"პატრიოტთა ალიანსი" - 268 500 ლარი, "ქართული ოცნება" - 149 020 - რომელმა პარტიამ მიიღო ყველაზე მეტი შემოწირულობა - კვირის პალიტრა

პარტიების ფინანსური საქმიანობის მონიტორინგის სამსახურის ინფორმაციით, 2016 წლის აპრილში პოლიტიკურმა პარტიებმა შემოწირულების სახით, ჯამში, 604 747 ლარი მიიღეს.

მათივე ცნობით, გასულ თვეში ყველაზე მეტი შემოწირულება - 268 500 ლარი ”საქართველოს პარტრიოტთა ალიანსს” ერიცხება.

შემოწირულების კუთხით, 149 020 ლარით მეორე ადგილი უჭირავს ”ქართულ ოცნება - დემოკრატიულ საქართველოს”, მესამე კი - 124 000 ლარით ახალ პოლიტიკურ ცენტრ ”გირჩს”.

სხვა პარტიების მაჩვენებელი ასე გამოიყურება: ”გაერთიანება ბედნიერი საქართველოსთვის” – 46 939 ლარი, ”საქართველოს ქრისტიან-კონსერვატიული პარტია” – 9 000 ლარი, ”საქართველოს მშვიდობისთვის” – 3 173 ლარი, ”თავისუფალი საქართველო” – 1 364 ლარი, ”საქართველოს რესპუბლიკური პარტია” – 1 131 ლარი, ”ერთიანი ნაციონალური მოძრაობა” – 900 ლარი, ”დემოკრატიული მოძრაობა - ერთიანი საქართველო” – 600 ლარი და ”საქართველოს კონსერვატიული პარტია” – 120 ლარი.

"ინტერპრესნიუსი"