"ნინო ანანიაშვილის გადაწყვეტილება მიუღებელი და უღირსია"
"ნინო ანანიაშვილის გადაწყვეტილება მიუღებელი და უღირსია"
"ოკუპაციის დღეს კი ოკუპანტთან ცეკვა დაუშვებელია"

"იმედი მაქვს, "გირჩი" ხელისუფლებაზე არ მუშაობს"

"ბუკა პეტრიაშვილზე თავდასხმამ დაადასტურა, რომ სახელმწიფო უკონტროლოდაა მიშვებული"

"გრიგოლ ვაშაძე თავისი ბიზნესსაქმეებითაა დაკავებული"


25 თებერვალს, ნინო ანანიაშვილის მოსკოვში გამართული კონცერტი მისი მეგობრებისთვისაც კი მიუღებელი აღმოჩნდა. მსოფლიო დონის ბალერინის ნაბიჯი განსაკუთრებით ნიკა რურუამ და მისმა გუნდმა გააკრიტიკა, არადა, ანანიაშვილის მეუღლე გრიგოლ ვაშაძე ოფიციალურად ჯერ კიდევ კულტურის ყოფილი მინისტრის თანაგუნდელად ითვლება. გაიყო თუ არა ვაშაძისა და რურუას პოლიტიკური ინტერესები და რა გეგმები აქვს
You must have Flash Player installed in order to see this player.
მოახლოებული საპარლამენტო არჩევნებისთვის, kvirispalitra.ge საზოგადოება "ივერიის" დამფუძნებელს ნიკა რურუას ესაუბრა:

- არ ვიცი რა რეაქცია ჰქონდა გრიგოლ ვაშაძეს ჩემ განცხადებებზე, კარგი იქნება თუ ამაზე საჯაროდ თავადვე ილაპარაკებს. მან კარგად იცის, რომ ასეთ შემთხვევებში აბსოლუტურად უკომპრომისო ვარ. ნინო ანანიაშვილი ჩემი მეგობარია, მაგრამ მისი გადაწყვეტილება მიუღებელი და უღირსია. მას შეეძლო პედაგოგის იუბილე თბილისში, ახლადგახსნილ ოპერისა და ბალეტის თეატრში გაემართა. დარწმუნებული ვარ, თბილისში სხვა მოწაფეებიც ჩამოვიდოდნენ. ოკუპაციის დღეს კი ოკუპანტთან ცეკვა დაუშვებელია. ეს ნიშნავს, რომ პუტინის ნარატივებს მივყვებით, რადგან პოლიტიკასა და ხელოვნებას მხოლოდ ჩვენ წინააღმდეგ იყენებს.

- თქვენი განცხადებების შემდეგ გრიგოლ ვაშაძესთან ერთად ერთ ორგანიზაციაში თანამშრომლობა როგორ წარმოგიდგენიათ თუ მას "ივერიის" დატოვება უკვე გადაწყვეტილი აქვს?
- გრიგოლ ვაშაძემ დიდი ხანია ტაიმ-აუტი აიღო და ორგანიზაციაში ფიზიკურადაც კი არ ჩნდება. ამის შესახებ გაგვაფრთხილა კიდეც, ის თავისი ბიზნესსაქმეებითაა
დაკავებული. დანარჩენი უკვე თავად უნდა გადაწყვიტოს.

- ფაქტია, რომ "ივერიას" დამფუძნებლებიც კი ტოვებენ, მამუკა გამყრელიძე, მამუკა კუდავა, ამჯერად დიდი ალბათობით გრიგოლ ვაშაძეც აღარ ითვლება თქვენ თანაგუნდელად. ეს ნიშნავს, რომ მოძრაობა იშლება?
- რას ნიშნავს იშლება? ჩვენ აქ ენთუზიასტები ვართ შეკრებილები. ვინც წავიდა, მათთან პოზიციური გაუგებრობები გვქონდა ფუნდამენტურ საკითხებზე, თუმცა ეს პროცესი მოძრაობის ფუნქციონირებას ხელს სულაც არ უშლის. პირიქით, პარალელურად, უამრავი პატრიოტი ადამიანი შემოგვემატა. სხავათა შორის, მამუკა კუდავა "ივერიაში" რჩება, როგორც მოძრაობის დამფუძნებელი. უბრალოდ, მან პარალელურად "გირჩთან" თანამშრომლობა გვთხოვა - სუსტები არიან და საგარეო მიმართულებით უნდა დავეხმაროო. ინტერესთა კონფლიქტი გვექნებოდა, თუ მამუკა ხელისუფლებაში წავიდოდა.

- სხვათა შორის, თავიდანვე გაჩნდა ვერსია, რომ ნაციონალურ მოძრაობას "ოთხეული" თქვენი წაქეზებით გამოეყო და "გირჩს" საპარლამენტო არჩევნებისთვის პლატფორმად გამოიყენებთ.

- მაშინათვე განვაცხადე, რომ ეს აბსურდული ჭორი იყო. იმედი მაქვს, "გირჩი" ხელისუფლებაზე არ მუშაობს, ეს აუცილებლად გაირკვევა. საერთოდ, ყველა დასავლური ღირებულების მქონე ძალა ჩვენი ბუნებრივი მოკავშირეა და ამის შესახებ არაერთხელ მითქვამს. "გირჩთან" კავშირზე ლაპარაკი არ არის, თუმცა იქ "ივერიელი" ნამდვილად მუშაობს.

- საინტერესოა, საპარლამენტო არჩევნებისთვის გეგმებზე ჯერ ვერ ჩამოყალიბდით?
- ჯერჯერობით, არჩევნებზე ლაპარაკი ნაადრევია. მხოლოდ თბილისში სამასზე მეტი წარმომადგენელი გვყავს და რეგიონებშიც აქტიურად ვმუშაობთ, თუმცა ჩვენ საკმაოდ გრძელვადიანი მიზნები გვაქვს და მხოლოდ 2016 წლის არჩევნებით არ შემოვიფარგლებით. თავიდანვე განვაცხადეთ, რომ ჩვენი ამოცანა საზოგადოების განათლების დონის ამაღლებაა და არა კაბინეტებში შესვლა. შესაძლოა არჩევნებში მონაწილეობა მივიღოთ, ან უარი ვთქვათ, მაგრამ ეს ჩვენ ამოსავალ წერტილს არ ცვლის. თანაც ქვეყანაში სრული ანარქიაა. ბუკა პეტრიაშვილზე თავდასხმამ დაადასტურა, რომ სახელმწიფო უკონტროლოდაა მიშვებული.

რუსუდან შელია (სპეციალურად საიტისთვის)

მკითხველის კომენტარი (31)
დავითი
02 მარტი 2016 17:47
ამ შემთხვევაში მართლაც რომ ამორალურია, ამ ადამიანის მსგავსი არსების მხრიდან ქალბატონ ნინო ანანიაშვილის დადანაშაულება.მე სრულიადაც არ გამოვდგები ანანიაშვულ-ვაშაძის ადვოკატად, მაგრამ ამ შემთხვევაში გინდა ეს თუ არა მაინც ჩაგითრევენ ამაში.ქალბატონი ნინო კულტურის სფეროს ემსახურება და თავის დიდ მასწავლებელს სცა პატივი, ვის ემსახურებით თქვენ, ვაჟბატონო? და საერთოდ არაკაცობისა და ,,ბესპრიდელშჩიკობის" გარდა რა გაგიკეთებიათ თვენ და თქვენს ძმას ,,ჟორიკას", ამფსონებთან ერთად.
,,ზარალა", ,,პატარა ზარალა", ,,ტილიკა",,ჟორიკა", ,,ჩიპო", ,,მუსტო", ,,გვაჯი", ,,ლერია", დაგავიწყდათ უკვე რას უკეთებდით ამ ქვეყნის თავისუფლებას???
თოფჩიშვილის, ბარამიძის, თორაძეების ოჯახის, ბალიაშვილის, შარაშენიძის, ცეცხლაძის და სხვა კიდევ მრავალი მკვლელობები და ადამიანთა წამება თქვენს კისერზეა. ეხლა კი გამოდიხართ და უკულტურო და უღირსი უძღვები შვილი, უკვე სხვის ქმედებებს აფასებ. ეგ ,,თქვენი" ბრალი კი არა არის იმათი ბრალია ვინც შეგარჩინეს ეს დანაშაულობები.დიახ შეგარჩინეს და პასუხი არ მოგთხოვეს კანონის ძალით.შენნარებს მიწა უნდა ეწვოდეთ ფეხქვეშ. მეტის ღირსები ვართ!!!
nikas
02 მარტი 2016 15:26
მხედრიონიც დასავლურ ღირებულებებზე იყო ორიენტირებული, როცა მის რიგებში იყავი და ავტომატს უპრაგონოდ ისვრიდი? საინტერესოა, რატომ არცერთი ჟურნალისტი არ უსვამს მას ამ კითხვას. ახლა ხომ მაინც აღარ გაქვთ შიში?
ვაჟა17
02 მარტი 2016 13:59
1801 წლიდან, როცა სულმღაფავი და გაპარტახებული "ერთიანი" საქართველო რუსეთმა "დაიპყრო" და ხალხი "მონებად" აქცია, 200 წლის მანძილზე არა ყოფილა იმპერიის და მერე სსრკ-ის ცხოვრებაში მნიშვნელოვანი მოვლენა, ომი იქნებოდა ეს, რევოლუცია თუ რეფორმა ქვეყნის მასშტაბით, სადაც "დაპყრობილი" საქართველოდან წარგზავნილ "მონებს" მონაწილეობა არ მიეღოთ! ...ნაპოლეონი წელში ბაგრატიონის არმიამ გატეხა! ველურ კავკასიურ ტომებს, თურქეთის მიერ გაქეზებულებს და შამილის თაოსნობით მებრძოლთ, ქართველი გენერლების ჩარევამ დააყრევინა ფარხმალი და შეაწყვეტინა თარეში-ლეკიანობა! და ეს მხოლოდ დასაწყისში, როცა ერმა იგრძნო, რო მასაც მნიშვნელოვანი ფუნქცია დაეკისრა, თუნდაც უზარმაზარი იმპერიის შემადგენლობაში! შემდგომ მოხდა ისე, რო საბჭოთა კავშირი თავისი არსებობის ნახევარზე ისევ ამ "მონების" უშუალო ხელმძღვანელობით იმართებოდა და დღევანდელი რუსეთის სამხედრო ძლიერებაც კი 4-5 ქართველი "მონის" დამსახურებაა! მაინც რა სამეფო კარი იყო რუსეთში და რა პოლიტბიურო, ქართველი "მონების" გარეშე რო ვერ სძლებდნენ და იმპერიაში შემავალი ყველა ეროვნებებიდან ყველაზე დიდი პრივილეგიები ქართველებს ჰქონდათ მინიჭებული, თანაც ამ 200 წელიწადში საქართველოს მოსახლეობა გახუთმაგდა?
ყველაფერს აქვს დასასრული, ჩვენი "მონობაც" დამთავრდა და მოვიპოვეთ ნანატრი "თავისუფლება" და "სუვერენიტეტი"! მხარში დაგვიდგა "თანაბარუფლებიანი" ფართნერი აშშ და ევროპა, და როცა ერთ მშვენიერ დღეს 21-ე საუკუნის ყველაზე ცნობილი "ქართველი", "დემოკრატიის მაშხალად" წოდებული თავზარდაცემული საქართველოდან გარბოდა, აშშ-ში ლექციები უნდა წავიკითხოო, სამუშაო ვიზაც არ მისცეს, ჭიტლაყი ჰკრეს და "დემოკრატიულ" ოკრაინაში უკრეს თავი, მიუხედავად იმისა, რო მათი "სუკინ სინია"!რატომ? იმიტომ, რო ჩვენ უკვე "ბატონები" ვართ, ამ ჩვენი "ბატონობის" 25 წელიწადში საქართველოს მოსახლეობა განახევრდა და მრეწველობა-სოფლის მეურნეობა-მეცნიერება განადგურდა! სამაგიეროდ მეგრანტე არასამთავროებისა და პოლიტიკური პარტიების სრული სია არავის ახსოვს, ხალხს ერთმანეთში ერევა! დასავლეთს ეს არ ადარდებს, მათთვის საქართველო არის პლაცდარმი, ტერიტორია და მეტი არაფერი, ვირის წინ დაკიდებული სტაფილო, ნატო-გეიროპიაკავშირის წევრობის 100%-იანი კანდიდატი,ჰაი-ჰუი და იმის ჯანი!
P.S. ამხანაგო ოპონენტებო, მხოლოდ ფაქტები!
xxx
02 მარტი 2016 11:07
ოცეოლას-შენ რა გინდა ევროპაში, შენ შენს პრერიას მიხედე...
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
1 1
რუბრიკის სხვა სიახლეები
მამულ-დედული
გაზეთის სტატია. მიიღეთ წვდომა
გაზეთის სტატია. მიიღეთ წვდომა