეპუტატი გავიყვანოთ, არასწორია"

ამ ორიოდე დღის ხნის წინ, "გაზპრომთან" დაკავშირებით ივ. ჯავახიშვილის თბილისის სახელმწიფო უნივერსიტეტის რექტორის ლადო პაპავას განცხადება სოციალურ ქსელში "ეროვნული ფორუმის" ერთ-ერთმა ლიდერმა სოსო ვახტანგიშვილმა გააზიარა და იქვე დასძინა - "მთლიანობაში ვეთანხმები ბატონ პაპავას". არადა, "ეროვნული ფორუმი" როგორც თავადვე აღნიშნავენ, პოლიტიკური კონუნქტურიდან გამომდინარე, მიმდინარე პროცესების შეფასებისგან უკვე სამ წელზე მეტია თავს იკავებს და არც ქვეყნისთვის მნიშვნელოვან პოლიტიკურ საკითხებს ეხმიანება. რატომ მიიჩნევს "გაზპრომთან"
You must have Flash Player installed in order to see this player.
მოლაპარაკებებს საფრთხედ და რას ითხოვს კოალიციისგან, "კვირის პალიტრასთან" "ეროვნული ფორუმის" ერთ-ერთი ლიდერი, გორის მაშორიტარი დეპუტატი სოსო ვახტანგიშვილი საუბრობს:

- არგუმენტები, რაც ლადო პაპავამ "გაზპრომთან" დაკავშირებით გაახმოვანა, ჩემთვის მისაღები და გასათვალისწინებელია - სტრატეგიული გაზსადენის გასხვისებაზე ლაპარაკი სახელმწიფოს წინაშე ჩადენილი დანაშაული იქნება. არ ვამტკიცებ, რომ საქართველოს ხელისუფლება რუსულ მხარესთან ამ საკითხზე საუბრობს, თუმცა მსგავს მსჯელობის დაწყებაც კი დაუშვებელია.

- "გაზპრომზე" ენერგეტიკის მინისტრის განამრტებები თქვენთვის მიუღებელია?

- ენერგეტიკის მინისტრთან ამ საკითხზე არ გვისაუბრია, თუმცა ლადო პაპავა საკმაოდ მნიშვნელოვან დეტალებზე მიუთითებს.

- "ეროვნული ფორუმის"
წევრები სამი წელია პოლიტიკურ პროცესებს , ფაქტობრივად, არ ეხმაურებით და არც პარლამენტში აქტიურობთ. თქვენი გააქტიურება საარჩევნო სიებზე დაწყებულ აჟიოტაჟს ხომ არ უკავშირდება?

- ამაზე საუბარს ნუ ვიჩქარებთ. კოალიციაში ამ საკითხზე საუბარი აუცილებლად მოგვიწევს. თავის დროზე, გაერთიანება "ნაციონალური მოძრაობის" წინააღმდეგ გაერთიანდა,
მიზანს მათი დამარცხება წარმოადგენდა, რასაც მივაღწიეთ კიდეც.

- ანუ, ახლა კოალიციასთან გაერთიანების მიზეზი თქვენთვის არ არსებობს და ის უნდა დაიშალოს?
- უნდა გავარკვიოთ, საით მივდივართ და რა გვინდა. კოალიციამ ახალი ამოცანები უნდა დაისახოს. კოალიციის დაშლა გამორიცხული არ არის, მაგრამ ვერაფერს დავადასტურებ. ყველაფერი იმაზე დამოკიდებული, რა საკითხებზე შევთანხმდებით.

- კვოტებს ითხოვთ?
- ამ თემაზე საჯაროდ არ ვილაპარაკებ. არა მგონია, ეს გამართლებული იყოს, კოალიციაში ყოფნა მხოლოდ იმისთვის, რომ 6-7 დეპუტატი გავიყვანოთ, არასწორია.

რუსუდან შელია (სპეციალურად საიტისთვის)

მკითხველის კომენტარი (14)
ქეთი წულაია
20 იანვარი 2016 10:03
დაწყებული საქმე ივანიშვილმა დამწყებს უნდა დაამთავრებინოს. მიშას რეჟიმი მის მოსვლამდე კახა შარტავამ შეარყია 2012-ში, როცა დიპლომატურად ოპოზიციის ნიღაბი ჩამოხსნა რესპებს, თავისუფალ დემოკრატებს, მემარჯვენეებს, ნათელაშვილსა და ბურჯანაძეს. ფაქტობრივად, მოსუფთავებულ მაგიდაზე დასვა დღევანდელი მთავრობა და ზედ ისიც დააყოლა, მეტის გამკეთებელს ვერც ვხედავო. ამ სამწუხარო რეალობიდან კახა შარტავას არავისზე ნაკლები არც ქიცი შეუძლია და არც ქიცმაცური. თან ისე პოლიტიკურად, რომ ქვეყანას ზედმეტი მტერი არ გაუჩინოს. თუ ვინმეს გაპაჩნიკებაა საჭირო, მაგასაც სხვებზე უკეთესად მოახერხებს
ნინიკო
18 იანვარი 2016 12:55
გეხვეწებით კარგი ავირჩიოთ ვინმე. ახალგაზრდებს კარგი მომავალი გვინდა ნუ დაგვტანჯეთ და ნუ გვაგდებთ უცხოეთში..გვიყვარდეს ერთმანეთიი ქართველებო
ჯიგარლენდს
17 იანვარი 2016 20:27
"ჯიგარელენდო" ნერვები დაიწყნარე :D
მამუკა გაბაძე
17 იანვარი 2016 15:03
გრიგოლიჩ, სალამი. დიდი პატივისცემით... უბრალოდ, გახარება მინდა გვინდა ჩვენ ახალგაზრდებს.დრო გარბის, დრო არ ითმენს. მაქსიმალური ყურადღება უნდა მოგვექცეს ჩვენ, საქართველოს პატრიოტებს. ძველი, უპერსპექტივო სიფათები მოვიშოროთ პოლიტიკიდან. უნდა მოვიშოროთ!!! სხვაგვარად ვერ და არ იქნების!! ეშმაკს ნუღარ გავახარებთ! დრო მიდის და შეცდომების დაშვების დრო აღარ არის. ქართული, მამულიშვილური და პატრიოტული გზა უნდა ავირჩიოთ ყველამ ერთად. ეს გზა არჩეულია უკვე ქართულ პოლიტიკაში, აზროვნებაშიც და გულშიც. დიდი აკაკი უდიდესი მამულიშვილი იყო, არ დაივიწყოთ, არასოდეს!!! ფული?! ფული ეშმაკსაც წაუღია ჯეკ ;) ფულით ვეღარასოდეს იყოდის ეშმაკი ადამიანს ჩემს საქართველოში!... დრო გარბის, ჩვენს მიწა–წყალს ჩვენვე უნდა მივხედოთ. არჩევნებიც მალე მოვა და " საქართველოს პატრიოტთა ალიანსი " აუცილებლად გაიმარჯვებს. ვინც კი შეეცდება თვალებში ნაცრის ჩვენ ხალხზე შეყრას არც ქართველი ხალხი და არც ღმერთი მაღალი არ აპატიებს... პატივისცემით ჩემებო
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
რუბრიკის სხვა სიახლეები
26-06-2017
გაზეთის სტატია. მიიღეთ წვდომა