"ღარიბაშვილის კადრების გაშვება ლოგიკურია" - კვირიკაშვილმა დიდი სამთავრობო წმენდა გუბერნატორებით დაიწყო?!
"ღარიბაშვილის კადრების გაშვება ლოგიკურია" - კვირიკაშვილმა დიდი სამთავრობო წმენდა გუბერნატორებით დაიწყო?!
10-03-2016
"პრემიერს საკადრო გადაწყვეტილებების მიღებისას მეტი სითამამე მართებს"

საქართველოს პრემიერ-მინისტრმა გიორგი კვირიკაშვილმა თანამდებობიდან გადადგომის შესახებ მცხეთა-მთიანეთის გუბერნატორის ნუგზარ ყიფიანისა და შიდა ქართლის გუბერნატორ ზურაბ რუსიშვილის განცხადებები დააკმაყოფილა. შემცვლელებიც მალევე დასახელდნენ - მცხეთა-მთიანეთში სახელმწიფო რწმუნებულად ნუგზარ ყიფიანის მოადგილე გოჩა ზეიკიძე დაინიშნა, შიდა ქართლში კი გუბერნატორის მოვალეობას ზურაბ რუსიშვილის მოადგილე შეასრულებს. როგორც ამბობენ, კოლეგების ბედს უახლოეს მომავალში კახეთისა და გურიის გუბერნატორებიც გაიზიარებენ, თუმცა, ჯერჯერობით, ინფორმაცია ოფიციალურად არ დასტურდება. აღსანიშნავია, რომ გუბერნატორების დიდი უმრავლესობა ირაკლი ღარიბაშვილის კადრად მიიჩნევა. "კვირის პალიტრასთან" საუბრისას პოლიტოლოგი გია ხუხაშვილიც გუბერნატორთა ცვლილებებს ყოფილი პრემიერის ფაქტორს უკავშირებს და უახლოეს მომავალში არც სამთავრობო ცვლილებებს გამორიცხავს, რომელზეც ბოლო ხანს ჩვენში ბევრს ლაპარაკობენ. ყველაზე ხშირად გამოითქმის ვარაუდი, რომ პირველი, ვინც შეიცვლება ფინანსთა მინისტრია, ასახელებენ მისი შემცვლელის სავარაუდო კანდიდატურებსაც. ერთი ვერსიით, ამ თანამდებობას დაიკავებს ეკონომიკის ამჟამინდელი მინისტრი დიმიტრი ქუმსიშვილი. ამბობენ იმასაც, რომ რესპუბლილელების მიმართ პრემიერის კრიტიკა უკვალოდ არ ჩაივლის და ამას შესაძლოა მთლად თავადაცვის არა, მაგრამ გარემოს დაცვის მინისტრი შეეწიროს...

გია ხუხაშვილი:
- საერთოდ, ყველა ხელმძღვანელი ცდილობს საკვანძო თანამდებობებზე ისეთი ადამიანები დანიშნოს, ვინც სამუშაო პროცესში მაქსიმალურ კომფორტს შეუქმნის. მსგავსი დამოკიდებულებით კადრების შერჩევა განსაკუთრებით რეგიონებში იგრძნობა. ამ კონტექსტში, ვფიქრობ, გუბერნატორების ცვლილებაც ლოგიკურია, მეტიც, პირადად მე, გუბერნატორების შეცვლას ბევრად ადრეც ველოდი.

- ანუ, ირაკლი ღარიბაშვილის დანიშნული კადრები გიორგი კვირიკაშვილს დისკომფორტს უქმნიდნენ?
- ღარიბაშვილის კადრების გაშვება ლოგიკურია, თუმცა ნუგზარ ყიფიანი ყოფილი პრემიერის ფავორიტად ნამდვილად არ მიიჩნეოდა. ზოგადად, თანამდებობაზე მყოფი პირები ყოველთვის ყოფილი ხელმძღვანელების მძევლები ხდებიან. ბევრს გარკვეული ვალდებულებებიც კი აკავშირებს მათთან და ცვლილებებიც სწორედ იმისთვისაა საჭირო, რომ სხვებზე დავალებული ადამიანები პასუხისმგებლობისგან გაათავისუფლო. ბევრს, ძველი კავშირების გამო, ახალ პრემიერთან ურთიერთობის გადაწყობაც გაუჭირდა. გუბერნატორების შეცვლის პროცესი კიდევ გაგრძლედება.

- ლაპარაკია,
რომ გუბერნატორების ცვლილებებს მინისტრთა კაბინეტის გადახალისებაც მოყვება.

- მიკვირს, სამთავრობო ცვლილებები ამ დრომდე რატომ არ განხორციელდა, რადგან მმართველობის სისტემური პრობლემები დღითიდღე უფრო მძიმე ფორმებს იღებს. მინისტრები შეეჩვივნენ კომფორტულ მდგომარეობაში ყოფნას და მდგომარეობას, როდესაც არაფერს აფუჭებენ, მაგრამ არც არაფერს აკეთებენ. ეს კი დამღუპველი შედეგის მომტანია, რადგან ქვეყანას სწრაფი რეფორმები ჭირდება. პოლიტიკა მკაცრი საქმეა! კვირიკაშვილს  საკადრო გადაწყვეტილებების მიღებისას მეტი სითამამე მართებს.

რუსუდან შელია (სპეციალურად საიტისთვის)
giga
11 მარტი 2016 16:50
უნამუსოოები ხართ აგულაშვილი აკეთებს მართლა საქმეს და ეხლა რეების უგონებენ თქვენ სიმართლის ადამიანი არ გინდათ საქმეს აკეთებს კანოს იცავს და კიდე რა გინდათ
tata
11 მარტი 2016 16:06
ბატონო პრემიერო ტყიბულსაც მიხედეთ ნუგზარ ყიფიანის და ჩაფიძის კადრებმა დაანაწევრეს ტყიბული . რობიზონამ ანუ გამგებელმა ნაცებით გაავსო მმართველობითი აპარატი (ესეც ყიფიანის კადრია გამგებელი) (ჩაფიძის კადრმა) საკრებულოს თავმჯდომარემ თამაზიმაც იგივე გაიმეორა ნაცების მიმართ ირგვლივ ნაცები დაიყენა ( ძმები ბოჭორიშვილები, მურუსიძეები ოჯახით ,აბესაძეები ოჯახით და სხვები) უვიცების დოღია ტყიბულის მუნიციპალიტეტშიიიიიიიიი:) :) :) ყველაფერს აქ ხომ ვერ დაწერ
სხვა სიახლეები
წერილში, რომელიც ყოფილმა პრემიერ-მინისტრმა, ბიძინა ივანიშვილმა დღეს გამოაქვეყნა და საზოგადოებას მიმართა, "ქართული ოცნების" ხელისუფლებაში მოსვლამდე პერიოდი და განვლილი ოთხი წელიწადი შეაფასა
დაწვრილებით...
"ალბათ, მმართველ გუნდს ეს კონცერტი აქტივში უნდოდა ჩაეწერა, მაგრამ თუნდაც ერთი უკანალის ჩვენებით ამდენი მილიონი უკუღმა შემოუტრიალდა"
დაწვრილებით...
ჩვენი და საერთაშორისო ორგანიზაციების გათვლებით საქართველოს ეკონომიკა 2030 წლისთვის საბოლოოდ გაიმართება წელში,- ამის შესახებ ნათქვამია საქართველოს ყოფილი პრემიერ-მინისტრის, ბიძინა ივანიშვილის ღია წერილში.
დაწვრილებით...
ექსპრემიერმა ბიძინა ივანიშვილმა საზოგადოებას ღია წერილით მიმართა, რომელშიც განვლილი 4 წელიწადი შეაფასა და სამომავლო გეგმებზეც ისაუბრა. მისი თქმით, ის სარაჩვენო პროცესში ჩაბმას გეგმავს, თუმცა ხელისუფლებაში მოსვლას არ აპირებს.
დაწვრილებით...
ექსპრემიერმა ბიძინა ივანიშვილმა საზოგადოებას ღია წერილით მიმართა, რომელშიც განვლილი 4 წელიწადი შეაფასა და სამომავლო გეგმებზეც ისაუბრა. მისი თქმით, ის სარაჩვენო პროცესში ჩაბმას გეგმავს, თუმცა ხელისუფლებაში მოსვლას არ აპირებს.
დაწვრილებით...
საქართველოს ყოფილი პრემიერ-მინისტრი ბიძინა ივანიშვილი ღია წერილს აქვეყნებს
დაწვრილებით...
"26 მაისის ღონისძიებასთან დაკავშირებით მერიამ ხელშეკრულება ტენდერში დამარცხებულ კომპანიას გაუფორმა"

"როდესაც მერიაში­ არსებულ კორუფციულ გარიგებებზე ვლაპარაკობთ, მერია არასდროს გვეთანხმება, თუმცა ჩვენს მხილებას შედეგი მოგვიანებით მაინც მოაქვს. მაგალითად, სწორედ ჩვენი განცხადებების შემდეგ დააკავეს ჯოკია ბოდოკია, მოხსნეს სამგორის გამგებელი და ა.შ. ამიტომ, იმედია, ადრე თუ გვიან, 26 მაისის ღონისძიების ორგანიზებასთან დაკავშირებულ მერიის საეჭვო გადაწყვეტილებასაც ადეკვატური პასუხი გაეცემა"
დაწვრილებით...
PRIME
"უკრაინული ვოიაჟი დასასრულს უახლოვდება"
დაწვრილებით...
PRIME
ვასილ მაღლაფერიძე: "კორცხელში "ნაციონალების" გამარჯვება მხოლოდ იმაზე მიანიშნებს, რომ ქვეყანაში დემოკრატია ვითარდება"

ნიკა მელია: "ჩვენ ივანიშვილს რევოლუციას საარჩევნო ურნასთან, ამომრჩევლების დახმარებით მოვუწყობთ"
დაწვრილებით...
PRIME
"თუ ნიკა გვარამია "ნაციონალურ მოძრაობას" თავის ჭკუაზე ატარებს, იმაზე უარესად ჰქონიათ საქმე, ვიდრე წარმომედგინა"
დაწვრილებით...
PRIME
იყიდება 2 სართულიანი კერძო სახლი
იყიდება ნაძალადევის რაიონში 2-სართულიანი კერძო
ქირავდება 60 კვ.მ. 2-ოთახიანი,
ფასი 35700! (ვარ მეპატრონე) სასწრაფოდ
მასალების გადაბეჭდვა/რეპროდუცირება აკრძალულია, იხილეთ მასალის გამოყენების პირობები