"თუ უღირსი საქციელი ჩაიდინე, იმასაც უნდა შეეგუო, რომ ოდესმე აუცილებლად გაგისაჯაროებენ"
"თუ უღირსი საქციელი ჩაიდინე, იმასაც უნდა შეეგუო, რომ ოდესმე აუცილებლად გაგისაჯაროებენ"
07-03-2016
"გოგელიაც ისეთივე ოლიგარქია, როგორც კახა ბენდუქიძე იყო, რომელიც პუტინის დროს ბუშერის ატომურ სადგურს აშენებდა "

"თუ კოალიცია დაიშლება, ამაში საფორიაქო არაფერია, თუ დაიშლება, დაიშალოს..."

სულ რამდენიმე თვეში ქართველი მაყურებელი იხილავს მრავალსერიან მხატვრულ ფილმს "9+1", რომელშიც, რეჟისორ გოგა ხაინდრავას თქმით, "ნაციონალური მოძრაობის" ხელისუფლებაში ყოფნის დროს განხორციელებული საზოგადოებისთვის აქამდე უცნობი ფაქტებიც იქნება ასახული. ფილმი მხატვრულია, თუმცა დოკუმენტურ მოტივებზეა აგებული. გოგა ხაინდრავას ფილმზე, "მაესტროს" გარშემო განვითარებულ მოვლენებსა და კოალიციაში არსებულ დაპირისპირებაზე ვესაუბრეთ...

გიგა ხაინდრავა:
- ფილმის გადაღებების დასასრულს უახლოვდება და ჩვენი ვარაუდით, მაისის ბოლოსთვის დაიწყება ჩვენება, თუმცა, ჯერჯერობით არხის პროდიუსერზე ვართ დამოკიდებული. საბოლოო სიტყვა მაყურებელზეა, მან უნდა შეაფასოს ჩვენი ნამუშევარი.

- მუშაობის პროცესში თუ აღმოაჩინეთ ისეთი ფაქტები, რაც საზოგადოებისთვის არ იყო ცნობილი?

- ის, რასაც ჩვენ საზოგადოებას ვაჩვენებთ, ნაკლებად არის ცნობილი. თუნდაც ის რამდენიმეწამიანი სიუეჟეტები, რომელიც უკვე ვანახეთ, ნამდვილად ვერ ასახავს იმ სამარცხვინო რეალობას, რაც ხდებოდა. ის, რასაც ჩვენ ვყვებით ფილმში, ამის ცოცხალი მოწმეები არსებობენ და არა მხოლოდ მოწმეები, დაზარალებულები, რომლებმაც თავად განიცადეს ეს ყველაფერი. სამწუხაროდ, მათ შორის რამდენიმე ცოცხალი აღარ არის. ასე, რომ ყველა ამბავს რეალური საფუძველი აქვს და დეტალურად ვყვებით, იმათზე, ვინც ამ საქმეში ფიგურირებდნენ - ციხის თანამშრომლებზე, ადმინისტრაციაზე და ა. შ. ფილმის ყველა სიუჟეტი აგებულია რეალურ ამბავზე, რა თქმა უნდა, მხატვრული განზოგადება ყველა ფილმში ხდება, რადგან ეს არ არის დოკუმენტური ფილმი, შესაბამისად, ბევრი რამ მხატვრული კუთხითა და შემოქმედებითი გააზრებით არის დანახული და მაყურებლისთვის ნაჩვენები. ამ ჟანრს, თავისი სპეციფიკა აქვს, ეს არც საპროკურორო გამოძიებაა და არც სასამართლო, ეს არის კინო, შემოქმედება, რომელიც რეალურ ამბებზეა დამყარებული.

- მოწმეები ახსენეთ, რეალური პერსონაჟებიც მონაწილეობენ თუ ყველა როლს მსახიობები განასახიერებენ?
- ძირითადად მსახიობები თამაშობენ, თუმცა ეპიზოდებში, განსაკუთრებით მათში, რაც ციხეში ხდება, ძალიან ბევრი ადამიანი მონაწილეობს, ვინც მართლა იყო ციხეში და ყველაფერი თავად გამოსცადა. ასე რომ, ფილმში გადავიღეთ ის ადამიანებიც, ვინც რეალურად შეესწრო იმ ამბებს.

- ციხის ამბების გარდა, სხვა სფეროებსაც შეეხეთ?

- დიახ, ციხე, ერთერთი გამოვლინება იყო, იმ უკანონობის ძალადობის, აღვირახსნილობისა და სრული კოშმარი, რომელშიც "ნაციონალურმა მოძრაობამ"  პოლიტიკური ზეობის დროს ამყოფა ჩვენი ქვეყანა. დარღვევების ყველაზე ნათელი მაგალითი, რასაც ისინი სჩადიოდნენ, იყო ციხე, მაგრამ ვიცით, რომ საშინელი სიტუაცია იყო ციხის გარეთაც. არანაკლები ადამიანი დაზარალდა მათ მიერ განხორციელებული მორალური ზეწოლით, ტერორით, გარყვნილებით, კორუფციით, ზნედაცემულობითა და სხვა ტიპის სახელმწიფოს დანაშაულებებით, რომ არაფერი ვთქვათ, ომზე.

- საკონსტიტუციო სასამართლოს თავმჯდომარის გიორგი პაპუაშვილის განცხადებით, მის წინააღმდეგ უღირსი და შეურაცხმყოფელი ფოტო და ვიდეომასალის გაჯაროებას იუსტიციის მინისტრი თეა წულუკიანი ითხოვს. რას იტყვით ამაზე? (იხილეთ)
- ნუ მოიქცევიან მერე უღირსად, ნუ ჩაიდენენ დანაშაულს და ვერავინ ვერაფერს გაასაჯაროებს. ასეთი მარტივი პასუხი მაქვს ბატონი პაპუაშვილის განცხადებაზე. თუ უღირსი საქციელი ჩაიდინე, იმასაც უნდა შეეგუო, რომ ადრე თუ გვიან
You must have Flash Player installed in order to see this player.
აუცილებლად გაგისაჯაროებენ.
რაც მაგათ აქვთ ჩადენილი და პაპუაშვილი ერთ-ერთი მონაწილე და შემოქმედია იმ რეჟიმის, ენითაღწერა ძნელია, მაგრამ თუ უნდა, შევახსენებ... როდესაც მიეცა შესაძლებლობა, რომ საკუთარი ქცევით საზოგადოების წინაშე მის მიერ ჩადენილი დანაშაული როგორღაც გაებათილებინა, მაშინაც კი "ნაციონალური მოძარაობის" სამსახურში დარჩა და გადაწყვეტილებები ქართული საზოგადოების წინააღმდეგ მიიღო... თავის დროზე მოწმეებთან მოსამართლეების ამალით მიდიოდა, რაც არცერთ ქვეყანაში არ ხდება. ამის შემდეგ, პაპუაშვილს არაფერი უნდა უკვირდეს, თუმცა, პირადი ცხოვრება, რა თქმა უნდა, ხელშეუხებელია, მაგრამ ძველი ქართულია ანდაზაა, რასაც დასთეს, იმას მოიმკიო.

- ტელეკომპანია "მაესტროსთან" დაკავშირებით თქვენს მიერ გაკეთებულ განცხადებაზეც მინდა გკითხოთ, რატომ გგონიათ, რომ დამოუკიდებელი ტელევიზია არ არსებობს საქართველში?

-  რა თქმა უნდა არ არსებობს. ყველა ტელევიზია ვიღაცაზე, ანუ იმაზეა დამოკიდებული, ვინც მას აფინანსებს... რაც შეეხება, "მაესტროს" დაფინსანებს რუსეთიდან, მართლა ხომ არ ბნელა ამ ქვეყანაში? ჟურნალისტები ყველანი სერიოზული ადამიანები ხართ, როგორ ფიქრობთ, განა ჩემგან იგებს სახელმწიფო, რომ გოგელია რუსეთში მოღვაწე ბიზნესმენია? მერამდენე წელია ის რუსეთში მუშაობს და მხოლოდ სახელმწიფო კი არა, ისეთი ტიპის კომპანიებთან აქვს ურთიერთობა, რომელიც რუსეთში პოლიტიკის გამტარებელია. ის, რომ რუსეთში რკინიგზა 100%-ით სახელმწიფოს მფლობელობაშია ამას ჩემგან იგებს ქართველი საზოგადოება?

გოგელია ჩვეულებრივი ოლიგარქია, ადამიანი, რომელიც სახელმწიფოსთან ერთად, მისი ხელშეწყობითა და გამოყენებით, შოულობს ფულს. გოგელიაც ისეთივე ოლიგარქია, როგორც კახა ბენდუქიძე იყო, რომელიც ბუშერის ატომურ სადგურს აშენებდა პუტინის დროს და მისი ეკონომიკური საბჭოს წევრი იყო. და ასეთ ადამიანზე ლაპარაკობენ, რომ საქართველოს მოყვარული და ლიბერტალიანელი იყო... ჩვეულებრივი, ჩამოყალიბებული იმპერიალისტი იყო აზროვნებით და დღესაც ასე არიან "ნაციონალები". თუ ვინმე ემსახურებოდა რუსეთს, სწორედ ისინი ემსახურებოდნენ ბენდუქიძის თამადობით. და ვის ატყუებენ "არა გაზპრომების" ძახილით და მსგავსი რაღაცეებით?

- თუ რუსეთში ფულის შოვნაზე ვლაპარაკობთ, არც ბიძინა ივანიშვილის მიერ განვლილი გზა უნდა დაგვავიწყდეს...
- გოგელიასგან განსხვავებით, ბატონი ბიძინა 15 წელია რუსეთში არ ყოფილა და იქ ყველა ბიზნესი გაყიდული აქვს. ეს ყველამ კარგად იცის, ვინც ამას ლაპარაკობს... გარდა ამისა, რა კავშირშია კოტე გოგელიასა და "მაესტროსთან" ივანიშვილის შედარება?!

- კოალიციაში განვითარებულ მოვლენებსაც შევეხოთ, ზოგს მიაჩნია, რომ "რესპუბლიკელებსა" და "მრეწველებს" შორის დაწყებული დაპირისპირება კოალიციის დაშლის საფუძველი გახდება...
- პოლიტიკურ საქმეებში არ ვერევი, მაგრამ ეს ჩვეულებრივი პოლიტიკური პროცესია, - კოალიციები იქმნება და იშლება, პარტიები რაღაც დროის განმავლობაში თანამშრომლობენ და შემდეგ იშლებიან. ჩვენ ვლაპარაკობთ, რომ დემოკრატია გვინდა და ამის ნებისმიერ გამოხატულებას მწვავედ ვაკრიტიკებთ და არ ვღებულობთ. კოალიციაში განსხვავებული მოსაზრების მქონე პოლიტიკური პარტიები მხოლოდ განვითარებად კი არა, განვითარებულ ქვეყნებშიც არიან. გადახედეთ მსოფლიო პოლიტიკას, სხვადასხვა პოლიტიკური ხედვისა და გემოვნების ადამიანები არიან ერთ პოლიტიკურ სივრცეში. ასეა გერმანიაში, საფრანგეთში, ინგლისში ნაკლებად, მაგრამ მაინც, კოალიციური მთავრობები ასეთ რამეს გულისხმობს... ასე რომ, ამაში საფორიაქო არაფერია, თუ დაიშლება, დაიშალოს.

ეს მეტად საინტერესო იქნება, რადგან ვნახავდით, რას წარმოადგენს ესა თუ ის ორგანიზაცია დამოუკიდებლად ამომრჩევლის თვალში. მე კი ვიცი, რა შედეგიც დადგება, რადგან ამ პოლიტიკურ სპექტრს მოხარშულს ვიცნობ და ვიცი, ვინ რისი მაქნისია და რა შედეგს მიიღებს. კარგი იქნება თუ ასე მოხდება, რათა ვიღაცებმა ცოტა ამბიციებს მოუკლონ, ციდან ჩამოფრინდნენ და მიწაზე დადგნენ.

ლალი პაპასკირი (სპეციალურად საიტისთვის)
gogas kritikosebs
09 მარტი 2016 19:12
გოგამ ერთხელ აღნიშნა,რომ წარსულში შეცდომები დაუშვი,ეს ალად თქვა და გამგებმა გაიგო,მაგრამ ახლა,რომ ყველაფერზე მართალს ამბობს,წერს,ფილმებს იღებს ეს გამწარებთ ნაცებო,თქვენ დეპოში ხართ და გძინავთ!"გაიღვიძეთ გრიშა ბიძიებო"თორემ ქვეყანა თავზე დაგვენგრა დაანებეთ მიშას თავი და რეალობას ჩახედეთ თვალებში,თქვენი თვათმაქცობა ყელში ამოუვიდა ერს,თუქვეყანა გიყვართ ერთად ვაშენოთ ბელადების გარეშე და წვრილი პარტიული ინტერესების გარეშე.
ტოტო
09 მარტი 2016 18:03
ვინც ხაინდრავაზე,ამბობს,მართალია,ის არც,სულელია,არც გიჟია,უბრალოდ,ნაძირალაა.
სხვა სიახლეები
„ნაციონალური მოძრაობის“ პოლიტსაბჭოს გადაწყვეტილებას ოდესის ყოფილი გუბერნატორი მიხეილ სააკაშვილი "ფეისბუკზე" გამოეხმაურა.
დაწვრილებით...
"როდესაც ქვეყანას აქვს უცხოური ვალუტის სერიოზული დეფიციტი, პრობლემების დროებით გადაგორების თვალსაზრისით, ხელისუფლებას ოპერატიულად სჭირდება ქეში, თუმცა რამდენად მოკლე ვადებში განთავსდება აქციები ბირჟაზე, არ ვიცი. მაგრამ 25%-მდე აქციების გაყიდვა პრობლემად არ მიმაჩნია"
დაწვრილებით...
"ერთიანი ნაციონალური მოძრაობის" პოლიტსაბჭოს სხდომა დასრულდა. ჯერჯერობით პარტიის წევრებს ჟურნალისტებთან კომენტარი არ გაუკეთებიათ.
დაწვრილებით...
მას შემდეგ, რაც მიხეილ სააკაშვილმა ოდესის გუბერნატორის თანამდებობა დატოვა და ოპოზიციურ ფლანგზე გააქტიურდა, უკვე ტრადიციულ სახეს იღებს მისი ჟურნალისტებთან დაპირისპირება.
დაწვრილებით...
"მას შემდეგ, რაც "რუსთავი 2" აღარ იქნება სააკაშვილის ხელში, საქართველოში მისი ამბავი დასრულდება"

"სააკაშვილი დაიბარეს პოროშენკოსთან და დაემუქრნენ, რომ თუ არ შეწყვეტდა დამოუკიდებელ თამაშს, გაუშვებდნენ მოლდოვაში ელჩად"
დაწვრილებით...
"კომბლე" იქნება, "ნაცარქექია" თუ "რწყილი და ჭიანჭველა", განვითარება აუცილებელია"

"...ამ პრინციპით მინისტრებიც შემიძლია გამოცდებზე ჩავჭრა"
დაწვრილებით...
"კირვალიძის სინდრომი" "ქართული ოცნების" ავადმყოფობად იქცა"
დაწვრილებით...
"კომბლე" იქნება, "ნაცარქექია" თუ "რწყილი და ჭიანჭველა", განვითარება აუცილებელია"

"რასაც ცხოვრებაში მოგთხოვენ, ის უნდა მოგცეს სკოლამ და რასაც არ მოგთხოვენ, ის არ გჭირდება"

დაწვრილებით...
"აფხაზ და რუს ოფიცრებს გაუჩნდათ განცდა, რომ მათი თავნებობა დაუსჯელი დარჩება, რაც გიგა ოთხოზორიას მკვლელობამაც დაადასტურა"
დაწვრილებით...
"ამბობენ, რომ ოჩამჩირესა და ტყვარჩელში გადაგვასახლებენ" - რას უქადის ქართველებს გალის სამხედრო ქალაქად ქცევა?!

"აფხაზეთს ქურდები მართავენ. მათ შორის, ძალიან დიდი გავლენით სარგებლობენ, ქართველი ე.წ. კანონიერი ქურდებიც, რომლებსაც ძალიან დიდ ანგარიშს უწევენ ჩვენი პოლიტიკოსები... ყველგან ქაოსია"
დაწვრილებით...
3 ოთახიანი ბინა 110 კვ.მ.
ქირავდება დღიურად 5 ოთახიანი ბინა
იყიდება გამჭოლი ბინა დოლიძეზე.
სასწრაფოდ და იაფად! იყიდება 90
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები