"ბიძინამ მისაყვედურა"
"ბიძინამ მისაყვედურა"
05-02-2016
"ბოდიში მოვუხადე იმ ბავშვებსა და საზოგადოებას, ვისაც ჩემი შეცდომა შეეხო, თორემ დანარჩენი აბსოლუტურად გამართულად და ობიექტურად ვთქვი"

პარლამენტში დეპუტატ გოგი თოფაძის გამოსვლას საზოგადოებაში არაერთგვაროვანი შეფასება მოჰყვა. ამის შემდეგ უმრავლესობის წევრმა განცხადებაც გაავრცელა და ტერმინის "დაუნი" არაკორექტული ხსენებისთვის ბოდიში მოიხადა. იყო თუ არა ეს ტექნიკური შეცდომა, რეალურად რას ფიქრობს გოგი თოფაძე პრეზიდენტის წლების წინ დაწერილ წერილზე და რა უთხრა გამოსვლის შემდეგ ექსპრემიერმა ივანიშვილმა დეპუტატს, ამ საკითხებზე კვირის პალიტრა ფრაქცია "ქართული ოცნება - მრეწველების" თავმჯდომარეს, გოგი თოფაძეს ესაუბრა:

- პრეზიდენტის მიმართ გამოთქმული ჩემი ოთხივე პრეტენზია იყო მართებული. თვითონაც ძალიან კარგად იცის, რომ არასწორად მოიქცა ჩვენი კოალიციის მიმართ. მისი დაწერილი სტატია კი ძალიან დიდ შეურაცხყოფას აყენებს ქართველ ხალხს. ქართველი კაცი თავის ერს ასე არ უნდა ლანძღავდეს. ერთადერთი, რაც აქტიურად აიტაცა საზოგადოების გარკვეულმა ნაწილმა, ძირითადად იმათ, ვინც უცხოეთთან არის დაკავშირებული და პატრიოტული სულისკვეთება  ატროფირებული აქვთ, არის ის, რომ პრეზიდენტის მიერ დასახელებული დაავადებების დასახელება ცოტა შემეშალა, თუმცა მერე გამოვასწორე. სწორედ ეს აიტაცეს, თორემ არცერთი სხვა პუნქტი პრეზიდენტს არც გაუპროტესტებია და ვერც გააპროტესტებს იმიტომ, რომ რეალობა იყო.

- მოგვიანებით ბოდიშიც მოიხადეთ...
- ბოდიში მოვუხადე იმ ბავშვებსა და საზოგადოებას, ვისაც ჩემი შეცდომა შეეხო, თორემ დანარჩენი აბსოლუტურად გამართულად და ობიექტურად ვთქვი. იმაზე კი არავინ ლაპარაკობს, რომ პრეზიდენტმაც უნდა მოიხადოს ბოდიში ქართველი ხალხის წინაშე. ამას ჩვენი ძალიან "სამართლიანი" მედისაშუალებები არ ამბობენ. მოვითხოვე ისიც, რომ პრეზიდენტმა მოიხადოს ბოდიში, მაგრამ ამაზე კი არ ლაპარაკობენ ჟურნალისტები, მხოლოდ იმაზე, რომ მე მოვიხადე ბოდიში.

- პარლამენტში თქვენი გამოსვლის შემდეგ ხომ არ გისაუბრიათ ბიძინა ივანიშვილთან?
- ჩემი გამოსვლის მერე, ბიძინამ ცოტა მისაყვედურა, ასეთი მკაცრი არ უნდა ყოფილიყავი პრეზიდენტის მიმართო. სამართლიანობა ქართველ ხალხს ყოველთვის უყვარდა და აფასებდა. ჩემს ოთხ კრიტიკული შენიშვნაზე ვერც ხალხი და ვერც პრეზიდენტი ვერაფერს იტყვის. ტელეფონიც არ მიჩერდება იმდენი ზარია, მადლობის გადასახდელად მირეკავს ხალხი.

- რას ფიქრობთ სოსო ჯაჭვლიანის ინიციატივაზე, რომელიც რელიგიური გრძნობების შეურცხყოფის დასჯას ითვალიწინებს...
- არასოდეს ვაკეთებ კომენტარს ჩვენი კოალიციის წევრების მიმართ. რამე თუ არ მომეწონება თავად დაველაპარაკები. ჩემს პოზიციას განხილვის დროს დავაფიქსირებ.

- რამდენიმე თვის წინ დაანონსეთ პარლამენტიდან წასვლა, აპირებთ თუ არა დეპუტატის პოსტის დატოვებას?
- ეს არასწორი ინტერპრეტაციაა, მაშინვე განვაცხადე, რომ ბიზნესმენი ვარ და საპარლამენტო მანდატი არ მაძლევს საშუალებას ჩემს ძირითად პროფესიას მივხედო. ასევე ვთქვი, რამდენიმე კანონი მაქვს გასატანი-მეთქი... ამ კანონებს რომ გავიტან, მერე გადავწყვეტ დავტოვო პარლამენტი და წავიდე ისევ ბიზნესში თუ დავრჩე და ჩავათავო ეს რამდენიმე თვე.

- არ წყდება საუბარი საარჩევნო სიებზე, იქნება თუ არა თქვენი პარტია საარჩევნო სიაში?
- ვინც ამბობს, რომ "მრეწველები" კოალიციაში არ იქნებიან, ჰკითხეთ, რა წყაროდან აქვთ ეს ინფორმაცია, იქნებ, მე არ ვიცი და იმან იცის? ზოგიერთებს ეს ძალიან უნდათ და ამის აჟიტირებას ხელოვნურად ცდილობენ, რადგან ჩვენი
You must have Flash Player installed in order to see this player.
პოზიცია ბევრ პარტიას არც პარლამენტს შიგნით მოსწონას და არც მის გარეთ. მაგრამ კოალიციაში ამაზე ჯერ არავის მიუნიშნებია ჩვენთვის და დარწმუნებული ვარ, არც მიგვანიშნებენ.

- ანუ  იქნებით საარჩევნო სიაში?
- ჩვენი გადასაწყვეტია ვიქნებით, თუ - არა. გავა 7-8 თვე, ვნახავთ როგორ განვითარდება მოვლენები, შეიძლება ვიღაცამ გადაიფიქროს ან მოინდომოს დარჩენა, ამ მხრივ პრობლემა არ გვაქვს. ჩვენი პარტიის ბიოგრაფიას გადახედეთ, ყოველთვის წარმატებულები ვიყავით, იმიტომ, რომ ხალხს ჩვენი იდეები ესმის, აბსოლუტურად მისაღებია ყველასთვის... პარლამენტში არის ზოგიერთი პარტია, რომელსაც საარჩევნო ბარიერი არასდროს გადაულახავს და დღეს კოალიციის იმედად არიან, ალაბათ მომავალშიც ეგრე მოუწევთ ყოფნა....

თეა ბეჟიტაშვილი (სპეციალურად საიტისთვის)
Ser
11 თებერვალი 2016 14:14
Vai tqvens patrons
gerchi
08 თებერვალი 2016 00:36
კაცმა თქვა , რასაც ფიქრობდა . ბევრს გაქვთ მაგის თავი ? აქ ისეთები აკეთებენ კომენტარს , ბევრი პურის ფულს ცოლს სთხოვს გამუდმებით და ამას ჩერჩეტს უწოდებენ . დაფიქრდით ერთხელ მაინც საკუთარ საქციელზე .
სხვა სიახლეები
სპორტის სასახლეში "ნაციონალური მოძრაობის" ყრილობა მიმდინარეობს
დაწვრილებით...
ყრილობას სააკაშვილის ოჯახის წევრები - მეუღლე, დედა და ბებია ესწრებიან
დაწვრილებით...
"პარტიის თავმჯდომარის შეცვლის საკ­ითხი ჯერ კიდევ 2013 წელს დადგა. მაშ­ინაც მწვავედ დავუპირისპირდი სააკაშვ­ილს, ჩვენი საუბარი ლამის ჩხუბამდეც კი მივიდა"
დაწვრილებით...
"უგულავამ ციხეში ბევრი რაღაც წაიკითხა, ხშირად ახსენებს დოსტოევსკის, თომას მანს, ყველა ინტერვიუში რაღაც უნდა ჩართოს იქ წაკითხული"
დაწვრილებით...
"ეროვნულ-დემოკრატიულმა ინსტიტუტმა" (NDI) ახალი კვლევის პოლიტიკური ნაწილის შედეგები გამოაქვეყნა.
დაწვრილებით...
"მე ორი არჩვენი მქონდა, ან ქვეყნიდან უნდა წავსულიყავი, ანაც ციხეში... მიმაჩნია, რომ სწორი არჩევანი გავაკეთე, რომ არ წავედი და დავრჩი... მაგრამ უკაცრავად, თუ ეს ვინმეს აკომპლექსებს, ქვეყნიდან წასვლის გამო მიშას პრეტენზიას არ ვუყენებ, გასაგები იყო, რომ ივანიშვილი იმასაც დაიჭერდა"
დაწვრილებით...
ცნობილი ქართველი პიანისტი ხატია ბუნიათიშვილი "ფეისბუკის" პირად გვერდზე "ნაციონალურ მოძრაობაში" შექმნილ ვითარებას გამოეხმაურა,
დაწვრილებით...

ცნობილი ქართველი პიანისტი ხატია ბუნიათიშვილი "ფეისბუკის" პირად გვერდზე "ნაციონალურ მოძრაობაში" შექმნილ ვითარებას ეხმაურება.

დაწვრილებით...
"ეს იყო გამზადებული პლატფორმა, რომ თუ არ გამოვიდოდა პარტიის ხელში ჩაგდების გეგმა, ეს მგზავრები გადამსხდარიყვნენ სხვა მატარებელში"
დაწვრილებით...
სასოფლო სამეურნეო დანიშნულების მიწის ნაკვეთები
იყიდება იოსებიძეზე 125 კვ.მ საერთო
იყიდება ნაყოფიერი სახნავი მიწა 34
ბინა 48 თვიანი შიდა უპროცენტო
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები