"ლევილის მამული საქართველოს უსასყიდლოდ გადმოეცემა" - ლევილს ვიბრუნებთ
"ლევილის მამული საქართველოს უსასყიდლოდ გადმოეცემა" - ლევილს ვიბრუნებთ
04-02-2016
საქართველო ლევილის მამულს იბრუნებს - შეთანხმება უკვე თითქმის მიღწეულია და ისიც ცნობილია, რომ მამულში, აკადემიის სახით, სპეციალური დაწესებულება გაიხსნება, სადაც ქართველი მკვლევარები ისტორიულ - სამეცნიერო-კულტურულ ღონისძიებებში მონაწილეობას მიიღებენ.
ფრანგულ მხარესთან შეთანხმების დეტალებსა და მიმდინარე პროცესებზე, "კვირის პალიტრასთან" სახელმწიფო მინისტრი დიასპორას საკითხებში გელა დუმბაძე საუბრობს:

- მიხარია, რომ პროცესი, რომელიც 20 წელიწადზე მეტხანს გრძელდება, - ლოგიკური დასასრულისკენ მიიწევს. შარშან მთავრობამ ლევილის მამულის წინასწარი შეფასებისა და დიაგნოსტიკისთვის 107 ათასი ევრო გამოყო. პირველი რესპუბლიკის მეთაურთა ანდერძის თანახმად, ლევილის მამული საქართველოს უსასყიდლოდ გადმოეცემა.

- საბოლოო გადაწყვეტილება ოფიციალურად როდის გაფორმდება?
- ბედნიერი ვიქნები, თუ საბოლოო გადაწყვეტილება წლის დასრულებამდე იქნება მიღებული. ვფიქრობ, ამის წინაპირობა უკვე არსებობს. გადმოცემის შემდგომ, სამუშაო პროცესზეც შეთანხმება მიღწეულია - ლევილის მამულში შემოქმედებითი სიცოცხლე ყიველთვის აქტიური გახლდათ. მოწყობის მოდელზე ჩამოყალუბებისას, საბაზისოდ ვილა მედიჩის მაგალითს გავითვალისინებთ. ეს ნიშნავს, რომ როტაციის წესით აქ ჩაერთვებიან ქართველი მაგისტრანტები და დოქტორნატები, რომლებიც ქართულ-ფრანგულ კულტუროლოგიურ თემებზე იმუშავებენ. მათი შერჩევის პროცესში კი, კულტურისა და განათლების სამინისტროები ჩაერთვებიან. ეს მართლაც ისტორიული მოვლენაა - ჩვენი წინაპრების კეთილი ნება განხორციელდება და ლევილის მამული საქართველოს გადმოეცემა. ვფიქრობ, ქვეყნისათვის რომელსაც დროებით ოკუპირებული ტერიტორიები გააჩნია, - ევროპის შუგულში 5000 კვადრატული მეტრის დაბრუნება, უაღრესად მნიშვნელოვანი მოვლენაა.

- რაც შეეხება დიასპორაში არსებულ პრობლემებს, მიგრანტებთან მიდგომების განახლებას არ გეგმავთ?

- უახლოეს დღეებში უწყებათაშორისი შეხვედრა გამართება, სადაც სხვადასხვა მნიშვნელოვან საკითხზე ვისაუბრებთ. მათ შორის, უცხოეთში მცხოვრებ თანამემამულეთათვის უფასო სამედიცინო კვლევის ჩატარებაზე, არაკომერციული ტვირთის განბაჟების საკითხსა და მიცვალებულთა გადმოსვენებაზე.

