"ტაბურეტკების" ლეგალიზაცია"
"ტაბურეტკების" ლეგალიზაცია"
04-02-2016
"მღვდლის შეგინება კანონპროექტის ავტორთა აზრით, ფასიანი უნდა გახდეს, მაშინ როცა ექიმის, მასწავლებლის და სხვისა და სხვისა პროფესიის ადამიანის შეურაცხყოფა უფასოა"

2 თებერვალს, პარლამენტის ადამიანის უფლებათა დაცვისა და სამოქალაქო ინტეგრაციის კომიტეტმა პირველი მოსმენით მხარი დაუჭირა კანონპროექტს "საქართველოს ადმინისტრაციულ სამართალდარღვევათა კოდექსში" ცვლილებების შეტანის შესახებ, რომლის თანახმად, მორწმუნეთა გრძნობების შეურაცხყოფა გამოიწვევს დაჯარიმებას 300 ლარის ოდენობით, ხოლო განმეორების შემთხვევაში ჯარიმა 600 ლარია. რელიგიური სიწმინდეებისა და საკულტო ნაგებობების წაბილწვა 500 ლარით დაჯარიმებას გამოიწვევს, ხოლო გამეორების შემთხვევაში - 1000 ლარით. კანონპროექტის ინიციატორი სოსო ჯაჭვლიანია და მას ჩვენში ძალიან ბევრი მოწინააღმდეგე ჰყავს, რომელთა თვალსაზრისითაც ამ ცვლილებების მიღება ერთმნიშვნელოვნად გამოხატვის თავისუფლების შეზღუდვა იქნება. აი, რას  წერს "ფეისბუკის" გვერდზე რესპუბლიკელი დავით ზურაბიშვილი:

"ორიოდ სიტყვით რელიგიური გრძნობების შეურაცხყოფის შესახებ კანონპროექტზე.

სპეკულაციები რომ არ იყოს (თუმც, ვეჭვობ მაინც იქნება), თავიდანვე ვიტყვი, რომ ადამიანის რელიგიური გრძნობების შეურაცხყოფა არის ცუდი. და საერთოდ ყველანაირი შეურაცხყოფა ცუდია, მე რომ მკითხო.

მაგრამ მასე იმდენი რამეა ცუდი ამ ქვეყანაზე, რომ ყველაფერი თუ აკრძალე, სუნთქვაც კი შეუძლებელი გახდება. მაგალითად, ეკლესია მრისხანებას და სასოწარკვეთილებას საერთოდ მომაკვდინებელ (მომაკვდინებელ!) ცოდვებად მიიჩნევს და რა ვქნათ ახლა? თუ ვინმე გაბრაზდება ან უიმედობის განცდა შეაწუხებს, "სროკზე" გავუშვათ?

თუმცა, ვეჭვობ რთული იქნება განუმარტო ასეთი ელემენტარული რაღაცეები იმას, ვინც სასულიერო პირის შეურაცხყოფისთვის სამასლარიანი ჯარიმის დაწესებას ითხოვს. ანუ მღვდლის შეგინება კანონპროექტის ავტორთა აზრით, ფასიანი უნდა გახდეს, მაშინ როცა ექიმის, მასწავლებლის და სხვისა და სხვისა პროფესიის ადამიანის შეურაცხყოფა უფასოა.

ამიტომაც კანონპროექტი რელიგიური გრძნობების შეურაცხყოფის შესახებ, რომელიც რეალურად სხვა არაფერია თუ არა გამოხატვის თავისუფლების ხელყოფა და, ფაქტობრივად, "ტაბურეტკების" ლეგალიზაცია, თავად არის რელიგიური გრძნობების და საერთოდ საღი აზრის შეურაცხყოფა, მაგრამ თავისთავად ასეთი კანონპროექტის ინიცირება კი არაა პრობლემა - ასეთი რაღაცეები საპარლამენტო
ცხოვრებაში ადრეც ხდებოდა და მომავალშიც მოხდება - არამედ პრობლემა ისაა, რომ ამას პარლამენტის ადამიანის უფლებათა კომიტეტი უჭერს მხარს. (სხვა სახელი მაინც ერქვას ამ კომიტეტს!). ეს ქმნის განცდას, რომ კანონპროექტი პრინციპში ხელისუფლებიდან მოდის და უმრავლესობის მიერაა მოწონებული.

და ეს განცდა რომ მცდარია და რომ ხელისუფლება აღნიშნულ კანონპროექტს არ მიიღებს, ამის დემონსტრირება ყველას მოგვიწევს, ვინც კი ამ ხელისუფლებაში ვართ. აზრთა სხვადასხვაობა ბევრ რამეზე შეიძლება იყოს და კოალიციაში (მით უმეტეს საკმაოდ სპეციფიურ პირობებში შექმნილ კოალიციაში) ყოფნა ამას თავისთავად გულისხმობს, მაგრამ აზრთა სხვადასხვაობა არამც და არამც არ შეიძლება იყოს ისეთი ფუნდამენტურ ღირებულებების მიმართ, როგორიცაა რელიგიისა და სახელმწიფოს გამიჯნულობა სეკულარობის საფუძველზე და სიტყვისა და გამოხატვის თავისუფლება". (წყარო)
ლევან ბერძენისვილი
11 თებერვალი 2016 15:58
დროა ქართული სიმღერიდან ვისია ვისია ქალი ლამაზი სიტყვა ქალი ამოვიღოთ რადგანაც გეების უფლებები ირღვევა გადასახედია მსგავსი სხვა სიმღერებიც
დათო
09 თებერვალი 2016 16:23
დავით ზურაბიშვილის გარდა ვერვინ ნახეთ რომ აზრი გამოეთქვა, ზურაბაშვილო ქუჩაში რომ სახეში ვინმემ შეგაფურთხოს პასუხი არ აგებინო, თორემ გამოხატულების თავისუფლების შეზღუდვად ჩაგეთვლება, ვაი თქვენს და ჩვენს პატრონს.
სხვა სიახლეები
„ქართული ოცნების“ თავმჯდომარემ გიორგი კვირიკაშვილმა სამეგრელოს რეგიონში პარტიის მაჟორიტარი დეპუტატობის კანდიდატები დაასახელა.
დაწვრილებით...
რუსეთის სახელმწიფო დუმა მთავრობას რეკომენდაციით მიმართავს, აკრძალოს საქართველოდან ღვინისა და მინერალური წყლის „ბორჯომის“ იმპორტი
დაწვრილებით...
ბუნებრივია შეშფოთებული ინტერესი(!) იმ ცვლილების მიმართ, რაც თურქეთში უკვე ხდება და, როგორც ჩანს, უახლოეს მომავალში კვლავაც განხორციელდება.
დაწვრილებით...
მოგეხსენებათ, "რესპუბლიკელი" მინისტრებიდან ორმა - პაატა ზაქარეიშვილმა და თინა ხიდაშელმა თანამდებობების დატოვების გადაწყვეტილება მიიღეს, ხოლო გიგლა აგულაშვილმა "რესპუბლიკური პარტია" დატოვა, თანამდებობა კი შეინარჩუნა.
დაწვრილებით...
"ერთიანი ნაციონალური მოძრაობის" გენერალური მდივანი ვანო მერაბიშვილი განცხადებას ავრცელებს და ბოლო პერიოდში განვითარებულ მოვლენებს ეხმაურება.
დაწვრილებით...
გიორგი კვირიკაშვილმა პრემიერობის პირველივე დღეებში განაცხადა, რომ ონლაინკაზინოების თაობაზე ხელისუფლება გადაწყვეტილებას მიიღებდა, თუმცა დღემდე ეს საკითხი ღიად რჩება.
დაწვრილებით...
"შემოთვაზება პრემიერისგან მივიღე"

პრემიერ-მინისტრმა, პარტია „ქართული ოცნება - დემოკრატიული საქართველოს“ თავმჯდომარემ, გიორგი კვირიკაშვილმა იმერეთის რეგიონში „ქართული ოცნების“ მაჟორიტარი დეპუტატობის კანდიდატები წარადგინა
დაწვრილებით...
"სომხები აფხაზეთში თავიანთი ავტონო­მიის შექმნას ითხოვენ", - ამბობს "ტყის ძმების" ყოფილი მეთაური დათო შენგელია.­
დაწვრილებით...
"წინასაარჩევნოდ მეც წამომიყენეს პირობა - რესპუბლიკური პარტიის დატოვება და "ქართულ ოცნებასთან" თანამშრომლობა!"

"ჩემთვის გაუგებარი­ იყო, რესპუბლიკელები, რომლებიც წლების განმავლობაში იყვნენ პრინციპების ერთგული, რატომ უნდა დამეტოვებინა? ცუდ საქმეს აკეთებენ და შეიცვალნენ? ვიღაც­ები ამბობენ, ხალხს რესპუბლიკელები არ მოსწონს, უსუფაშვილი მოსწონთო. ყველას, ვინც ასე ფიქრობს, კიდევ ერთხელ ვეტყვი­ - ციდან არ ჩამოვვარდნილვარ, მშობლებმა მშობეს, როგორც ადამიანი, რესპუბლიკურმა პარტიამ კი საზოგადოებრივ ფიგურად და პოლიტიკოსად მაქცი"
დაწვრილებით...
"ქართულ ოცნებაში" გაცილებით ნაყოფიერი და პირნათელი შემიძლია ვიყო ერისა და ბერის წინაშე"
დაწვრილებით...
ქირავდება ბინა ბათუმში. ბინა წარმოადგენს
სასწრაფოდ! იყიდება სახლი ბორჯომში, კეთილმოწყობილი
იყიდება 67 კვ.მ. 3 ოთახიანი
იყიდება კომერციული ფართი ახალაშენებული 10
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები