მურვან ყრუ, ვიიონი, ვისი კისერი და ვისიც კიდევ ... - თოფაძე - ბერძენიშვილის გაპაექრება
ტელეკომპანია "იბერიის" პირდაპირ ეთერში საპარლამენტო უმრავლესობის წევრმა გოგი თოფაძემ ძმებ ბერძენიშვილებზე განაცხადა: „ხალხს მურვან ყრუ არ სძულდა ისე, როგორც ძმები ბერძენიშვილები სძულს“
თოფაძემ ძმებ ბერძენიშვილებზე ვრცლად ისაუბრა და ლევან ბერძენიშვილის წარსულსაც შეეხო. როგორც დეპუტატმა განაცხადა, ლევან ბერძენიშვილმა პოლიტპატიმრობის პერიოდში თავისი 3 მეგობარი "ჩაუშვა". რაც შეეხება "რესპუბლიკელებს", თოფაძის აზრით, იქაც არიან ღირსეული ადამიანები, თუმცა, ხალხს მურვან ყრუ არ სძულდა ისე, როგორც ძმები ბერძენიშვილები.
თოფაძის განცხადებას, სოციალურ ქსელში ლევან ბერძენიშვილმა უპასუხა:
„ტაეპი სიკვდილმისჯილი ვიიონისაგან თქმული
ფრანსუა ვარ, საქმე ხრაკი,
ვიბრიდები ხმარაკრაკი,
კიდეც ვნახავ ჩემი კისრით,
რას იწონის ჩემი ტრაკი.
(დავით წერედიანის თარგმანი)
ვითარება აშკარად ითხოვს „ფრანსუას“ შეცვლას ა-ზე დამთავრებული სხვა სამმარცვლიანი სახელით... ვარიანტები: „თენგიზა“, „ნუგზარა“, „გოგია“ და ა.შ.“