"ქუთაისში უნდა შემოვიდნენ დაახლოებით "არგოს" ტიპის გემები" - "სავარდო და სამაისო" სანაოსნოც უნდა გახდეს?!
"ქუთაისში უნდა შემოვიდნენ დაახლოებით "არგოს" ტიპის გემები" - "სავარდო და სამაისო" სანაოსნოც უნდა გახდეს?!
12-02-2016
მთელი კვირაა არ წყდება მითქმა-მოთქმა "ქართული ოცნების" ერთ-ერთი დეპუტატის ომარ ნიშნიანიძის ინიციატივაზე, რომელიც ქუთაისის პორტისა და მიწისქვეშეთის განვითარების იდეითაა შთაგონებული. ომარ ნიშნიანიძე აცხადებს, რომ პროექტს მთავრობის წვერებსა და პრემიერსაც გააცნობს. ნიშნიანიძის თქმით, ქუთაისის მახლობლად პორტი წარსულშიც არსებობდა და მისი განვითარების იდეა ნიკო ნიკოლაძესაც ჰქონდა.

"ნიკო ნიკოლაძის იდეა წამოვწიე წინ, ახლა ვაპირებ, რომ ეს იდეა მთავრობას გავაცნო. გავაცნობ დიმიტრი ქუმსიშვილს, პრემიერს. თუმცა ჯერჯერობით ამ საკითხის გადაწყვეტას მე უფრო მეცნიერულ წრეებში ვცდილობდი. ნიკო ნიკოლაძე არის ამ იდეის ავტორი. ლაპარაკია არა ქუთაისის ცენტრამდე, არამედ ვარციხემდე..." - ამბობს ომარ ნიშნიანიძე.

ნიშნიანიძის თქმით, რიონის სანაოსნოდ გამოყენებისთვის არხების გაკეთებაც შეიძლება, რასაც კომერციული დატვირთვაც შეიძლება ჰქონდეს, რადგანაც არხებიდან ამოღებული ინერტული მასალის გაყიდვაც  შესაძლებელი იქნება.

ომარ ნიშნიანიძე:
- თავდაპირველად, ეს იმ კონტექსტში ვთქვი, რომ ქუთაისის განვითარება მხოლოდ პარლამენტი არაა და ხალხი ამაზეც კი ფიქრობდა-მეთქი. სწორედ ამას მოვაყოლე ეს იდეა. მინდა გითხრათ, რომ წამიკითხავს ლიტერატურა და ვიცი ის ადამიანებიც, ვინც ამ თემაზე სერიოზულად მუშაობდნენ. როგორც ქართველებს გვჩვევია, ჩემს ამ განცხადებაზეც, ჩვენმა ოპოზიციამ - ძირითადად "ნაციონალური მოძრაობის" წარმომადგენლებმა, ქილიკი დაიწყეს, თუმცა არავის უთქვამს, რომ ეს იდეა ჩემამდეც არსებობდა.

- თქვით, რომ ეს ყველაფერი დიდ თანხებთან არაა დაკავშირებული და ამის დაფინანსებას ქუთაისის ადგილობრივი ბიუჯეტიც ეყოფაო...

- ვგულისხმობდი იმას, რომ პორტი იყოს მხოლოდ ტურისტული ღონისძიებისათვის და არა სავაჭრო და სამრეწველო დანიშნულების. ქუთაისში უნდა შემოვიდნენ დაახლოებით "არგოს" ტიპის გემები ან პატარა კატერები. დიდ გემებს, ვერ მივიღებთ, მაგრამ თუნდაც ტურიზმის განვითარების თვალსაზრისით შესაძლებელია, რომ ვარციხე-გეგუთის მიდამოებამდე გაკეთდეს ის, რაზეც მე ვლაპარაკობ... დიდი ისტორიკოსი ნიკო ბერძენიშვილი ამბობდა, რომ გეგუთი ქვემო ქუთაისია, სწორედ იქ იყო ძველი, აიეტის ქუთაისი.

- ანუ არაა გამორიცხული
თანამედროვე არგონავტებიც ვიხილოთ?

- ქუთაისი ხომ აიეტის ქალაქია და თუ არგონავტების თემას წინა პლანზე წამოვწევთ ეს იქნება დიდებული ამბავი. მინდა გითხრათ, რომ უცხოელებს როგორც აქ, ისე საერთაშორისო შეხვედრებზე, ბევრჯერ უთქვამთ - გვიკვირს რატომ არ იყენებთ არგონავტების თემასო. ეს ბრენდად უნდა აქციოთ და ტურიზმისთვის გამოიყენოთო.