- ეს ინიციატივა წინასაარჩევნო პროცესს ხომ არ უკავშირდება?
- ჩვენ აქამდეც პერმანენტულად, ღიად და საკმაოდ მწვავედ ვსაუბრობდით დიასპორაში არსებულ პრობლემებზე. ბუნებრივია, ყველაფრის ერთბაშად შეცვლისთვის საკმარისი ფინანსური რესურსიც არ არსებობს. ინიციატივის გახმაურების შემდეგ, სხვადასხვა პროფილურ სამინსტროდან მაღალი რანგის მოხელეებს ვიწვევთ და მათთან ერთად კომლექსურად განვიხილავთ დიასპორის წინაშე არსებულ ყველაზე აქტუალურ პრობლემებს. მაგალითად, წელიწადში დაახლოებით ერთი მილიონი დოლარის გამოყოფაა საჭირო, რომ საზღვარგარეთიდან მიცვალებულთა გადმოსვენების პრობლემა გადავჭრათ. ამ საკითხზე, კოლეგებისაგან პოზიტიური აღქმა გაგვაჩნია.

- არადა, ცოტა ხნის წინ მმართველი გუნდი თქვენი უწყების გაუქმებაზე საუბრობდა.
- ამ კონკრეტულ საკითხზე, პირადად ინფორმაცია არ გამაჩნია. ყველაფერს უნდა გააჩნდეს თვისი ლოგიკა და მოტივაცია. თუმცა, ყველას აქვს უფლება საკუთარი აზრი გამოთქვას, მაგრამ ვიდრე მსგავს თემებზე ისაუბრებენ, იქნებ რამდენიმე წუთით მაინც ჩვენი სამინისტროს ვებგვერდზე შევიდნენ და ნახონ, თუ რას აკეთებს ჩვენი უწყება. ვფიქრობ, ჩვენი საქმიანობა, ბოლო პერიოდის განმავლობაში, როგორც არასდროს წარმატებულია. აღსანისნავია, რომ ჩვენს დიასპორაში არასწორი მიდგომების პრობლემაც არსებობს. მაგალითად, ემიგრანტების ნაწილი ყოველ შეხვედრაზე კითხულობს, თუ კონკრეტულად რას აკეთებს მათთვის სამშობლო? არადა, მაგლითისათვის, ისრაელის სახელმწიფო საზღვარგარეთ მყოფ მოქალაქეებს ყოველდღიურად გზავნილებს უგზავნის, რას აკეთებ შენი სამშობლოსთვის დ იმ ახალგაზრდებისთვის, ვინც შენს არ ყოფნაში, სამშობლოს საზღვრებს იცავსო?!

You must have Flash Player installed in order to see this player.
- რას ითხოვთ ადამიანებისგან, რომლებიც საზღვარგარეთ ძირითადად მომვლელებად და ფიზიკურად მუშაობენ საქართველოში ოჯახების სარჩენად?

- რა თქმა უნდა, არაერთხელ მითქვამს, რომ ამ ადამიანების ღვაწლი სოციალური გმირობის ტოლფასია. სხვათა შორის, დიასპორასთან შეხვედრისას ყოველთვის ვცდილობ ადგილობრივ ხელისუფლებასაც ვთხოვო, პატიოსანი ქართველებისა და ციხეში მყოფი თანამოქალაქეების დიფერენცირებას.

- ცოტა ხნის წინ, "გაზპრომის" საკითხზე დიასპორისთვის გაზიარებული თქვენი მოსაზრებები თანაგუნდელებისთვის მიუღებელი აღმოჩნდა. დღესაც ფიქრობთ, რომ რუსულ კომპანიასთან მოლაპარაკებები ბუნდოვანია და მეტ განმარტებას საჭიროებს?

- "გაზპრომთან" თანამშრომლობა იქნება ეს თუ ქვეყნისათვის სხვა მნიშვნელოვანი საკითხი, სათანადო კომუნიკაციას და განხილვას საჭიროებს, რათა საზოგადოებაში რაიმე სახის ეჭვი გამოირიცხოს.

რუსუდან შელია (სპეციალურად საიტისთვის)

ლაშა
06 თებერვალი 2016 01:15
ნაც ხროვა ცდილობდა , რომ მათ ხელში გადმოცემოდათ ლევილის მამული, შეესყიდათ და 1 ლარად მიეჩუქებინათ საკუთარი თავებისთვის. იმედია კანონმდებლობა ისე დააარეგულირებს ამ საკითხს, რომ არავის მიეცემა საფრანგეთში "ქართული მიწის" გაყიდვი უფლება!!
quTaiseli
05 თებერვალი 2016 10:02
საფრანგეთში თურმე ყველა ქართველი იპარავს და მერე აქ ნაქურდალით საბლატაოდ ჩამოდის ამის მთქმელი ეხლა დალაგებულია არა რათქმაუნდა და არც ზრდილობის ნასახი არ გააჩნია ისე რა უქნა ამ ინტერნეტმა ზოგიერთს რასაც ქვია მთლად **********.
სხვა სიახლეები
"გამონახა დრო და სამეგობრო შეგვკრიბა. იმ დღეს ძალიან ხალი­სიანი მოგვეჩვენა... ოთხი დღის თავზე დაიღუპა..."

ზურაბ ჟვანია 9 დეკემბერს 53 წლის გახდებოდა.
დაწვრილებით...
დონალდ ტუსკი შეჩერების მექანიზმთან დაკავშირებულ შეთანხმებას ქართულ ენაზე ეხმაურება
დაწვრილებით...
ევროკავშირი მალე საშუალებას მისცემს უკრაინელებსა და ქართველებს, უვიზოდ ეწვიონ ევროკავშირს
დაწვრილებით...
"ვნახოთ, ვინ გაიმარჯვებს მიშა თუ ბოკერია"

"სრულიად აშკარაა, რომ მეგის ქარდავას ასე უცბად და ხელოვნურად გააქტიურებული თემა მიზანმიმართულად უკავშირდება სააკაშვილის დისკრედიტირების დიდ სურვილს"
დაწვრილებით...
ცოტა ხნის წინ ევროკავშირის ინსტიტუტები ერთობლივ მოლაპარაკებაზე ე.წ. შეჩერების მექანიზმის ამოქმედების შესახებ შეთანხმდნენ.
დაწვრილებით...
"მიუხედავად მცდელობისა, ვერავინ შეძლებს ხელი შეგვიშალოს ქვეყნისათვის სასიცოცხლო მნიშვნელობის რეფორმების გატარებაში"
დაწვრილებით...
"არ ვემიჯნები არც "ცხრა წელს" და არც მიხეილ სააკაშვილის დამსახურებას საქართველოს ისტორიაში, მაგრამ არის ახალი რეალობა და ამ ახალ რეალობას სჭირდება ახალი პასუხი"
დაწვრილებით...
"ნუგზარი, აკო და ჩიორა რომ ახალაიას გუნდს წარმოადგენენ, ახალი ამბავი არ არის, პარლამენტში შესვლასთან დაკავშირებით ახალაიას პოზიციაც მახსოვს და მისი გუნდის მხარდაჭერაც, ახალაიას ადვოკატის განცხადებებს რომ არ გაემიჯნენ და მას მერეც რომ განაგრძობს კამპანიას - ესეც ცხადია, გიგას, გიგის, კეზერას და ვანოს საწინააღმდეგო მესიჯებიც რომ ამ გუნდის მხარდამჭერებისგან მოდის,  ესეც ნათელია"
დაწვრილებით...
ოთარ კახიძე: "სააკაშვილს "ნაციონალური მოძრაობის" თავმჯდომარეობის უფლება არა აქვს. ამიტომ ჩვენი პოზიცია იყო,
პარტიის თავმჯდომარის ადგილი დავით ბაქრაძეს დაეკავებინა"
დაწვრილებით...
ქირავდება დღიურად 2 ოთახიანი ბინა,
იყიდება ორთაჭალაში, ხეივნის ქუჩაზე 3
გლდანის პირველ მიკროსა და მუხიანის
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები