"სააკაშვილის მიზანია, პრემიერის თანამდებობიდან გაქურდოს უკრაინა"
"სააკაშვილის მიზანია, პრემიერის თანამდებობიდან გაქურდოს უკრაინა"
"სააკაშვილს უკრაინა და უკრაინელი ხალხის მძიმე ეკონომიკური მდგომარეობა კი არ ანაღვლებს, საქართველოში რევანში სწყურია. ის საქართველოში დაბრუნებასა და იმ ადამიანებზე შურისძიებაზე ოცნებობს, რომლებმაც გამოაგდეს"

არის თუ არა უკრაინაში პოლიტიკური კრიზისი და რას ამბობენ რადას წევრები საქართველოს ექსპრეზიდენტ მიხეილ სააკაშვილის პოლიტიკურ პასუხისმგებლობაზე, "კვირის პალიტრასთან" "პეტრო პოროშენკოს ბლოკის" დეპუტატი დმიტრი გოლუბოვი საუბრობს:

- მართალია, არსენ იაცენიუკმა გადადგომის სანაცვლოდ რამდ­ენიმე პირ­ო­ბის შესრულება მოითხოვა, თუმცა ის ჯერჯერობით უკრაინის პრემიერად რჩება. თუ გადადგომა
You must have Flash Player installed in order to see this player.
მაინც გადაწყვიტა, რიგ­გარეშე საპარლამენტო არჩევნების დანიშვნა აუცილებელი გახდება.

- რა როლს ასრულებენ პოლიტიკურ პროცესებში ე.წ. ქართველი "რეფორმატორები"?

- დღეს უკრაინაში პოლიტიკური კრიზისია. მოსახლეობის ეკონომიკ­ური მდგომარეობაც რთულია - ელექტროენერგიასა­ და პროდუქტებზე ფასები გაიზარდა, ეროვნული ვალუტა უფასურდება, რის გამოც ცხოვრება ყოველდღიურად უარესდება. ბუნებრივია, ხელისუფლების რეიტინგიც იკლებს, თუმცა
სააკაშვილს უკრაინელი ხალხის ბედი ნაკლებად აღელვებს, მისი აუხდენელი ოცნებაა რიგგარეშე არჩევნები და
უკრაინის პრემიერობა.­

- მიხეილ სააკაშვილი უკრაინაში ცალკე­ პარტიას ქმნის, თუ უკრაინის პრეზიდენტის პარტიაში ოფიციალურად გაწევრდება?
- როგორც ვიცი, ცალკე პარტიაზეა საუბარი. მას რეალურად აქვს უკრაინის არჩევნებში მონაწილეობის შანსი, საზოგადოება დაიღალა პრობლემებით, მაგრამ სააკაშვილის რეფორმატორობისა პოლიტიკურ სპექტრს ნაკლებად სწამს. კარგად ვიცით, სააკაშვილი როგორ აწამებდა და ხოცავდა ადამიანებს საქართველოში, დიდი ალბათობით, ანალოგიური პოლიტიკის გამტარებელი იქნება უკრაინაშიც. უკრაინაში მას ნაკლებად იცნობენ, თუმცა­ ოდესის ოლქში უკვე კარგად გაიცნეს.
ოდესაში, სადაც სააკაშვილი თითქმის ერთი წელია მუშაობს, ეკონომიკური მდგომარეობა არ გაუ­მჯობესებულა და გუბერნატორის მიერ დაპირებული სამოთხეც არსად ჩანს. ის მხოლოდ ტელევიზიებში ჩნდება, მთელი უკრაინა შემოიარა და ტყუილებით ცდილობს რეიტინგის გაზრდას.

- საქართველოში გავრცელდა ინფორმაცია, რომ პრეზიდენტი პოროშენკო ოდესის გუბე­რნატორის თანამდებობიდან სააკაშვილის გათავისუფლებას გეგმავს.
- სააკაშვილს ოპოზიციაში წასვლა აუცილებლად მოუწევს. არ გამოვრიცხავ, ეს მის გეგმაშიც შედიოდეს და როგორც თითქოს დამოუკიდებელმა ძალამ, პრემიერობისთვის ოპოზიციიდან იბრძოლოს. მისი მიზანია პრემიერის თანამდებობიდან­ გაქურდოს უკრაინა. პოროშენკო სააკაშვ­ილს თავის მთავარ შეცდომად მიიჩნევს,­ უბრალოდ, ამაზე საჯაროდ არ ლაპარაკობს.­

- როგორც ითქვა, სააკაშ­ვილს ამერიკელი პარტნიორები უმაგრებენ ზურგს...
- ოფიციალური ვაშინგტონი კარგად­ იცნობს მას და ზურგს მხოლოდ ერთი ჯგუფი უმაგრებს, რომელსაც უკრაინის ქონებაზე უჭირავს თვალი. მაგალითად, ოდესის ოლქში მიხეილ სააკაშვილს პორტისა და კიდევ რამდენიმე მსხვილი კორპორაციის ხელში ჩაგდება უნდა... ცოტა ხნის წინ ოდესაში სააკაშვილის წინააღ­მდეგ ხელმოწერების შეგროვება დავიწყეთ. 45 ათასმა კაცმა უკვე მოაწერა ხელი, დარწმუნებული ვარ, ხელმომწერთა რაოდენობა ასი ათასს გადააჭარბებს.­ მალე ოდესიდან გია ლორთქიფანიძესა და დავით საყვარელიძესაც გააგდებენ.

- რამდენად დიდია ალბათობა, უკრაინაში რიგგარეშე საპარლამენტო არჩევნები დაინ­იშნოს?
- არ გამოვრიცხავ, არჩევნები შემოდგომისთვის დაინიშნოს, მაგრამ ეს კეთილგონიერი გადაწყვეტილება არ იქნება... არჩევნების დანიშვნის შემთხვევაშიც, უკრაინის ხელში ჩასაგდებად სააკაშვილის გეგმა ჩაფლავდება. მას უკრაინა და უკრაინელი ხალხის მძიმე ეკონომიკური მდგომარეობა კი არ ანაღვლებს, საქართველოში რევანში სწყურია. ის საქართველოში დაბრუნებასა და იმ ადამიანებზე შურისძიებაზე ოცნებობს, რომლებმაც გამოაგდეს.

რუსუდან შელია
მკითხველის კომენტარი (25)
სსს 21
03 აპრილი 2016 18:27
ფერმის ღორი არ იკადრებს იმას, ეს რომ იკადრებს...
manjavidze
03 აპრილი 2016 02:06
ცოფებს რომ ჰყრის და თითი მუქარით აუშვერია
მოიდა რუსის ფიფრინავი მიხოოოო

გაასწარ

ზემოდან საყვარელძე დაგეცემა ამბრაზურასავით
კოლხი
02 აპრილი 2016 17:24
ვინა ბატონო,მიშაა???
აბა როგორ გეკადრებათ!
მიშაზე სუფთა პოლიტიკოსი მსოფლიოში და საერთოდ,გალაქტიკაში არ არსებობს! :)
აგე,ხომ თქვა,ჩემი სანდრა სხვენში ცხოვრობსოოო,მე მეგობრები მიკრებენ ფულს,თორემ აბა როგორ,საიდან მექნება თვითმფრინავის პირველი კლასის ბილეთის ფულიო,როცა საქართველოშიც სულ გაღლეტილი მინისტები მყავდა და მე კიდევ მათზე უარესი გაღლეტილი ვიყავიოოო.
ბევრი ეძებს ჩემი მილიონები ქოცებმა,მაგრამ ერთი ქაშმირის პალტოსი და ერთიც მზიაბაბოს ნაქონი ლურჯი ჟიგულის მეტი,ვერაფერი მიპოვნესო.
ყვარელშიც,სულ მაჩუქეს იქაურმა გლეხებმა,რაცა მაქვს,ერთი თეთრიც არ გადამიხდიაო,მიშამა. მაააშ!
ხოოოდა,იმას მოგახსენებდით რომა, დავაბრუნოთ მიშიკო და მისი ანგელოზი მინისტრები საქართველოში,მივცეთ გზა და ასპარეზი საქართველოს აყვავებისა,თორემ მარტო აღმაშენებელზე დაწანწალებს თითოოროლა თურქი და ირანელი!
მოგვეჭრა ბატონო თავი მსოფლიოს მასშტაბით,მოგვეჭრა!
ჩინელებიც ცოტა შემოყარა მიშიკომ.რა ქნას,კეთილია და არც ნიგერიელი ბომჟები გაუბრუნებია აეროპორტიდან უკან.პირიქით,იქვე ახვედრებდა ქართულ პასპორტებს!
ხოდა,გაუმარჯოს ყოფილ საქართველოს, მიშიკოს და მისი მინისტრების თამადობით!
რა ქნას აბა,იცის,რომ ქართველი მაგათ ხმას აღარ მისცემს და...
დაგვეჩაგრა ბიჭი,დაგვეჩაგრა! :(
dea
01 აპრილი 2016 10:51
მიშას სიკეთეებს,რომ ჩამოარაკრაკებთ დანარჩენიც,რომ მიაწეროთ არააა.
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.
1 1
რუბრიკის სხვა სიახლეები
24-04-2017
გაზეთის სტატია. მიიღეთ წვდომა
24-04-2017
გაზეთის სტატია. მიიღეთ წვდომა