- ბატონო ომარ, თუ რიონზეა შესაძლებელი მცირე გემების შემოსვლა რატომ არ შეიძლება იგივეს გაკეთება მტკვარზე და იყო პორტები ხაშურში, ქარელში, კასპში...

- რატომაც არა, თუ მდინარე ამის საშუალებას იძლევა იყოს. ვიმეორებ, ეს არ იქნება პორტი სამრეწველო გემებისათვის, ხოლო სანაოსნო დანიშნულებისათვის ეს იქნება იდეალური ვარიანტი. რაც მთავარია ეს არაა დამოკიდებული დიდ ფინანსებზე.

- თქვენვე გეკუთვნით ქუთაისში მიწისქვეშა ტურიზმის განვითარების იდეა, რაც ითვალისწინებს მღვიმეების კიდევ უფრო დატვირთვას ტურისტებით. როგორ ფიქრობთ, რამდენად შესაძლებელია მცირე ზომის წყალქვეშა ნავების შესვლა მღვიმეებში?
- ამას ძალიან დიდი კვლევა სჭირდება, რათა მოხდეს ყველაფრის სათანადოდ შესწავლა. ის ადგილები, რასაც მე ვამბობ, რომ მიწისქვეშა ტურიზმით უნდა დაიტვირთოს ვერანაირად ვერ იქნება დაკავშირებული იმ ადგილთან, სადაც, ვთქვათ, აშენდება პორტი. მერწმუნეთ, ტურიზმიდან იმხელა ფინანსები შემოვა, რომ დანახარჯს ბევრად გადააჭარბებს და ეს როგორ წაადგება ქვეყნის ეკონომიკურ განვითარებას, თქვენც მოგეხსენებათ.

ლადო გოგოლაძე (სპეციალურად საიტისთვის)
მკითხველის კომენტარი (0)
კომენტარი ჯერ არ გაკეთებულა.
იყავი პირველი!
სხვა სიახლეები
"ევროკავშირის ყველა წევრმა ქვეყანამ ნათლად დაადასტურა, რომ უდავოდ, საქართველომ შეასრულა ყველა პირობა"
დაწვრილებით...
"კანონიერი ქურდი, რომელმაც უპრობლემოდ გადმოიარა საზღვარი ხელისუფლებამ არ დააკავა. სამაგიეროდ, კრიმინალურ პოლიციაში დღეს 5 საათისთვის გივი თარგამაძე დაიბარეს"
დაწვრილებით...
"კომკავშირის ყრილობაზე მეგონა თავი"

ჯერ პაატას ვემშვიდობები. თუ, როგორც გითხარით, საქმის კეთების გულწრფელ სურვილს დავინახავ, შესაძლოა, სხვა პარტიაში გაწევრებაზე ვიფიქრო, მინდა ჩემი გამოცდილება ქვეყანას მოვახმარო
დაწვრილებით...
დავით თარხან-მოურავი: "მაჩაიძის წასვლის მიზეზი ჩვენი უარი გახდა - მას ვუთხარით, რომ სიის ხუთეულში ვერ მოხვდებოდა"
დაწვრილებით...
ლადო გეგეშიძე: "8 ოქტომბერს ხომ იქნება არჩევნები, აი, ამ ავადმყოფ პარტიას სწორედ იქ დავასრულებ"
დაწვრილებით...
"იუსტიციის მინისტრმა ევროსასამართლოს გადაწყვეტილება თუ გაასაჩივრა, უფრო უხერხულ მდგომარეობაში აღმოჩნდება"

"მერაბიშვილი პატიმრობიდან თუ გაათავისუფლეს, მან დაუყოვნებლივ უნდა დატოვოს ქვეყანა"

"თუ ევროსაბჭოს მინისტრთა კომიტეტი საქართველოს მერაბიშვილის გათავისუფლებას მოსთხოვს, რა პასუხი ექნება საქართველოს იუსტიციის მინისტრს, რომელმაც ეს პროცესი წააგო?!"
დაწვრილებით...
"ამ ქალბატონს ჯერ "ტოიოტა" უყიდეს, არ მოეწონა და ნანუაშვილის ბრძანე­ბით,­ "ჰიუნდაი" შეიძინეს,­ რომელიც ახლა 105 000-ლარიანი "მერსედესით" შეცვალეს"

"ვფიქრობ, თანამშრომლები საბოლოოდ სასამართლოში უჩივლებენ და დისკრიმინაციულ ქმედებებში დაადანაშაულებენ"
დაწვრილებით...
იყიდება მზიანი ბინა
ვყიდი ძალიან იაფად!
იყიდება 3 ოთახიანი კუთხის ბინა
ქირავდება ბინა, ბინაშია ყველაფერი, პირველადი
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები